Ẹtore 2:10 - IWE ỌNỊNỊ

¹⁰ Asị u hí angwa ọnyọọnyị ịnị ụya ọnị ụ waa vaa rị! Re, Echu vaa zama wụ nịnịị re, dị ọ kụ́ aza ẹnyị awụ nịnị ne hi ịnị ẹngwa. Ụ vaa rị ụya nịnịị mẹ̀ ẹkụhị ẹẹwụ. Sị sị ayị yị mị nịnị pooro, wàa daka ee sú nịnị! Mị vaa sị ọgụụ wụ nịnị, ọnị ọ vị ka mị vaa mẹ ka wa yàra nịnị pooro zịna-zịna ị́dị Ohomorihi.

Ẹtore 2:10 ပူးပေါင်းရင်းမြစ်များ

Ahẹ Ụgama 31:23

Ẹwụ nịnị aza Ohomorihi, weē sì ịrẹyị Ẹnẹyịmavara nịnị Ọ yị vaa zẹẹ ka à nyị ịsị ẹ mẹ̀ ọnịzẹyịza ama aza ene ee woo zi vị ọnị ọ vaa sị ụyaa rị anka ọ mẹ̀ vọrọ.

Arụwẹ 3:57

Wậ kà pe mị, ịjị mị hị́ wụ, dị ụ kà a yị mị ka asị mị hí angwa nị.

Ịdanịyẹrị 1:12

Dị ọ ka ọ̀ zama eni re mẹ ẹkụhị ẹẹwụ dị aa chịnẹ avị kẹnẹ yị ẹnị ọyịrị, dị ẹnị ẹ ree hú enyi kẹnẹ nị.

Ịdanịyẹrị 1:14

Ịzẹyịza dị ọza ana ka ọ̀ sị eyi pe wa aanị dọ ooho, dị ọ vavọọ zama wa re ẹkụhị ẹẹwụ nị.

Ihabaku 2:3

Dị ọ ka, ịrẹyị ọnị ọnị aa kà a aanị, ẹ yị vaa mẹ̀ obobooro ọnọọ. Vị ụmẹ ịsa ẹnẹẹ vaa tangwa-tangwa vẹ nị. Agụvị avọọ asị e ha eyi ka ẹ yị vee tụra ẹtẹ. Ee vee re e.

Imatiwu 10:22

Dị avaba aza aa nyị ịhyẹrẹ awụ nịnị kẹnẹ agụvị amị. Ama ọza ana àa zụ sị ẹngụ dọ ọ pooro ne tù ẹzẹtẹ, ọnị a vaa dọ ọ há nị.

Imatiwu 10:28

Asị u hí angwa aza anaā wụ ọchẹngụ ọza kẹnẹ, ama dị ọ̀ yị zụ wụ ụhwẹ anị. Ama wee hí angwa ọza ana ahịka o zụ du ọchẹngụ ọnịrị ụhwẹ ọza ha ini ẹkụra!

Imatiwu 24:13

Ama ọza ana àa sị ẹngụ dọ ọ pooro ne tù ẹzẹtẹ, ọnị a vaa dọ ọ há nị.

Ịmaakị 13:13

Dị avaba aza aa nyị ịhyẹrẹ awụ nịnị kẹnẹ agụvị amị. Ama, ọza ana àa zụ sị ẹngụ dọ ọ pooro ne tù ọdịrẹma, ọnị a vaa dọ ọ há nị.

Ịmaakị 8:35

Ọza tụra ọza ana àa kà a ka ọnị ee tenyi ụhwẹ anịị tẹ, vi ee vú ọọ nị. Ama ọza ene èe hí ayị ẹngụ anị agụvị amị ọnịrị agụvị enube ọyịza, ọnị ụ́hwẹ anị vaa há nị.

Iruuku 21:12

Dị ịsa ẹnẹnị ẹ̀ va mẹ, a vaa za wụ nịnị, dị aa sị ụyaa rị wụ nịnị. A vaa za wụ nịnịị nọ ini irehi Ohomorihi, dị ẹ kụ́ wụ nịnị hi ịnị ẹngwa. A rẹ vaa za wụ nịnịị nọ ịdị ohinọyị ọnịrị ọdọvịdị nịnị agụvị amị.

Ịjọọnụ 12:25

Ọza ene èe sì ịrẹyị ụhwẹ anị, vi ee vú ọọ nị; ama ọza ene èe hí ayị ụhwẹ anị ịnị ẹhẹ ọnọnị, ọnị ụ́hwẹ anị vaa yàra nị, dị ọ yàra ịdị Ohomorihi pooro zịna-zịna.

Ịjọọnụ 13:2

Ijeesu ọnịrị ezirẹma anị vị ana aa rị ịsa oruva. Echu ọ raà sị tụ́ ịnị ayị Ijudasi Isikarịyọtị ozi Ịsayịmọnị ka ọ̀ sị Ijeesu chire ọnịvị anị ụvọ.

Ịjọọnụ 13:27

Íjudasi mẹ̀ yị rị ịsa ọnọọ kẹnẹ, di Echu ngụ ọọ ayị nị. Dị Ijeesu kà a yọ ka, “Ịsị ụ wàaa mẹ, u jintu mẹ̀ ẹ!”

Odeyi 20:24

Mẹ yị za ụhwẹ amị tụ́ ịnị ịsọnyị-ịsọnyị, agụvị dị ma zụ zị ụtụ amị ta, dị ma mẹ̀ ụkọrọ oni Ijeesu Ananyị yị sị mị ka ma mẹ. Ụkọrọ ọnọọ ọ vị ka maa kà enube ọyịza ka Ohomorihiī mẹ ọyịzaa yị ọza.

