Ẹtore 2:22 - IWE ỌNỊNỊ

²² Ọ kà, Ọnị vaa za a tụ́ aha ọyịsụ ịzị ọnịrị aza ọnị ọnịrị aa sẹ̀ ịrẹka, vaa yaa rị ụya ẹtẹẹtẹrẹ, ẹ̀ yị vị o ro ịnẹ varẹma hụụnị ebira ẹnịnị.

Ẹtore 2:22 ပူးပေါင်းရင်းမြစ်များ

Ijeremaya 36:3

Ẹnẹyịmavara kà, ẹyịyara, ịjị avaba Anijuda ẹẹ wụ avaba ụya ọnị ọnị ka ọnị vaa sịị rị wa, ọzọza vaa vàa hụụnị ẹhẹ odivi ẹnịnị. Ịjọnọọ ọnị rẹ vaa vagu avaba ebira odivi ẹnịnị ọnịrị ịvị ẹnẹ ẹ rị yị wa.

Ezikẹẹrị 23:29

Ka ẹnịnị ẹnị é yi re sì ịrẹyị ẹwụ nịnị, avaba ịsị ọnị waa mẹ̀ ụkọrọ anịị vẹ nịnị, vị ọnị ẹ́ vaa kụ. Ẹnịnị vaa tụ wụ ahwaahụ chapaa anka ọsẹrẹka avọọ. Ịrẹkọyịsẹ awụ nịnị ọ kụ ọsọnị tu wu nịnị nị

Ezikẹẹrị 33:11

Ọ kà, ọnị kà a yị wa ka, àa vị ọnị Ẹnẹyịmavara Ananyị yị ọ vị Ohomorihi ana yara nị, ayị anị é yi hine ka ọnị oo ré ka ọnịvị ee sú. Vị ọnị ee sì ka ẹnịnị ẹ̀ hụụnị ebira odivi ẹnịnị, dị ẹ̀ yàra nị. Ẹwụ nịnị Anisirẹrị, hụụnị ebira odivi ọ̀ yị mẹ nịnị. Sị ẹ vẹ dị wee sì ka we su nịnị?

Ịzẹhwanaya 3:7

Ẹnẹyịmavara kà ọnị ô ro kà ịrẹyị ene tù wa aanị vaa zụ wa ịrẹyọyẹ, dị ẹ nyị angwahi anị, dị ẹ wụ́ ịrẹyị ọnị ọnị ọ ka yị wa. Ama dị ahịka ẹnịnị aa da ụvọ tụ ịnị ụvọ ịnị ebira odivi huna avọọ nị.

Iruuku 13:3

Jẹẹ ma kà a wụ nịnị ka ẹ yị vị avọọ. Ama ẹ̀ yị vị ụ ro ịnẹ varẹma nịnị, avọọ ẹwụ nịnị mè re vee vu ẹtẹ nị.

Iruuku 13:5

Jẹẹ ma kà a wụ ka ẹ yị vị avọọ. Ẹ̀ yị vị ụ ro ịnẹ varẹma nịnị, avọọ ẹwụ nịnị mè ree vu ẹtẹ nị.”

2 Anịkọrịntị 12:21

Ọ́ maa navọ, màa na vẹ ịhị ọsa, asị Ohomorihi amị na kà mi chi ini eyi awụ nịnị. Dị maa jị òrèrè agụvị aza ọrụrụ-ọrụrụ ana vịdị mẹ ịvị dị è yi ro ịnẹ varẹma hụụnị ebira ịdọtị ẹnịnị ọnịrị ịrẹkọyịsẹ beri ebira kẹnẹ-kẹnẹ ẹnịnị.

Ẹtore 17:2

Ohinọyị anẹhẹ nịnị e reè pee sẹ̀ ịrẹka; ọ raà mẹ ka anẹhẹ è hú enyi ịrẹkọyịsẹ anị, dị ọ̀ọ mẹrị wa anka eche avọọ.”

Ẹtore 18:3

Ọ raà mẹ ka avaba anẹkụra ẹ dọ ọda ebira ịdọtị ọnị ọọ̄ mẹ̀. Ohinọyị anẹhẹ nịnị e reè pe e sẹ̀ ịrẹka. Agụvị ka ụbanyị anị ẹ mā hụ ọọ, ọ raà mẹ ka osohu anẹhẹ nịnị ẹ̀ vara ọnyẹkẹhị.

Ẹtore 18:9

Ohinọyị anẹhẹ nịnị ene pe e sẹ̀ ịrẹka, di e re dudu aa rị ẹhẹ, vị aa jị òrèrè anị, di eyee nowu agụvị anị, Ịjị èe re areyi anị màa dà, ọ màa rị ịra.

Ẹtore 2:5

Tamayị ịzị ụ yà nyeeyi nịnị. Ro ịnẹ varẹma, dị ụ waa mẹ ịsị ụụ̄ vịdịị mẹ nịnị! We yi ro ịnẹ varẹma nịnị, m maa vẹ dị mị va sị aha ozotupa awụ nịnị hụrẹ aha anị nị.