Ẹtore 2:14 - IWE ỌNỊNỊ

¹⁴ Ama ịsa chee ọnị ụ wẹ̀ yị mẹ ẹtẹẹrẹ nịnị yị: Aza ẹnyị ịnị awụ nịnị ịzọọ aa saasa ịsị Ịbaraamị vịdị sị zụ̀ aza. Ịbaraamị ộ vịdị sị zụ̀ Ịbarakị ka ọ̀ mẹ ezi Anisirẹrị nịnị mẹ ịvị ini oze ka ộ mẹ̀ ka ẹ̀ rị ịsa ana a sị mẹ̀ ịsọvọ hi ori, dị ẹ̀ rẹẹ sẹ̀ ịrẹka.

Ẹtore 2:14 ပူးပေါင်းရင်းမြစ်များ

Ayịsaya 57:14

Ẹnẹyịmavara kà, “jẹẹ aza amị ẹ̀ vàka mị vẹ. Kụ́ ịsị ẹ dọ wa oro hụrẹ oze yị wa. Tụ́ oze yi wa, di u we tenyi oze ọnọọ tịtẹ.”

Ijeremaya 6:21

Ọ kà, agụvị avọọ, ọnị vee zina ịrẹta jị wa ọvịdị ọnị ẹ vaa tụ ahụ ịnị anị dị ẹ sẹ ẹdụ. Ada rị ozi nịnị vee su, avọọ ọta-ọta nịnị ọnịrị aza ana ra gụrị ẹngụ ẹnị me re vee su nị.

Ezikẹẹrị 3:20

Ẹnẹyịmavara kà, ọza ọyịza ọ̀ọ va hụụnị ebira ọyịza anị naa mẹ udivi, dị ọnị kụ́ ẹngụkata tu ọ nị, ọnị Ezikẹẹrị ẹ̀ yị kà a ọnọ, vị ee sù isu ebira odivi anị nị. Ọnị ẹ́ yị vaa tamayị ọyịza ọnị ọ́ vịdị mẹ, ama ọnị Ezikẹẹrị ọnị vaa họ̀ use anị nị.

Ezikẹẹrị 44:12

Ama agụvị ka ẹnịnị ệ kụ Anisirẹrị nịnị na mẹ ori dị ẹ́ mẹ ka ẹnịnị ẹ mẹ̀ ebira odivi nị. Ẹnẹyịmavara Ananyị ụkata hu ka, ọnị ọ sị eku hị́ ka ẹnịnị vaa rị ụya anị.

Ịrịka 24:14

Avọọ ọnị aa nọ eehi, ama ọnị aa ka a ọnọ ịsa ọnị Anisirẹrị nịnị vaa mẹ aza ụhụụhwọ.

Ịrịka 31:16

Ẹnịnị Ịbaraamị tụ́ ịrẹyị ka e vene Anisirẹrị nịnị na hẹkẹ ori ịzị aā hị́ Ịpẹyọ nị. Akamawụ ọnọọ ẹ̀ mẹ̀ hí Ẹnẹyịmavara ana vị isu aza ọrụrụ-ọrụrụ ẹnịnị nị.

Ịrịka 31:8

ọnịrị ohinọyị ẹnịnị ẹẹhị: Evi, Irekemi, Izuri, Ihuri, Ireba. Ịhyọnọọ ẹ rẹẹ̀ wụ́ Ịbaraamị ana vị ozi Ịbẹyọ.

Imatiwu 18:7

Anẹhẹ ẹ sị dà agụvị ịsị ẹẹ̄ mẹ ọzaa mẹ ịvị. Ẹ yị zụ nyị ka ịsị ẹẹ̄ mẹ ọzaa mẹ ịvị, ọyị vẹ; ama ọza ana àa kụ́ ịsa ẹnẹẹ vẹ, ọ sị dà.

Odeyi 15:29

Asị ụ rị ịsa ana a sị mẹ̀ ịsọvọ hi ori nịnị! Asị ụ rị anya nịnị; asị ụ rẹ rị uye enee sima ọrọkọ wụ nịnị! Asị ụ rẹ sẹ̀ ịrẹka nịnị! O vee zoza, wàa sị eyi pe ẹngụ awụ nịnị, dị ụ wẹ̀ yị mẹ̀ ịsa ẹnẹnị nịnị nị. Adịhyọsa nịnị!”

Odeyi 21:25

Ama àa vị ọdọwụ ẹnẹ ẹ̀ yị vị Aniju yọ, ya raà chẹrẹ iwe hi wa. Yâ kà a yị wa ka asị ẹ rị ịsa ana àa sị mẹ̀ ịsọvọ hi ori. Ị ka asị ẹ rị anya ọnịrị uye enee sima ọrọkọ wụ: dị asị ẹ rẹ sẹ̀ ịrẹka.”

Aniroomi 11:9

Idevidi ọnị ọ rẹ vịdị kà a ka, “À kà ka ịzị ẹ yà aa rị ịsa, ọ̀ vara ịrẹpa za wa, ẹnịnị ẹ̀ và angga, dị è sí wa atọ!

Aniroomi 14:13

Asị ị rẹ̀ kụkụ jị ịvị yị ẹngụ! Ịsị a vọrọ ka ya kụkụụ ro ịrẹyị anị, yị: Asị ị mẹ̀ ịsa ọnyọọnyị ana vaa mẹ ka ẹnẹbẹnị ayị ọ̀ hyẹdụ, àa vị ka ọ̀ mẹ ịvị!

