Ẹtore 2:7 - IWE ỌNỊNỊ

⁷ Ọza ana àa nyị ụtọ, ọ̀ sị ụtọ pe ịsa ọnị ụhwẹ Ohomorihi aa kà a yị anịragụ Ohomorihi! Ọza ana àa nyị ehuna, mị vaa sị ọdaa yọ ka ọ̀ rị ẹtụtụ ọchị ana aā mẹ ka ọza ọ̀ yàra pooro zịna-zịna, ana yà ịnị Aha Ọyịza ịdị Ohomorihi.

Ẹtore 2:7 ပူးပေါင်းရင်းမြစ်များ

Oyinyima 2:9

Ẹnẹyịmavara Ohomorihi ộ mẹ̀ ka ọchị ozoza-ozoza irenyi-irenyi è nyị hi ịzọọ, dị ẹ̀ẹ tụ́ ẹtụtụ ozoza. Ịnị akakana ụbazị ọnọọ a rẹ nyị ọchị ẹnyị ana jẹẹ ịzọọ. Ọnya vị ọnị ẹtụtụ anịị̄ mẹ ka ọza ọ̀ yàra pooro, dị ẹtụtụ ọsaa mẹ ka eyi ọza ò hweyi tù ịsa ozoza ọnịrị ịsa odivi nị.

Ụhịrẹyị 11:30

Ọnịrẹyịzẹyịza sị mẹ anka ọchị anaa tụ́ ẹtụtụ anị avọọ nị. Ọza ọhịmị vị anaa wụ̀ ọza.

Ụhịrẹyị 13:12

Ịsa ọnị ọza e si ee tura ẹtẹ ayị anị vaa zị nị, ama ọza ene re ịsị ee si vị ọnị ayị anị hine.

Ụhịrẹyị 15:4

Ịrẹyị ana a sị ayị ọza nẹtẹ vị ana a mẹ̀ ẹhẹ rọ ọza ẹngụ ama ireche vi enee du ọza ayị.

Ụhịrẹyị 3:18

Ịrẹyọyẹ vị anaā sị ọza kụ orubo. Ọza ana nyị ọ vaa daa jẹ.

Ezikẹẹrị 28:13

Ịnị ụbazị Ohomorihi ẹtẹ Edẹnị ụ vịdị ra nị. Dị ụ sị ịrẹta ọkatarihi irenyi-irenyi vị ịta ku ẹngụ nị. Ịrẹta ẹnẹẹ aā hị́ isuu, ọmọ, itopazị, iberiri, ikaneriyanị ọnịrị Ijasipa nị. Ẹnyị ẹ rị ịsahwaya, emeradi, ọnịrị Iganẹtị nị. Avaba ẹnya ọvị awụ vị igooru-igooru. Ịhị ana a tụ wụ gẹdẹ-gẹdẹ, a mẹ ẹnya ẹnẹẹ yị wụ nị.

Ezikẹẹrị 31:8

Ẹ́ yị nyị ọchị isida ana yà ịnị ụbazị Ohomorihi ana wụra juwe anị. Ẹ́ yị nyị ọchị ana aā hi ịhwaya à vị ọchị ẹnyẹẹnyị ọsa ana vavọọ há avọ da. Ẹ́ yị nyị ọchị ọnyọọnyị ịnị ụbazị Ohomorihi ana vavọọ zoza da.

Imatiwu 11:15

Ọza ana àa nyị ụtọ ọyịsị wụ́ ịrẹyị, ọ̀ sị ụtọ pe ẹtẹ!

Imatiwu 13:43

Dị ọnịzẹyịza nịnị ẹnị aa zẹtẹ anka ọyị avọọ ịzị Ohomorihi Ada ẹnịnị yà aa mẹ ịjọva. Ọza ana àa nyị ụtọ ọyịsị wụ́ ịrẹyị, ọ̀ sị ụtọ pe ẹtẹ!”

Imatiwu 13:9

Ọza ana àa nyị ụtọ ọyịsị wụ́ ịrẹyị, ọ̀ sị ụtọ pe ẹtẹ!”

Ịmaakị 4:9

Dị Ijeesu ka, “Ọza ana àa nyị ụtọ ọyịsị wụ́ ịrẹyị, ọ̀ sị ụtọ pe ẹtẹ!”

Ịmaakị 7:15

Ẹ yị nyị ịsị ẹ hụrẹ ẹhẹ na ngụ ịnị ịnẹ ọza, ene zụ du ọza ẹngụ. Ama ịsa ana jịnẹ hụụnị ịnẹ ọza vẹ, oni oō du ọza ẹngụ nị.

Ịmaakị 7:16

[Ọza ana àa nyị ụtọ ọyịsị wụ́ ịrẹyị, ọ̀ sị wụ́!”]

Iruuku 23:43

Dị Ijeesu kà a yọ ka, “Ịzẹyịza m maa kà a wụ nị, ajịnị ụ waa yà pe mi ịnị Aha Ọyịza nị.”

Iruuku 8:8

Ihu ẹnyị ệ hụrẹ ne ngụ ịnị ẹtẹ ozoza, dị ẹ chị, dị ẹ hụ, dị ẹ nyị ẹtụtụ ẹchẹhị-ẹchẹhị nị.” Ịjị Ijeesu vavọọ sị ịrẹyị ẹnẹẹ kà, di o nowu kà a ka, “Ọza ana àa nyị ụtọ ọyịsị wụ́ ịrẹyị, ọ̀ sị ụtọ pe ẹtẹ!”

