Ẹtore 2:2 - IWE ỌNỊNỊ

² Mâ yẹ ịsị ụụ̄ mẹ; mâ yẹ ụ mẹmẹ mẹ̀ ụkọrọ ẹtẹẹtẹrẹ. Ma rẹ yẹ isuuru ọnị ụ nyị. Mâ yẹ ka wẹ yị dọ ịrẹyị aza edivi. Ma rẹ yẹ ka aza ana ka ẹnị vị ezirẹma Ijeesu, wa raà zama wa re; wa sị yẹ ka onireche ẹ vị nị.

Ẹtore 2:2 ပူးပေါင်းရင်းမြစ်များ

Ahẹ Ụgama 1:6

Ẹnẹyịmavara vi ana sị eyi pe ẹhẹ ọza ana aa mẹ̀ ebira ana vọrọ ama ebira aza edivi vị ana vaa mẹ ka ẹ vú ẹtẹ.

Imatiwu 7:23

Dị mị kà a yị wa ka: ‘Mẹ yị vịdị yẹ wụ nịnị; hụrẹ mi eyi nịnị, ẹwụ nịnị enebira kẹnẹ-kẹnẹ!’ ”

Ịjọọnụ 6:6

Ijeesu vị ana vavọọ kà kẹnẹ ka ọnị ọ̀ sị zama Ihwiripi re, agụvị ka ọnị ụvọta ộ yẹ ịsị ọ vaa mẹ.

Anigaratiya 1:7

Ịnị ịzẹyịza, ẹ yị nyị enube ọyịza ọsa vụrụ-vụrụ; ama áa nyị aza ẹnyị ana aa và wụ nịnị zí, eyee sì ka eni è du enube ọyịza Ikirisiti ha.

Anẹhwẹsọsị 4:14

Ịjọnọọ, yẹ yị kụkụ vaa yà anka ezweyi ẹnẹ ẹ̀ yị mā jẹẹ aha ọnya, dị enevene ana aa zụ̀ aza ịsa aa kụ́ waa vaa chíi vaa hịrẹ anka ahị avọọ. Dị ẹyaa sị irikichi ẹnịnịị be aza enee vee vene.

1 Anịtẹsaronika 1:3

Ịị̄ tamayị awụ nịnị pooro ọ́vịdị Ohomorihi Ada ayị, anka ụ mẹmẹ aa sịị zụ̀ ka wáa sị ayị tụraa ini oze ụkọrọ awụ nịnị nị. Ịrẹyị ọza oni u sì raa mẹ ka waa mẹ̀ ụkọrọ nịnị ẹtẹẹtẹrẹ, vị ụ rẹ nyayịnẹ ee zí Ijeesu Ikirisiti Ananyị yị eyi nịnị.

1 Anịtẹsaronika 5:21

Waa zama avaba ịsaa re nịnị, dị ụ wa sị ụvọ za ene zoza nịnị ẹtẹẹtẹrẹ.

2 Itimoti 2:19

Ama yáa yẹ ka ịsị Ohomorihi reè si hi ẹtẹ ẹtẹẹtẹrẹ, ọza o yi kuku zụ zizi ọọ. Â maanị chẹrẹ ẹ tụ́ ọọ ka, “Ananyị yị ộ yẹ aza ana vị aza anị.” A rẹ chẹrẹ ẹ ka, “Ọza ana àa ka ọza Ananyị yị ọ́nị vị nị, ọ̀ sị ụvọ hụụnị ebira odivi.”

Anihiburu 6:10

Ohomorihi ọ ma mẹ irikichi. O yi vee hi ayị ụkọrọ awụ nịnị. O yi re vee hi ayị, u meme sì ịrẹyị aza Ohomorihi, dị ụ waa gụ wa ụvọ nịnị agụvị ịrẹha anị, anka ụ màa yịị mẹ nịnị.

1 Ịjọọnụ 4:1

Ẹwụ nịnị anda ayị, asị ụ dọ avaba aza ana kà a ka ẹnị ẹ́ẹ nyị Ụhwẹ Ọnịnị wụ́. Ama zama wa re, dị ụ wa yẹ ịzẹyịza àa vị Ụhwẹ Ọnịnị Ohomorihi ẹ nyị nị, agụvị ka ọnịsẹ onireche ẹ sị gara hi ẹhẹ.

Ẹtore 2:5

Tamayị ịzị ụ yà nyeeyi nịnị. Ro ịnẹ varẹma, dị ụ waa mẹ ịsị ụụ̄ vịdịị mẹ nịnị! We yi ro ịnẹ varẹma nịnị, m maa vẹ dị mị va sị aha ozotupa awụ nịnị hụrẹ aha anị nị.

Ẹtore 2:6

Ịsị ụ mẹ ẹtẹẹrẹ ịnị anị nịnị yị: Wâ nyị ịhyẹrẹ ịsa ana Aninikorati nịnị aa mẹ, anka ẹ́mị mẹ̀ rẹ nyị ịhyẹrẹ anị.

Ẹtore 2:9

Mâ yẹ ụya ọnị waa rị ọnịrị osiye oni u wee re; ama àa ka à na kà, wá nyị ịsa nịnị. Mâ yẹ ịrẹyị odivi ana aza ana ka ẹnị vị Aniju aa kà. Ama ẹnịnị ẹ yị vị Aniju, ezirẹma Echu ẹ̀ vị nị.

Ẹtore 3:1

Ọza oni mi re ka, “Chẹrẹ iwe tụ́ hi anggẹẹrị ana sị eyi pe ịragụ Ohomorihi ana yà Isaadisi ka: Ọza ana nyị Ụhwẹ Ohomorihi ịhịmba ọnịrị ụzọmị ịhịmba ọ tụ́ ụtụ ọnọnị nị: Ọ kà Ọnị ộ yẹ ịsị ụ mẹ; aza aa kà a ka wâ yàra nịnị, ama oku oyisú ụ vị nịnị nị.”

Ẹtore 3:15

Máa yẹ ịsụ ụ mẹ. Máa yẹ ka wẹ yị ngụra, weyi hunẹnẹ. Àa yẹ we véné hunẹnẹ, àyị vị avọọ ụ ngụra!

Ẹtore 3:8

Máa yẹ ịsụ ụ mẹ. Máa yẹ ka ẹ yị nyị ụkata awụ yà. Wa sị sị ụvọ za ịrẹyị amị, wẹ yị kà a ka wẹ yị yẹ mị. Ma raà na oze hi ẹtẹ wụ, ana ahịka ẹ yị nyị ọza ene zụ gu ọọ.