Ẹtore 16:1 - IWE ỌNỊNỊ

¹ Mâ wụ́ ọngwẹ ọbanyị ọnya aanị hụụnị irehi Ohomorihi ọnọọ, dị ọ kà a yị anggẹẹrị ịhịmba ẹnẹẹ ka: Ẹ̀ na dị ẹ̀ na và ọyịkụ Ohomorihi ana vị ohihi ịchacha ịhịmba ẹnẹẹ hi ẹhẹ nị.

Ẹtore 16:1 ပူးပေါင်းရင်းမြစ်များ

Ahẹ Ụgama 79:6

Wéē re anẹkụra ẹnẹ ẹ̀ yị hí ịrẹyị awụ ịrẹyị, dị ẹ yaa sị eyii wụ wụ. Navọ wa mẹ ọyịkụ awụ tụra aza ẹnẹẹ.

Ijeremaya 10:25

Ọ kà, ọ sị ọyịkụ anị zụ aza ana ka ẹnị ẹ yị yẹ ẹ; dị ẹnịnị ẹ yị maa hẹkẹ ẹ. Ẹnịnị ẹ sị aza Ẹnẹyịmavara wụ̀ ha; ẹ sị ẹnị vú ẹtẹ saka-saka, dị ẹ jị ẹkụra ẹnịnị eburu nị.

Ezikẹẹrị 10:2

Ọ kà Ohomorihi ộ kà a yị ọza ana kụ ẹnya ọvwọọvụ hi ẹngụ ịjọọ ka, ọ̀ nọ ịnị akakana ịsị e vene ahụ ụkẹkẹ ana yà akẹtẹ icherubi nịnị ẹnẹnị, dị ọ̀ na nyị akịna rị ụvọ hụụ ịzọọ. Ọ kà ọ̀ọ sị akịna nyị, dị ọ̀ na gara a hi Ijerusarẹmị. Di oni re e ọ́ maa na nị.

Ezikẹẹrị 22:31

Avọọ, ọnị vaa kụ ayịị hi wa, agụvị avaba ịsị ẹnẹ ẹ́ mẹ; dị ọnị sị ọyịkụ-ọyịkụ vu wa ẹtẹ anka ịra mee vu ịsa ẹtẹ avọọ. Ọnị Ẹnẹyịmavara Ananyị ụkata hu, ọ ka avọọ nị.

Ịzẹhwanaya 3:8

Dị Ẹnẹyịmavara kà ee nee zi ẹkụhị ọnị ọnị vaa kwẹẹtẹ tù wa. Ọ kà, ọnị vaa kú avaba ẹkụra ọnịrị ịjọva ẹkụra irenyi-irenyi gụ dị ọnị ọ kụ́ ayị hi wa. Dị avaba ẹtẹ rị ịra agụvị ka ayị anị aa dà ọva.

Ẹtore 11:19

 na irehi Ohomorihi ana yà ẹbẹẹba. Ini irehi ọnọọ, ê re apoti ana aā hị́ apoti oto. Dị ịnyanya aa rị vee-vee, dị ịsa aa sụ́ ịrẹyị, dị apaana ihinẹba aa sụ́ wara-wara nị. Ẹtẹ ee henyi jigi-jigi, dị ata ihinẹba aa sụ̀ nị.

Ẹtore 14:15

Dị anggẹẹrị ọsa jịnẹ hụụnị irehi Ohomorihi vẹ, di o nowu tụ́ ẹba, dị ọ kà a yị ọza ana yaayịtẹ ịrẹsụ eguhi ka, “Sị ụhwọ awụ, wa sịị mẹ̀ ịsa ọyịna, agụvị ka o si tù ụmẹ ka wa mẹ̀ ịsa ọyịna, ịsa ene hi ịnị ẹhẹ ẹ sị mẹ!”

Ẹtore 14:18

Dị anggẹẹrị ọnya aanị ana sị eyi pe ịra ịnị ụta hụụ ịzọọ vẹ nị. Di o nowu tụ́ ẹba kà ịrẹyị yị ana nyị ụhwọ ana rẹ avọọ nị, dị ọ ka, “Sị ụhwọ awụ, dụ wa sị há ẹtụtụ ịvayịnị ene hi ẹhẹ, agụvị ka ẹ́ẹ ta ví.”

Ẹtore 15:1

Me re re apọtẹrẹwa ọsa ẹbẹẹba, ộ banyị dị o re hí ọza irenu nị. Â nyị Anggẹẹrị ịhịmba ana vaa sị ụyọrị ịhịmba ọdịrẹmaa rị anẹhẹ. Ohomorihi ọ̀ọ maanị raà sị ụyọrị ịhịmba ẹnẹnị rị anẹhẹ, ayị anị vee hunẹnẹ.

Ẹtore 16:17

Dị anggẹẹrị ọhụhịmba và ene hi ịnị ịchacha anị hi ịnị ahị nị. Dị ọngwẹ ọbanyị ọnya aanị hụụnị aga ohinọyị ọnọọ ini irehi Ohomorihi ẹbẹẹba vẹ, dị ọ ka, “Ịrẹyị o si tù!”

1 Ịsamụwẹrị 15:18

Dị ọ va tụ́ wụ ụtụ dị ọ ka wa na wụ̀ avaba Anamarẹkị va ha nị, agụvị ka ebira ẹnịnị ẹ sị divi. Ọ kà wa kụ́ ịrẹkụ ne tù wa, dị wa wụ̀ wa va ha saka-saka.

1 Ịsamụwẹrị 15:3

Kwẹẹtẹ booro aanị dị wa kụ́ ịrẹkụ ne tù Anamarẹkị di u we du avaba ịsị ẹ̀ẹ nyị va ha. Za avaba ẹnịnị saka-saka dị wa wụ̀ wa, asị a nyị ọnị ụ navọ. Ọnọrụ ọnịrị anẹẹ vị ọnị ụ vaa wụ̀. Dị ụ rẹ wụ ezweyi ọnịrị ezinụvọ ne beri imaaru, atẹmẹ, ọnịrị ịnyaakụmị ne beri ịkẹrịkẹtẹ.”