Ẹtore 2:13 - IWE ỌNỊNỊ

¹³ Ọnị ộ yẹ ịzị ụ ra nịnị, ịzọọ Échu sị aga ohinọyị anị yàatụ nị. Wâ nyị ịzẹyịza hi ọnị nịnị; wẹ yị kà ka wẹ yị kụkụ sị ayị tụra ọnị nịnị ịnị ụmẹ ana a daka sị wụ ọnọrụ ana aā hị́ Antipasi, ana a wụ agụvị ka ọ́ nyị ịzẹyịza hi ọnị. Ịzị Echu sị mẹ eehi anị ịdị awụ nịnị a yà wụ ọọ nị.

Ẹtore 2:13 ပူးပေါင်းရင်းမြစ်များ

Imatiwu 10:23

Ịjị àaa sị ụyaa rị wụ nịnị ịnị ẹkụra ọnya, zwe nọ ịnị ẹkụra ọsa nịnị! Dị ma kà a wụ nịnị, wẹ yị va zụụ ngụ avaba ẹkụra Anisirẹrị ta, dị ẹmị Ozi ọza onigirima ọ̀ vavẹ.

Imatiwu 24:9

Ịjọnọọ a vaa za wụ nịnị dị a ka à sị ụya rị wụ nịnị, dị a wụ wụ nịnị. Avaba anẹhẹ vaa nyị ịhyẹrẹ awụ nịnị agụvị amị.

Imatiwu 4:10

Ịjọnọọ dị Ijeesu kà a yọ ka, “Và ị́rẹma amị, ẹwụ Isitani, agụvị ka â chẹrẹẹ ka: ‘Waa va ku ẹtẹẹ yị Ohomorihi Ananyị yị; ọnị ịnyara kẹnẹ ụ rẹ vaa hẹkẹ nị!’ ”

Iruuku 21:17

Dị avaba aza aa nyị ịhyẹrẹ awụ nịnị kẹnẹ agụvị amị.

Odeyi 22:20

A mẹ̀ hyakụ aa wụ Isitivini onivenu awụ, mâ jẹẹ ịzọọ, dị mị sị ụvọ tụ́ ini isu anị nị. Ẹma hyakụ sị eyi pe ịta aza ana aa wụ ọọ nị.’

Odeyi 9:14

Vị ọ hyakụ dọ iwe ọda hụụnị ụvọ ohirẹsụ ẹbanyị irehi Ohomorihi ka ọnị ọ̀ vẹ Ịdamasịkọsị, dị ọnị ọ̀ va sụ́ avaba aza ana àa hị́ ịrẹha awụ orupa nị.”

1 Anịtẹsaronika 5:21

Waa zama avaba ịsaa re nịnị, dị ụ wa sị ụvọ za ene zoza nịnị ẹtẹẹtẹrẹ.

1 Itimoti 5:8

Ọza ẹnẹ ẹ̀yị mā tẹsị aza anị, hu keekere aneehi anị, ọ́ọ sị zụ̀ ka ọyị dọ Ohomorihi wụ́. Ọ́ọ hyakụ kuku divi huna ọza ẹnẹ ẹ̀ yị vị ọdọwụ.

2 Itimoti 1:13

Ịrẹyị ịzẹyịza ọnị mị raà sị zụ̀ wụ, sị ụvọ zaa; ọ̀ vị ịrẹyị ọnị ụ waa saasa. Wa vavọọ mẹ ini oze ọ́yị sị ayị tụra Ijeesu Ikirisiti ọnịrị ịrẹyị anị oyisì.

2 Itimoti 2:12

Yàa yịị sị ẹngụụ dọ ụya, ẹyịrị ọọ rẹ vaa rị ohinọyị. Yàa kà ka yẹ yị yẹẹ, ọnị rẹ vaa kà a ka ọnị ọ yị rẹ yẹ ẹyị.

Anihiburu 10:23

À vẹ ya jẹẹ geri-geri, dị ya sị ụvọ za ịsa ọnị ị ka yáa dọ wụ́! Ohomorihi ana zẹẹ yị ịzẹzẹ, a zụ sị ayị tụra a.

Anihiburu 3:6

Ama Ikirisiti ọnị vị ozi. Ộ nyị ịzẹyịza tụ́ ini eehi Ada anị. Ẹya vị aza anị ọnọọ nị, yaa nyị ọtụtụrụma, dị ị sị ịrajẹ sị eyi tụ́ ịnị ịsa ọnị yee zi eyi pooro nee tù ẹtẹ nị.

