Ẹtore 14:2 - IWE ỌNỊNỊ

² Dị mị wụ́ ọngwẹ ọnya hụrẹ ẹbẹẹba vẹ anka enyi ene ee sì vụụ-vụụ avọọ ọnịrị anka apaana ihinẹba ọbanyị nị. Dị mị rẹ wụ́ ịsa, ọ màa sụ́ ịrẹyịị véné ịsa anaa sịị̄ jị ahẹ ene véné igita avọọ nị.

Ẹtore 14:2 ပူးပေါင်းရင်းမြစ်များ

2 Ịsamụwẹrị 6:5

Di Idevidi ọnịrị avaba Anisirẹrị ana vọ aa sị avaba ẹngụ ẹnịnịị nyị ẹzẹ, dị ẹ yaa mẹ aahẹ, dị ẹ yaa jị ahẹ dị ẹ yaa sịị sị ụbanyịị yị Ẹnẹyịmavara nị. Ẹ́ mẹ̀ vavọọ aa mẹ aahẹ, di eyee hú ágidibo irenyi-irenyi ọnịrị ịchacha anaā sụ́ ịrẹyị ne beri enyusẹ anaā sụ́ ịrẹyị nị.

2 Ịtọpa 20:28

Ịjị ệ sị ngụ ubooro, dị ẹ kụ́ aahẹ na ngụ irehi Ohomorihi, dị ịkakanchị ọnịrị ọpanyị aa sụ ịrẹyị nị.

Ahẹ Ụgama 147:7

Waa jị ahẹ kụ́ Ẹnẹyịmavara avọ. Sị àgidibò di wee hú ọ kụ́ ọ.

Ahẹ Ụgama 149:3

Wee hú ọkangga ọnịrị àgidibò, dị waa nyị ẹzẹ dị waa kụ́ ọ avọ nịnị.

Ahẹ Ụgama 33:2

Sị àgidibò irenyi-irenyi wa sịị hị́ Ẹnẹyịmavara ọnịrị agidibò ọnyị orupa ẹẹwụ wa sịị jị ahẹ kụ́ ọ.

Ahẹ Ụgama 43:4

Màa vavọọ nyị ẹtohweyi ọnịrị ịzẹyịza awụ, mê re oze aa nọ aha ịsọvọ awụ haara Dị ma vavọọ aa nọ ịda ẹwụ Ohomorihi amị ana aā mẹ ka maa jẹ ịrajẹ, dị ịnẹ amị òo hine Dị mị sị agidibò dị maa sịị jị ahẹ kụ́ wụ avọ Ohomorihi, ẹwa vị Ohomorihi amị nọ!

Ahẹ Ụgama 57:8

Ẹnẹnẹ viri-viri vị ọnị maa kwẹẹtẹ Maa kwẹẹtẹ dị ma sị agidibò amị.

Ahẹ Ụgama 92:3

Di ee hú agidibò irenyi-irenyi jị ahẹ gono wu.

Ahẹ Ụgama 93:4

Ẹnẹyịmavara ọ vị ohinọyị ene hu keekere tụ́ ẹbẹẹba nị, Ộ nyị ụkata huna avaba òkū ana aa dà vụụ-vụụ.

Ahẹ Ụgama 98:5

Sị àgidibò irenyi-irenyi di wee hú ọ, dị wa sịị jị ahẹẹ gono Ẹnẹyịmavara nịnị.

Ọyịkụra 19:16

Ịnị ẹnẹnẹ, uhurenyi ọnọọ mè si tù, dị apaana ihinẹba aa ha, dị ịnyanya aa rị nị. Di eguhi chire jijiji kú ataba ọnọọ, dị ọpanyị aa kà boro-boro nị. Dị avaba aza ene hi ịnị ajẹngụ aa dá ẹgahị nị.

Ọyịkụra 20:18

Aza ẹnẹẹ ê re apaana ihinẹba màa há, dị ịnyanya aa rị, dị ẹ wụ́ ọpanyị màa sụ́ ịrẹyị nị. Di e re re ka ataba aa dá areyi nị. Dị angwa ee hi wa, di ẹ yaa dá ẹgahị nị. Dị ẹ jẹẹ ẹ́nẹẹnẹ,

Ayịsaya 17:13

Ịzẹyịza aza ẹnẹẹ vi ene ee nowuu vẹ anka enyi mẹ̀ẹ dà avọọ, ama Ohomorihi mẹ̀ yị kara eyi hi wa kẹnẹ, e kú zwe varẹma. Ẹnịnị vi ene zwe anka azịzẹ ana ahị aa kụ́ iruvo ataba avọọ. Vị ẹ sị mẹẹ okoruwa mẹ̀ẹ kụ́ ẹchịchị avọọ nị.

Ezikẹẹrị 43:2

Ezikẹẹrị ka ọnị mẹ yà ịzọọ, ọnị ô ré Ohomorihi Anisirẹrị mẹ hụrị eyi ọnị ọyịị̄ zịị vẹ aa vẹ, ọnịrị ụbanyị anị, ọnị ộ wụ ọngwẹ Ohomorihi maa sụrẹyị anka okuha ọbanyị enee sì avọọ. Dị ụbanyị anị ọnọnị mẹ ka avaba ẹtẹ ọọ zẹtẹ nị.