Ịjọọnụ 16:33

Maa kà ịsa ẹnẹnịị wụ nịnị, agụvị dị ẹmịrị ẹwụ nịnị ọ̀ zụ vị ọnya, dị ụ wa nyị ẹngwọọrọ nịnị. Ụ vaa rị ụya nịnị ẹtẹẹtẹrẹ ịnị ẹhẹ, ama ngwara eyi hi nịnị, agụvị ka ma sị ẹbẹẹba ẹhẹ nyị!”

1 Anịkọrịntị 2:10

Ama Ohomorihi ọ raà mẹ ka Ụhwẹ Ọnịnị ọ̀ sị ịsa ẹnẹẹ zụ̀ ẹyị. Agụvị ka Ụhwẹ Ọnịnị vị eneē sì iruvo avaba ịsa, à hị́ ịsa ana nyịnẹ ana ahịka Ohomorihi kẹnẹ ọ yẹ nị.

2 Anịkọrịntị 12:4

Ịzọọ ộ wụ́ ịrẹyị ọnị ọza ẹ̀ yị zụ kà. Ọza ọ yị hyakụ nyayịnẹ sị irenu kà ịrẹyị ọnọọ.

1 Ịjọọnụ 2:13

Ẹwụ nịnị Ada, maa chẹrẹ iwe ọnọnịị tụ́ụ hi wu nịnị agụvị ka wa sị yẹ ọza ọnọọ ana yà ịzọọ dị a va yẹ ka aa mẹ ẹhẹ. Mị raa chẹrẹ iwee tụ́ụ hi ẹwụ nịnị ezwọọmụha agụvị ka wa sị echu huna nịnị.

Ẹtore 13:9

Ọza ana àa nyị ụtọ ọyịsị wụ́ ịrẹyị, ọ̀ sị ụtọ pe ẹtẹ.

Ẹtore 14:13

Dị mị wụ́ ọngwẹ hụrẹ ẹbẹẹba vẹ, dị ọ kà a mị ka, “Chẹrẹẹ ka aza ene èe sú agụvị Ananyị yị hụrẹ ọyaanị na, vaa daa jẹ! Dị Ụhwẹ Ọnịnị tụ́ ohi ka avọọ yịị yọ nị; ẹnịnị vaa tụ́ ụhwọ́ ịnị ụkọrọ ẹnịnị. Ẹyaa dọ ọgụ ụkọrọ ẹnịnị.”

Ẹtore 15:2

Mê re ịsa ẹnyị aanị anka enyi ana sị mẹẹ anka ore avọọ, dị a sị ịra vá hura a nị. Me re re aza ana sị uye ịnị avị ọnọọ ọnịrị ori anị huna beri ịnọmba ịrẹha anị. Ẹnịnị jẹẹ ụtọ oku ene enyi anị sị mẹẹ anka ore avọọ, dị ẹ sị igita oni Ohomorihi sị yị wa rị ụvọ nị.

Ẹtore 2:11

Ọza ana àa nyị ụtọ, ọ̀ sị ụtọ pe ịrẹyị ọnị Ụhwẹ Ohomorihi aa kà a yị anịragụ Ohomorihi! Ọza ana àa nyị ehuna, e mē vene sú ụpẹ ọhụva.”

Ẹtore 2:17

Ọza ana àa nyị ụtọ, ọ̀ sị ụtọ pe ịrẹyị ọnị Ụhwẹ Ohomorihi aa kà a yị anịragụ Ohomorihi! Ọza ana àa nyị ehuna, ọnị vaa sị ịmana oni Ohomorihi sị tẹ̀, dị ọnị sị yọ ka ọọ rị ọọ. Ọnị rẹ vaa sị ịrẹta ọvwọọvụụ yọ; â chẹrẹ ịrẹha ọwọọwa tụ́ ịnị ịrẹta ọnọọ, ana ahịka ẹ yị nyị ọza ana zụ yẹ ẹ, ẹ̀ yị vị ọza ana nyị ọọ kẹnẹ.

Ẹtore 21:7

Ọza ana àa nyị ehuna, ọnị ọ vaa dọ ịsa ẹnẹnịị hụụnị ụvọ amị nị: Mị vaa vị Ohomorihi anị, dị ọnị vị ozi emi.

Ẹtore 22:14

Aza ana àa nyịna ịta ẹnịnị nị, agụvị à zụ sị oze yị ẹnị ka ẹnị ẹ̀ zụ rị ẹtụtụ ọchị anaā mẹ ka ọza ọ̀ yàra pooro zịna-zịna, dị ẹnị ẹ̀ rẹ zụ zị oze ịnị ẹkụra ọnọọ ngụ eehi, vaa daa jẹ.

Ẹtore 22:17

Ụhwẹ Ohomorihi ọnịrị ose Ozi Atẹmẹ ọnọọ ka: wa vẹ! Ọza ana àa wụ́ ịrẹyị ẹnẹnị, ọ̀ kà a ka: Wa vẹ! Ọza ene enyi àa kụ̀, ọ̀ vẹ! Ọza ene èe sì, ọ̀ va dọ enyi anaā mẹ ka ọza ọ̀ yàra pooro zịna-zịna, di ò hú ọọ ọọhẹ!

Ẹtore 22:2

Enyi ọnọọ vị ene ee sìi vàa tụra ụpatẹsị ịzọọ. Â nyị ọchị ana aa mẹ ka ọza ọ̀ yàra ana jẹẹ akaha irehu ọnọnị eyi ẹnyị, eyi ọsa. Ụpẹ ẹwụrẹva ộ tụ́ ẹtụtụ ịnị ịrayị nị. Ọnị ọ vị ka ụpẹ ọnya-ọnya ộ tụ́ ụhụụhwẹ nị. Avị anị vị ana a sịị mẹ anẹhẹ nịnị ụkụ.