Ẹtore 20:2 - IWE ỌNỊNỊ

² Dị ọ za uye odivi, ana vị ẹwụ ịyẹẹyẹ ọnọọ ana vị Echu ọnịrị Isitani, dị ọ za a, dị ọ sụ́ ọọ tịtẹ mẹ ịrayị akahị (1,000) nị.

Ẹtore 20:2 ပူးပေါင်းရင်းမြစ်များ

Oyinyima 3:1

Ịnị avaba uye ịnị avị ọnị Ẹnẹyịmavara Ohomorihi tụ́, ẹ́wụ́ ọ vị ọnọbọ hu kere-kere nị. Ẹkụhị ọnya o vẹ tù ọnẹẹ ọnọọ dị ọ họ̀ ọ ka: Ho, aanị ka ẹ yị nyị ẹtụtụ ọchị ọnị Ohomorihi zẹẹ ka ẹ̀ẹ rị ịnị ẹtụtụ ene hi ini ụbazị ọnọnị aanị?

Oyinyima 3:15

Ohomorihi ka ọnị vaa mẹ ka ẹwụ ọnịrị ọnẹẹ ọnọọ ọ̀ vị ọnịvị ẹngụ. Ọ kà Irima ezi anị ọnịrị irima ezi ẹwụ vị ana vaa vị ọnịvị ẹngụ. Ẹnị vị ana vaa chaka wụ ịrẹsụ, dị ẹwaa dà a ibezyahụ rị.

Ijoovu 1:7

Ẹnẹyịmavara ộ họ̀ Echu ka ịzị ọ hụrẹ aa ve? Dị Echu ka ọnị aa va chii va hịrẹ re ẹtẹ zịịzị nị.

Ayịsaya 24:22

Dị ọ kụ́ wa anka anịnẹngwa avọọ di o ne gu oze hi wa. Ẹnịnị vaa yà ịzọọ kù.

Ayịsaya 27:1

Ịnị ụmẹ ọnọọ, Ẹnẹyịmavara vaa sị ụhwọ anị ana katẹngụ dị ọ sị sị ụya rị aza ọhịmị ẹnẹẹ ana sị mẹẹ anka ẹ́wụ́ odivi avọọ. Aza edivi ẹnẹẹ vị ana sị mẹẹ anka uye odivi ana aā hị́ Ireviyatani anaā jịị kara ẹngụ. Aza ẹnẹẹ ana sị mẹẹ anka ẹwụ odivi anaā yà ini enyi vị ẹnị Ẹnẹyịmavara vaa wụ̀. Ọ yị vaa vayị ẹnịnị vụrụ-vụrụ.

Ezikẹẹrị 47:5

Ịjị ọ vana mọ okuvọ akava rị ẹchẹhị ọsa, enyi ọ́ sị nyịnẹ ana ahịka ọza ẹ́ yị zụ ngụ na jịnẹ ẹ̀ yị vị ọ́ mẹrị ọ.

Imatiwu 19:29

Ọza ọ̀ọ navọ irehi anị, àa vị ẹyịnyara anị anọrụ, àa vị anẹẹ, ọ̀ọ navọ ada anị, àa vị ọnyị anị, ọ̀ọ navọ ose anị, àa vị ezi anị, ọ̀ọ navọ aarẹ tịtẹ agụvị ịrẹha amị, Ohomorihi rẹ vaa sị ịsa ene huna avọọ oze ẹchẹhị-ẹchẹhịị sí ọọ atọ, dị ọza ọnọọ rẹ yàra pooro zịna-zịna.

Imatiwu 8:29

Di e nowu zẹtẹ, dị ẹ ka, “Sẹ jị gẹ ẹyịrị ẹwụ, ẹwụ Ijeesu Ozi Ohomorihi? Ụ wáá vẹ ịzẹnị ka wa va sị ụya rị yị, dị ụmẹ ò ve tù nị?”

Ịmaakị 4:15

Aza ẹnẹnị vị ana yà anka ihu enee mi tụ́ ụtọ oze; aza ẹnẹnị mẹ̀ yị wụ́ ịrẹyị Ohomorihi kẹnẹ, di Echu wụsẹ vẹ, dị ọ sị ịrẹyị enee mi tụ́ ịnị ayị ẹnịnị hụụ ịzọọ nị.

Ịmaakị 5:7

Di o nowu tụ́ ẹba nị, dị ọ ka, “Ijeesu, Ozi Ohomorihi ana ya ẹbẹẹba keekere, sẹ jị gẹ ẹmịrị ẹwụ? Aarịhịnị, mâ sị Ohomorihi dá ịpẹ wụ, asị ụ sị ụya rị mị!”

Ịjọọnụ 12:31

O si tù ụmẹ booro aanị ka à mẹ̀ ọkarẹyị yị anẹhẹ. Booro aanị a vaa dụ ohinọyị ẹhẹ ọnọnịị jịnẹẹ kwooze nị.

Ịjọọnụ 16:11

Ọ rẹ vaa sịị zụ̀ ịsị ẹ vị ọkarẹyị Ohomorihi, agụvị ka Ohomorihi ọ sị ịvị jị yị ohinọyị ẹhẹ ọnọnị da.

Aniroomi 16:20

Ohomorihi anaā sịị ẹngwọọrọ yị, o yi vee kù dị ọ̀ kà Echu ngụ ẹtẹ, dị waa kụ́ ahụụ hi ọọ nịnị. Ẹyịza ọọhẹ Ananyị yị Ijeesu Ikirisiti ọ̀ yà pe avaba awụ nịnị.