Odeyi 21:13

Dị Ịpọọrụ ka, “Sụ waa mẹ nịnị aanị, dị waa jị òrèrè nịnị? U wee sì ka we du mi ayị nịnị nịị? Mê tenyi ẹngụ ka à wụ̀ mị Íjerusarẹmị agụvị ịrẹha Ijeesu Ananyị yị, ayị vị ka à sụ́ mi orupa kẹnẹ.”

1 Anịkọrịntị 9:25

Avaba aza eneē zwe echi vị eneē tenyi ẹngụ ẹnịnị ẹtẹẹtẹrẹ ini oze tụra oze. Ẹnịnị vavọọ aa mẹ ka ẹnị ẹ̀ zụ dọ ịsa ọnịpaapa, ana hi ka o vee du. Ama ịsị ẹyị vaa dọ, o mē du.

Anẹhwẹsọsị 2:2

Ịnị ụmẹ ọnọọ, ebira odivi anẹhẹ ụ waa saasa nịnị nị. Waa mẹ̀ ịsa ọnị ọga ụhwẹ echu nịnị ana nyị ụkata hi ẹbẹẹba ẹ̀ẹ kà ka wa mẹ nịnị. Ụhwẹ echu ọnọọ aa yịị mẹ ọda tụra aza ẹnẹ ẹ̀ yị mā wụ́ ịrẹyị Ohomorihi ịrẹsụ nị.

Anẹhwẹsọsị 6:12

Ẹ yị vị ẹyịrị ọzarẹyịrẹsụ aa kụ̀ ịrẹkụ. Ẹyịrị ụhwẹ echu nịnị ana nyị ụkata hi ẹbẹẹba beri ohirẹsụ ẹnịnị ana nyị ụkata hi ịnị ẹhẹ ịrahụ ọnọnị aa kụ̀ ịrẹkụ nị.

Ijemiisi 1:12

Ọza ana àa zama re dị ẹ̀ yị rẹ vaa hyẹdụ nị, ọ vaa daa jẹ; agụvị ka ịjị àa sị ọ zama re, dị ọ jẹẹ geri-geri nị, Ohomorihi vaa sị ẹyịza ọnị o wo oto anị yọ, ana vị ka ọ̀ yàra ịdị anị pooro zịna-zịna. Ohomorihi ka ẹ́ yị zụ nyị ka ọnị ọ́ yị vaa sị ọyịyara ọnọọ yị aza ene èe sì ịrẹyị anị.

1Ipita 5:4

Ijeesu Ikirisiti ọ vị ohirẹsụ aza ana aa tẹsị aza Ohomorihi nị. Ịhị ọ̀ sị ẹngụ zụ̀, ọ vaa sị ẹyịza ana nyị ụbanyị ẹnẹ ẹ̀ yị ma sa yị wụ nịnị.

1Ipita 5:8

Sị ụvọ za ẹngụ awụ nịnị, dị ụ wa sị eyi pe ẹtẹ nịnị, agụvị ka Echu ana vị ọnịvị awụ nịnị, aa ngwọọ zịịzị anka idu ene ee nowuu zị avọọ, ee sì ọza ọnị ọọ wụụ rị.

Ẹtore 13:14

Ụkọrọ ohyozirenu ọnọọ nyị ụkata dị ọ maanị aa mẹ éyi uye ọnọọ aanị, ee sii vene aza ene hi ịnị ẹhẹ nị. Dị ọ kà a yị aza ene hi ẹhẹ ka ẹ̀ mẹ ori yị uye ịnị avị ọnọọ anaa sị ụhwọ tụ̀ ụnava, dị ọ yị yàra nị.

Ẹtore 13:2

Uye ịnị avị oni mi re aanị vị ana sị mẹẹ anka ẹzụ avọọ. Dị ọ nyị ụvọ vene ụvọ idu nị. Irenu anị vị ana rẹ sị mẹẹ irenu idu avọọ Di uye odivi ọnọọ sị avaba ụkata anịị yọ nị.

Ẹtore 13:7

Áa zẹẹ ka ò pe aza Ohomorihi kụ̀ ịrẹkụ, di ò huna wa. A vavọọ sị ụkata yọ ịrẹsụ avaba anẹkụra, aza ana aa kà ẹkụra irenyi-irenyi avaba ẹhẹ.

Ẹtore 17:14

Ẹnịnị vee pe Ozi Atẹmẹ ọnọọ kụ̀ ịrẹkụ, ama Ozi Atẹmẹ ọnọọ ọnịrị aza ọnị ọ hị́, dị ọ nyị wa dị ẹ rẹ nyị ịzẹyịza hi ọọ, vaa nyị ehuna ẹnịnị, agụvị ka ọnị ọ nyị avaba aza nị; ọnị ọ vị Ohinọyị avaba ohinọyị nịnị nị.”

Ẹtore 2:13

Ọnị ộ yẹ ịzị ụ ra nịnị, ịzọọ Échu sị aga ohinọyị anị yàatụ nị. Wâ nyị ịzẹyịza hi ọnị nịnị; wẹ yị kà ka wẹ yị kụkụ sị ayị tụra ọnị nịnị ịnị ụmẹ ana a daka sị wụ ọnọrụ ana aā hị́ Antipasi, ana a wụ agụvị ka ọ́ nyị ịzẹyịza hi ọnị. Ịzị Echu sị mẹ eehi anị ịdị awụ nịnị a yà wụ ọọ nị.

Ẹtore 2:9

Mâ yẹ ụya ọnị waa rị ọnịrị osiye oni u wee re; ama àa ka à na kà, wá nyị ịsa nịnị. Mâ yẹ ịrẹyị odivi ana aza ana ka ẹnị vị Aniju aa kà. Ama ẹnịnị ẹ yị vị Aniju, ezirẹma Echu ẹ̀ vị nị.