Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Ẹtore 15:4 - IWE ỌNỊNỊ

4 Ananyị yị, ẹnẹ ka oni o yi vee hí angwa awụ, dị ọnị ọ̀ ga ịrẹha awụ? Ẹwụ ịnya kẹnẹ ẹ̀ yị nyị ẹngụ anị nị. Avaba anẹhẹ vaa vẹ dị ẹ va và ku ẹtẹ ọvịdị awụ, agụvị ka avaba aza ẹ sị ụkọrọ ịzẹyịza awụ re.

အခန်းကိုကြည့်ပါ။ ကော်ပီ




Ẹtore 15:4
44 ပူးပေါင်းရင်းမြစ်များ  

Ẹnẹyịmavara ọ vị Ohomorihi ayị nị, ọda amị vị ọnị ọ mẹ yị avaba anẹhẹ.


Ộ dọ aza anị tụ́, ịrẹyị ọnị ọ ka ọnị vaa mẹ vị ana jị jẹẹ pooro zịna-zịna, nyị ẹngụ Ohomorihi, dị ọ rẹ nyị ụkata nị.


Avaba ẹwụ nịnị ana aa hẹkẹ Ẹnẹyịmavara, waa gama a nịnị Avaba ẹwụ nịnị ezi Ijekọvụ, waa sị ụbanyịị yọ nịnị. Avaba ẹwụ nịnị Anisirẹrị, mị ka wee hí angwa anị nịnị,


Avaba anẹhẹ vaa tamayị Ẹnẹyịmavara, dị ẹ và ka a vẹ Avaba anẹhẹ vaa vẹ dị ẹ va tana tụra ẹtẹ yị ọnị.


Mâ yẹ ka ẹwụ Ohomorihi ọnịnị, ẹwa vị ohinọyị nị Ẹwụ avaba Anisirẹrị aa gā nị.


Ẹnẹyịmavara avaba anẹhẹ ọnị ụ tụ́ vẹ ẹhẹ vaa vẹ dị e kú ẹtẹ kụ́ wụ, Ẹnịnị vaa sị ụbanyịị yị wụ.


Ịzị aza Ohomorihi ẹ̀ẹ kụ́ gụ hị́, ẹnịnị vị ene ee hí angwa Ohomorihi. Ịnị avaba aza ana kara Ohomorihi, Ohomorihi ọnị ịnya aza eehí angwa anịị hu nị.


Ẹnẹyịmavara, Anịzayọnị ọnịrị Anijuda mẹ̀ wụ́ụ mẹ̀ mẹ aa mẹ̀ ọkarẹyị, ẹnịnị vi ana aa jẹ.


Waā kụ́ Ẹnẹyịmavara ana vi Ohomorihi ayị, tana tụra ẹtẹ ọvịdị anị ịzị ọ yaayịtẹ agụvị ka ọnịnị ọ vị nị.


Waā sị ụbanyịị yị Ẹnẹyịmavara ana vi Ohomorihi ayị, di wa nọ ịnị ataba anị dị waa tanaa tụra ẹtẹẹ kụ́ ọ nịnị. Yẹ nịnị ka Ẹnẹyịmavara ana vị Ohomorihi ayị, ẹ yị nyị ẹngụ anị.


Dị aza ana ra hi eyi ịzị ọyịị̄ zịị hụrẹ ẹnị raa kà ịrẹyị ụbanyị Ẹnẹyịmavara. Aza ana ra hi ini òkū vaa sị Ẹnẹyịmavara ana vị Ohomorihi Anisirẹrị tụ́ ẹba.


Ọsọnị vaa mẹ ka anẹkụra ana nyị ụkata ẹ sị ụbanyịị yị wụ Avaba anẹkụra ẹnẹ ẹ̀ yị mā vayị ọza è hí angwa awụ dị.


Màa sụ, màa ha, ayị amị vị ana yà ịda awụ. Ịhị wàa raà mẹ̀ ọkarẹyị yị anẹhẹ, ẹnịnị vaa yẹ ebira ana vọrọ.


Ẹnẹyịmavara kà ọnị ọ raà hị́ eku, ọnọ ẹ yị vara ayị. Avaba idunku o vee ku ẹtẹ yị ọnị nị. Avaba aza ọ vaa hẹkẹ ọnị nị.


Ẹma vị Ohomorihi ọnịnị ana nẹba nị. Ẹma yàra pooro zịna nị. Aha ana nẹba dị ọ vị ọnịnị mị ra nị. Ama mị rẹẹ raa pe aza ana ka ẹngụ ẹnịnị chi, di e ro ịnẹ varẹma. Ọ vaa mẹ ka ma mẹ ka ayị ẹnịnị ọ̀ vana nẹtẹ, dị ẹ rẹ nyị ọyịtureyi.