Ijemiisi 2:7

Wáá rẹ tamayị ka ẹnị ẹẹ̄ kà ịrẹyị odivii hi ịrẹha Ijeesu ana aa sịị hị́ wụ nịnị nị?

Ẹtore 1:5

Ijeesu Ikirisiti, ana a zụ sị ayị tụra, ọ̀ rẹ mẹ ọyịza wụ nịnị. Ọnị ọ vị ọnịpaapa ana ha hụụnị isu nị, ọnị ọ rẹ vị ohirẹsụ ohinọyị anẹhẹ nị. Ô sì ịrẹyị ayị. Ini oze anya oni o che sẹ́ ẹtẹ o mè sú, ộ nyịna ịvị ayị kwooze.

Ẹtore 11:3

Ohomorihi ka Ọnị vaa tụ́ ọnịsẹ anị ẹẹva, dị ẹ sị ịta arụwẹ kú ẹngụ, dị ẹ kà ịsẹ mẹ ẹkụhị akahị tụra ịrẹka ộ tụra ẹbẹẹta ẹnẹẹ (1,260).

Ẹtore 12:11

Ẹwụ nịnị ẹyịnyara amị e reè huna a ini oze anya Ozi Atẹmẹ ọnọọ ọnịrị ịrẹyị Ohomorihi ẹnẹ ẹyaa dọ ivenuu tụ́. Ệ dọ ka ẹnị ẹ̀ hụ rẹ ẹhẹ ẹnịnị ụvọ dị eni è sú.

Ẹtore 13:2

Uye ịnị avị oni mi re aanị vị ana sị mẹẹ anka ẹzụ avọọ. Dị ọ nyị ụvọ vene ụvọ idu nị. Irenu anị vị ana rẹ sị mẹẹ irenu idu avọọ Di uye odivi ọnọọ sị avaba ụkata anịị yọ nị.

Ẹtore 14:12

Ọsọnị ọ́ọ dọ ka aza Ohomorihi ana sị eyi pe ọda anị, dị ẹ rẹ sị ayị tụra Ijeesu, ẹ̀ẹ sị ẹngụụ dọ ịrẹyị.

Ẹtore 17:14

Ẹnịnị vee pe Ozi Atẹmẹ ọnọọ kụ̀ ịrẹkụ, ama Ozi Atẹmẹ ọnọọ ọnịrị aza ọnị ọ hị́, dị ọ nyị wa dị ẹ rẹ nyị ịzẹyịza hi ọọ, vaa nyị ehuna ẹnịnị, agụvị ka ọnị ọ nyị avaba aza nị; ọnị ọ vị Ohinọyị avaba ohinọyị nịnị nị.”

Ẹtore 17:6

Dị mi re ka, ọnẹẹ ọnọọ mè hú anya aza Ohomorihi ọnịrị anya aza anaa wụ agụvị ka ẹ́ẹ nyị ịzẹyịza hi Ijeesu, dị ọ kụkụ aa mẹrị ọọ nị. M mè ree, óo hí mi irenu ẹtẹẹtẹrẹ.

Ẹtore 2:2

Mâ yẹ ịsị ụụ̄ mẹ; mâ yẹ ụ mẹmẹ mẹ̀ ụkọrọ ẹtẹẹtẹrẹ. Ma rẹ yẹ isuuru ọnị ụ nyị. Mâ yẹ ka wẹ yị dọ ịrẹyị aza edivi. Ma rẹ yẹ ka aza ana ka ẹnị vị ezirẹma Ijeesu, wa raà zama wa re; wa sị yẹ ka onireche ẹ vị nị.

Ẹtore 3:11

Re, maa vẹ ịsọọnị-ịsọọnị. Sị ụvọ za ịsụ wàa nyị ka ọza ẹnẹsa va dọ wụ ọgụ awụ!

Ẹtore 3:3

Tamayị ịsa ana a vịdị sị zụ̀ wụ nịnị, dị ụ rẹ dọ ọ. Sị ụvọ za a nịnị, di u we ro ịnẹ varẹma. Wè yi yee zí nịnị, mị vanaa vẹ kẹnẹ anka oyi avọọ nị, dị ụ wẹ yị yẹ ụmẹ ọnị mee sii vee tù wu nịnị nị.