Ẹtore 2:20 - IWE ỌNỊNỊ

²⁰ Ama â nyị ịsa ọnya ọnị ụ wẹ̀ yị mẹ ẹtẹẹrẹ nịnị: Wâ dọ yị ọnẹẹ ọnọọ ana aā hị́ Ijezebẹrị ana ka ọnịsẹ ọnị vị nị. Ama aa zụ̀ ezi ahụ anị ịsa, ee vene wa naa sẹ̀ ịrẹka, ẹ rẹ yaa rị ịsa ana a sị mẹ̀ ịsọvọ hi ori.

Ẹtore 2:20 ပူးပေါင်းရင်းမြစ်များ

1 Ohinọyị 16:31

Ebira odivi oni Ijerobowami ozi Inebati mẹ̀ hyakụ vi ikiiki ini eyi Ahabị. Ọnị vị ana dà ngụ udivi hụ avọọ, dị ọ na nyị Ijezebẹrị ozi Atibaari ana vi ohinọyị Ịsayịdọnị. Dị ọ kụkụ aa hẹkẹ ori ẹnịnị ana aā hị́ Ịbaarị, di ee kú ẹtẹẹ kụ́ ọ nị.

1 Ohinọyị 17:13

Di Erija rẹ kà a yọ dị ọ ka, “Asị u hí angwa, vẹ, dị wa na mẹ ịsị mị kà. Na sị ịnị anị dị wa sị mẹ Ịbụrẹẹdị chee, dị wa sị ọ va mị da, dị wa va na mẹ̀ ẹ ẹwụrị ozi ewu.

1 Ohinọyị 17:4

Wèe tù ịzọọ di weē hú enyi ini orosi ọnọọ. Mị vaa mẹ ọda yị ọrụ nịnị, dị ẹ̀ẹ sị ịsọyịrị vaa yị wụ ịzọọ”.

2 Ohinọyị 9:22

Ijorami ộ họ̀ Ijehu use ka: ẹngwọọrọ ọọ sị aa vẹ nị? Dị Ijehu ka, “á mẹmẹ zụ nyị ẹngwọọrọ ịrẹma ọnị ọpọchị ọnịrị ori ọnị ọnyị awụ Ijezebẹrị nyima anị yi hi ẹtẹ?”

2 Ohinọyị 9:7

Ọ kà wa wụ̀ ọga awụ, ohinọyị ana vị ozi Ahabị, agụvị ọnị ọ̀ sị ụya rị Ijezebẹrị agụvị ọnụtụ anị ọnịsẹ nịnị ọnị ọ wụ, ọnịrị agụvị ezi ahụ Ẹnẹyịmavara ana vọ ọnị ọ wụ.

Ọyịkụra 34:15

Nyayịnẹ sị eyi pe ẹngụ awụ nịnị. Asị a nyị ịsị ẹwụrị aza ẹnẹẹ ana ra ịnị ẹtẹ ọnọọ na kà tịtẹ nịnị. Ẹwụrị wa ọ̀ọ vavọọ na rị, Ịjị èe si hu aa na hẹkẹ ori ẹnịnị dị ẹ mẹ ịsọvọọ yọ nị, dị ẹ va hị́ wụ nịnị dị ụ naa rị ịsa ịsọvọ ẹnịnị.

Ezikẹẹrị 13:17

Ezikẹẹrị ka Ẹnẹyịmavara ộ kà a yị ọnị ka, ozi-ọza, ọnị ò ré anyẹnẹẹ anda ẹnịnị anaa dà ịrẹyịị kà, ka vị ẹnị aa kà ịsẹ nị. Ọ kà ọnị ò tụ́ wa ohuvọ, dị ọnị ọ̀ kà a yị wa ka.

Odeyi 15:20

Ama à vẹ ya chẹrẹ iwe tụ́ hi wa ka asị ẹ nyị ụvọ tụ́ ịnị ịrẹyị ori, ka ọ va vara wa aza ẹnẹ ẹ̀ yị nị. À rẹ kà a yị wa ka asị ẹ rẹ sẹ̀ ịrẹka, asị ẹ rẹ̀ rẹ rị uye enee sima ọrọkọ wụ. Asị ẹ rẹ rị anya.

Odeyi 15:29

Asị ụ rị ịsa ana a sị mẹ̀ ịsọvọ hi ori nịnị! Asị ụ rị anya nịnị; asị ụ rẹ rị uye enee sima ọrọkọ wụ nịnị! Asị ụ rẹ sẹ̀ ịrẹka nịnị! O vee zoza, wàa sị eyi pe ẹngụ awụ nịnị, dị ụ wẹ̀ yị mẹ̀ ịsa ẹnẹnị nịnị nị. Adịhyọsa nịnị!”

1 Anịkọrịntị 10:28

Ama àa nyị ọza ana va kà a wụ ka vị a sị ịsa ọnọọ mẹ̀ ịsọvọ yị ori nọ; hụụnị anị, asị ụ kụkụ rị ọọ, agụvị ọza ana vavọọ va kà a wụ, ọnịrị agụvị ayị ọza;

Ẹtore 2:14

Ama ịsa chee ọnị ụ wẹ̀ yị mẹ ẹtẹẹrẹ nịnị yị: Aza ẹnyị ịnị awụ nịnị ịzọọ aa saasa ịsị Ịbaraamị vịdị sị zụ̀ aza. Ịbaraamị ộ vịdị sị zụ̀ Ịbarakị ka ọ̀ mẹ ezi Anisirẹrị nịnị mẹ ịvị ini oze ka ộ mẹ̀ ka ẹ̀ rị ịsa ana a sị mẹ̀ ịsọvọ hi ori, dị ẹ̀ rẹẹ sẹ̀ ịrẹka.

Ẹtore 2:4

Ama â nyị ịsa ọnya ọnị ụ wẹ yị mẹ ẹtẹẹrẹ nịnị. We yi kuku sì ịrẹyị amị nịnị anka ịyẹẹyẹ.