Ẹtore 17:3 - IWE ỌNỊNỊ

³ Ụhwẹ Ọnịnị ọ́ọ dọ avaba ayị amị, dị anggẹẹrị ọnọọ sị mị nọ ịnị ụnọmị nị. Di mi re ọnẹẹ ọnya aanị ana yaayịtẹ ị́rẹsụ uye ovivi ọnya aanị nị. Dị a chẹrẹ ịrẹha edivi-edivi hi ọọ avaba ẹngụ nị. Uye ọnọọ ọ́ọ nyị ịrẹsụ ịhịmba, dị ọ nyị ọpanyị ẹẹwụ nị.

Ẹtore 17:3 ပူးပေါင်းရင်းမြစ်များ

1 Ohinọyị 18:12

Màa sị huu ịda awụ kẹnẹ, dị ụhwẹ Ẹnẹyịmavara va raà sị wụ nọ ịzị mẹ̀ yị yẹ. Màa na sị ọ kà yị Ahabị, di ò yi rè vee re wu nị, dị ọ za mị dị ọ wụ̀ mị. Wâ yẹ ka hụụnị ozweyi amị mị hụrẹẹ̄ hí angwa Ẹnẹyịmavara nị.

2 Ohinọyị 2:16

Ẹnịnị ệ kà a yị Erisa ka, ẹnị ẹvarẹwụ ọ jẹẹ aanị nị, avaba ẹnịnị ộ nyị ụkata. Ẹ ka ọ̀ jẹẹ ẹnị ene si ọga anị. Ẹ̀ yị yara, vị́ Ẹnẹyịmavara sị ụkata vaa sị ọ hụrẹ ẹ ẹngụ, dị ọ sị ọ na tụ ịnị ataba ẹnyị, à vị inozi ẹnyị nị. Dị Erisa ka, eyiye, à sị a nyị ịzị ẹ nọ nị.

Ahẹ Isoromọnị 8:5

Ẹnẹ maanị jị ụvọ chire ọza ọnị ó sì ịrẹyị anị hụụnị ụnọmị aa vẹ aanị? Mâ ha wụ hụnị ara iruvo ọchị apụrụ. Ịzọọ ọnyị awụ yá barẹẹ awụ di ọ́ ma wu nị.

Ezikẹẹrị 11:24

Ezikẹẹrị ka, ịnị ẹtẹ ọnị ọnị re aanị, ụhwẹ Ohomorihi ộ sị ọnị tụ ẹba, dị ọ sị ọnị vavẹ ve tu aza ana a za ve hi Ịbabịrọnị nị. Dị ẹtẹ ọnị ọnị re aanị tangwa wú hi ọnị eyi nị, ẹtẹ ọnị ọnị re aanị tangwa vú hi ọnị eyi nị.

Ezikẹẹrị 3:12

Kẹnẹ, dị ụhwẹ Ohomorihi sị ọnị kwẹẹtẹ nị. Dị ọnị wụ ẹtẹ ịrẹyị hyụụ ịrẹma anị, a maa kà a ka, aa sị ụgaa yị igirima Ohomorihi ana yà ẹbẹẹba nị

Ezikẹẹrị 8:3

Ịsị ẹ sị mẹẹ anka ọza avọọ aanị ộ tana ụvọ dị ọ sị ụvọ ngụ ọnị ẹyị ịrẹsụ nị. Ịnị ẹtẹ ọnị ọnị maanị re aanị, ụhwẹ Ohomorihi ộ sị ọnị tụ ẹba ịnị ahị, dị ọ sị ọnị na ngụ Ijerusarẹmị nị. Ộ sị ọnị na jẹẹ ịnị ịnẹ ịzị a zịị̄ ngụ eehi ịpa oze ọbanyị ana yà eyi ẹbẹẹba ana zịị̄ ngụ ịnị Irehi Ohomorihi. Ịzọọ a sị ori ọnya jẹẹ ẹnẹ ẹyaa sịị̄ mẹ ayịị kụ Ohomorihi ẹtẹẹtẹrẹ nị.

Ịdanịyẹrị 11:36

Ohinọyị Isiriya ọnọnị vaa mẹ o me zee eyi ụmẹ ọnọọ. Dị eè wo oto ka ọnị o huna ori nịnị ọnịrị Ohomorihi ene hu kere-kere nị. Avọọ ọ mẹ vaa mẹ pooro ne tu ụmẹ ọnị Ohomorihi vaa sị sị ụya rị ọ anka ọ mẹ vịdị mẹ eto anị tịtẹ nị.

Ịdanịyẹrị 7:20

Ọnị ê si ka ọnị ọ yẹ ịnị ịpa ọpanyị ẹẹwụ ọnị uye ọnọnị nyị tụ ịrẹsụ ọnịrị ọpanyị oweyi ene vene nyị di o hu ọpanyị ẹẹta kwooze aanị. Ọnị ô si ka ọnị yẹ ọpanyị oweyi ọnọọ ana nyị eyi ọnịrị irenu ene ee si wo oto ọdẹngụ-ọdẹngụ aanị. Ọnị ò divi huna avaba anda ẹnịnị ana vọ nị.

Ịdanịyẹrị 7:25

Ohinọyị ọnọnị vaa kà kẹnẹ-kẹnẹ hi Ohomorihi ene hu keekere, dị ọọ raa sị ụyaa rị aza Ohomorihi. O vee si ka ọnị ọ̀ vara ọda ana aza Ohomorihi a sị mẹ ahẹkẹ ọnịrị eche ẹnẹ ẹ rị. Avọọ ọ mẹ̀ vaa mẹ ịjọvaa tụra wa ịrẹsụ pooro dị ọ mẹ ịrayị ẹẹta rị ẹjịjị nị.