Aniroomi 14:21

Ọyị rẹ vọrọ ka ọza ọ̀ uye, à vị ka ò hú eche, àa vị ka ọ̀ mẹ̀ ịsa ọnyọọnyị ana vaa mẹ ka ọhụva anị ọ̀ mẹ ịvị.

Aniroomi 9:32

Sị ẹ vẹ? Agụvị ka ịsa ẹnẹẹ mẹ ọ yị jẹẹ ịrẹsụ ẹdọwụ, ama ị́rẹsụ ụkọrọ ụvọ ẹnịnị ọ jẹẹ nị. Agụvị avọọ ẹnịnị ệ tụ́ ahụ, dị ẹ và angga ịnị ịrẹta ọnọọ anaā mẹ ọzaa tụ́ ahụ nị.

1 Anịkọrịntị 1:23

Ama ẹyị vị ana aa kịị kà enube ọyịza Ijeesu ana a kanyị za ọchị apavahị kẹnẹ. Enube ọyịza ọnọọ vị ana aa mẹ ka Aniju nịnị ẹ̀ và ịrẹma kà a. Ọ rẹ mẹ ka Anigiriki nịnị è ree ka ụra kẹnẹ-kẹnẹ ọ vị nị.

1 Anịkọrịntị 7:2

Ama agụvị ịrẹkọyịsẹ, ọzọza ọ̀ nyị ọnẹẹ anị, dị ọnẹẹ ọzọza ọ̀ va ọnọrụ anị.

Anihiburu 13:4

Ọzọza ọ̀ sị ụbanyị yị oze ana a zịị nyị ọnẹẹ, àa vị ọnọrụ! Ẹvarose è re ka ẹnị ẹ́ẹ nyị ịzẹyịza hi ẹngụ! Aza ana aa mẹ̀ ebira kẹnẹ-kẹnẹ ọnịrị ọsẹrẹka nịnị, Ohomorihi vaa mẹ̀ ọkarẹyị yị wa.

Ijosuwa 24:9

Ịbarakị ozi Izipọ ana vị ohinọyị Animowabi me si ka ọnị ọ kụ ịrẹkụ tu wa, dị ọ hị́ Ịbaraamị ozi Ịbẹyọ ka ọ chi hi wa nị.

1Ipita 2:8

Ịrẹta ọnị ọzaā tụ́ ahụ ịnị anị dị ọ hyẹdụ ọ vị nị. Ệ vavọọ hyẹdụ, agụvị ka ẹnịnị ẹ́ yị dọ ịrẹyị Ohomorihi wụ. Avọọ Óhomorihi mẹ̀ vịdị mẹ eto anị tịtẹ nị.

2Ipita 2:15

Ẹ sị há hụrị oze Ohomorihi, e si nyeeyi. Ẹyaa zị ụsẹ ọnị Ịbaraamị ozi Ịbọsọ zị. Ịbaraamị ô sì ka ọnị ọ̀ mẹ̀ ịsa odivi dị ọnị ọ̀ yị zụ nyị ẹkẹhị kẹnẹ.

Ijudi 1:11

Aza ẹnẹnị ẹ sị da. Ẹyaa mẹ̀ ebira odivi anka Ikeeni. Ẹ raa sị avaba ẹngụ ẹnịnị tụ́ ịnị ịsa odivi ọyị mẹ, agụvị ẹ zụ nyị ẹkẹhị, anka Ịbaraamị ọnị mẹ̀ rẹ mẹ. Ẹnịnị vị anaā kwẹẹtẹ tu ọza ene huna wa, anka Ikora mẹ̀ mẹ, dị o sú ne ta.

Ẹtore 2:20

Ama â nyị ịsa ọnya ọnị ụ wẹ̀ yị mẹ ẹtẹẹrẹ nịnị: Wâ dọ yị ọnẹẹ ọnọọ ana aā hị́ Ijezebẹrị ana ka ọnịsẹ ọnị vị nị. Ama aa zụ̀ ezi ahụ anị ịsa, ee vene wa naa sẹ̀ ịrẹka, ẹ rẹ yaa rị ịsa ana a sị mẹ̀ ịsọvọ hi ori.

Ẹtore 2:4

Ama â nyị ịsa ọnya ọnị ụ wẹ yị mẹ ẹtẹẹrẹ nịnị. We yi kuku sì ịrẹyị amị nịnị anka ịyẹẹyẹ.

Ẹtore 21:8

Ama anangwahi ọnịrị aza ẹnẹ ẹ̀yị vị ọdọwụ, beri aza ana aā mẹ̀ ịsa enyisi, ọnịrị ọwọza nịnị beri ọsẹrẹka nịnị beri ẹnẹbẹ ọnịrị aza anaā hẹkẹ ori, ọnịrị avaba onireche nịnị vaa nyị aha ẹnịnị ini adagu ịra anaa sị ohuru tụ́; ọnọọ ọ vị isu ụpẹ ọhụva nị.”

Ẹtore 22:15

Eyi ẹhẹ ẹ́ngụ aza ẹnẹnị vee hi nị: aza edivi nịnị ọnịrị ẹnẹbẹ nịnị beri ọsẹrẹka nịnị ọnịrị ọwọza nịnị ne beri aza ana aa hẹkẹ ori, ọnịrị aza ene sì ịrẹyị ireche, di e re yee cheeche.