Anihiburu 2:14

Ezi anị ẹnẹẹ vị aza rị ẹyị ị́rẹsụ. Agụvị avọọ, Ijeesu ọ́ọ vẹ ẹhẹ dị ọ yà anka ẹnịnị gẹdẹ-gẹdẹ nị, ka oni ò sú, di oni ò du ụkata Echu ha. Echu ọ nyị ụkata isu nị.

1Ipita 5:8

Sị ụvọ za ẹngụ awụ nịnị, dị ụ wa sị eyi pe ẹtẹ nịnị, agụvị ka Echu ana vị ọnịvị awụ nịnị, aa ngwọọ zịịzị anka idu ene ee nowuu zị avọọ, ee sì ọza ọnị ọọ wụụ rị.

2Ipita 2:4

Anggẹẹrị nịnị mẹ̀ mẹ ịvị, Ohomorihi ẹ́ yị sị vayị ẹnịnị. Vị ọ sị wa, dị ọ kụ wa va hi ini ẹkụra ịra nị. Â sị ẹba sụ́ wa tụ́ ịnị ịrahụ ruma-ruma ịzọọ. Ịzọọ ẹ vaa yà pooro nee tù ẹkụhị ọkarẹyị nị.

Ijudi 1:6

Rẹ tamayị anggẹẹrị nịnị ene è yi sị eyi pe udi ana a sị yị wa, ệ hụrẹ ịzị a sị wa tụ́. Ohomorihi ộ sị ẹba tụ́ wa ọnị ọza ọ̀ yị vaa ngwa pooro zịna-zịna, dị ọ sị wa tụ́ ịnị ịrahụ tụ ụvẹtẹ-ụvẹtẹ ka ẹ̀ yà ịzọọ pooro ne tù ẹkụhị ọbanyị ọnọọ oni Ohomorihi vaa mẹ̀ ọkarẹyị ẹhẹ nị.

Ẹtore 12:13

Úye odivi ọnọọ mè re ka a sị ọnị dụ va ngụ ẹhẹ, dị ọ kụkụ aa dụ ọnẹẹ ọnọọ ana ma ozi ọnọrụ ọnọọ nị.

Ẹtore 12:15

Dị ẹwụ ọnọọ ká enyi jịnẹ hụụnị irenu anị anka ọhaara avọọ ka ọ̀ sị ọnẹẹ ọnọnị nị.

Ẹtore 12:17

Dị ayị uye odivi ọnọọ aa dà ọva agụvị ọnẹẹ ọnọọ, dị ọ varẹma ka oni ee nee pe ezi ọnẹẹ ọnọọ kụ̀ ịrẹkụ nị, avaba ezi anị anaa saasa ọda Ohomorihi, dị ẹ rẹ sị ụvọ za ịrẹyị ịzẹyịza oni Ijeesu sị zụ wa.

Ẹtore 12:3

Apọtẹrẹwa ọsa ọ rẹ jịnẹ tụ́ ẹhẹ ẹ́bẹẹba: Â nyị uye odivi ọnya aanị. Ọ́ nyị ịrẹsụ ịhịmba, dị ọ nyị ọpanyị ẹẹwụ, dị ọkẹkẹrẹkụ yà ịnị ịrẹsụ anị ọnya-ọnya nị.

Ẹtore 12:4

Omu anị ô tura achẹta ụzọmị ẹbẹẹba, dị ọ jị wa va nya eteesu nị. Di uye odivi ọnọọ jẹẹ ọvịdị ọnẹẹ ana aa vaa ma ozi aanị, ka ọnị ọ̀ za ozi anị rị, ọ̀ọ ma a kẹnẹ nị.

Ẹtore 12:9

Dị a dụ uye odivi ọbanyị ọnọọ jịnẹ tụ́ ẹhẹ nị. Ọnị ọ vị ẹwụ ịyẹẹyẹ ọnọọ ana aā hị́ Echu ọnịrị Isitani nị. Oni o vene avaba anẹhẹ nị. Dị a dụ ọọ jịnẹ va ngụ ẹhẹ, dị a rẹ dụ anggẹẹrị anị jịnẹ saasa a nị.

Ẹtore 13:2

Uye ịnị avị oni mi re aanị vị ana sị mẹẹ anka ẹzụ avọọ. Dị ọ nyị ụvọ vene ụvọ idu nị. Irenu anị vị ana rẹ sị mẹẹ irenu idu avọọ Di uye odivi ọnọọ sị avaba ụkata anịị yọ nị.

Ẹtore 13:4

Dị ẹyaa hẹkẹ uye odivi ana sị ụkata yị uye ọnọọ nị. Dị ẹ rẹ yaa hẹkẹ uye ịnị avị ọnọọ, dị ẹ ka, “Ẹnẹ yà anka uye ọnọnị? Ene zụ pee kụ̀ ịrẹkụ?”

Ẹtore 20:10

Dị a za Echu ene vene wa, di e ne e ngụ ini adagu ịra ana a sị ohuru tụ́ ịnị anị nị. Ịzọọ uye ịnị avị ọnọọ ọnịrị ọnịsẹ ireche hi nị. Dị aa sị ụyaa rị wa ọọdụ ọnịrị ịrahụ pooro zịna-zịna.

Ẹtore 20:7

Ịjị ịrayị akahị (1,000) ọnọọ ọ̀ọ sị gụ, dị a va ngwara Echu hụụnị ẹngwa anị jịnẹ vẹ.

Ẹtore 9:11

Ẹnịnị ệ nyị ohinọyị ọnya. Ohinọyị ọnọọ ọ vị anggẹẹrị ana sị eyi pe ọbọbọ ọnọọ nị. Ịrẹha anị ịnị ẹkụra Anihiburu ọ rị Abadoni nị. Anẹkụra Igiriki ẹnị vị anaā hị́ ọọ Aporiyọnị (ọnị ọ vị ka odusaha).