Ịdanịyẹrị 7:8

Oni mee re ọpanyị uye ọnọnị, kẹnẹ dị ọpanyị oweyi ọnya aanị vene nyì va jẹẹ ịnị ịrẹsụ uye ọnọnị nị. Dị ọpanyị ọnọọ hu ọpanyị ẹẹta ịnị ọpanyị ene vi di hi ịnị ịrẹsụ uye ọnọnị kwooze nị. Ọpanyị oweyi ọnọnị vị ana nyị eyi anka eyi ọza avọọ, dị ọ rẹ nyị irenu nị. Irenu anị vi e nee sii wo oto ọdẹngụ-ọdẹngụ.

Imatiwu 27:28

Dị ẹ ngwa Ijeesu awuru, dị ẹ sị awuru ohinọyị ovivi ọnya chire e nị.

Odeyi 8:39

Ịjị ẹ sị jịnẹ hụụnị enyi vẹ, dị Ụhwẹ Ọnịnị sị Ihwiripi kwooze nị. Osuretu ọnọọ o yi kuku re e, ama dị aa jẹ ịrajẹẹ na nị.

2 Anịtẹsaronika 2:4

Ọnị ọọ̄ kụ̀ụ hịrẹ avaba ịsa ana aza aa hị́ Ohomorihi, ọnịrị avaba ịsa ana aza aa sị ụbanyịị yị. Dị ọ rẹ sị ẹngụ anị tụ́ ẹba ka ọnị ọ hyakụ huna avaba ẹnịnị nị. Ọ vá naa yaayịtẹ ini irehi Ohomorihi, dị ọ ka ọnị ọ vị Ohomorihi nị.

Ẹtore 1:10

Ẹkụhị ọnya ana vị ẹkụhị ọsẹ, Ụhwẹ Ohomorihi ộ va dọ avaba ayị amị. Dị mị wụ́ ọngwẹ ọbanyị ana sụ́ ịrẹyị anka ọpanyị avọọ ị́rẹma amị nị.

Ẹtore 12:14

Dị a sị avaka ọkasịmẹ ọbanyị ẹẹva yọ ka ò si hira nọ aha anị ịnị ụnọmị nị. Ịzọọ a vaa yàa pá a mẹ ịrayị ẹẹta rị ẹjịjị, dị asị ẹwụ ọnọọ zụ kanyị ọọ nị.

Ẹtore 12:3

Apọtẹrẹwa ọsa ọ rẹ jịnẹ tụ́ ẹhẹ ẹ́bẹẹba: Â nyị uye odivi ọnya aanị. Ọ́ nyị ịrẹsụ ịhịmba, dị ọ nyị ọpanyị ẹẹwụ, dị ọkẹkẹrẹkụ yà ịnị ịrẹsụ anị ọnya-ọnya nị.

Ẹtore 12:6

Dị ọnẹẹ ọnọọ zwe na ngụ ịnị ụnọmị, ịzị Ohomorihi tenyi tịtẹ yọ ka à yà pá a pooro dị ọ̀ mẹ ẹkụhị akahị tụra ịrẹka ộ tụra ẹbẹẹta nị (1,260).

Ẹtore 17:18

Ọnẹẹ oni u re avọọ, ọ vị ana jẹẹ yị ẹkụra ọbanyị ọnọọ ana aa mẹ ịjọvaa tụra ohinọyị anẹhẹ nịnị.

Ẹtore 17:4

Dị ọnẹẹ ọnọọ hara ịta ovivi-ovivi hi ẹngụ, dị ọ hara igooru ọnịrị ọmọ beri uweyi hi ẹngụ nị. Ọ́ọ sị ako igooru ọnya rị ụvọ. Ako ọnọọ vị ohihi yị ebira odivi irenyi-renyi, ebira ịdọtị ọnịrị ịrẹkọyịsẹ.

Ẹtore 18:12

ẹhụụ: igooru, ọmọ, ịrẹta ozoza, uweyi; ịta ọvụ ozoza, ịta ovivi irenyi-renyi, ịta isiriki; avaba ọchị ozoza ọnịrị avaba ẹnya ana a sị ịkẹ mẹ, àa vị ọchị ana katarihi, beri enyusẹ irenyi-irenyi ọnịrị ịrẹta ozoza;

Ẹtore 18:16

Dị ẹ ka: Kwaa-kwaa! Ho! Ẹkụra ọbanyị ọnọọ ana hara ịta ọvụ ozoza ọnịrị ovivi irenyi-irenyi ene zoza hi ẹngụ, dị ọ rẹ hara igooru ọnịrị ọmọ beri uweyi hi ẹngụ.

Ẹtore 21:10

Dị Ụhwẹ Ọnịnị dọ avaba ayị amị, dị anggẹẹrị ọnọọ sị mị nọ ịrẹsụ ataba ọnya aanị ana nẹba ẹtẹẹtẹrẹ nị. Dị ọ sị ẹkụra ọnịnị ọnọọ zụ̀ mị, ana vị Ijerusarẹmị nị, o mèe chíi hụrẹ ẹbẹẹba ịda Ohomorihi vẹ.

Ẹtore 4:2

Dị Ụhwẹ Ọnịnị wụsẹ dọ avaba ayị amị nị. Â nyị aga ohinọyị ọnya ẹ́bẹẹba ịzọọ, dị ọza ịnya yaayịtẹ ịnị aga ohinọyị ọnọọ nị.