Ẹtore 19:3 - IWE ỌNỊNỊ

³ Dị ọ rẹ ka, “À sị ụga yị Ẹnẹyịmavara! Ẹkụra ọnọọ aa rị ịra, areyi anị vị ana aa dàa vàa hịrẹ pooro zịna-zịna.”

Ẹtore 19:3 ပူးပေါင်းရင်းမြစ်များ

Oyinyima 19:28

Dị ọ kana eyi nọ oze Isodọmị ọnịrị Igomora ne beri avaba ini ozi ọnọọ nị, di o re ka areyi anị ee simaa vaa hịrẹ pọpọrọpọ anka areyi ọrịra avọọ nị.

Ahẹ Ụgama 104:35

Navọ ahịka vị ọnịvị ve vú ẹtẹ hụrẹ ẹhẹ nị, dị asị a kụkụ nyị aza edivi. Vị a vọrọ ka maa kụ́ Ẹnẹyịmavara nị. À vẹ yaa kụ́ Ẹnẹyịmavara.

Ayịsaya 34:10

Ịra ọnọọ vị ana vaa za pooro ọọdụ ọnịrị ịrahụ, dị areyi anị aa dàa vàa hịrẹ. O yi vee mi pooro. Ẹtẹ ọnọọ vị ana vanaa tụ́ osusu pooro zịna-zịna, ọza ọ mā vana zi oze avọọ para hu.

Ijudi 1:7

Rẹ tamayị ịrẹyị anẹkụra Isodọmị ọnịrị Igomora ne beri ẹkụra ana kara wa avọọ, ẹ́nị mẹ̀ raa mẹ ụnọ, dị ẹ rẹ yaa sẹ̀ ịrẹka irenyi-irenyi nị. E hi ịnị ịra, ẹyaa rị ụya pooro zịna-zịna, agụvị ọzọza ọ̀ kọ ịrẹyọyẹ hụụnị ịrẹyị ẹnịnị

Ẹtore 14:11

Dị areyi ịra ana aa sị ụyaa rị wa, aa vàa hịrẹ pooro zịna-zịna. Aza ana àa hẹkẹ uye ọnọọ ọnịrị ori anị dị ẹ rẹ dọ apọtẹrẹwa ịrẹha anị nị, ẹ mā vana tụ́ ụhwọ́ pooro ọọdụ ọnịrị ịrahụ.”

Ẹtore 18:18

E mè re, areyi anị màa dà, ọ màa rị ịra, dị ẹ ka: Ẹ yị nyị ẹkụra ene tù ẹngụ ẹkụra ọbanyị ọnọnị.

Ẹtore 18:9

Ohinọyị anẹhẹ nịnị ene pe e sẹ̀ ịrẹka, di e re dudu aa rị ẹhẹ, vị aa jị òrèrè anị, di eyee nowu agụvị anị, Ịjị èe re areyi anị màa dà, ọ màa rị ịra.

Ẹtore 19:1

Ịrẹma ẹnẹẹ, mâ wụ́ ọngwẹ ọbanyị ẹnyị ana sị mẹẹ anka ọngwẹ ọkọnị aza avọọ ẹ́bẹẹba nị. Di eyee nowu ka, “À sị ụga yị Ẹnẹyịmavara. Ẹdọha ọnịrị ụbanyị beri igirima ọnịrị ụkata vị ana hụụnị ụvọ Ohomorihi Ananyị yị vẹ.

Ẹtore 19:4

Dị azọkụ ohurẹẹna ẹnẹẹ beri ịsa ẹẹna ẹnẹẹ ana nyị ụhwẹ tana tụra ẹtẹ, dị ẹ hẹkẹ Ohomorihi ana yaayịtẹ ịnị aga ohinọyị ọnọọ nị. Dị ẹ ka, “Aamị; Ụga ọ vị yị Ẹnẹyịmavara nị!”