Ẹtore 13:6 - IWE ỌNỊNỊ

⁶ Di o nyima dị aa kà ịrẹyị odivii hi Ohomorihi nị, dị aa kà ịrẹyị odivii hi ịrẹha anị ọnịrị ịda anị beri aza ene hi ẹbẹẹba nị.

Ẹtore 13:6 ပူးပေါင်းရင်းမြစ်များ

Ijoovu 3:1

Ịrẹma ẹkụhị ịhịmba ẹnẹẹ Ijoovu ha irenu dị ọ tụ ozirenu hi ẹkụhị ana sị ma a nị.

Ahẹ Ụgama 73:9

Aza edivi ẹnẹẹ ẹ̀ẹ há irenu dị ẹ yaa kụ̀ Ohomorihi ụhụ, dị ẹ yaa mẹ̀ ọda ẹnẹ ẹ̀ yị hụ ọ mẹ yị anẹhẹ.

Ịdanịyẹrị 11:36

Ohinọyị Isiriya ọnọnị vaa mẹ o me zee eyi ụmẹ ọnọọ. Dị eè wo oto ka ọnị o huna ori nịnị ọnịrị Ohomorihi ene hu kere-kere nị. Avọọ ọ mẹ vaa mẹ pooro ne tu ụmẹ ọnị Ohomorihi vaa sị sị ụya rị ọ anka ọ mẹ vịdị mẹ eto anị tịtẹ nị.

Ịdanịyẹrị 7:25

Ohinọyị ọnọnị vaa kà kẹnẹ-kẹnẹ hi Ohomorihi ene hu keekere, dị ọọ raa sị ụyaa rị aza Ohomorihi. O vee si ka ọnị ọ̀ vara ọda ana aza Ohomorihi a sị mẹ ahẹkẹ ọnịrị eche ẹnẹ ẹ rị. Avọọ ọ mẹ̀ vaa mẹ ịjọvaa tụra wa ịrẹsụ pooro dị ọ mẹ ịrayị ẹẹta rị ẹjịjị nị.

Ịdanịyẹrị 7:8

Oni mee re ọpanyị uye ọnọnị, kẹnẹ dị ọpanyị oweyi ọnya aanị vene nyì va jẹẹ ịnị ịrẹsụ uye ọnọnị nị. Dị ọpanyị ọnọọ hu ọpanyị ẹẹta ịnị ọpanyị ene vi di hi ịnị ịrẹsụ uye ọnọnị kwooze nị. Ọpanyị oweyi ọnọnị vị ana nyị eyi anka eyi ọza avọọ, dị ọ rẹ nyị irenu nị. Irenu anị vi e nee sii wo oto ọdẹngụ-ọdẹngụ.

Imatiwu 12:34

Ẹwụ nịnị ezi ibe, wẹ yị nyẹngụ kà ịrẹyị ozoza nịnị, agụvị ka ọza odivi ụ vị nịnị nị. Ịsa ene hi ịnị ayị ọza, írenu anịị̄ kà a jịnẹẹ vẹ nị.

Imatiwu 15:19

agụvị ka ịnị ayị ọza áriro odiviī hụrẹẹ vẹ nị, anaā mẹ ka ọ̀ọ wụ̀ ọza, dị ọ̀ọ sẹ̀ ịrẹka, di òo yi oyi, di ò ree dọ ivenu ireche, di ò ree du ọza ịrẹsụ.

Ịjọọnụ 1:14

Ịrẹyị ọnọọ ộ vara ọzarẹyịrẹsụ, dị ọ ra ịnị akakana ayị yị ụmẹ chee nị. Yê re igirima anị ana vị igirima ana vọrọ tụra ọza ana vị ozi ikonya Ada anị kẹnẹ. Ộ nyị ayamva ẹnẹmẹhị, dị ọ rẹ vị ọnịzẹyịza nị.

Aniroomi 3:13

Irenu ẹnịnị ọ zụ wụ̀ ọza. Dị ẹyaa sị ịrarẹ ẹnịnịị vene ọza. Ịrẹyị irenu ẹnịnị ọ́ọ rẹ anka ẹchịpa ibe avọọ.

Anikorasi 1:19

Agụvị ka Ohomorihi ọ sị ọ mẹ tịtẹ ka Ozi anị ọ̀ gụ ịnị avaba ịsa, anka ọnị mẹ̀ rẹ gụ

Anikorasi 2:9

Ini Ikirisiti ana a ma anka ọzarẹyịrẹsụ, Óhomorihi ọnịrị avaba ịsị ọ vị yà nị.

Anihiburu 9:2

 nyị ajẹngụ ana a vịdị jị. Aā hị́ eyi ẹhẹ anị Aha Ọnịnị. Ịsa ana a kụ́ hi ịzọọ, yị: ozotupa ọnịrị iteevuru beri Ịbụrẹẹdị ana a sị va yị Ohomorihi.

