Ẹtore 14:4 - IWE ỌNỊNỊ

⁴ Aza ẹnẹnị ẹ yị zẹẹ ka anẹẹ è du ẹnị ẹngụ, ẹnịnị ẹ yị yẹ ọnẹẹ. Ẹnịnị ẹẹ̄ saasa Ozi Atẹmẹ ọnọọ nọ aha tụra aha ana àa nọ nị. A raà hị́ wa varẹma hụụnị akakana aza, vị ẹ yà anka ịsa ịnị aarẹ ịpaapa avọọ ana aā sịị tụ́ irenyi yị Ohomorihi ọnịrị Ozi Atẹmẹ ọnọọ nị.

Ẹtore 14:4 ပူးပေါင်းရင်းမြစ်များ

Ahẹ Ụgama 45:14

Awuru oni o chire, ana a sị sị ọ aa nọ ịda ohinọyị vị ana a mẹ̀ ụkọrọ hi ẹtẹẹtẹrẹ Ọ mẹ̀ vavọọ aa na, â nyị ezwoorihi ana saasa a dị a rẹ kụ́ ẹnị nọ ịda ohinọyị nị.

Ahẹ Ụgama 74:2

Tamayị ka ka ẹya vị aza awụ ọnị ụ nyị hụrẹ ụ mẹ ịyẹẹyẹ vẹ nị. Ẹyị ọnọnị ụ tụ̀ hụrẹ udi ọrịhị dị ụ sị yị mẹ aza awụ nị. Navọ wa tamayị ataba ịzị ụ vịdị ra da.

Ahẹ Isoromọnị 1:3

Agụ eturare awụ ô zoza ẹtẹẹtẹrẹ. Àa hị́ ịrẹha awụ kẹnẹ vị anaa mẹ ọzaa tamayị anị. Ọnị ọ mẹ ka avaba anyẹnẹẹ ẹ̀ maanịị turaa ku wu nị.

Ahẹ Isoromọnị 6:8

Ohinọyị ọ̀ọ daka nyị anẹẹ ẹbẹẹta, beri onyeehi ẹbẹẹna, dị ọ nyị ozwoorihi ọnị ọza ẹ̀ yị zụ za ịrịka nị,

Ijeremaya 2:3

Ẹnẹyịmavara kà Anisirẹrị vị aza ọnị ọnị nyị tụ irenyi yị ẹngụ anị. Avaba aza ana kwọ kata wa ẹngụ vị ọnị ọnị sị ụya rị, dị ọnị kụ ẹngụkata odivi tu wa.

Emọsị 6:1

Oogwoo Anijerusarẹmị ọnịrị Anịsamarịya nịnị ẹnị e ro ka ẹnị ẹ si ha dị ẹ va ẹngụ ha. Ọdọvịdị ẹkụra ẹnẹnị vị ene ro ka eni e huuna ẹkụra ana vọ agụvị avọọ di ọzọza ọ va ụpa anị nee kú.

Imatiwu 19:12

 nyị osiretu ẹnyị ana a vavọọ ma hụụnị ịnẹ ọnyị ẹnịnị vẹ. Ẹnyị yà ịzọọ ana aza vara osiretu. Aza ẹnyị rẹ yà ịzọọ ana sị ayị hụụnị ọnẹẹ ọyịnyị, agụvị ka Ada ayị ẹbẹẹba aa mẹ ịjọvaa tụra wa nị. Ọza ana àa zụ dọ ọ, ọ̀ dọ ọ!”

Imatiwu 25:1

Dị Ijeesu rẹ ka, “Ịhị ọnọọ, oze ana Ada ayị ẹbẹẹba aa zịị mẹ ịjọva vị ana va sị mẹẹ anka ezwoorihi ẹẹwụ ana sị ozotupa ẹnịnị, dị ẹyaa nọ ụgẹrị ọza ana aa nyị ọnẹẹ avọọ.

Imatiwu 8:19

Dị ọzwọzọda ọnya aanị vẹ nị, dị ọ kà a yọ ka, “Ịnda, maa dụ wụ nọ aha tụra aha ọnị ụ wàa nọ.”

Ịjọọnụ 10:27

Atẹmẹ amị vị anaā wụ́ ọngwẹ amị, mâ yẹ wa, ẹnịnịị̄ dụ mị ịrẹma.

