Ẹtore 2:26 - IWE ỌNỊNỊ

²⁶ Ọ kà, Ọza ana àa nyị ehuna, dọ ọ sị ụvọ za ụkọrọ anị ne tù ịrẹsụ nị, ọnị vaa mẹ ka ẹ̀ nyị ọda tụ́ ịrẹsụ anẹhẹ,

Ẹtore 2:26 ပူးပေါင်းရင်းမြစ်များ

Ahẹ Ụgama 2:8

Kà a ka ma sị avaba ẹhẹ yị wụ dị ọ̀ vi ogu awụ, m maa sị yị wụ nị. Dị ahịka ẹwa nyị huu na ngụ ịzị ẹhẹ na ta hi nị.

Ahẹ Ụgama 2:9

Ịjọva ọkatẹngụ ụ vaa mẹẹ tụra wa nị di waa chaka waa vaa ha anka ụnọkọ avọọ.

Ahẹ Ụgama 49:14

Ẹnịnị vi ene vee sú kẹnẹ anka atẹmẹ avọọ Di Iswọọza kụ́ wa aa nọ ini ikuta Ọza ana aa mẹ̀ ebira ana vọrọ ọ vaa nyị ẹbẹẹba ẹnịnị Ịjị eyi ọ̀ọ sị nị̄ nị Aza edivi vị ana vaa vụụ hi ini ikuta. Ẹnịnị ẹ yị kụkụ vaa yà anka ụbanyị ẹnị ẹ vịdị nyị tụ́ ini irehi ẹnịnị ana vịdị vavọọ zoza.

Ịdanịyẹrị 7:18

Ama, Ohomorihi ene hu kere-kere vaa sị ụkataa yị aza anị ẹnẹ ẹ vaa sị mẹ ohinọyị pooro zịna-zịna.

Ịdanịyẹrị 7:22

Dị Ọza ana yara pooro zịna-zịna vẹ, dị ọ mẹ̀ ọkarẹyị yị wa nị, Ohomorihi ene hu kere-kere ộ jị ịhị yị aza nị. Ịjọnọọ dị a va sị ụkata yị aza Ohomorihi ka ẹ sịị mẹ ịjọva nị.

Ịdanịyẹrị 7:27

Ịjọnọọ, Ohomorihi ene hu keekere vaa sị ụkata ọnịrị ụbanyị ọ yị mẹ ịjọvaa chire aza anịị ụvọ. Ẹnịnị vaa mẹ ịjọva pooro zịna-zịna. Avaba ohinọyị ẹkụra nịnị vee ku ẹtẹẹ kụ́ wa, dị ẹ yaa wụ́ụ chire wa.

Imatiwu 10:22

Dị avaba aza aa nyị ịhyẹrẹ awụ nịnị kẹnẹ agụvị amị. Ama ọza ana àa zụ sị ẹngụ dọ ọ pooro ne tù ẹzẹtẹ, ọnị a vaa dọ ọ há nị.

Imatiwu 19:28

Dị Ijeesu kà a yị wa ka, “Ịzẹyịza m maa kà a wụ nịnị nị, ẹwụ nịnị ana aa dụ mịị zị aanị, ịjị àa sị ẹhẹ vara ọwọọwa, dị ẹmị Ozi ọza onigirima sị yaayịtẹ ị́rẹsụ aga ohinọyị amị nị, ẹwụ nịnị rẹ vaa yaayịtẹ ị́rẹsụ aga ohinọyị ẹwụrẹva, dị waa mẹ̀ ọkarẹyị tụ́ ịrẹsụ Anisirẹrị ana vị ịrẹsụ ẹwụrẹva nịnị.

Imatiwu 24:13

Ama ọza ana àa sị ẹngụ dọ ọ pooro ne tù ẹzẹtẹ, ọnị a vaa dọ ọ há nị.

