Ẹtore 2:23 - IWE ỌNỊNỊ

²³ Ọnị vaa wụ̀ aza ana aa saasa a, dị avaba anịragụ Ohomorihi ẹ̀ yẹ ka ẹmaa yẹ ariro aza ọnịrị ịsa ana ayị anị sì nị. Mị vaa sị ọgụ ụkọrọ awụ nịnịị yị wụ nịnị.

Ẹtore 2:23 ပူးပေါင်းရင်းမြစ်များ

1 Ịtọpa 17:18

Idevidi ka, sị ọnị kụkụ zụ kà da, ọ ka Ohomorihi ộ yẹ ẹngụ ọza ọnị ọnị vị, ama dị ọ maanị yị sị ụbanyị yị ọnị ozi ahụ anị nị.

1 Ịtọpa 28:9

Ộ kà a yị Isoromọnị ka, ozi emi, ò re ka ọnị ọọ yẹ Ohomorihi ada anị, dị ọọ̀ sị ayị ọnya hẹkẹ ẹ, dị ọ̀ rẹẹ sị ayị anịị mẹ̀ ịsa oni o si. Ọ kà Ohomorihi ộ yẹ ịsị aza ee ro, ọnịrị ịsị eyee sì. Isoromọnị ọ̀ọ ká Ohomorihi na, vi aa dọ ọ nị. Ama ọ̀ọ va ịrẹma ka Ohomorihi, vi aa và ịrẹma anị pooro zịna-zịna nị.

1 Ịtọpa 29:17

Máa yẹ ka ụụ̄ zama ayị avaba azaa re; ayị awụụ̄ hinee tù aza ene ebira ẹnịnị vọrọ. Ịzẹyịza mị sị avaba ịsa ẹnẹnị va wụ nị. Mê re avaba aza awụ ana wara gụ anị mee hine ayị ka ẹnị ệ sị ẹyịza va wụ.

2 Ịtọpa 6:30

Navọ wa wụ́ aduwa ẹnịnị. Be wa atọ ịnị eehi awụ ẹbẹẹba, dị u wa vagu wa. Ẹwụ kẹnẹ ọ yẹ ịsị ẹ vị ariro ọzọza nị. Mẹ̀ ẹhụ ọpa ebira ọzọza hi wa,

Ijoovu 24:23

Ohomorihi ọ zụ sere wa ama ọ nyayịnẹ sị eyi pe wa ụmẹ tụra ụmẹ nị.

Ahẹ Ụgama 139:1

Ẹnẹyịmavara, wa raà zama mi re, wa yẹ mị

Ahẹ Ụgama 26:2

Ẹnẹyịmavara, navọ dị wa zama ebira amị re we re ẹngụ ịrẹyị oni miī ro ịnị ayị amị.

Ahẹ Ụgama 62:12

Ọ kà vi oniī sì ịrẹyị ọza pooro nị, ọ mā vara Ẹwụ Ananyị yị, ẹwaā sị ọgụ ụkọrọ ọzọzaa yọ nị.

Ahẹ Ụgama 7:9

Mâ yẹ ka ẹwụ vị Ohomorihi ana aā mẹ ịrẹyị ana vọrọ. Wâ yẹ ịsa oni yee ro ọnịrị ịsa oni yee sì ịnị ayị ayị. Navọ wa za aza edivi ụvọ chire enyi, dị asị ẹ rẹ kụkụ chamayị. Navọ dị wa sị ahụ aza ana aa mẹ ịzẹyịza jẹẹ.

Ijeremaya 11:20

Dị Ijeremaya ka, ẹwụ Ẹnẹyịmavara Ochẹtẹẹngụ, ẹwụ aa mẹ̀ ọkarẹyị ọ mẹ vọrọ nị. Ẹwụ zama ayị ọza ọnịrị ivehu ọzaa re nị. Ọ̀ na ọ̀ họ̀ oponu ịrẹyị anị ịrẹsụ aza ẹnẹnị dị ọnị ò ree, Ẹnẹyịmavara ọnị sị ịrẹyị anị chire ụvọ nị o.

Ijeremaya 17:10

Ẹnẹyịmavara kà, ọnị ịnyara kẹnẹ ọọ gara ayị ọza, dị ọnị zama a re nị. Ebira ọzọza ọnịrị ịsị ọzọza aa mẹ ọọ́ mẹmẹ yà, avọọ ọnị mẹẹ mẹ ẹ hi wa nị.

