Ẹtore 13:8 - IWE ỌNỊNỊ

⁸ Avaba aza ene hi ịnị ẹhẹ vaa hẹkẹ uye ọnọọ; ọnọọ vị ka aza ọnị ọza ọ̀ yị chẹrẹ ịrẹha ẹnịnị dị a va yẹ ka aa mẹ ẹhẹ tụ́ ini iwe aza ana yàra pooro zịna-zịna oni Ozi Atẹmẹ anaa vịdị wụ nyị.

Ẹtore 13:8 ပူးပေါင်းရင်းမြစ်များ

Oyinyima 22:7

Di Ayiziiki va kà a yị ada anị dị ọ ka, “Ada amị.” Di ada anị ka, “Hèé, ụ mẹ̀ kà, ozi emi?” Di Ayiziiki ka, “Ho! ịra ọnịrị ọkụ yị, ye re atẹmẹ ọnị ẹnị aa sị naa mẹ̀ ịsọvọ ọnọọ?”

Ahẹ Ụgama 69:28

Nyee ịrẹha ẹnịnị hụụnị iwe ọnị u chẹrẹ ịrẹha aza ana yara hi, asị ụ chẹrẹ wa beri aza ana aa mẹ̀ ebira ana vọrọ.

Ọyịkụra 32:32

Aarịhịnị kwogwo, navọ wa vagu wa ini ebira odivi ẹnị ẹ maanị mẹ̀ aanị. Wàa ka wẹ yị vagu wa, ẹwa rẹ kụkụ nyee ịrẹha amị hụụnị iwe ọnị ụ chẹrẹ ịrẹha aza awụ hi.”

Ayịsaya 4:3

Aza ana vọ oni Ohomorihi zẹẹ ka ẹ̀ yị yara ene hi Ijerusarẹmị vị ana á vaa hị́ aza oni Ohomorihi nyị yị ẹngụ anị.

Ịdanịyẹrị 12:1

Ụmẹ aa vẹ anaa vaa nyị ẹngụkata ana ahịka ẹ yị vịdị vavọọ nyị da á mẹ hụrẹ nyị ẹkụra anaā hị́ Isirẹrị. Ụmẹ ọnọọ Ịmayịkẹẹrị ana vị anggẹẹrị ana sị eyi pe Anisirẹrị nịnị vaa kwẹẹtẹ. Ịjị ụmẹ ọnọọ òo tu, Ohomorihi vaa dọ avaba Anisirẹrị ọnị ịrẹha ẹnịnị hi ịnị iwe anịị ha.

Imatiwu 25:34

Ịjọnọọ dị Ohinọyị kà a yị aza ene hi eyi ụvọrị anị ka: ‘Wa vẹ nịnị, ẹwụ nịnị ana Ada amị raà mẹ ka ò zé yị! Ngụ ịzị Ohomorihi yà aa mẹ ịjọva, oni o si tenyi tịtẹ wụ nịnị, ẹ́hẹ mè hụrẹ nyima.

Iruuku 10:20

Ama asị ụ rẹ̀ jẹ nịnị ka ụhwẹ echu ệ ká ịrẹsụ hi wu nịnị! Ama wa vanaa jẹ nịnị ka a sị ịrẹha awụ nịnị chẹrẹ tụ́ ịdị Ohomorihi!”

Ịjọọnụ 1:29

Eyinẹhẹ anị, Ịjọọnụ ô re Ijeesu, ọ màa vẹ ịdị anị. Dị ịjọọnụ ka, “Wee re Ozi Atẹmẹ Ohomorihi ana a vaa sị mẹ̀ ịsọvọ dị ọ̀ kụ̀ ịvị anẹhẹ kwooze!

Anẹhwẹsọsị 1:4

Hụrị ụmọrụmọ dị a va yẹ ka aa mẹ ẹhẹ, Ohomorihi hụrẹ nyị yị agụvị Ikirisiti ka ya mẹ̀ ebira ọnịnị, dị asị ị nyị ohuvọ ini eyi anị, di yee sì ịrẹyị aza nị.

Anihwiripi 4:3

Ẹwụ bẹẹ ẹnẹ ẹmịrị aa mẹ̀ ụkọrọ, re ka wáa gụ anẹẹ ẹnẹẹ ụvọ, ene pe mi mẹ̀ ụkọrọ, ị mẹ̀ dudu aa kà enube ọyịzaa zị beri Ịkịrẹmẹntị ọnịrị aza ana vọ ene pe mi mẹ̀ ụkọrọ; ịrẹha ẹnịnị yà ini iwe aza ana yara pooro zịna-zịna.

