Ẹtore 17:8 - IWE ỌNỊNỊ

⁸ Uye oni u re avọọ, ọ́ọ vịdị yàra, ama ọyị kụkụ yàra booro aanị. Ọ vaa jịnẹẹ hụụnị ọbọbọọ vẹ, dị ọ nọ ịzị ọ vaa yàa vu ẹtẹ. Aza ene hi ẹhẹ ọnị ọza ọ̀yị chẹrẹ ịrẹha ẹnịnị dị a va yẹ ka aa mẹ ẹhẹẹ tụ́ iwe aza ana yàra pooro zịna-zịna, èeyee re uye ọnọọ, o vee hí wa irenu. Uye ọnọọ ọ́ọ vịdị yàra, ọyị kụkụ yàra booro aanị, ọ rẹ vanaa sị ẹngụụ tụ́ ẹhẹ.

Ẹtore 17:8 ပူးပေါင်းရင်းမြစ်များ

Ahẹ Ụgama 69:28

Nyee ịrẹha ẹnịnị hụụnị iwe ọnị u chẹrẹ ịrẹha aza ana yara hi, asị ụ chẹrẹ wa beri aza ana aa mẹ̀ ebira ana vọrọ.

Ịdanịyẹrị 11:45

Ọ va naa jị ajẹngụ ọbanyị ohinọyị anị tụ ịnị ẹtẹ ana ya ịnị akakana oku ọnịrị ataba ana dà irehi Ohomorihi tu Ijerusarẹmị. Ama e yị vee re ọzaa gụ ọ ụvọ dị ò su ne ta.

Ịdanịyẹrị 7:11

Ịdanịyẹrị ka ọnị mee yii re e, dị ọnị wụ ka ọpanyị oweyi ọnọọ ee yii wo oto nị. Kẹnẹ, dị a vana za uye ọhụna ọnọnị dị á wụ ọ, dị a rị oku anị ịra nị.

Ịdanịyẹrị 7:26

Ama ọmọkarẹyị nịnị ene hi ẹbẹẹba vaa yaatụ dị ẹ mẹ̀ ọkarẹyị yọ. A vaa dọ ohinọyị ọnọọ ụkata anaa sịị mẹ ịjọva dị e vú ẹtẹ saka-saka.

Ịdanịyẹrị 7:3

Kẹnẹ, dị uye ẹbanyị-ẹbanyị ẹẹna vana va jẹẹ ịrẹsụ okū ọnọnị nị. Ọ kà uye ẹyịna ẹnẹnị vị irenyi-irenyi.

Ịdanịyẹrị 7:7

Ịrẹma ọnọọ, di oni re re uye ọhụna ka ộ va jẹẹ nị. Ọnọnị ộ nyị ụkata ẹtẹẹtẹrẹ, ọza òo re e vị ayị aa hụrẹ ẹ ịnẹ nị. Anyị anị vị ana sị mẹẹ anka enyusẹ avọọ. Ịsị ọ̀ọ za vị ọnị ọọ̄ nà aa rị chẹkẹ-chẹkẹ, dị ọ sị ahụ gara ana vọ ha nị. Ọ kà uye ọnọnị e yi vene uye ana vọ ọnị ọnị vịdị re. Ọnọnị ộ nyị ọpanyị ẹẹwụ.

Imatiwu 25:34

Ịjọnọọ dị Ohinọyị kà a yị aza ene hi eyi ụvọrị anị ka: ‘Wa vẹ nịnị, ẹwụ nịnị ana Ada amị raà mẹ ka ò zé yị! Ngụ ịzị Ohomorihi yà aa mẹ ịjọva, oni o si tenyi tịtẹ wụ nịnị, ẹ́hẹ mè hụrẹ nyima.

Iruuku 10:20

Ama asị ụ rẹ̀ jẹ nịnị ka ụhwẹ echu ệ ká ịrẹsụ hi wu nịnị! Ama wa vanaa jẹ nịnị ka a sị ịrẹha awụ nịnị chẹrẹ tụ́ ịdị Ohomorihi!”

Iruuku 8:31

Dị ụhwẹ echu ẹnẹẹ dá ịpẹ yị Ijeesu ka asị ọ dụ ẹnị na ngụ ini ẹkụra nị.

Ịjọọnụ 17:24

“Ọga, mị yaanị sì ka ẹnị ọnị ụ raà sị mị, ẹ̀ yà ịzị màa yà, dị ẹnịnị è zuu re igirima amị, ọnị ụ sị yị mị, agụvị ka wê sì ịrẹyị amị hụrẹ ụmọrụmọ, dị a va yẹ ka aa mẹ ẹhẹ.