Ijeremaya 20:12

Ama Ẹnẹyịmavara Ochẹtẹẹngụ, ẹwụ aa sị ịzẹyịzaa zama azaa re nị. Waa yẹ ịsị ẹ yà ịnị ayị aza, ọ ka, Ẹnẹyịmavara ọ̀ navọ ọnị o re ịjị aa họ̀ oponu ịrẹsụ ọnịvị anị nịnị.

Ịzẹhwanaya 1:11

Ịjị ẹnị ana ra eyi ụvẹtẹ Ijerusarẹmị ẹ̀ẹ maanị aa wụ́ owu, ẹnị ẹ rẹẹ tụ orere, di ee na owu booro-booro agụvị ka avaba osohu ọnịrị aza ene che ẹkẹhị nịnị vee su.

Imatiwu 16:27

Agụvị ka Ozi ọza onigirima vaa vẹ beri anggẹẹrị nịnị ini igirima Ada anị; ịjọnọọ dị ọ sị ọgụ ụkọrọ ọzọza yọ anka ụkọrọ ọzọza.

Iruuku 16:15

Dị Ijeesu kà a yị wa ka, “Ẹwụ nịnị ọọ̄ jị ịhị yị ẹngụ awụ nịnị éyi ọza nị. Ama Ohomorihi ộ yẹ ayị awụ nịnị. Ịsị aza ro ka ịsa ẹtẹẹtẹrẹ ọ vị nị, ịsa kẹnẹ-kẹnẹ ọ vị ini eyi Ohomorihi nị.

Ịjọọnụ 21:17

Dị Ijeesu rẹ họ̀ ọ ụpẹ ọhụta ka, “Ịsayịmọnị, ozi Ijona, wéé sì ịrẹyị amị?” Ayị Ipita o si du, agụvị ka Ijeesu ọ rẹ họ̀ ọ ụpẹ ọhụta ka óó sì ịrẹyị anị. Dị Ipita kụkụ kà a yọ ka, “Ananyị yị, wâ yẹ avaba ịsa, wa rẹ yẹ ka mê sì ịrẹyị awụ.” Dị Ijeesu rẹ kà a yọ ka, “Waa tẹsị ezi atẹmẹ amị!

Ịjọọnụ 4:16

Dị Ijeesu kà a yọ ka, “Na hị́ ọva awụ vẹ ịzẹnị!”

Odeyi 1:24

Dị odeyi nịnị mẹ̀ aduwa dị ẹ ka, “Ananyị yị, wâ yẹ ayị avaba aza. Agụvị avọọ sị zụ̀ yị ọza ọnị ụ wàa nyị ịnị ẹnị ẹyịva ẹnẹnị

Aniroomi 14:12

Agụvị avọọ, avaba ayị vaa kà enube ẹngụ ayị ọ́vịdị Ohomorihi.

Aniroomi 8:27

Ohomorihi anaā zama ayị avaba azaa re, ọ rẹ yẹ ịsị ẹ yà ịnị ayị Ụhwẹ Anị, agụvị ka Ụhwẹ Ohomorihi aa dá ịpẹẹ yị Ohomorihi agụvị aza Ohomorihi, anka Óhomorihi mè sì ọ.

2 Anịkọrịntị 5:10

agụvị ka ẹ yị zụ nyị ka avaba ayị ọ yị vaa nọ ọvịdị Ikirisiti, dị ọ̀ mẹ̀ ọkarẹyị yị. Ọzọza vaa dọ ọgụ ịsa ọnị ọ mẹ, ọ mẹ̀ yà ịnị ẹhẹ ọnọnị; ọ̀ọ vị ọyịza, ọ̀ọ vị odivi.

Anigaratiya 6:5

Ọzọza ọnị ụvọta ọ vaa kà enube ẹngụ anị nị.

Iwe Ọhụhị Imosiisi ana aa hị́ Ọyịvatụrọda 13:11

Ịjọnọọ avaba Anisirẹrị vaa wụ́ ịsa ana mẹ̀; dị angwa vee hi wa, dị ẹ yị nyị ọza ana nyayịnẹ mẹ ẹngụ ebira odivi ọnọọ.

Iwe Ọhụhị Imosiisi ana aa hị́ Ọyịvatụrọda 17:13

Ọza tụra ọza ana àa wụ́ ọkarẹyị ebira odivi vee hí angwa, dị ẹ yị nyayịnẹ mẹ ịrẹyị ọhịmị.

Iwe Ọhụhị Imosiisi ana aa hị́ Ọyịvatụrọda 19:20

Aza ana vọ vaa wụ́ dị angwa hi wa, dị a sị ebira ọhịmị ọnọnị ba ẹtẹ chire.

