Ẹtore 20:3 - IWE ỌNỊNỊ

³ Ô ne e ngụ ịnị ọbọbọ ọnọọ, di o chire e, dị ọ sị ịsa vá a nị, ka asị o kuku re oze vene anẹhẹ nịnị pooro dị ịrayị akahị ọnọọ ọ̀ gụ nị. Ịrayị ọnọọ ọ̀ọ sị gụ, â nyị ka à hụrẹ ẹ ụvọ yị ụmẹ chee.

Ẹtore 20:3 ပူးပေါင်းရင်းမြစ်များ

Ahẹ Ụgama 90:4

Ịrayị akahị ini eyi awụ vị ana sị mẹẹ ẹkụhị ọnya avọọ, mị ka vị ọ sị mẹẹ anka ẹẹrị nị.

Ịdanịyẹrị 6:17

Dị ẹnịnị zịna ịrẹta ọbanyị dị ẹ sị gu ụsị ọnọọ irenu nị. Dị ohinọyị ọnịrị ẹnị ọdọvịdị ẹkụra na mẹ apọtẹrẹwa ẹnịnị tụ ịnị ịrẹta ọnọọ agụvị asị a nyị ọza ana nọ ịzọọ na mẹ ịsọnyị-ịsọnyị hi Ịdanịyẹrị nị.

Imatiwu 24:24

Agụvị ka onireche nịnị ana ka ẹnị vị ikirisiti, ọnịrị ọnịsẹ ireche nịnị vaa kwẹẹtẹ, dị ẹyaa mẹ̀ ụkọrọ ohyozirenu ẹbanyị-ẹbanyị, agụvị ẹ̀ nyẹngụ si vene aza oni Ohomorihi sị nyị, ẹ̀ẹ zụ mẹ̀ ẹ.

Imatiwu 27:66

Dị ẹ na, dị ẹ sị apọtẹrẹwa tụ́ ịnị ịrẹta ọnọọ ka asa a nyị ọza ana kanyị ọọ nị. Dị ẹ nyị oserẹtẹ tụ́ ịzọọ ka òo sere e nị.

Ịmaakị 4:15

Aza ẹnẹnị vị ana yà anka ihu enee mi tụ́ ụtọ oze; aza ẹnẹnị mẹ̀ yị wụ́ ịrẹyị Ohomorihi kẹnẹ, di Echu wụsẹ vẹ, dị ọ sị ịrẹyị enee mi tụ́ ịnị ayị ẹnịnị hụụ ịzọọ nị.

Iruuku 8:31

Dị ụhwẹ echu ẹnẹẹ dá ịpẹ yị Ijeesu ka asị ọ dụ ẹnị na ngụ ini ẹkụra nị.

2 Anịkọrịntị 11:3

Angwa ee hí mi ka, asị a na vara wụ nịnị ayị, anka ẹwụ ọnọọ mẹ̀ sị ọbọ vene Iivi ịyẹẹyẹ avọọ. Dị ụ kụkụ sị va, dị ụ wẹ yị kụkụ sị avaba ayị yị Ikirisiti, ọnị ụ vịdị aa sị ịzẹyịzaa saasa nịnị.

2Ipita 3:8

Ẹwụ nịnị ẹyịnyara amị, ama asị ụ hí ayị ịsa ọnya ọnọnị nịnị ka ini eyi Ohomorihi, ẹkụhị ọnya ọnịrị ịrayị akawụ ẹ́ yị jị ẹngụ nyee. Ọnyọọnya ẹnị ẹyịva vị̀ ini eyi Ohomorihi nị.

Ẹtore 12:9

Dị a dụ uye odivi ọbanyị ọnọọ jịnẹ tụ́ ẹhẹ nị. Ọnị ọ vị ẹwụ ịyẹẹyẹ ọnọọ ana aā hị́ Echu ọnịrị Isitani nị. Oni o vene avaba anẹhẹ nị. Dị a dụ ọọ jịnẹ va ngụ ẹhẹ, dị a rẹ dụ anggẹẹrị anị jịnẹ saasa a nị.

Ẹtore 13:14

Ụkọrọ ohyozirenu ọnọọ nyị ụkata dị ọ maanị aa mẹ éyi uye ọnọọ aanị, ee sii vene aza ene hi ịnị ẹhẹ nị. Dị ọ kà a yị aza ene hi ẹhẹ ka ẹ̀ mẹ ori yị uye ịnị avị ọnọọ anaa sị ụhwọ tụ̀ ụnava, dị ọ yị yàra nị.

Ẹtore 17:2

Ohinọyị anẹhẹ nịnị e reè pee sẹ̀ ịrẹka; ọ raà mẹ ka anẹhẹ è hú enyi ịrẹkọyịsẹ anị, dị ọ̀ọ mẹrị wa anka eche avọọ.”

Ẹtore 17:8

Uye oni u re avọọ, ọ́ọ vịdị yàra, ama ọyị kụkụ yàra booro aanị. Ọ vaa jịnẹẹ hụụnị ọbọbọọ vẹ, dị ọ nọ ịzị ọ vaa yàa vu ẹtẹ. Aza ene hi ẹhẹ ọnị ọza ọ̀yị chẹrẹ ịrẹha ẹnịnị dị a va yẹ ka aa mẹ ẹhẹẹ tụ́ iwe aza ana yàra pooro zịna-zịna, èeyee re uye ọnọọ, o vee hí wa irenu. Uye ọnọọ ọ́ọ vịdị yàra, ọyị kụkụ yàra booro aanị, ọ rẹ vanaa sị ẹngụụ tụ́ ẹhẹ.

Ẹtore 20:1

Mê re anggẹẹrị ọnya aanị ene ee chíi hụrẹ ẹbẹẹba vẹ. Ộ nyị ụkọkọrọ ọbọbọ ọnọọ rị ụvọ ọnịrị ẹba ọbanyị ọnya aanị.