Ẹtore 13:7 - IWE ỌNỊNỊ

⁷ Áa zẹẹ ka ò pe aza Ohomorihi kụ̀ ịrẹkụ, di ò huna wa. A vavọọ sị ụkata yọ ịrẹsụ avaba anẹkụra, aza ana aa kà ẹkụra irenyi-irenyi avaba ẹhẹ.

Ẹtore 13:7 ပူးပေါင်းရင်းမြစ်များ

Ọyịkụra 9:16

Ama ọnị ộ navọ wa ka ẹ̀ yị yà ẹhẹ agụvị dị ẹ̀ yẹ ka ọnị ọ nyị ụkata. Ọ kà ọnọọ ọ̀ vaa mẹ ka aa kà ịrẹkụkụ anị ịnị avaba ẹhẹ nị.

Ayịsaya 10:15

Dị Ẹnẹyịmavara ve họ̀ use dị ọ̀ ka vị ịraga wáá rẹẹ kà a ka ọnị ọ nyị ụkata huna aza ana aa sị ọnịị dà ọchị nị? À vị ànyụ vaa kà a ka oni o kuku huna ọza ana aa sị ọnịị yẹrẹ ọchị nị? O re họ̀ use ka okutẹ óó chema ọza anị, ò vị ọza óó chema okutẹ nị?

Ayịsaya 37:26

Ọ kà, aanị ka wẹ́ yị wụ ọ ka, o si ku ọnị ọnị hụrẹ mẹ eto avaba ọsọnị tịtẹ? Ọnị ọ va sị ọ mẹ booro aanị. Ọnị ộ sị ụkata yị wụ ka wa jị ẹkụra ana jị ọvọ kara eburu.

Ijeremaya 25:9

Ọnị vaa tụ́ụ hị́ avaba aza ene hi Ịbabịrọnị ọnịrị ozi ahụ anị, Inebukadineza, ohinọyị Ịbabịrọnị ka ẹ̀ kụ ịrẹkụ va ngụ Ijuda. E vee pè avaba aza ene hi Ijuda ọnịrị avaba ẹkụra ana kara waa kụ̀ ịrẹkụ. Ẹnẹyịmavara kà ọnị vee vu Ijuda ọnịrị aza ana kara wa ẹtẹ saka-saka ana ahịka aza èe ré e angwa vị ene vee hí wa pooro zịna-zịna.

Ịdanịyẹrị 12:1

Ụmẹ aa vẹ anaa vaa nyị ẹngụkata ana ahịka ẹ yị vịdị vavọọ nyị da á mẹ hụrẹ nyị ẹkụra anaā hị́ Isirẹrị. Ụmẹ ọnọọ Ịmayịkẹẹrị ana vị anggẹẹrị ana sị eyi pe Anisirẹrị nịnị vaa kwẹẹtẹ. Ịjị ụmẹ ọnọọ òo tu, Ohomorihi vaa dọ avaba Anisirẹrị ọnị ịrẹha ẹnịnị hi ịnị iwe anịị ha.

Ịdanịyẹrị 7:21

Ịdanịyẹrị ka ọnị mee yii re e, dị oni re ka ọpanyị ọnọọ ee pe aza Ohomorihi kụ̀ ịrẹkụ nị. Dị ụvọ anị aa kara wa nị.

Ịdanịyẹrị 7:25

Ohinọyị ọnọnị vaa kà kẹnẹ-kẹnẹ hi Ohomorihi ene hu keekere, dị ọọ raa sị ụyaa rị aza Ohomorihi. O vee si ka ọnị ọ̀ vara ọda ana aza Ohomorihi a sị mẹ ahẹkẹ ọnịrị eche ẹnẹ ẹ rị. Avọọ ọ mẹ̀ vaa mẹ ịjọvaa tụra wa ịrẹsụ pooro dị ọ mẹ ịrayị ẹẹta rị ẹjịjị nị.

Iruuku 4:6

Dị Echu kà a yọ ka, “Mị vaa sị avaba ẹkụra ẹnẹnị ọnịrị ụbanyị ẹnịnịị chire wu ụvọ. E reè si chire ẹmị ụvọ, ọza ene èe zé mi eyi, mị nyẹngụ sị yị.

Ịjọọnụ 19:11

Dị Ijeesu ka, “Wẹ yị yaanị nyị ụkata ọyịmẹ̀ mị ịsọnyị-ịsọnyị, ẹ̀ yị vị oni Ohomorihi sị ụkata ọnọọ yị wụ. Ọza ana sị mị chire wu ụvọ, ịvị anị banyị hu nị.”

Ẹtore 10:11

Dị ọ ka, â nyị ka ma rẹẹ kà ịsẹẹ yị aza ọrụrụ-ọrụrụ ọnịrị anẹkụra ọrụrụ-ọrụrụ ana aa kà ẹkụra irenyi-irenyi, beri ohinọyị nịnị nị.

Ẹtore 11:18

Ayị anẹkụra nịnị aa dà ọva, ọyịkụ awụ ộ vẹ. O si tù ka à mẹ̀ ọkarẹyị yị oku nịnị, dị ụ wa sị ọgụ yị ezi ahụ awụ ọnịsẹ nịnị ọnịrị aza awụ beri aza ana nyị angwahi awụ, ẹ̀ẹ vị ozweyi, ẹ̀ẹ vị ọzọkụ. Ama aza ene vịdị ee du ẹhẹẹ ha, di u vu wa ẹtẹ.

Ẹtore 11:7

Ẹ̀ẹ sị ịrẹyị ẹnịnị kà ta, dị uye odivi ana jịnẹ hụụnị ọbọbọ ọnọọ vẹ, ve pe wa kụ̀ ịrẹkụ. O vee huna wa, dị ọ wụ̀ wa.

Ẹtore 12:17

Dị ayị uye odivi ọnọọ aa dà ọva agụvị ọnẹẹ ọnọọ, dị ọ varẹma ka oni ee nee pe ezi ọnẹẹ ọnọọ kụ̀ ịrẹkụ nị, avaba ezi anị anaa saasa ọda Ohomorihi, dị ẹ rẹ sị ụvọ za ịrẹyị ịzẹyịza oni Ijeesu sị zụ wa.

Ẹtore 17:15

Dị anggẹẹrị ọnọọ rẹ kà a mị ka okuha oni mi re avọọ ọnị ọsẹrẹka ọnọọ yaayịtẹ ịrẹsụ anị vị ana jẹẹ yị ẹkụra nịnị ọnịrị aza nịnị ne beri aza irenyi-irenyi ana aa kà ẹkụra irenyi-renyi.

Ẹtore 5:9

Dị ẹ jị ahẹ ọwọọwa dị ẹ ka: Ẹwa hụ ọọ sị iwe ọnọọ nị, dị ụ wa hụ̀ ịsa ana sị vá a, agụvị ka â vịdị wụ wụ. A mẹ̀ wụ wụ, wa raà sị anya awụ hị́ aza varẹma va yị Ohomorihi, avaba anẹkụra, aza ana aa kà ẹkụra irenyi-irenyi avaba ẹhẹ.