Ịjọọnụ 12:26

Ọza ana àaa hẹkẹ mị, ọ̀ rẹẹ dụ mị ịrẹma! Ịzị màa yà, ịzọọ aza ana aa hẹkẹ mị ọnị rẹ vaa yà nị. Ọza ana àaa hẹkẹ mị, ọnị Áda amị vaa sị ụbanyị yị nị.”

Ịjọọnụ 13:37

Dị Ipita ka, “Ananyị yị, sị ẹ vẹ dị mẹ̀ yị zụ dụ wụ vẹ booro aanị? Mê tenyi ẹngụ ka me sú agụvị awụ.”

Ịjọọnụ 8:12

Dị Ijeesu rẹ kà a yị aza, dị ọ ka, “Ẹma vị ẹtohweyi yị anẹhẹ nị. Ọza ana àa dụ mị ịrẹma, o vee re ẹtohweyi anaā mẹ ka ọza ọ̀ yàra obooro. Ọza ọnọọ ọ yị kụkụ vaa zị ụsẹ ịrahụ.”

Odeyi 20:28

Sị eyi pe ẹngụ awụ nịnị! Du we re sị eyi pe avaba aza Ohomorihi ọnị Ụhwẹ Ọnịnị si chire wu nịnị ụvọ! Waa tẹsị anịragụ Ohomorihi nịnị! Wâ yẹ nịnị ka anya ẹngụ anị ọ sị mẹ ka ẹ̀ vị áanị nị.

1 Anịkọrịntị 16:15

Ẹwụ nịnị ẹyịnyara amị, wâ yẹ Isitihwanasị ọnịrị aneehi anị nịnị. Wâ yẹ ka ẹnị ẹ̀ vịdị dọ enube ọyịza wụ́ ịnị avaba aza ene hi ẹtẹ Akaya nị. Avaba ẹngụ ẹnịnị ẹ́ yaa sịị mẹ ọgụvọọ yị aza Ohomorihi nị. Aarịhịnị,

1 Anịkọrịntị 6:20

Ohomorihi ọ sị wụ nịnịị hị́, ọ sị ụta sí; agụvị avọọ wa kụkụụ sị ẹngụ awụ nịnịị sị ụbanyịị yị Ohomorihi.

1 Anịkọrịntị 7:28

Ama wàa na nyị ọnẹẹ, wẹ yị mẹ ịvị. Ọnẹẹ ẹnẹ ẹ̀ yị nyị ọnọrụ, ọ̀ọ na va ọnọrụ, ọ yị mẹ ịvị. Ama mẹ yị yaanị sì ka wáa nyị ẹngụkata eyinị-eyinị ẹnẹ ẹngụ aza ẹnẹẹ vaa nyị nịnị.

2 Anịkọrịntị 11:2

Maa kụ̀ ụhị ịrẹsụ awụ nịnị anka Ohomorihi avọọ. Vị ụ sị mẹẹ nịnị anka ozwoorihi ẹnẹ ẹ̀ẹẹ̀ yị yẹ ọnọrụ ọnị mị raà kà a ka maa sịị gà ọza ịnyara kẹnẹ avọọ nị. Ọza ịnyara ọnọọ ọ vị Ikirisiti nị. Mee sì ka ma sị wụ nịnị naa yọ.

Anẹhwẹsọsị 1:14

Ụhwẹ Ọnịnị ọnọọ ọ́ọ sị zụ ka ị vaa dọ ẹyịza ana vọ oni Ohomorihi kà a ka ẹ yị zụ nyị ka ọnị ọ yị vaa sịị yị aza anị. Ọ rẹ mẹ ka ya yẹ ka Ohomorihi vaa hị́ aza anịị varẹma saka-saka. Agụvị avọọ à vẹ yaa ga ụbanyị anị.

Anẹhwẹsọsị 5:27

Ộ vavọọ mẹ, agụvị anịragụ anị ò nyengu zoza nịkị-nịkị, dị asị ọ rẹ nyị ịdọtị ikonya. Ịjọnọọ dị ọ va sị ọọ yị ẹngụ anị ọgọnị.

