Ẹtore 15:3 - IWE ỌNỊNỊ

³ Dị ẹyaa jị ahẹ Imosiisi, ozi ahụ Ohomorihi, ọnịrị ahẹ Ozi Atẹmẹ ọnọọ, dị ẹ ka: Ananyị yị, Ohomorihi Ochẹtẹngụ, ụkọrọ awụ ộ banyị, di o re hí ọza irenu nị. Ẹwa vị ohinọyị anẹhẹ nị, oze awụ vị ịzẹyịza, ẹ yị nyị ireche ịnị anị.

Ẹtore 15:3 ပူးပေါင်းရင်းမြစ်များ

Oyinyima 17:1

Ẹkụhị ọnya Ẹnẹyịmavara o re ne tù Abụramị. Ịjọnọọọ, Abụramị ọ sị gụ ịrayị ẹnarẹwụ tụra ịhịịna. (909) Dị ọ kà a yị Abụramị dị ọ ka Ọnị ọ vị Ohomorihi Ochẹtẹẹngụ nị. Ọ kà Abụramị ọ̀ọ wụ́ ịrẹyị anị, asị ọ mẹ̀ ebira ene divi.

1 Ịtọpa 6:49

Ama Eerọnị ọnịrị ezi anị ẹẹ̄ mẹ̀ ịsọvọ ịrẹsụ ụta ana aā yaa rị ịsa ịsọvọ ịra nị. Ẹnị ẹ rẹẹ mẹ̀ ịsọvọ ịrẹsụ ụta ana aā yaa rị eturare ịra nị. Ẹnị ẹẹ̄ mẹ avaba ụkọrọ ana a nyị ịzị ẹ gụrị Ohomorihi hu keekere àa mẹ ahẹkẹ nị. Eerọnị ọnịrị ezi anị ẹnẹnị ẹẹ̄ mẹ̀ ịsọvọ oni Ohomorihi sịị̄ vagu ịvị Anisirẹrị nịnị nị. Avaba ụkọrọ ẹnẹnị vị ẹnẹ ẹnịnịị̄ mẹ anka Imosiisi, ozi ahụ Ohomorihi mẹ̀ kà a yị wa.

2 Ịtọpa 24:6

Avọọ, dị Ijowasi hị́ Ijehoyada ana vị ọdọvịdị ẹnịnị ka, sị ẹ vẹ dị ọ yị kụ́ ẹngụ hi ọ ka Anireevi nịnị ẹ dọ ẹkẹhị irehi hụụnị ụvọ aza ana ra ịnị ẹtẹ Ijuda ọnịrị Ijerusarẹmị? Imosiisi ozi ahụ Ẹnẹyịmavara vị ana ka aza vavọọ tụ́ ẹkẹhị dị a sị mẹ̀ ọgụvọ ụkọrọ ajẹngụ Ẹnẹyịmavara.

Inehemaya 9:14

Dị ọ zụ wa a mẹ vọrọ ka a sị ụvọ za ẹkụhị ụhwọtụ nị. Ộ sị avaba ọda anị tụ́ Imosiisi ozi ahụ anị hi wa.

Ijoovu 36:24

Tamayị ka a vọrọ ka wa ga ụkọrọ ọnị ộ mẹ̀ nị. Aza ệ raà jị ahẹ gono o.

Ijoovu 5:9

Ịsa ọbanyị-ọbanyị ọnị ọọ̄ mẹ̀, ọza ẹ yị zụ yẹ ka. Ọza ẹ yị zụ za wa ịrịka.

Ahẹ Ụgama 100:5

Ẹnẹyịmavara vị anaā mẹ̀ ịsa ene zoza, vi oō sì ịrẹyị ọza pooro nị. Ẹ yị nyị ụmẹ oni o ve sii vene ọza pooro pàá.

Ahẹ Ụgama 105:5

Ẹwụ nịnị ezi Abụrahamị, ana vị ozi ahụ Ẹnẹyịmavara, ẹwụ nịnị ezi Ijekọvụ ọnị ọ nyị tamayị ụkọrọ ịvọpa irenyi-irenyi ẹnị Ẹnẹyịmavara mẹ ọnịrị ọ mẹmẹ jị ịvị yị ọnịvị nịnị.

Ahẹ Ụgama 111:2

Ụkọrọ ẹbanyị-ẹbanyị Ẹnẹyịmavara mẹ nị. Aza ene sì ịrẹyị anị vị ene eē ro ịrẹyị ụkọrọ anị ẹnẹẹ.