Iwe Ọhụhị Imosiisi ana aa hị́ Ọyịvatụrọda 21:21

Ọ̀ọ maanị sị ọ ka, avaba anẹkụra ọnọọ ẹ̀ sị ịrẹta-ịrẹta wụ ọ. Avọọ ụ mẹ̀ vaa mẹẹ kụ́ ebira odivi hụrẹ ẹtẹ hụụnị akakana awụ nịnị. Avaba Anisirẹrị nịnị vaa wụ́ ọ, dị angwa hí wa.

Anihiburu 4:13

Ẹ yị nyị ịsị ẹ zụ tẹ̀ yị Ohomorihi. Avaba ịsa vị ana maanị yà ịnị ahwaahụ chapaa ini eyi Ohomorihi ọnị vaa jẹẹ ọvịdị anịị kà enube.

1Ipita 1:17

Wàa mẹ̀ aduwa nịnị, ụụ̄ hị́ Ohomorihi: Nda, nịnị. Ohomorihi àaa mẹ̀ ọkarẹyị aza anka ịsị ẹ mẹ, ọ mā mẹ irikichi; agụvị avọọ, nyị angwahi Ohomorihi ịnị avaba ịsa ọnị ụ waa mẹ nịnị, ụ mẹ̀ vị ọzọga hi ẹhẹ nịnị booro aanị.

Ẹtore 2:11

Ọza ana àa nyị ụtọ, ọ̀ sị ụtọ pe ịrẹyị ọnị Ụhwẹ Ohomorihi aa kà a yị anịragụ Ohomorihi! Ọza ana àa nyị ehuna, e mē vene sú ụpẹ ọhụva.”

Ẹtore 2:7

Ọza ana àa nyị ụtọ, ọ̀ sị ụtọ pe ịsa ọnị ụhwẹ Ohomorihi aa kà a yị anịragụ Ohomorihi! Ọza ana àa nyị ehuna, mị vaa sị ọdaa yọ ka ọ̀ rị ẹtụtụ ọchị ana aā mẹ ka ọza ọ̀ yàra pooro zịna-zịna, ana yà ịnị Aha Ọyịza ịdị Ohomorihi.

Ẹtore 20:12

Di mi re oku nịnị nị, ezweyi ọnịrị azọkụ, dị ẹ jẹẹ ọvịdị Ohomorihi nị. Áa hụ̀ iwe ẹnyị, dị a rẹ hụ̀ iwe ọsa nị, ana vị iwe aza ana yàra pooro zịna-zịna. Dị a hị́ ka ịsa anaa chẹrẹ tụ́ ini iwe ọnọọ, aa sịị mẹ̀ ọkarẹyị oku nịnị nị anka ịsa ọnị ọzọza mẹ.

Ẹtore 20:13

Dị òkū kụ́ oku ene sú hi ịnị anị vẹ nị. Di iswọọza ọnịrị eku ẹnị rẹ hụrẹ oku ẹnịnị ụvọ nị. Dị a mẹ̀ ọkarẹyị yị ọzọza anka ịsa ọnị ọ mẹ nị.

Ẹtore 22:12

Di Ijeesu ka, Re, ọnị aa vẹ ịsọọnị-ịsọọnị. Ọgụ anị yàrị ọnị ka ọnị ọ̀ va sị yị ọzọza, anka ụkọrọ ọzọza mẹ̀ yà.

Ẹtore 6:8

Dị mị kana eyi, di mi re umaata ọnya ana achẹrẹ anị sị mẹẹ anka areyi avọọ nị. Ịrẹha ọza ana tụra a ọ rị Iswọọza nị. Di ẹkụra aa dụ ọ ịrẹma nị. Â sị ọda yị wa tụ́ ịrẹsụ achena anẹhẹ ka ẹ̀ sị ịrẹkụ ọnịrị ụngwẹ beri ụkụ ọnịrị uye edivi ene hi ẹhẹ, dị ẹ̀ sị wụ̀ wa nị.

1 Ịsamụwẹrị 16:7

Dị Ẹnẹyịmavara va hị́ Ịsamụwẹrị dị ọ ka asị ụ re eyi ịrẹsụ anị ọnịrị ọ mẹmẹ hụ, agụvị ka ẹ yị vị avọọ ọnị mẹẹ̄ nyị ọza rị ohinọyị. Ọ kà a yị vị ọza mèe re ẹtẹ ọnịị̄ re ẹtẹ. Ọ kà ọza vi ene eē re ẹhẹẹhẹ, ama ọnị Ẹnẹyịmavara vi ene eē re ayị ọza.