Odeyi 15:18

 yẹ ịsa ẹnẹnị hụrẹ ụmọrụmọ.”

Anẹhwẹsọsị 1:4

Hụrị ụmọrụmọ dị a va yẹ ka aa mẹ ẹhẹ, Ohomorihi hụrẹ nyị yị agụvị Ikirisiti ka ya mẹ̀ ebira ọnịnị, dị asị ị nyị ohuvọ ini eyi anị, di yee sì ịrẹyị aza nị.

Ịtayịtọsị 1:2

Mị vavọọ aa mẹ, agụvị ka máa nyị ọyịtureyi ka ị vaa yàra ịdị Ohomorihi pooro zịna-zịna. Ịsị Ohomorihi kà hụrị ụmọrụmọ dị a va yẹ ka aa mẹ ẹhẹ ọ vị ọnọọ nị. Yáa yẹ ka Ohomorihi o mē cheeche.

1Ipita 1:20

Hụrị ụmọrụmọ dị a va yẹ ka aa mẹ ẹhẹ, Ohomorihi hụrẹ mẹ eto tịtẹ ka Ikirisiti vavọọ vaa mẹ nị. Dị ọ sị Ijeesu zụ̀ gedebee agụvị awụ nịnị ịnị ụmẹ ọdịrẹma ọnọnị, ẹnẹ ẹhẹ aa vaa ta aanị nị.

Ẹtore 11:7

Ẹ̀ẹ sị ịrẹyị ẹnịnị kà ta, dị uye odivi ana jịnẹ hụụnị ọbọbọ ọnọọ vẹ, ve pe wa kụ̀ ịrẹkụ. O vee huna wa, dị ọ wụ̀ wa.

Ẹtore 17:11

Uye ana vịdị yàra, dị ọ̀yị kụkụ yàra aanị, ọnị ọ vị ohinọyị ọhụhịnta, dị ọ rẹ vị ọnya ịnị ịhịmba ẹnẹẹ nị. Aa nọ ịzị ọ vaa yàa vu ẹtẹ.

Ẹtore 17:2

Ohinọyị anẹhẹ nịnị e reè pee sẹ̀ ịrẹka; ọ raà mẹ ka anẹhẹ è hú enyi ịrẹkọyịsẹ anị, dị ọ̀ọ mẹrị wa anka eche avọọ.”

Ẹtore 20:10

Dị a za Echu ene vene wa, di e ne e ngụ ini adagu ịra ana a sị ohuru tụ́ ịnị anị nị. Ịzọọ uye ịnị avị ọnọọ ọnịrị ọnịsẹ ireche hi nị. Dị aa sị ụyaa rị wa ọọdụ ọnịrị ịrahụ pooro zịna-zịna.

Ẹtore 20:12

Di mi re oku nịnị nị, ezweyi ọnịrị azọkụ, dị ẹ jẹẹ ọvịdị Ohomorihi nị. Áa hụ̀ iwe ẹnyị, dị a rẹ hụ̀ iwe ọsa nị, ana vị iwe aza ana yàra pooro zịna-zịna. Dị a hị́ ka ịsa anaa chẹrẹ tụ́ ini iwe ọnọọ, aa sịị mẹ̀ ọkarẹyị oku nịnị nị anka ịsa ọnị ọzọza mẹ.

Ẹtore 20:15

Ọza tụra ọza ọnị ọza ọyị re ka áa chẹrẹ ịrẹha anị tụ́ ini iwe aza ana yàra pooro zịna-zịna, dị a sị ọọ, di ee nee ngụ ini adagu ịra ọnọọ.

Ẹtore 3:10

Wa raà sị eyi pe ịrẹyị amị ọnị mị kà ka wa nyị isuuru; agụvị avọọ ẹmị rẹ vaa dọ ẹwụụ tụ́ụ hụụnị ụyọrị ana aa vẹ ịrẹsụ avaba anẹhẹ vaa zama avaba aza ene hi ịnị ẹhẹẹ re.

Ẹtore 3:5

Ọza ana àa nyị ehuna, a vaa sị ịta ọvụụ chiree. Me yi vee du ịrẹha anịị hụụnị iwe ọnị ịrẹha aza ana yàra pooro zịna-zịna hi. Mị vaa kà a ọ́vịdị Ada amị ọnịrị anggẹẹrị anị ka aza amị ọ vị nị.