Ịzakaraya 9:14

Ẹnẹyịmavara vaa sị ẹngụ zụ akẹbẹẹba aza anị, di ee ne ọpa ana zẹtẹ anka ịnyanya avọọ. Ẹnẹyịmavara Ananyịwa vee hu ịkakanchị, dị zị ụsẹ tụ ọvịdị ịnị opomi hụrị ẹyị ụvẹtẹ vẹ.

1 Anịkọrịntị 13:1

Ọ̀ọ daka zee eyi maa sị ẹkụra azaa kà ịrẹyị, dị ma hyakụ rẹẹ kà ẹkụra anggẹẹrị nịnị bẹẹ, mè yi sì ịrẹyị ọza, ịrẹyị amị vị ana sị mẹẹ anka enyusẹ ana aa sụ́ ịrẹyị wagaa kẹnẹ avọọ, à vị agogo ana aa sụ́ wonyii kẹnẹ.

Ẹtore 1:10

Ẹkụhị ọnya ana vị ẹkụhị ọsẹ, Ụhwẹ Ohomorihi ộ va dọ avaba ayị amị. Dị mị wụ́ ọngwẹ ọbanyị ana sụ́ ịrẹyị anka ọpanyị avọọ ị́rẹma amị nị.

Ẹtore 1:15

Ahụ anị aa za nyoo-nyoo anka enyusẹ ana a sị tụ́ ịnị ịra dị aa kụ́ eyi avọọ. Ọngwẹ anị aa sụ́ ịrẹyị anka enyi ọbanyị ene ee sì vụụ-vụụ zina ọwọọrọba avọọ.

Ẹtore 11:12

Dị ọnịsẹ ẹnẹẹ wụ́ ọngwẹ ọbanyị ọnya aanị hụrẹ ẹbẹẹba vẹ, dị ọ kà a yị wa ka: Hịrẹ vẹ ịzẹnị nịnị! Ọnịvị ẹnịnị vị enee yii re wa, dị ẹnịnị yà ini eguhi, dị ẹ hịrẹ na ngụ ẹbẹẹba nị.

Ẹtore 11:15

Anggẹẹrị ọhụhịmba ô hú ọpanyị anị. Dị ọngwẹ ẹbanyị-ẹbanyị aa kà ịrẹyị ẹ́bẹẹba nị, dị ẹ ka, “Ịjọva ẹhẹ ọnọnị, ọ sị vara ịjọva Ohomorihi ọnịrị Óohinọyị anị ọnị ọ nyị ka ọ̀ dọ ọza há. Ọnị ọ vaa vị ohinọyị pooro zịna-zịna nị!”

Ẹtore 15:2

Mê re ịsa ẹnyị aanị anka enyi ana sị mẹẹ anka ore avọọ, dị a sị ịra vá hura a nị. Me re re aza ana sị uye ịnị avị ọnọọ ọnịrị ori anị huna beri ịnọmba ịrẹha anị. Ẹnịnị jẹẹ ụtọ oku ene enyi anị sị mẹẹ anka ore avọọ, dị ẹ sị igita oni Ohomorihi sị yị wa rị ụvọ nị.

Ẹtore 18:22

Ọngwẹ ọnọọ ka: Ọza ọ mā vana wụ́ aza ene ee hú igita ọnịrị aza ene ee hú ịsa beri aza ene ee hú uhwere ọnịrị ọpanyị ịnịnẹ anị. Ọza e mē vene re ọnụkọrọ ụvọ ịnịnẹ anị paa. Ọza ọ mā rẹ vana wụ́ ka ịrẹtọkwayị aa sụ́ ịrẹyị ịnịnẹ anị pooro.

Ẹtore 5:8

Ịjị ọ raà sị iwe ọnọọ, dị ịsa ẹẹna ẹnẹẹ ana nyị ụhwẹ, beri azọkụ ohurẹẹna ẹnẹẹ tana tụra ẹtẹ ọ́vịdị Ozi atẹmẹ ọnọọ nị. Avaba ẹnịnị ệ sị ịsa a sịị̄ jị ahẹ ene véné igita rị ụvọ, dị ẹ rẹ nyị ịchacha ọgana ana a sị igooru mẹ ene eturare ozoza yà ịnị anị nị. Eturare ọnọọ vị aduwa aza Ohomorihi.

Ẹtore 6:1

Mê re, Ózi Atẹmẹ ọnọọ mẹ̀ hụ̀ ọnya ịnị ịsa ịhịmba ana a sị vá iwe ọnọọ. Dị mị wụ́ ka ọnya ịnị ịsa ẹẹna ẹnẹẹ ana nyị ụhwẹ avọọ, ô nowu nị. Ọngwẹ anị ộ banyị anka apaana ihinẹba avọọ. Dị ọ ka: Vẹ!

Ẹtore 8:7

Anggẹẹrị ịpaapa ô hú ọpanyị anị. Dị ata ihinẹba ọnịrị ịra và hura anya aa zụ̀ụ hi ịnị ẹhẹ nị. Dị achẹta ẹhẹ rị ịra, dị achẹta avaba ọchị rị ịra, dị avaba ohwoohu rẹ rị ịra nị.