Anihiburu 9:24

Ikirisiti ọ́ yị na ngụ aha ọnịnị ana aza mẹ, ana ahịka vị ọnị aa sị ịsa obooro zụ̀ kẹnẹ nị. Ịdị Ohomorihi booro ọ ngụ nị, agụvị avọọ ọ na jẹẹ ọvịdị Ohomorihi agụvị ayị booro aanị nị.

Ẹtore 11:12

Dị ọnịsẹ ẹnẹẹ wụ́ ọngwẹ ọbanyị ọnya aanị hụrẹ ẹbẹẹba vẹ, dị ọ kà a yị wa ka: Hịrẹ vẹ ịzẹnị nịnị! Ọnịvị ẹnịnị vị enee yii re wa, dị ẹnịnị yà ini eguhi, dị ẹ hịrẹ na ngụ ẹbẹẹba nị.

Ẹtore 12:12

Agụvị avọọ, ẹwụ nịnị ẹbẹẹba ọnịrị aza ene hi ịnị anị, waa jẹ nịnị! Ama ẹwụ nịnị ẹhẹ ọnịrị oku, wa sị da nịnị, agụvị ka Echu o zi chí ka wụ nịnị vẹ. Ayị anị aa dà ọva, agụvị ka ộ yẹ ka ụmẹ anị aa chee aanị.

Ẹtore 15:5

Ịrẹma ọnọọ, dị mị kana eyi, di mi re ka â na Irehi Ohomorihi ẹ́bẹẹba beri ajẹngụ Ohomorihi ana yà ịnị anị hi ẹtẹ nị, ịzọọ a sị ịsa ana sị oto Ohomorihi zụ̀ tụ́ nị.

Ẹtore 18:20

Ẹwụ nịnị ene hi ẹbẹẹba ọ̀ọ jẹ! Ẹwụ nịnị aza Ohomorihi ọnịrị ezirẹma Ijeesu beri ọnịsẹ nịnị ọ̀ọ jẹ agụvị Ịbabịrọnị, agụvị ka Ohomorihi o reè sị ọ atọ wụ nịnị!

Ẹtore 21:3

Dị mị wụ́ ọngwẹ ọbanyị ọnya hụrẹ ẹbẹẹba vẹ, dị ọ ka, “Re! Irehi Ohomorihi yàrị aza. Ohomorihi yàrị aza. Ohomorihi vaa raa pe wa, dị ẹ vị aza anị. Dị Ohomorihi ọnị ụvọta yà ịda ẹnịnị, dị ọ vị Ohomorihi ẹnịnị.

Ẹtore 4:1

Ịjị ẹnẹẹ ta, dị mị rẹ kana eyi nị. Di mi re oze ana a na hi ẹtẹ ẹ́bẹẹba nị. Dị ọngwẹ ana sụ́ ịrẹyị anka ọpanyị avọọ, ana vịdị kà ịrẹyịị mị ịpaapa, raa kà ịrẹyịị mị nị. Dị ọ ka: Hịrẹ vẹ ịzẹnị, dị ma sị zụ̀ wụ ịsị a hị́ ka ịzẹyịza, ẹ vaa mẹ ị́rẹma ụhwọọ!

Ẹtore 4:4

A rẹ nyị aga ohinọyị ohurẹẹna ana kara aga ohinọyị ọnọọ. Azọkụ ohurẹẹna ẹnyị aanị ệ yaayịtẹ ịnị ẹnịnị, dị e chire awuru ọvwọọvụ, dị e re kú ọkẹkẹrẹkụ ana sị igooru mẹ nị.

Ẹtore 5:13

Dị mị rẹ wụ́ ka avaba ịsa ana yà ẹbẹẹba, ọnịrị ẹhẹ beri ịsị ẹ yà ini eku, ọnịrị avaba ịsị e hi ini òkū, avaba ịsa saka-saka aa kà a ka: Ọza ana yaayịtẹ ịnị aga ohinọyị, ọnịrị Ozi Atẹmẹ ệ nyị ụkata. Â vọrọ ka àa sị ụga ọnịrị ụbanyị beri igirimaa yị wa pooro zịna-zịna!

Ẹtore 7:15

Agụvị avọọ, ẹ́nịnị va yà ọvịdị aga Ohomorihi ohinọyị, dị ẹyaa hẹkẹ ẹ ọọdụ ọnịrị ịrahụ ini eehi anị nị. Ọza ana yaayịtẹ ịnị aga ohinọyị ọnọọ vaa yàa pe wa.

Ẹtore 7:9

Ị́rẹma ẹnẹẹ, dị mị rẹ kana eyi, di mi re ọkọnị aza ọnị ọza ọ̀ yị zụ za ịrịka nị. Ẹnịnị vị ana hụrẹ avaba ẹkụra ịnị ẹhẹ saka-saka ana aa kà ẹkụra irenyi-irenyi vẹ, dị ẹ jẹẹ ọvịdị aga ohinọyị ọnọọ, ọnịrị ọvịdị Ozi Atẹmẹ nị. Ẹnịnị vi ene chire awuru ọvwọọvụ, dị ẹ sị avị ụda rị ụvọ nị.