Ịjọọnụ 6:29

Dị Ijeesu kà a yị wa ka, “Ịsa oni Ohomorihi ee sì ka wa mẹ nịnị, yị: Sị ayị tụra ọza ọnị ọ tụ́ vẹ ẹhẹ nịnị!”

Aniroomi 2:7

Aza ẹnyị aa mẹ̀ ebira ozoza. Eyee sì ka Ohomorihi ọ̀ sị ụbanyị yị ẹnị, dị ọ̀ rẹ mẹ ka ẹnị ẹ̀ yàra pooro zịna-zịna. Ẹngụ aza ẹnẹẹ, Ohomorihi vaa mẹ ka ẹ̀ yàra ị́da anị pooro zịna-zịna.

Aniroomi 8:37

Ịnị avaba ịrẹyị ẹnẹnị, ọza ene sì ịrẹyị ayị, aa mẹ ka yaa nyị ẹbẹẹba saka-saka.

1 Anịtẹsaronika 3:5

Mẹ yị kụkụ zụ za ayị; agụvị avọọ mị tụ́ vẹ nị. Mée sì ka ò ve re, ụ mẹmẹ aa yịị sị ayịị tụra Ikirisiti nịnị. Angwa ee hí mi ka Echu ọ sị wụ nịnị zama re, dị ọ mẹ wụ nịnị nyeeyi, dị ụkọrọ ayị na sị vị osusu kẹnẹ.

Anihiburu 3:6

Ama Ikirisiti ọnị vị ozi. Ộ nyị ịzẹyịza tụ́ ini eehi Ada anị. Ẹya vị aza anị ọnọọ nị, yaa nyị ọtụtụrụma, dị ị sị ịrajẹ sị eyi tụ́ ịnị ịsa ọnị yee zi eyi pooro nee tù ẹtẹ nị.

Ijemiisi 2:20

Ịrẹyọyẹ awụ óo weyi oo! Ụ́ wáá ka à rẹ kụkụ kà a wụ ka ọza ọ̀ọ ka ọnị ọ́ọ dọ Ohomorihi wụ́, dị ọ̀ yị sị vị ebira mẹ nị, ka osusu samị-samị ọ vị nị?

1 Ịjọọnụ 2:19

Aza ẹnẹẹ vị ana hụụ ịdị ayị agụvị ka ẹyịrị wa ẹ́ yị vị ọnya. Ẹyịrị wa ọ̀ọ yaanị vị ọnya, ẹnịnị vị ana yaanị yà pe yị. Ama ẹ́ẹ hụụ ịdị ayị agụvị dị ọzọza è ree ka ẹyịrị wa ẹ́ yị vị ọnya.

1 Ịjọọnụ 3:23

Ọda ọnị ọ́ mẹ yị yị: ka ya sị ayị tụra Ijeesu Ikirisiti Ozi anị, di ye re sì ịrẹyị ẹngụ. Ọda anị ọ vị ọnọọ nị.

1 Ịjọọnụ 5:5

Ẹnẹ zụ́ nyị ehuna ịsa edivi ẹhẹ ọnọnị? Ọza ana dọ ka Ijeesu vị Ozi Ohomorihi kẹnẹ yọ nị.

Ẹtore 2:11

Ọza ana àa nyị ụtọ, ọ̀ sị ụtọ pe ịrẹyị ọnị Ụhwẹ Ohomorihi aa kà a yị anịragụ Ohomorihi! Ọza ana àa nyị ehuna, e mē vene sú ụpẹ ọhụva.”

Ẹtore 2:17

Ọza ana àa nyị ụtọ, ọ̀ sị ụtọ pe ịrẹyị ọnị Ụhwẹ Ohomorihi aa kà a yị anịragụ Ohomorihi! Ọza ana àa nyị ehuna, ọnị vaa sị ịmana oni Ohomorihi sị tẹ̀, dị ọnị sị yọ ka ọọ rị ọọ. Ọnị rẹ vaa sị ịrẹta ọvwọọvụụ yọ; â chẹrẹ ịrẹha ọwọọwa tụ́ ịnị ịrẹta ọnọọ, ana ahịka ẹ yị nyị ọza ana zụ yẹ ẹ, ẹ̀ yị vị ọza ana nyị ọọ kẹnẹ.

