Ẹtore 2:5 - IWE ỌNỊNỊ

⁵ Tamayị ịzị ụ yà nyeeyi nịnị. Ro ịnẹ varẹma, dị ụ waa mẹ ịsị ụụ̄ vịdịị mẹ nịnị! We yi ro ịnẹ varẹma nịnị, m maa vẹ dị mị va sị aha ozotupa awụ nịnị hụrẹ aha anị nị.

Ẹtore 2:5 ပူးပေါင်းရင်းမြစ်များ

Ayịsaya 1:26

Ọ rẹ ka ọnị vaa sị ẹngụ ọmọkarẹyị anịyẹẹyẹ vaa wụ̀ nịnị ne beri ẹngụ onuwọjị ịyẹẹyẹ. Ịjọnọọ a rẹ vanaa hị́ wụ anẹkụra ana aa mẹ ịzẹyịza, dị a ka wâ nyị ayị ọnya.

Ayịsaya 14:12

Ho! Ẹwụ ohinọyị Anibabironi ọnị ịra anị vịdị aa za anka ụzọmị etumeyọnị avọọ, ẹwụ ọnọọ a maanị tụ́ ụvọ hụrẹ ẹbẹẹba va nya ẹtẹ aanị nịị? Ẹwụ ọnọọ wáá yị, ana vịdị maanị mẹ ehuna yị anẹkụra?

Ezikẹẹrị 20:43

Ụ vaa tamayị avaba ịsị ọnị ụ mẹ̀ ọnị ụ sị ngụ ẹngụ awụ nịnị agụ, dị ịhyẹrẹ ẹngụ awụ nịnị aa nyị wụ nịnị, agụvị avaba ịsị odivi ọnị ụ mẹ nịnị.

Ezikẹẹrị 36:31

Ụ vaa tamayị avaba ẹhẹ odivi ọnị ụ vịdị rá nịnị, ọnịrị ebira ene è yị zoza ọnị ụ vịdị mẹ nịnị. Ịrẹyị ẹngụ awụ nịnị vee du wu nịnị eyi agụvị ebira odivi awụ nịnị.

Ihoseya 14:1

Ihoseya kà Anisirẹrị nịnị ẹ ka Ẹnẹyịmavara Ohomorihi ẹnịnị na agụvị ka ịvị ẹnịnị ọ sị wa vanga nya ẹtẹ.

Ihoseya 9:10

Ohomorihi kà ịpaapa ọnị re Isirẹrị, ọ sị mẹ anka ọza oo rere re ẹtụtụ igirepi ọwọọwa ịnị ụnọmị avọọ nị. Ohiku ẹnịnị vị Ọnịrị re anka ẹtụtụ ọchị ihwigi ene vi sọkọ-sọkọ ịnị ụmẹ anị avọọ nị. Ama dị ẹnịnị va ịrẹma anị na sị ẹngụ ẹnịnị chire ori ana a hị́ Ịbaarị-Ịpẹyọ ụvọ nị. Dị ẹ kụkụ aa nyị ọza īhyẹrẹ anka ori ọnị ẹ yaa hẹkẹ nị.

Ịmarakayị 3:4

Ịjọnọọ ayị Ẹnẹyịmavara ve hine tu ịsa ịsọvọ Anijuda ọnịrị Anịjerusarẹmị nịnị anka ọ mẹ vịdị ya ịnị ịyẹẹyẹ nị.

Ịmarakayị 4:6

Ọ kà ọnị va mẹ ka ada ozi ọnịrị ezi ee zee. Ẹ yị vavọọ zee, dị ọnị wụ̀ aza ene hi ịzọọ, dị ọnị du ẹtẹ ọnọọ.

Imatiwu 5:14

Ẹwụ nịnị ọ vị ẹtohweyi yị anẹhẹ nị. Ẹkụra ana yà ịrẹsụ ataba, ọ yị zụ tẹ.

Imatiwu 5:15

Ọza o mē hú ozotupa, dị ọ sị ịchacha kú ọọ; ama ịzị aā sị ozotupaa gẹ, aa sị ọọ gẹ nị. Dị aa sị ẹtohweyi yị avaba aza ana yà ini eehi.

Ịmaakị 12:9

Si u ro ka ọza ana nyị ụbazị ọnọọ vaa mẹ? Vị aa vẹ, dị ọ va wụ̀ aza ẹnẹẹ nị; dị ọ sị ụbazị ọnọọ yị aza ẹnẹsa.

Iruuku 1:17

Ụkata Erija ọnịrị ebira anị ọ vaa nyị nị. Ọnị ọ vaa dọ ọvịdị Ananyị yị nị. Ọ vaa mẹ ka ada ọnịrị ezi è ze. Dị ọ rẹ mẹ ka anakamawụ nịnị ẹ̀ varẹma va zị oze ọnịrẹyịzẹyịza. Dị ọ re tenyi aza ẹngụ tịtẹ yị Ananyị yị.”

Iruuku 20:16

Vị aa vẹ, dị ọ va wụ̀ aza ẹnẹẹ nị, dị ọ sị ụbazị ọnọọ yị aza ẹnẹsa.” Ịjị ẹ maanị wụ́, dị ẹ ka, “Asị Ohomorihi zẹẹ!”