Dị ẹ yaa hị́ ẹngụ, dị ẹ ka “Ọnịnị, Ọnịnị Ọnịnị! Ẹnẹyịmavara Ochẹtẹẹngụ vị ọnịnị. Ụbanyị anị vi ene chi avaba ẹhẹ ẹngụ.”


U vee re ịsa ọnọnị, dị ọ vị ịrajẹ yị wụ. Dị ụ mẹrị ayohine. Ogu anẹkụra nịnị vị ana vaa kụ va yị wu; hụrẹ akẹnẹ oku vị ana vaa kụ ẹkẹhị vẹ.


È nee yị vee hí angwa ẹwụ ohinọyị avaba ẹhẹ? Vị a vọrọ ka ee hí angwa awụ nị. Ịnị avaba ọyẹrẹyị ẹhẹ ọnọnị ọnịrị avaba ohinọyị ẹnịnị ẹ yị nyị ọza anka ẹwụ.


Ijeremaya kà, Ẹnẹyịmavara, ẹwụ ee sere mi dị waa sị ụkata yị mị nị ọ; ẹwaā gụ mị ụvọ ịnị ụmẹ ẹngụkata nị. Anẹkụra nịnị vaa hụrị ịzị ẹhẹ na ta ịrẹsụ tụ vee tù wụ dị ẹ ka: Ẹ́ yị nyị ịsị ohiku ayị nịnị nyị para ori ana ahịka ireche kẹnẹ e vị nị hu, ori ẹnẹẹ yị nyị ịsị ẹ́ wụra mẹ aanị kẹnẹ ẹ nyị nị ọ.


Ẹnẹyịmavara kà, wẹ yị daba hí angwa anị nịnịị? Ayị anị ẹ yị daba hụrẹ ẹwụ nịnị ịnẹẹ? Ọnị ọ sị aarẹ tẹ ẹhwị ẹtẹ yị oku ka asị ọ zụ jịnẹẹ pooro nị. Enyi ini òkū ọ zụ jị ayị dị aa da gụgụrụgụ ama ẹ yị zụ jịnẹ ẹhwị ẹtẹ ọnọọ.


Ama ịrẹma anị, Isirẹrị vaa vaka Ẹnẹyịmavara ọnịrị Idevidi ohinọyị ẹnịnị vẹ ịnị angwahi ọnịrị ẹgahị. Ẹnẹyịmavara vaa mẹ ọyịza yị wa.


Ihabaku ka Ẹnẹyịmavara ọ vị Ohomorihi hụrị ụmọrụmọ, ụmẹ ọbọba. Ẹ yị nyị ẹngụ anị. Ọnị ọ vị ịda ọnị ẹnị sị ịrẹma ka nị. Ẹ yị vaa zẹ ka ẹnị e vú ẹtẹ. Ộ sị Anibabironi nịnị ka ọnị ọ sị sị ụya rị ẹnị agụvị ebira odivi ẹnịnị nị.


Aza ana ha ịnị avaba anẹkụra ana gẹ ịrẹkụ tụ́ Ijerusarẹmị vaa sị ịrayị na hẹkẹ Ohinọyị, Ẹnẹyịmavara Ochẹtẹẹngụ, dị ẹ rị eche ajẹngụ.


Ụmẹ ọnọọ, anẹkụra ọrụrụ vaa vẹ ịda Ẹnẹyịmavara, dị ẹ vị aza anị, dị ọ ra beri wa. Ẹnịnị vaa yẹ ka Ẹnẹyịmavara Ochẹtẹẹngụ ọ tụ́ oni hí wa nị.


Ọ kà aza vị ana aa hụrẹ avaba ẹhẹ vẹ, dị ẹyaa sị ụbanyị yị ọnị, dị ẹyaa rị eturare ịra yị ọnị, dị ẹyaa sị ịsa ana vọrọ vaa yị ọnị. Ọ kà aza ẹnẹẹ vavọọ aa mẹ agụvị ka ẹ yẹ ụbanyị anị.


Ọ rẹ vaa mẹ ka Anigiriki ẹ̀ zụ sị ụga yị Ohomorihi, agụvị ka ọọ̄ vayị aza. Â vịdị vavọọ chẹrẹẹ tụ́ ini Iwe Ohomorihi ka, “Agụvị avọọ mị vaa kụ́ wụ avọ ịnị akakana Anigiriki; mị rẹ vaa jị ahẹ ga ịrẹha awụ.”


 chẹrẹ ẹ tụ́ ini iwe Ohomorihi ka Ohomorihi ka: Vị ọnịnị nịnị, agụvị ka ẹmị vị ọnịnị.


