Ẹtore 19:4 - IWE ỌNỊNỊ

⁴ Dị azọkụ ohurẹẹna ẹnẹẹ beri ịsa ẹẹna ẹnẹẹ ana nyị ụhwẹ tana tụra ẹtẹ, dị ẹ hẹkẹ Ohomorihi ana yaayịtẹ ịnị aga ohinọyị ọnọọ nị. Dị ẹ ka, “Aamị; Ụga ọ vị yị Ẹnẹyịmavara nị!”

Ẹtore 19:4 ပူးပေါင်းရင်းမြစ်များ

1 Ịtọpa 16:36

À vẹ yaa kụ́ Ẹnẹyịmavara ana vị Ohomorihi Anisirẹrị. A vẹ yaa kụ́ avọ pooro zịna-zịna. Dị avaba aza ka, “Aamị”, à vẹ yaa kú Ẹnẹyịmavara nị.

Inehemaya 5:13

Ẹ́ mẹ̀ sị eku hị́, dị mị và oku awuru amị ịnẹ vẹ ẹhẹ, dị mị banyị ọ, dị mị ka; aanị Ohomorihi mẹ̀ vaa banyị ẹhẹ aza ẹnẹ ẹ yị mẹ̀ ịsị e wo oto anị aanị ha nị. Ohomorihi vaa tụ ẹngụ aza ẹnẹẹ avosusu, dị a dọ wa irehi ẹnịnị nị. Dị avaba ịragụ ana gụ tụ ọ ohi ka aamị nị. Dị ẹ sị ụga yị Ẹnẹyịmavara, dị ẹ mẹ̀ ịsị e wo oto anị nị.

Inehemaya 8:6

Dị Ẹzịra kụ́ Ẹnẹyịmavara, Ohomorihi ene hu avọ nị. Dị avaba aza vaa ụvọ hịrẹ dị ẹ ka, Aamị! Aamị! nị. Dị avaba ẹnịnị va ku ẹtẹ dị ẹ kụ ịrẹsụ ka ẹtẹ aa kụ Ẹnẹyịmavara avọ nị.

Ahẹ Ụgama 104:35

Navọ ahịka vị ọnịvị ve vú ẹtẹ hụrẹ ẹhẹ nị, dị asị a kụkụ nyị aza edivi. Vị a vọrọ ka maa kụ́ Ẹnẹyịmavara nị. À vẹ yaa kụ́ Ẹnẹyịmavara.

Ahẹ Ụgama 106:48

À vẹ vị yaa kụ́ Ẹnẹyịmavara ana vị Ohomorihi ana Anisirẹrị aa hẹkẹ avọ pooro zịna-zịna. Avaba aza ẹ̀ kà a ka Aamị. À vẹ yaa kụ́ Ẹnẹyịmavara.

Ahẹ Ụgama 41:13

Ẹnẹyịmavara, ana vị Ohomorihi Anisirẹrị, ẹwụ a vaa kụ́ avọ pooro zịna-zịna nị Aamị, mị ka aamị.

Ahẹ Ụgama 72:19

Ẹwụ ana maanị nyị ụbanyị, ị vaa kụ́ wụ avọ pooro nị. Ụbanyị awụ vi ene vee chì avaba ẹhẹ ẹngụ. Aamị, mị ka Aamị.

Ahẹ Ụgama 89:52

Ẹnẹyịmavara ẹwụ mị vaa kụ́ avọ pooro nị. Aamị, mị ka aamị.

Ijeremaya 28:6

Aamị! Ẹnẹyịmavara ọ̀ vavọọ mẹẹ. Ẹnẹyịmavara ọ̀ vaa mẹẹ anka Ịhananịya mẹ kà a gẹdẹ-gẹdẹ avọọ. Dị ọ̀ kụ ẹngụ ana a kụ hụụnị irehi Ohomorihi ọnịrị aza ana a dụ ne hi Ịbabịrọnị và vẹ nị.

Imatiwu 28:20

Sị zụ̀ wa nịnị ka ẹ̀ẹ saasa avaba ịsa ọnị mị mẹ ọda anịị wụ nịnị! Tamayị, mị vaa yàa pe wu nịnị ịnị avaba ụmẹ pooro ne tù ọdịrẹma ẹhẹ.”

Imatiwu 6:13

Asị ụ sị yị tụ ịnị ọyịzamare, ama dọ yị ha hụụnị ụvọ Echu. (Agụvị ka ẹwa vị Ohinọyị, dị ụ nyị avaba ụkata ọnịrị igirima pooro zịna-zịna Aamị!)

1 Anịkọrịntị 14:16

È yị vị avọọ, wàaa sị ụkata Ụhwẹ Ohomorihi ga Ohomorihi, aza ẹnẹ ẹ̀ yị wụ́ ẹkụra ọnị ụ waa kà, mẹmẹ zụ kà a ka, “Aamị” tụ́ ịnị ụga ọnị ụ waa sịị yị Ohomorihi? Wâ yẹ ka ọ yị wụ́ ịsị ụ waa kà.

Ẹtore 15:7

Dị ọnya ịnị ịsa ẹẹna ẹnẹẹ ana nyị ụhwẹ aanị sị ịchacha igooru ịhịmba, dị ọ sị yị anggẹẹrị ẹnẹẹ nị. Ịchacha ẹnẹẹ vị ohihi ọyịkụ Ohomorihi ana yára pooro zịna-zịna.

Ẹtore 19:1

Ịrẹma ẹnẹẹ, mâ wụ́ ọngwẹ ọbanyị ẹnyị ana sị mẹẹ anka ọngwẹ ọkọnị aza avọọ ẹ́bẹẹba nị. Di eyee nowu ka, “À sị ụga yị Ẹnẹyịmavara. Ẹdọha ọnịrị ụbanyị beri igirima ọnịrị ụkata vị ana hụụnị ụvọ Ohomorihi Ananyị yị vẹ.

Ẹtore 19:3

Dị ọ rẹ ka, “À sị ụga yị Ẹnẹyịmavara! Ẹkụra ọnọọ aa rị ịra, areyi anị vị ana aa dàa vàa hịrẹ pooro zịna-zịna.”

Ẹtore 19:6

Dị mị wụ́ ịsa anka ọngwẹ ọkọnị aza avọọ nị. Dị ẹ ka: Ụga ọ vị yị Ohomorihi nị! Ohomorihi Ananyị yị Ochẹtẹngụ aa mẹ ohinọyị nị.

Ẹtore 5:14

Dị ịsa ẹẹna ana nyị ụhwẹ avọọ ka Aamị nị. Dị azọkụ ohurẹẹna ẹnẹẹ tana tụra ẹtẹ, dị ẹ hẹkẹ ọza ọnọọ ana yára pooro zịna-zịna nị.