Ịtayịtọsị 1:2

Mị vavọọ aa mẹ, agụvị ka máa nyị ọyịtureyi ka ị vaa yàra ịdị Ohomorihi pooro zịna-zịna. Ịsị Ohomorihi kà hụrị ụmọrụmọ dị a va yẹ ka aa mẹ ẹhẹ ọ vị ọnọọ nị. Yáa yẹ ka Ohomorihi o mē cheeche.

Ẹtore 12:15

Dị ẹwụ ọnọọ ká enyi jịnẹ hụụnị irenu anị anka ọhaara avọọ ka ọ̀ sị ọnẹẹ ọnọnị nị.

Ẹtore 13:12

Dị ọ mẹ avaba ụkata ọbanyị uye ịpaapa ịjọọ éyi anị nị. Dị ọ sị ụkata za ẹhẹ ọnịrị avaba aza ene hi ịnị anị ka ẹ̀ẹ hẹkẹ uye ịpaapa ịjọọ ọnị ụnava odivi anị sị vị́ nị.

Ẹtore 17:8

Uye oni u re avọọ, ọ́ọ vịdị yàra, ama ọyị kụkụ yàra booro aanị. Ọ vaa jịnẹẹ hụụnị ọbọbọọ vẹ, dị ọ nọ ịzị ọ vaa yàa vu ẹtẹ. Aza ene hi ẹhẹ ọnị ọza ọ̀yị chẹrẹ ịrẹha ẹnịnị dị a va yẹ ka aa mẹ ẹhẹẹ tụ́ iwe aza ana yàra pooro zịna-zịna, èeyee re uye ọnọọ, o vee hí wa irenu. Uye ọnọọ ọ́ọ vịdị yàra, ọyị kụkụ yàra booro aanị, ọ rẹ vanaa sị ẹngụụ tụ́ ẹhẹ.

Ẹtore 21:27

Ẹ yị nyị ịsa ikonya eneē du ọza ẹngụ, ana vaa ngụ ịnị ẹkụra ọnọọ. Aza ene ee du ẹhẹ ọnịrị aza eneē cheeche, ẹ yị vaa ngụ ịzọọ. Aza ana chẹrẹ tụ́ ini iwe Ozi Atẹmẹ ọnọọ ana vị iwe aza ana yára pooro zịna-zịna kẹnẹ, ẹ vaa ngụ ịzọọ nị.

Ẹtore 3:10

Wa raà sị eyi pe ịrẹyị amị ọnị mị kà ka wa nyị isuuru; agụvị avọọ ẹmị rẹ vaa dọ ẹwụụ tụ́ụ hụụnị ụyọrị ana aa vẹ ịrẹsụ avaba anẹhẹ vaa zama avaba aza ene hi ịnị ẹhẹẹ re.

Ẹtore 3:20

Re, mị jẹẹ enoze, maa sị ụvọọ ká na. Di mee pee rị ịsa, dị oni ree pe mii rị ịsa.

Ẹtore 3:5

Ọza ana àa nyị ehuna, a vaa sị ịta ọvụụ chiree. Me yi vee du ịrẹha anịị hụụnị iwe ọnị ịrẹha aza ana yàra pooro zịna-zịna hi. Mị vaa kà a ọ́vịdị Ada amị ọnịrị anggẹẹrị anị ka aza amị ọ vị nị.

Ẹtore 5:12

Di eyee nowuu kà a ka: Ozi atẹmẹ ọnọnị ana a vịdị wụ, ộ hụ ọọ dọ ụkata ẹtẹẹtẹrẹ ọnịrị ụbanyị beri ịrẹyọyẹ. Ộ nyị ụkata. Á vọrọ ka àa sị ụbanyị ọnịrị igirima beri ụgaa yọ!

Ẹtore 5:13

Dị mị rẹ wụ́ ka avaba ịsa ana yà ẹbẹẹba, ọnịrị ẹhẹ beri ịsị ẹ yà ini eku, ọnịrị avaba ịsị e hi ini òkū, avaba ịsa saka-saka aa kà a ka: Ọza ana yaayịtẹ ịnị aga ohinọyị, ọnịrị Ozi Atẹmẹ ệ nyị ụkata. Â vọrọ ka àa sị ụga ọnịrị ụbanyị beri igirimaa yị wa pooro zịna-zịna!

Ẹtore 6:1

Mê re, Ózi Atẹmẹ ọnọọ mẹ̀ hụ̀ ọnya ịnị ịsa ịhịmba ana a sị vá iwe ọnọọ. Dị mị wụ́ ka ọnya ịnị ịsa ẹẹna ẹnẹẹ ana nyị ụhwẹ avọọ, ô nowu nị. Ọngwẹ anị ộ banyị anka apaana ihinẹba avọọ. Dị ọ ka: Vẹ!