Anigaratiya 5:4

Ẹwụ nịnị ene ee sì ka Ohomorihi ọ̀ hị́ wụ nịnị ọnịrẹyịzẹyịza agụvị ka waa saasa ọda, wa sị há hụụ ịdị Ikirisiti nịnị. Wa raà sị ẹngụ awụ nịnị hụụnị ayamva Ohomorihi.

Anihwiripi 2:15

Wa vavọọ mẹ agụvị asị ụ na nyị ohuvọ, dị ụ wa zụ nị nịnị. Ọnọọ ọ vaa mẹ ka wa zụ vị ezi Ohomorihi ẹnẹ ẹ̀ yị nyị ịsa odivi nị. Ụ mẹ̀ yà ịnị akakana anẹhẹ edivi ana ayị ẹnịnị ẹ̀ yị vọrọ aanị, áa vọrọ ka wa vị ẹtohweyi yị wa tụ́ ịnị ẹhẹ nịnị.

Anihiburu 10:32

Tamayị ịsa ana mẹ nịnị ịyẹẹyẹ, u mè re ẹtohweyi Ohomorihi nịnị ịpaapa! Wa daka yị rị ụya nịnị ẹtẹẹtẹrẹ, ama wa sị sị ẹngụ dọ ọ nịnị.

2Ipita 3:17

Àa vị ẹwụ nịnịị yọ, anda ayị, wa sị ịsa ẹnẹnị yẹ nịnị da. Agụvị avọọ sị eyi pe ẹngụ awụ nịnị! Asị ụ zẹẹ ka aza ẹnẹẹ ẹnẹ ẹ̀yị mā wụ́ ịrẹyị Ohomorihi avọọ, è vene wu nịnị na ngụ ini eyi oyinyee ẹnịnị! Asị ụ rẹ zẹẹ ka ẹ̀ tụ́ wụ nịnị ụvọ hụrẹ aha ọyịza ọnị ụ yà nịnị!

Ijudi 1:24

Ohomorihi ọ nyẹngụ sị eyi pe wu nịnị ka asị ụ hyẹdụ hụụnị oze anị; dị ọ sị́ wụ nịnị va tụ ịdị anị ịnị ụbanyị anị, wẹ́ yị vaa nyị ịvị vụrụ-vụrụ ịzọọ nịnị, dị ayị awụ nịnị ee hine ẹtẹẹtẹrẹ.

Ẹtore 1:20

Ụzọmị ịhịmba ẹnẹẹ oni u re ịnị ụvọrị amị ọnịrị ịzị aā sị ozotupaa tụ́ ịhịmba ana a sị igooru mẹ avọọ, ịsị ẹ jẹẹ yị ana ahịka ọza ọyị yẹ, yị: Ụzọmị ịhịmba ẹnẹẹ ệ jẹẹ yị anggẹẹrị ịhịmba ana sị eyi pe ịragụ Ohomorihi ịhịmba ẹnẹẹ. Ịzị aā sị ozotupaa tụ́ ịhịmba ẹnẹẹ vị ana rẹ jẹẹ yị ịragụ Ohomorihi ịhịmba ẹnẹẹ.”

Ẹtore 16:9

Dị ọyị aa rị aza kẹnẹ nị. Dị aza aa kà ịrẹyị odivii hi Ohomorihi, ana ahịka ọ́ọ nyị ụkata tụ́ ịrẹsụ ụyọrị ẹnẹnị nị. Ẹnịnị eyi ro ịnẹ varẹma, dị ẹ̀ẹ ga Ohomorihi.

Ẹtore 2:16

Ro ịnẹ varẹma nịnị, ka à yị vị avọọ, ọ yị jẹẹ dị ma vẹ ịdị awụ nịnị, dị ma sị ụhwọ ana yà amị irenu beri aza ẹnẹẹ kụ́ ịrẹkụ.

Ẹtore 2:19

Ọ kà Ọnị ộ yẹ ịsị ụ mẹ nịnị; Ọnị ộ yẹ, u meme sì ịrẹyị ọza nịnị. Ọnị ọ rẹ yẹ, ụ mẹmẹ sị ayị tụra ọnị nịnị, ọnịrị ụ mẹmẹ aa gụ́ aza ụvọ nịnị. Ọnị ọ rẹ yẹ, ụ mẹmẹ nyị isuuru nịnị. Ọnị ộ yẹ ka waa mẹẹ huna ọpa ọnị ụ vịdị aa mẹ nịnị.

Ẹtore 2:2

Mâ yẹ ịsị ụụ̄ mẹ; mâ yẹ ụ mẹmẹ mẹ̀ ụkọrọ ẹtẹẹtẹrẹ. Ma rẹ yẹ isuuru ọnị ụ nyị. Mâ yẹ ka wẹ yị dọ ịrẹyị aza edivi. Ma rẹ yẹ ka aza ana ka ẹnị vị ezirẹma Ijeesu, wa raà zama wa re; wa sị yẹ ka onireche ẹ vị nị.

Ẹtore 3:19

Avaba aza oni mi sì ịrẹyị anị vị oni miī tụ́ ohuvọ, dị mị sị ụya rị wa. Agụvị avọọ re ka wáa kụ́ ẹngụ hi ọọ, di u we ro ịnẹ varẹma.