1 Itimoti 4:3

Dị ẹ ka ẹ yị vọrọ ka aza ẹ̀ẹ nyị ọnẹẹ, dị ẹ rẹ ka asa aza rẹ̀ rị ịsa ẹnyị. Ama Ohomorihi vị ana mẹ̀ ịsa ẹnẹẹ ka aza ana vị ọdọwụ dị ẹ rẹ yẹ ịzẹyịza, ẹ̀ sị ọọ, dị ẹ̀ kụ́ ọnị avọ tụ́ ọọ, dị ẹ̀ẹ rị ọọ.

Anihiburu 12:23

Ịzị ụ vẹ nịnị aanị vị ịzị avaba anịragụ Ohomorihi kụ́ gụ. Ẹnị ẹ vị ezi ịpaapa Ohomorihi ọnị ọ raà chẹrẹ ịrẹha ẹnịnị tụ́ ẹbẹẹba nị. Wa raà saasa ọnịrẹyịzẹyịza nịnị oni Ohomorihi raà mẹ ka ẹ̀ gụ.

Ijemiisi 1:18

Ô zé Ohomorihi eyi, dị ọ sị ịrẹyị anị ana vị ịzẹyịza, dị ọ sị mẹ ka ya yàra nị; ộ vavọọ mẹ, agụvị dị ya vị ọnịpaapa ịnị aza anị.

1Ipita 2:9

Àa vị ẹwụ nịnị yọ, ẹwụ nịnị vị aza oni Ohomorihi sị nyị. Ẹngụ ohirẹsụ irehi Ohomorihi ana aa hẹkẹ Ohomorihi Ohinọyị, ụ vị nịnị nị. Anẹkụra oni Ohomorihi nyị tụ́ irenyi yị ẹngụ anị, ụ vị nịnị nị. Aza Ohomorihi obooro ụ vị nịnị nị. Ộ nyị wụ nịnị ka waa kà a yị aza ịsa ẹbanyị-ẹbanyị oni Ohomorihi mẹ, ọ mẹ̀ hị́ wụ nịnị hụụnị ịrahụ va ngụ ini ẹtohweyi anị ene hí ọza irenu.

Ẹtore 17:14

Ẹnịnị vee pe Ozi Atẹmẹ ọnọọ kụ̀ ịrẹkụ, ama Ozi Atẹmẹ ọnọọ ọnịrị aza ọnị ọ hị́, dị ọ nyị wa dị ẹ rẹ nyị ịzẹyịza hi ọọ, vaa nyị ehuna ẹnịnị, agụvị ka ọnị ọ nyị avaba aza nị; ọnị ọ vị Ohinọyị avaba ohinọyị nịnị nị.”

Ẹtore 21:22

Me yi re irehi Ohomorihi ikonya ịnị ẹkụra ọnọọ, agụvị ka Ohomorihi Ananyị yị Ochẹtẹngụ ọnịrị Ozi Atẹmẹ ọnọọ ẹ vị irehi Ohomorihi ịzọọ nị.

Ẹtore 21:23

Ẹ yị nyị ịsị ẹkụra ọnọọ aa sị ọyịị̄ mẹ, à vị ụhwẹ, ka ọ̀ọ zẹtẹ ịzọọ, agụvị ka igirima Ohomorihi aa sị ẹtohweyi yị ịzọọ nị. Ozi Atẹmẹ ọ rẹ vị ẹtohweyi anị nị.

Ẹtore 3:4

 nyị aza chee ịnị awụ nịnị Isaadisi ịzọọ, ana ahịka ẹ yị dà ịdọtị gẹ ịta ẹnịnị. Ẹnịnị vaa kụ́ ẹnya ọvwọọvụụ hi ẹngụ, dị ọnịrị wa aa zịịzị, agụvị ka ẹnịnị ệ ra anka Ohomorihi mè sì ọọ.

Ẹtore 5:9

Dị ẹ jị ahẹ ọwọọwa dị ẹ ka: Ẹwa hụ ọọ sị iwe ọnọọ nị, dị ụ wa hụ̀ ịsa ana sị vá a, agụvị ka â vịdị wụ wụ. A mẹ̀ wụ wụ, wa raà sị anya awụ hị́ aza varẹma va yị Ohomorihi, avaba anẹkụra, aza ana aa kà ẹkụra irenyi-irenyi avaba ẹhẹ.