Ahẹ Ụgama 111:7

Ịzẹyịza ọọ̄ mẹ nị, ọ mā mẹ irikichi. Avaba ọda ọnị ọ mẹ ọ rụra sị ayị tụra.

Ahẹ Ụgama 139:14

Maa kụ́ wụ avọ agụvị ka mèe re ụ mẹmẹ mẹ mị pooro, angwa vi ene eē hí mị. Mâ yẹ ịnị ayị amị ka ịsa ọnị ụụ̄ mẹ vị ene eē hí ọza irenu.

Ahẹ Ụgama 145:17

Avaba ịsa ẹnị Ẹnẹyịmavara ọ̀ọ mẹ vị ịsa ana vọrọ. Ô sì ịrẹyị avaba ịsa ọnị ọ tụ́.

Ahẹ Ụgama 145:6

Ẹ vaa kà a ụ mẹmẹ sị ụkata mẹ̀ ụkọrọ ịvọpa. Ịta mā ta pa ọnị ụ mẹ vị ọnị mị vaa kà a zụ̀ aza.

Ahẹ Ụgama 18:30

Mâ yẹ ka avaba ịsa oni Ohomorihi mẹ, ẹ yị nyị oni oō nye eyi ịnị anị; nyị ịrẹyị Ẹnẹyịmavara ana vi ireche. Avaba aza ene èe zwe na vaka vi oni oō sere a mā nyị ịsị ẹ zụ kanyị wa.

Ahẹ Ụgama 78:12

Óhiku aza ẹnẹẹ mè hi Ijipiti ịnị ẹtẹ Izowanị, Ohomorihi ộ mẹ̀ ụkọrọ ịvọpa éyi ẹnịnị.

Ahẹ Ụgama 92:5

Ẹnẹyịmavara, ụkọrọ awụ ộ dà banyị kẹnẹ, avọọ u me ree ro ịrẹyịị nyịnẹ nị.

Ahẹ Ụgama 99:4

Ohomorihi ohinọyị vị ana nyị ụkata, oō sì ka asị a mẹ apẹ. Ọ raà sị ịzẹyịza hi ẹtẹ ini Isirẹrị, ịsa ana vọrọọ mẹ nị.

Ayịsaya 33:22

Avaba ẹnya ana aā kụ́ụ hi ini ẹpa ẹnẹẹ vị ana vaa vi osusu. Ọchị ọgọdọ ana a mẹ jẹẹ ịnị ẹpa vị ana vaa ma. Ọza ọ yị rẹ vaa gana ịta ana a sịị dọ ahị. Ogu ọnịvị ayị vị ọnị ị vaa kụ́. Ogu vaa gwẹtẹ, di oswahụ nịnị ẹnị re re kụ́ bẹẹ. Ọ vavọọ vaa yà agụvị ka Ẹnẹyịmavara ọnị ụvọta ọ vaa vị ohinọyị ayị, dị aa mẹ ịjọvaa tụra yị nị. Ọnị aa sị ọdaa yị nị ọnị ọ rẹ vaa dọ yịị há nị.

Ayịsaya 45:21

Ẹ kụ ịrẹsụ gẹ, dị ẹ ka ọgụvọ sị ori ọnị ẹ yaa hẹkẹ aa mẹ yị wa. Aanị ka ọnị ẹ yị vịdị ka yị wa hụrị ụmọrụmọ ịsa ana vaa mẹ? Á vị ọnị Ẹnẹyịmavara ọ vị Ohomorihi ọnịrẹyịzẹyịza ana dọ aza anị ha. Ẹ yị nyị Ohomorihi ọsa ịrẹma anị.

Ịdanịyẹrị 6:20

Ịjị o tu ịzọọ, ayị anị vị ene du, dị o nowu, dị ọ ka: Ịdanịyẹrị, ọnụtụ Ohomorihi ana yara! Ohomorihi awụ ọnị ụ waa sị ịzẹyịzaa hẹkẹ ọ́ọ́ sị ụ dọ tụ hụụnị ụvọ idu nịnị kẹ?

Ịdanịyẹrị 9:11

Ọnị ka avaba ẹnị Anisirẹrị ệ raa sị ahụ jịnẹ ọda anị. Ẹnị ệ yị saasa ịrẹyị anị. Agụvị avọọ aa sị ụya rị ẹnị anka a mẹ chẹrẹ ẹ tụ ịnị ọda ọnị ộ sị tụ Imosiisi ana vị ọnụtụ anị hi ẹnị nị.

