Ẹtore 17:12 - IWE ỌNỊNỊ

¹² “Ọpanyị ẹẹwụ oni u re avọọ vị ana jẹẹ yị ohinọyị ẹẹwụ, ana ahịka eè yi nyima ịjọva. Ama a vaa sị ọdaa yị wa ka è pe uye ọnọọ mẹ ịjọva mẹ agogo ọnya kẹnẹ.

Ẹtore 17:12 ပူးပေါင်းရင်းမြစ်များ

Ịdanịyẹrị 7:20

Ọnị ê si ka ọnị ọ yẹ ịnị ịpa ọpanyị ẹẹwụ ọnị uye ọnọnị nyị tụ ịrẹsụ ọnịrị ọpanyị oweyi ene vene nyị di o hu ọpanyị ẹẹta kwooze aanị. Ọnị ô si ka ọnị yẹ ọpanyị oweyi ọnọọ ana nyị eyi ọnịrị irenu ene ee si wo oto ọdẹngụ-ọdẹngụ aanị. Ọnị ò divi huna avaba anda ẹnịnị ana vọ nị.

Ịdanịyẹrị 7:24

Ọpanyị ẹẹwụ ọnị uye ọnọnị nyị vị ohinọyị ẹẹwụ ana vaa rị ịnị ẹkụra ọnọọ. Ịrẹma anị dị ohinọyị ọsa ọnị rẹ va rị. Ọ vaa vị irenyi yị avaba ẹnị ana vịdị rị. Ọ rẹ vaa dụ ohinọyị ẹẹta ịnị ohinọyị ịpaapa ẹnẹnịị kwooze.

Ẹtore 10:11

Dị ọ ka, â nyị ka ma rẹẹ kà ịsẹẹ yị aza ọrụrụ-ọrụrụ ọnịrị anẹkụra ọrụrụ-ọrụrụ ana aa kà ẹkụra irenyi-irenyi, beri ohinọyị nịnị nị.

Ẹtore 12:3

Apọtẹrẹwa ọsa ọ rẹ jịnẹ tụ́ ẹhẹ ẹ́bẹẹba: Â nyị uye odivi ọnya aanị. Ọ́ nyị ịrẹsụ ịhịmba, dị ọ nyị ọpanyị ẹẹwụ, dị ọkẹkẹrẹkụ yà ịnị ịrẹsụ anị ọnya-ọnya nị.

Ẹtore 13:1

Mê re uye ịnị avị ọnya aanị, ana aa jịnẹẹ hụụnị okuu vẹ. Ộ nyị ịrẹsụ ịhịmba, dị ọ nyị ọpanyị ẹẹwụ nị. Ọ́ nyị ọkẹkẹrẹkụ ọnya tụ́ ịnị ọpanyị anị ọnya-ọnya. Dị a chẹrẹ ịrẹha ịrẹyị edivi hi ịnị ịrẹsụ anị ẹnẹẹ nị.

Ẹtore 17:16

Uye ovivi ọnịrị ọpanyị ẹẹwụ ị́rẹsụ ọnị u re avọọ, vaa nyị ịhyẹrẹ ọsẹrẹka ọnọọ. Ẹ vaa dọ ọ avaba ịsị ọ nyị, dị ẹ tụ́ ọọ ahwaahụ. Ẹ vaa rị ụpẹngụ anị, dị ẹ rị ọọ ịra.

Ẹtore 18:10

Ẹnịnị vaa jẹẹ ẹnẹẹnẹ, agụvị ka angwa ụya ana aa rị ọ ee hi wa. Dị ẹ ka: Kwaa-kwaa! Ho! Ịbabịrọnị ẹkụra ọbanyị ana maanị nyị ụkataa? Ịnị ụmẹ chee kẹnẹ ọ́karẹyị awụ tù aanị nịị?

Ẹtore 18:17

Ịnị ụmẹ chee kẹnẹ avaba ụbanyị ọrọgọdọ ọnọnị maanị ta nịị? Avaba ọga ẹpa beri aza ene hi ịnị ẹpa ẹnịrị aza anaā họ̀ ẹpa ẹnịrị avaba aza ana ahịka oze ini òkū ẹyaa zịị sẹ ohu nị, ệ jẹẹ ẹnẹẹnẹ.

Ẹtore 18:19

Dị ẹ ká ezi và hi ịrẹsụ, di eyee nowu, dị ẹyaa jị òrèrè dị ẹ ka: Kwaa-kwaa! Ho! Ẹkụra ọbanyị ọnọọ ana mẹ ka avaba aza ana nyị ẹpa tụ́ ini òkū ẹ̀ nyị ẹkẹhị agụvị ụbanyị anị, ịnị ụmẹ chẹẹ kẹnẹ ọ maanị vara osusu aanị nịị?