Ẹtore 18:7 - IWE ỌNỊNỊ

⁷ Vị́ ọ vịdịị wo ka â nyị ịsị ọnị vị nị, dị aa rị ẹhẹ o mè ze eyi nị, agụvị avọọ, sị́ ụya rị ọọ ẹtẹẹtẹrẹ nịnị Vị́ ọọ̄ kà a yị ẹngụ anị ka ohinọyị anẹẹ ọnị vị nị. Ọnị ọ yị vị osoku, ọnị ọ yị rẹ vaa rị ụya vụrụ-vụrụ.

Ẹtore 18:7 ပူးပေါင်းရင်းမြစ်များ

Ẹsịta 6:10

Dị ohinọyị kà yị Ịhamanị ọ̀ sị wụsẹ vavọọ na mẹ yị Imodekaya ana vị Aniju anaā yaatẹ oze ovwoovu ohinọyị avọọ. Ọ kụ́ awuru ọnọọ ọnịrị umaata anka ọ mẹ̀ kà a. A sị ọ yị zẹẹ ka à nyị ịsị ẹ jị ha.

Ahẹ Ụgama 10:6

E yee ro o ịnị ayị ẹnịnị ka ẹ yị nyị ịsị ẹ vaa mẹ ẹnị Ẹ ka ẹ yị vaa nyị ịrẹyị pooro.

Ahẹ Ụgama 45:9

Ezi ohinọyị nịnị ẹ vị ezi anẹẹ ene hi ini eehi awụ nị Ohinọyị, ose ewu vị ọnị ụ sị tụ́ udi ọbanyị ịzị ụ yà dị ọ hara igooru ọkụmị-ọkụmị hi ẹngụ.

Ijeremaya 13:18

Ijeremaya ka Ẹnẹyịmavara ộ ka ẹ yị ọnị ka, ọnị ọ̀ kà a yị ohinọyị ọnịrị ọnyị anị ka è chi hụụnị aga ohinọyị ẹnịnị, agụvị ka ọkẹkẹrẹkụ ẹnịnị ọ sị hụ hụrẹ wa ịrẹsụ.

Arụwẹ 1:1

Oogwoo, Ijerusarẹmị ana vịdị maanị nyị aza a maanị tụ osusu aanị nịị! Ẹkụra ọnị avaba anẹhẹ vịdị maanị sị ụbanyị yị ọ kụkụ tịtẹ goo anka osoku aanị nịị! Ẹkụra ana vịdị ya ọvịdị ẹkụra ana vọ, ọ kụkụ vị ọrịhị anẹkụra ana vọ aanị nị.

Ezikẹẹrị 23:34

Ẹnẹyịmavara Ananyị ụkata hu ka, ọnị ọ sị ọ ka ka, ụ vee hú enyi ụya ọnọọ dị ako anị wụ. Ako ọnọọ vị ọnị ụ vaa chaka rugu-rugu, dị ụ sị ẹjịjị anị na ịrẹva awụ.

Ọbadaya 1:3

Ọyị sị ẹngụ tụ ẹba Anedomi nịnị ọ sị wa vene. Agụvị ka ẹẹ ra ịrẹsụ ataba, dị ẹ sị ịrẹta-ịrẹta jị ọvọ okiri-okiri kara ohyẹtẹ ẹkụra ẹnịnị, di ê ro ka ẹ yị nyị anẹkụra ẹnyẹnyị ene zu ziizi ẹnị ụvọ nị.

Ịzẹhwanaya 2:15

Ininivẹ ịjọnọọ wáá yị? Ẹkụra ana vịdị maanị nyị ụbanyị yịị? Dị aza anị ee wo oto ka ẹnị ẹ sị ha. Ẹkụra ọnọọ ọ va sị vara eburu ịzị uye ịnị avị nịnị kụkụ ra hi aanị nị! Aza ana aa para ịzọọ hu vi ene ee nohi, di e yee ziizi ịrẹsụ kẹnẹ.

1 Itimoti 5:11

Asị ụ chẹrẹ ịrẹha ezweyi ana vị osoku nịnị tụ́ ọọ, agụvị ka Ịjị èe si nyima aa kụ̀ụ hịrẹ Ikirisiti, dị ẹ ka ẹnị aa naa nyị ọnọrụ.

Ẹtore 18:3

Ọ raà mẹ ka avaba anẹkụra ẹ dọ ọda ebira ịdọtị ọnị ọọ̄ mẹ̀. Ohinọyị anẹhẹ nịnị e reè pe e sẹ̀ ịrẹka. Agụvị ka ụbanyị anị ẹ mā hụ ọọ, ọ raà mẹ ka osohu anẹhẹ nịnị ẹ̀ vara ọnyẹkẹhị.

Ẹtore 18:9

Ohinọyị anẹhẹ nịnị ene pe e sẹ̀ ịrẹka, di e re dudu aa rị ẹhẹ, vị aa jị òrèrè anị, di eyee nowu agụvị anị, Ịjị èe re areyi anị màa dà, ọ màa rị ịra.