Ihoseya 14:9

Aza ana àa yẹ ịrẹyị vaa yẹ avaba ịsa ẹnịnị. Aza ene eyi anị hweyi ẹẹ yẹ ẹ. Oze Ẹnẹyịmavara ọ vọrọ ọnị aza ana yẹ ịrẹyị aa sị mẹ ẹhẹ ẹnịnị nị. Ama ọnịvị nịnị vị ana vaa vanga, dị ẹ hyẹdụ agụvị ka ẹ sị eyi wụ̀ ịrẹyị anị.

Imika 7:20

U sì ịrẹyị aza awụ pooro nị a yi nyị ka u vee vene wa Avọọ ụ mẹ̀ kà a yị Abụrahamị ohiku ayị nị vị ọyaanị, hụrẹ ụmọrụmọ ụ vavọọ kà nị.

Ịzẹhwanaya 3:5

Ẹnẹyịmavara vị ana yị yà pe wa, dị aa mẹ̀ ịsa ana vọrọ nị. Eyinị-eyinị Ẹnẹyịmavara aa sị ịzẹyịza anị zụ̀ wa, ama aza edivi ene hi ịzọọ vị ana yịị mẹ̀ ebira odivi ẹnịnị, dị ụhị ẹ yị nyị wa.

Ịzakaraya 9:9

Aza ene hi Ịzayọnị ẹẹ jẹ, dị aza ene hi Ijerusarẹmị ee nowu ịrajẹ. Ree, ohinọyị awụ nịnị aa vẹ ịda awụ nịnị. Ọ nyị ịzẹyịza ọnịrị ẹdọha. Ọza hẹẹ ọ vị nị, ọ́ọ tụra ịkẹrịkẹtẹ, ozi ịkẹrịkẹtẹ araka ọ tura nị.

Ịjọọnụ 1:17

Ohomorihi ộ sị ọda zị oze ịnị ụvọ Imosiisi yị aza; ama ayamva ọnịrị ịzẹyịza vị oni Ohomorihi zị oze ịnị ụvọ Ijeesu Ikirisiti sị yị aza.

Iwe Ọhụhị Imosiisi ana aa hị́ Ọyịvatụrọda 31:30

Ịjị avaba aza sị gụ, dị Imosiisi vatụra ahẹ ọnọọ jị́, di e batọ, dị ẹ wụ́ nị.

Iwe Ọhụhị Imosiisi ana aa hị́ Ọyịvatụrọda 32:3

Ọ kà ọnị vaa ka a ịzị Ẹnẹyịmavara nyị ụbanyị na za, dị ọzọza ọ ka ohyozirenu ana aa mẹ.

Iwe Ọhụhị Imosiisi ana aa hị́ Ọyịvatụrọda 34:5

Ịzẹyịza, dị Imosiisi ozi ahụ Ẹnẹyịmavara su ịnị ẹtẹ Imowabi anka Ẹnẹyịmavara vịdị kà a ọnị vaa mẹ.

1 Itimoti 1:17

Aza ẹ̀ẹ sị ụbanyị ọnịrị igirimaa yị Ohomorihi pooro zịna-zịna! Ọnị ọ vị ohinọyị pooro zịna-zịna nị; o mē sú, ọza o mē ree. Ọnị kẹnẹ ọ vị Ohomorihi nị. Aamị.

Anihiburu 3:5

Imosiisi ộ nyị ịzẹyịza ịnị ụkọrọ ọnị ọ mẹ ịnị akakana avaba aza Ohomorihi. Ama ozi ahụ kẹnẹ ọ vị nị. Ộ sị zụ̀ ịsị Ohomorihi vaa kà ị́rẹma ụhwọọ.

Ijosuwa 22:5

Re ka waa mẹ ọda ọnịrị ịrẹyị ọnị Imosiisi ozi ahụ Ẹnẹyịmavara kà yị wụ nịnị ka: Sì ịrẹyị Ẹnẹyịmavara Ohomorihi awụ nịnị, mẹ̀ ịsa oni o sì, saasa ọda anị nịnị, sị ayị tụra a geri-geri nịnị, dị ụ waa sị avaba ayị awụ nịnị ọnịrị ivehu awụ nịnịị hẹkẹ ẹ.”

