Ẹtore 2:1 - IWE ỌNỊNỊ

¹ (Ọza oni mi re ka): Chẹrẹ iwe tụ́ hi anggẹẹrị ana sị eyi pe ịragụ Ohomorihi ana yà Ẹhwẹsọsị ka: Ọza ana kụ́ ụzọmị ịhịmba tụ́ ịnị ụvọ anị dị aa zị ụsẹ ịnị akakana ịzị aā sị ozotupaa tụ́ ịhịmba ana a sị igooru mẹ avọọ, ọ tụ́ mị ụtụ ọnọnị nị:

Ẹtore 2:1 ပူးပေါင်းရင်းမြစ်များ

Ezikẹẹrị 46:10

Ẹnịrị ohinọyị ẹkụra ẹ vaa zịị ngụ eehi, dị ọ rẹ saasa wa na jịnẹ nị.

Imatiwu 18:20

Agụvị ka ịzị aza ẹnị ẹẹva, àa vị ẹẹta kụ́ ẹngụ gụ ịnị ịrẹha amị, mị vaa yà ịnị akakana ẹnịnị.”

Imatiwu 28:20

Sị zụ̀ wa nịnị ka ẹ̀ẹ saasa avaba ịsa ọnị mị mẹ ọda anịị wụ nịnị! Tamayị, mị vaa yàa pe wu nịnị ịnị avaba ụmẹ pooro ne tù ọdịrẹma ẹhẹ.”

Ịjọọnụ 5:35

Ịjọọnụ vị ana sị mẹẹ anka ozotupa ana aa zẹtẹ chanyị-chanyị. Ịnị ụmẹ chee, wâ vịdị nyị inohine tụ́ ini ẹtohweyi anị nịnị.

Odeyi 18:19

Ẹ mẹ̀ va sị ngụ Ẹhwẹsọsị, dị Ịpọọrụ navọ wa tụ́ ịzọọ nị. Dị ọnị nọ ini irehi Ohomorihi Aniju nịnị, di e pe Aniju nịnị kà ịrẹyị nị.

Odeyi 18:21

Ama ọ màa na, dị ọ kà a yị wa ka, “Ohomorihi òo sì, maa vaavẹ.” Dị ọ ngụ ẹpa hụrẹ Ẹhwẹsọsị aa na nị.

Odeyi 19:1

Aporo ọnị mẹ̀ yà Ịkọrịntị, dị Ịpọọrụ zị oze ịnị akakana ẹkụra ọnọọ, dị ọ na ngụ Ẹhwẹsọsị nị. Di o ne tù ezirẹma ẹnyị ịzọọ nị.

2 Anịkọrịntị 6:16

Sị ẹ zụ kụ́ irehi Ohomorihi ọnịrị ori vabẹ? Ẹya vị irehi Ohomorihi ana yára nị, agụvị ka Ohomorihi ộ kà a ka, ọnị vaa ra ịnịnẹ ẹnịnị, dị ọnị aa ngụ ịnị akakana ẹnịnịị zị. Ọnị vaa vị Ohomorihi ẹnịnị, dị ẹnị rẹ vị aza anị.

Ẹtore 1:16

Dị ọ sị ụzọmị ịhịmba tụ́ ịnị ụvọrị anị nị. Dị ụhwọ onyeyẹva jịnẹ hụụnị irenu anị vẹ nị. Eyirẹsụ anị vị ana aa za anka ọyị ana aa há gaa-gaa ụmẹ ọọdụ avọọ.

Ẹtore 1:20

Ụzọmị ịhịmba ẹnẹẹ oni u re ịnị ụvọrị amị ọnịrị ịzị aā sị ozotupaa tụ́ ịhịmba ana a sị igooru mẹ avọọ, ịsị ẹ jẹẹ yị ana ahịka ọza ọyị yẹ, yị: Ụzọmị ịhịmba ẹnẹẹ ệ jẹẹ yị anggẹẹrị ịhịmba ana sị eyi pe ịragụ Ohomorihi ịhịmba ẹnẹẹ. Ịzị aā sị ozotupaa tụ́ ịhịmba ẹnẹẹ vị ana rẹ jẹẹ yị ịragụ Ohomorihi ịhịmba ẹnẹẹ.”

Ẹtore 12:1

 nyị apọtẹrẹwa ọbanyị ọnya ana jịnẹ tụ́ ẹhẹ ẹ́bẹẹba; apọtẹrẹwa ọnọọ yị:  nyị ọnẹẹ ọnya aanị ana sị ọyị mẹ ịta kú ẹngụ, dị ụhwẹ yà iruvo ahụ anị nị. Ô kú ọkẹkẹrẹkụ ọnya ana nyị ụzọmị ẹwụrẹva.

Ẹtore 2:12

Ọza oni mi re ka, Chẹrẹ iwe tụ́ hi anggẹẹrị ana sị eyi pe ịragụ Ohomorihi ana yà Ipagamụmị ka: Ọza ana sị ụhwọ onyeyẹva ana rẹ rị ụvọ, ọ tụ́ ụtụ ọnọnị nị:

Ẹtore 2:18

Ọza oni mi re ka, “Chẹrẹ iwe tụ́ hi anggẹẹrị ana sị eyi pe ịragụ Ohomorihi ana yà Itiyatira ka: Ozi Ohomorihi oni eyi anị aa za nyanga-nyanga anka ịra, dị ahụ anị aa za nyoo-nyoo anka enyusẹ, ọ tụ́ ụtụ ọnọnị nị:

Ẹtore 2:8

Ọza oni mi re ka, “Chẹrẹ iwe tụ́ hi anggẹẹrị ana sị eyi pe ịragụ Ohomorihi ana yà Ịsịmụna ka: Ọza ana vị ọnịpaapa ọnịrị ọdịrẹma, ene sú dị ọ rẹ varẹma yàra, ọ tụ́ ụtụ ọnọnị nị.

Ẹtore 3:1

Ọza oni mi re ka, “Chẹrẹ iwe tụ́ hi anggẹẹrị ana sị eyi pe ịragụ Ohomorihi ana yà Isaadisi ka: Ọza ana nyị Ụhwẹ Ohomorihi ịhịmba ọnịrị ụzọmị ịhịmba ọ tụ́ ụtụ ọnọnị nị: Ọ kà Ọnị ộ yẹ ịsị ụ mẹ; aza aa kà a ka wâ yàra nịnị, ama oku oyisú ụ vị nịnị nị.”

Ẹtore 3:14

Ọza oni mi re rẹ ka: Chẹrẹ iwe tụ́ hi anggẹẹrị ana sị eyi pe ịragụ Ohomorihi ana yà Irayodesiya ka: Ọza ana rị Aamị, anaā kà ịzẹyịza, dị a zụ sị ayị tụraa, ọ tụ́ ụtụ ọnọnị nị; avaba ịsa oni Ohomorihi tụ́ vị ana rẹ hụụnị ụvọ anị vẹ:

Ẹtore 3:7

Ọza oni mi re rẹ ka: Chẹrẹ iwe tụ́ hi anggẹẹrị ana sị eyi pe ịragụ Ohomorihi ana yà Ihwiradehwiya ka: Ọza ana vị ọnịnị ọnịrị ọnịzẹyịza, ana rẹ nyị ụkọkọrọ Idevidi; ọnị ọọ̄ na oze, dị ẹ yị nyị ọza ene zụ gu ọọ nị; oni o reē gu oze, dị ẹ yị nyị ọza ana zụ naa nị; ọnị ọnọọ ọ tụ́ ụtụ ọnọnị nị: