Ẹtore 18:3 - IWE ỌNỊNỊ

³ Ọ raà mẹ ka avaba anẹkụra ẹ dọ ọda ebira ịdọtị ọnị ọọ̄ mẹ̀. Ohinọyị anẹhẹ nịnị e reè pe e sẹ̀ ịrẹka. Agụvị ka ụbanyị anị ẹ mā hụ ọọ, ọ raà mẹ ka osohu anẹhẹ nịnị ẹ̀ vara ọnyẹkẹhị.

Ẹtore 18:3 ပူးပေါင်းရင်းမြစ်များ

Ayịsaya 47:15

Aza eneē re ẹtẹẹ wụ ọnị uū zwè nee tu ụ́ mẹ hụrẹ vẹ ẹhẹ awụ avọọ, avaba ọyịza ẹnẹ ẹ vaa mẹẹ wụ ọ vị ọnọọ nị. Ẹnịnị vị ana vaa navọ wụ, dị ẹ vàtụ ẹnịnị, ẹ yị nyị ọza ana vaa jẹẹ ka ọnị ọ̀ dọ wụ ha.

Ijeremaya 51:34

Inebukadineza, ohinọyị Ịbabịrọnị ọ sị ẹnị gara ha, ọ sị ẹnị tu avọ osusu anka a mẹẹ tụ ụnọkọ osusu avọọ. Ẹ ka, ọ sị ẹnị za mụnẹ anka ẹwụ mẹẹ mụnẹ ịsa avọọ. Dị ọ kụ avaba ịsa ohine-ohine ẹnẹ ẹnị nyị hi ịrẹka nị. Ọ rẹ sị ẹnị tọmọ và hi ẹtẹ o.

Ijeremaya 51:7

Ẹnẹyịmavara kà, Anibabironi nịnị vị ana sị mẹẹ anka ako ana a sị igooru mẹ̀ ọnị ọnị sị rị ụvọ, dị ẹnịnị kà avaba anẹhẹ eche nị. Ẹkụra-ẹkụra ê hú eche anị, ẹnịnị ẹ̀ yị kụkụ yẹ ịsị ẹyaa mẹ.

Arụwẹ 4:5

Aza anaā vịdịị rị ịsa ene zoza hu kere-kere, ụngwẹ kụkụ aa wụ̀ va hi oze ẹkụra aanị nị. Aza ana ahịka ẹẹ̀ ịdịị rị vọ ku, ẹ kụkụ aa tọ̀ọ́ ịsa hụụnị itutu rị aanị nị.

Ịnahụmị 3:4

Ẹkụra Ininivẹ vị ana aa mẹ̀ ebira anka ọsẹrẹka avọọ nị. Uzoza anị ọnịrị ịrakwọ eē si vene anẹkụra ana vọ ngụ ụvọ nị.

Iruuku 7:25

Si u ne re nịnị, ọza ene chire irikimba wáá yọ? Wâ yẹ ka aza anaā vavọọ kụ́ ẹnya, dị ẹyaa mẹ ụbanyị, vị anaā yà ịdị ohinọyị.

1 Itimoti 5:11

Asị ụ chẹrẹ ịrẹha ezweyi ana vị osoku nịnị tụ́ ọọ, agụvị ka Ịjị èe si nyima aa kụ̀ụ hịrẹ Ikirisiti, dị ẹ ka ẹnị aa naa nyị ọnọrụ.

Ẹtore 14:8

Dị anggẹẹrị ọsa aa saasa anggẹẹrị ịpaapa, dị aa hị́: “Ịbabịrọnị ọ sị hyẹdụ, ẹkụra ọbanyị ọnọọ ọ sị hyẹdụ; ọ sị ọyịkụ Ohomorihi yẹ, agụvị ka ọ raà kụ́ anẹhẹ ka ẹ̀ẹ sẹ̀ ịrẹka.”

Ẹtore 17:2

Ohinọyị anẹhẹ nịnị e reè pee sẹ̀ ịrẹka; ọ raà mẹ ka anẹhẹ è hú enyi ịrẹkọyịsẹ anị, dị ọ̀ọ mẹrị wa anka eche avọọ.”

Ẹtore 18:19

Dị ẹ ká ezi và hi ịrẹsụ, di eyee nowu, dị ẹyaa jị òrèrè dị ẹ ka: Kwaa-kwaa! Ho! Ẹkụra ọbanyị ọnọọ ana mẹ ka avaba aza ana nyị ẹpa tụ́ ini òkū ẹ̀ nyị ẹkẹhị agụvị ụbanyị anị, ịnị ụmẹ chẹẹ kẹnẹ ọ maanị vara osusu aanị nịị?

Ẹtore 18:23

Ọza e mē vene re ẹtohweyi ozotupa ịnịnẹ anị paa; ọza ọ mā rẹ vana wụ́ ka ọnọrụ aa nyị ọnẹẹ ịnịnẹ anị paa. Ọ kà osohu Anibabironi nịnị ẹ vịdị vị azẹbanyị ẹhẹ nị. Ịbabịrọnị ọ raà sị ẹbẹ anị vene avaba anẹhẹ.

Ẹtore 18:7

Vị́ ọ vịdịị wo ka â nyị ịsị ọnị vị nị, dị aa rị ẹhẹ o mè ze eyi nị, agụvị avọọ, sị́ ụya rị ọọ ẹtẹẹtẹrẹ nịnị Vị́ ọọ̄ kà a yị ẹngụ anị ka ohinọyị anẹẹ ọnị vị nị. Ọnị ọ yị vị osoku, ọnị ọ yị rẹ vaa rị ụya vụrụ-vụrụ.

Ẹtore 18:9

Ohinọyị anẹhẹ nịnị ene pe e sẹ̀ ịrẹka, di e re dudu aa rị ẹhẹ, vị aa jị òrèrè anị, di eyee nowu agụvị anị, Ịjị èe re areyi anị màa dà, ọ màa rị ịra.