Ẹtore 1:8

Ohomorihi Ananyị yị Ochẹtẹngụ, ọnị ọ yà ịzọọ hụrẹ ụmọrụmọ dị a va yẹ aa mẹ ẹhẹ nị. Ọnị ọ yị yà ịzọọ booro aanị nị, ọ rẹ vaa vaa vẹ ịnị ẹhẹ ọnọnị. Ọ kà, Ọnị ọ vị ọnịpaapa ọnịrị ọdịrẹma nị.

Ẹtore 11:17

Dị ẹ ka, Ohomorihi Ananyị yị Ochẹtẹngụ, ẹnị ệ kụ́ wụ avọ. Ẹwụ aa yà ịzọọ hụrị ụmọrụmọ dị a va yẹ ka aa mẹ ẹhẹ nị; ẹwa yị yà ịzọọ nị, ụ rẹ vanaa vaa vẹ ịnị ẹhẹ. We si nyima aa sị ụkata ọbanyị awụụ zụ̀, we reè nyima aa mẹ ịjọva.

Ẹtore 14:3

Dị ẹ jẹẹ ọvịdị aga ohinọyị ọnọọ ọnịrị ịsa ẹẹna ẹnẹẹ ana nyị ụhwẹ, beri azọkụ ẹnẹẹ, dị ẹyaa jị ahẹ ọwọọwa ọnya nị. Ẹ yị nyị ọza ana zụ kọ ahẹ ọnọọ, ẹ̀ yị vị aza ẹnị akawụ-akawụ oze ẹtarẹwụ tụra ẹẹva ẹnẹẹ (144,000) ana a sị hị́ varẹma hụụnị ẹhẹ kẹnẹ.

Ẹtore 14:8

Dị anggẹẹrị ọsa aa saasa anggẹẹrị ịpaapa, dị aa hị́: “Ịbabịrọnị ọ sị hyẹdụ, ẹkụra ọbanyị ọnọọ ọ sị hyẹdụ; ọ sị ọyịkụ Ohomorihi yẹ, agụvị ka ọ raà kụ́ anẹhẹ ka ẹ̀ẹ sẹ̀ ịrẹka.”

Ẹtore 17:14

Ẹnịnị vee pe Ozi Atẹmẹ ọnọọ kụ̀ ịrẹkụ, ama Ozi Atẹmẹ ọnọọ ọnịrị aza ọnị ọ hị́, dị ọ nyị wa dị ẹ rẹ nyị ịzẹyịza hi ọọ, vaa nyị ehuna ẹnịnị, agụvị ka ọnị ọ nyị avaba aza nị; ọnị ọ vị Ohinọyị avaba ohinọyị nịnị nị.”

Ẹtore 19:16

 chẹrẹ ịrẹha ọnya aanị tụ́ ịnị awuru anị ọnịrị ịnị usi anị ka, “Ọza ana nyị avaba aza ọnị Ohinọyị avaba ohinọyị nịnị.”

Ẹtore 19:2

Ịzẹyịza ọ sịị̄ mẹ̀ ọkarẹyị anị nị, ọ mā nyị ireche. Ọ raà mẹ̀ ọkarẹyị yị ọsẹrẹka ọbanyị ọnọọ ana aa sị ịrẹkọyịsẹ anịị du ẹhẹ. O re reè si ọ atọ agụvị ezi ahụ anị ọnị ọ wụ̀.”

Ẹtore 4:8

Ịsa ẹẹna ana nyị ụhwẹ ẹnẹẹ, ọnya-ọnya ộ nyị avaka ịhịnọnyị. Dị ẹhẹẹhẹ ẹnịnị ọnịrị ịnịnẹ ẹnịnị vị eyi-eyi nị. Ọọdụ ọnịrị ịrahụ, ẹnịnị e yị tụ́ ụhwọ́, dị ẹyaa jị ahẹ ka Ọnịnị, Ọnịnị, Ọnịnị, Ananyịwa Ohomorihi Ochẹtẹngụ vị nị. Ẹ yị nyị ẹngụ awụ, Ọnị ọ yà ịzọọ hụrị ụmọrụmọ dị a va yẹ ka aa mẹ ẹhẹ nị; ọnị ọ yà ịzọọ booro aanị nị, ọ rẹ vaa vaa vẹ ịnị ẹhẹ ọnọnị.