Ẹtore 2:7

Ọza ana àa nyị ụtọ, ọ̀ sị ụtọ pe ịsa ọnị ụhwẹ Ohomorihi aa kà a yị anịragụ Ohomorihi! Ọza ana àa nyị ehuna, mị vaa sị ọdaa yọ ka ọ̀ rị ẹtụtụ ọchị ana aā mẹ ka ọza ọ̀ yàra pooro zịna-zịna, ana yà ịnị Aha Ọyịza ịdị Ohomorihi.

Ẹtore 20:4

Di mi re aga ohinọyị ẹnyị ọnịrị aza ana yaayịtẹ ịnị anị nị. Â sị ọda yị wa ka ẹ̀ mẹ̀ ọkarẹyị. Me re re ụhwẹ aza ana vịdị jị ịrẹsụ agụvị ka ệ kà ịrẹyị ịzẹyịza oni Ijeesu sị zụ̀ ọnịrị agụvị ịrẹyị Ohomorihi. Ẹnịnị ẹ́ yị rẹ hẹkẹ uye ịnị avị ọnọọ ọnịrị ori anị; ẹnịnị ẹ́ yị rẹ dọ apọtẹrẹwa tụ́ ini ibe ẹnịnị, à vị ịnị ụvọ ẹnịnị. Ẹnịnị ẹ́ sị yára booro aanị, dị ẹnịrị ohinọyị oni Ohomorihi nyị ka ọ̀ dọ yị há dudu mẹ ohinọyị mẹ ịrayị akahị nị.

Ẹtore 21:7

Ọza ana àa nyị ehuna, ọnị ọ vaa dọ ịsa ẹnẹnịị hụụnị ụvọ amị nị: Mị vaa vị Ohomorihi anị, dị ọnị vị ozi emi.

Ẹtore 22:5

Ẹtẹ o yi vee hozi ịzọọ pooro, ẹ yị nyị ịsị ẹ vaa sị ozotupa, à vị ọyịị̄ mẹ. Ohomorihi ọ vaa vị ẹtohweyi yị wa nị. Ẹnịnị vị ana vaa mẹ ohinọyị pooro zịna-zịna.

Ẹtore 3:12

Ọza ana àa nyị ehuna, mị vaa sị ọọ mẹ ohinẹẹ tụ́ ini irehi Ohomorihi amị, ọyị kụkụ vaa hụụ ịzọọ pooro. Mị vaa chẹrẹ ịrẹha Ohomorihi amịị tụ́ ọọ ẹngụ, ọnịrị ịrẹha ẹkụra Ohomorihi amị ana vị Ijerusarẹmị ọwọọwa ana vaa hụrẹ ẹbẹẹba ịda Ohomorihi amịị chíi vẹ. Dị mị rẹ chẹrẹ ịrẹha amị ọwọọwa tụ́ ọọ ẹngụ.

Ẹtore 3:21

Ọza ana àa nyị ehuna, mị vaa sị oze yọ ka ọ̀ yaayịtẹ pe mi ịnị aga ohinọyị amị, anka ẹ́mị mẹ̀ rẹ nyị ehuna, dị mị yaayịtẹ pe Ada amị ịnị aga ohinọyị anị.

Ẹtore 3:5

Ọza ana àa nyị ehuna, a vaa sị ịta ọvụụ chiree. Me yi vee du ịrẹha anịị hụụnị iwe ọnị ịrẹha aza ana yàra pooro zịna-zịna hi. Mị vaa kà a ọ́vịdị Ada amị ọnịrị anggẹẹrị anị ka aza amị ọ vị nị.