Ẹtore 18:8 - IWE ỌNỊNỊ

⁸ Agụvị avọọ, avaba ụyọrị anị vị ene vee tù ọ ẹkụhị ọnya: ụkụ vaa za a, dị ọ và ẹngụ hi, dị ụngwẹ kụ̀ ọ ẹtẹẹtẹrẹ. A vaa rị ọ ịra agụvị ka Ohomorihi Ananyị yị ana aa mẹ̀ ọkarẹyị anị, ộ nyị ụkata.

Ẹtore 18:8 ပူးပေါင်းရင်းမြစ်များ

Ijeremaya 50:34

Ama ọza ana vaa dọ waa ha, ọọ kata Ẹnẹyịmavara Ochẹtẹẹngụ ịrẹha anị rị nị. Ọnị ụvọta vaa hụvị ịrẹyị ẹnịnịị kwẹẹtẹ, dị ọ mẹ ka avaba anẹhẹ ẹ̀ nyị ẹngwọọrọ. Ama ọ vaa kụ ẹngụkataa tu Anibabironi nịnị.

Ijeremaya 50:31

Ọ kà, ẹwụ nịnị Anibabironi, wa raa sị ẹngụ awụ nịnị tụ ẹba baaba, agụvị avọọ, ọnị Ẹnẹyịmavara Ochẹtẹẹngụ Ochẹtẹngụ, ọ́ raa kwẹẹtẹ tu wu nịnị. Ụmẹ ọnị o i tu ka ọnị ọ̀ sị ụya rị wụ nịnị.

Ẹtore 17:16

Uye ovivi ọnịrị ọpanyị ẹẹwụ ị́rẹsụ ọnị u re avọọ, vaa nyị ịhyẹrẹ ọsẹrẹka ọnọọ. Ẹ vaa dọ ọ avaba ịsị ọ nyị, dị ẹ tụ́ ọọ ahwaahụ. Ẹ vaa rị ụpẹngụ anị, dị ẹ rị ọọ ịra.

Ẹtore 18:19

Dị ẹ ká ezi và hi ịrẹsụ, di eyee nowu, dị ẹyaa jị òrèrè dị ẹ ka: Kwaa-kwaa! Ho! Ẹkụra ọbanyị ọnọọ ana mẹ ka avaba aza ana nyị ẹpa tụ́ ini òkū ẹ̀ nyị ẹkẹhị agụvị ụbanyị anị, ịnị ụmẹ chẹẹ kẹnẹ ọ maanị vara osusu aanị nịị?

1 Anịkọrịntị 10:22

I yee sì ka ya mẹ ayị kụ́ Ohomorihi nị? I yéé ro ka yáa nyị ụkata hu ọọ nị?

Ijeremaya 51:58

Ẹnẹyịmavara Ochẹtẹẹngụ ka, ọvọ Ịbabịrọnị bamị-bamị ọnọnị vị ana vaa kwọrọọ zẹtẹ, dị aa rị oze ana aā zịị ngụ ọ ana jẹ gogorogo aanị ịra. Ụkọrọ ọọhẹ kẹnẹ aza va mẹ nị, avaba ịsị ẹkụra-ẹkụra maanị rị ụya anị, aa rị ịra aanị nị.

Ijeremaya 51:6

Ọ kà ọzọza ò zwè hụrị ẹtẹ Ịbabịrọnị, ọzọza ọ sị ụvọ ku ịrẹsụ oo zwè. Asị ụ zẹ ka a wụ agụvị ebira odivi ẹnịnị. Ụmẹ o si tu ka ọnị Ẹnẹyịmavara ọ̀ họ̀ oponu, ọnị vaa sị ụyaa rị wa á mẹ vọrọ.

Ẹtore 19:3

Dị ọ rẹ ka, “À sị ụga yị Ẹnẹyịmavara! Ẹkụra ọnọọ aa rị ịra, areyi anị vị ana aa dàa vàa hịrẹ pooro zịna-zịna.”

Ẹtore 18:17

Ịnị ụmẹ chee kẹnẹ avaba ụbanyị ọrọgọdọ ọnọnị maanị ta nịị? Avaba ọga ẹpa beri aza ene hi ịnị ẹpa ẹnịrị aza anaā họ̀ ẹpa ẹnịrị avaba aza ana ahịka oze ini òkū ẹyaa zịị sẹ ohu nị, ệ jẹẹ ẹnẹẹnẹ.

Ẹtore 17:18

Ọnẹẹ oni u re avọọ, ọ vị ana jẹẹ yị ẹkụra ọbanyị ọnọọ ana aa mẹ ịjọvaa tụra ohinọyị anẹhẹ nịnị.

Ẹtore 11:17

Dị ẹ ka, Ohomorihi Ananyị yị Ochẹtẹngụ, ẹnị ệ kụ́ wụ avọ. Ẹwụ aa yà ịzọọ hụrị ụmọrụmọ dị a va yẹ ka aa mẹ ẹhẹ nị; ẹwa yị yà ịzọọ nị, ụ rẹ vanaa vaa vẹ ịnị ẹhẹ. We si nyima aa sị ụkata ọbanyị awụụ zụ̀, we reè nyima aa mẹ ịjọva.

Ahẹ Ụgama 62:11

Ohomorihi ọ sị ọ ka, ma raà wụ́ huna ụpẹ ọnya ka Ohomorihi kẹnẹ ọ nyị ụkata nị.

Ijoovu 9:19

A vị ịnị ụkata yọ nị, ọnị ẹ yị hi ọ ụhwẹ. Ọnị ọ sị ọ nọ ọvịdị ọkarẹyị, ẹnẹ hụ ọ hị́ ọ họ̀ use ịrẹyị.

Ayịsaya 27:1

Ịnị ụmẹ ọnọọ, Ẹnẹyịmavara vaa sị ụhwọ anị ana katẹngụ dị ọ sị sị ụya rị aza ọhịmị ẹnẹẹ ana sị mẹẹ anka ẹ́wụ́ odivi avọọ. Aza edivi ẹnẹẹ vị ana sị mẹẹ anka uye odivi ana aā hị́ Ireviyatani anaā jịị kara ẹngụ. Aza ẹnẹẹ ana sị mẹẹ anka ẹwụ odivi anaā yà ini enyi vị ẹnị Ẹnẹyịmavara vaa wụ̀. Ọ yị vaa vayị ẹnịnị vụrụ-vụrụ.

Ayịsaya 9:14

Ịnị ẹkụhị ọnya chọ̀chọ̀chọ̀, Ẹnẹyịmavara vaa sị ụya rị avaba Anisirẹrị ọnịrị ọdọvịdị ẹnịnị Ịrẹsụ ne beri omu ọ vaa kụ́ụ kwooze nị.

Ijowẹrị 2:11

Dị Ẹnẹyịmavara ha iduma dọ ka ịrẹyị yi ọkụrẹkụ anị, dị ẹnịnị wụ́ chire e nị. Ẹkụhị ọnị Ẹnẹyịmavara vaa mẹ̀ ọkarẹyị vaa nyị ẹngụ anị. Ẹnẹ vaa ha?