Anggẹẹrị ọhụhịmba ô hú ọpanyị anị. Dị ọngwẹ ẹbanyị-ẹbanyị aa kà ịrẹyị ẹ́bẹẹba nị, dị ẹ ka, “Ịjọva ẹhẹ ọnọnị, ọ sị vara ịjọva Ohomorihi ọnịrị Óohinọyị anị ọnị ọ nyị ka ọ̀ dọ ọza há. Ọnị ọ vaa vị ohinọyị pooro zịna-zịna nị!”


Di o nowu tụ́ ẹba ka, “Nyị angwahi Ohomorihi, dị waa sị ụgaa yọ, agụvị ka ụmẹ ana aa sịị mẹ̀ ọkarẹyị anẹhẹ o si tù. Waa hẹkẹ ọza ana mẹ ẹbẹẹba ọnịrị ẹhẹ beri oku ọnịrị enyi ẹtẹ!”


Dị mị wụ́ anggẹẹrị ana sị eyi pe enyi, dị ọ ka: Ẹwụ Ohomorihi ẹnẹ ẹ̀ yị nyị ẹngụ anị, ịzẹyịza ụ sị mẹ̀ ọkarẹyị ẹnẹnị nị. Ẹwa yà ịzọọ booro aanị nị, ẹwa rẹ yà ịzọọ hụrị ụmọrụmọ nị.


Dị mị rẹ wụ́ ọngwẹ ọsa hụụnị ụta ọnọọ vẹ, dị ọ tụ́ ohi ka, “Ohomorihi Ananyị yị Ochẹtẹngụ, ịzẹyịza ụ waa sịị mẹ̀ ọkarẹyị nị, ẹ yị nyị ireche ịnị anị.”


Ịzẹyịza ọ sịị̄ mẹ̀ ọkarẹyị anị nị, ọ mā nyị ireche. Ọ raà mẹ̀ ọkarẹyị yị ọsẹrẹka ọbanyị ọnọọ ana aa sị ịrẹkọyịsẹ anịị du ẹhẹ. O re reè si ọ atọ agụvị ezi ahụ anị ọnị ọ wụ̀.”


 zẹẹ ka à kụ́ ẹnya ọvwọọvụ ana vwẹtẹ sẹnẹ-sẹnẹẹ yọ ka ò chire e. Ẹnya ọvụ ozoza ọnọọ vị ana jẹẹ yị ịzẹyịza ana aza Ohomorihi nyị.


Ọza oni mi re rẹ ka: Chẹrẹ iwe tụ́ hi anggẹẹrị ana sị eyi pe ịragụ Ohomorihi ana yà Ihwiradehwiya ka: Ọza ana vị ọnịnị ọnịrị ọnịzẹyịza, ana rẹ nyị ụkọkọrọ Idevidi; ọnị ọọ̄ na oze, dị ẹ yị nyị ọza ene zụ gu ọọ nị; oni o reē gu oze, dị ẹ yị nyị ọza ana zụ naa nị; ọnị ọnọọ ọ tụ́ ụtụ ọnọnị nị:


Ịsa ẹẹna ana nyị ụhwẹ ẹnẹẹ, ọnya-ọnya ộ nyị avaka ịhịnọnyị. Dị ẹhẹẹhẹ ẹnịnị ọnịrị ịnịnẹ ẹnịnị vị eyi-eyi nị. Ọọdụ ọnịrị ịrahụ, ẹnịnị e yị tụ́ ụhwọ́, dị ẹyaa jị ahẹ ka Ọnịnị, Ọnịnị, Ọnịnị, Ananyịwa Ohomorihi Ochẹtẹngụ vị nị. Ẹ yị nyị ẹngụ awụ, Ọnị ọ yà ịzọọ hụrị ụmọrụmọ dị a va yẹ ka aa mẹ ẹhẹ nị; ọnị ọ yà ịzọọ booro aanị nị, ọ rẹ vaa vaa vẹ ịnị ẹhẹ ọnọnị.


Di e yee nowu booboro, dị ẹ ka: Ananyị yị ana vị ọnịrẹyịzẹyịza dị ẹ̀ yị nyị ẹngụ anị, ịhị ọ vaa mẹ̀ ọkarẹyị yị anẹhẹ di ò sí wa atọ ọyịwụ̀ ẹnẹ ẹ wụ̀ ẹnị?


Ẹ yị nyị ọza ikonya ana vị ọnịnị anka Ẹnẹyịmavara. Ẹ yị nyị ẹngụ anị. Ẹ yị rẹ nyị ọza ẹnẹsa ene zu sere ọza anka Ohomorihi ayị.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