Ẹtore 13:2 - IWE ỌNỊNỊ

² Uye ịnị avị oni mi re aanị vị ana sị mẹẹ anka ẹzụ avọọ. Dị ọ nyị ụvọ vene ụvọ idu nị. Irenu anị vị ana rẹ sị mẹẹ irenu idu avọọ Di uye odivi ọnọọ sị avaba ụkata anịị yọ nị.

Ẹtore 13:2 ပူးပေါင်းရင်းမြစ်များ

2 Ohinọyị 2:24

Ọ́ mẹ̀ vara eyi di o re wa nị. Ộ sị ịrẹha Ẹnẹyịmavara chì hi wa nị. Ọdụmị ẹẹva ệ jịnẹ hụụnị avị vẹ, dị ẹ́ wụ ezi ẹnẹẹ ẹbẹẹva tụra ẹẹva nị.

Ahẹ Ụgama 22:21

Navọ wa dọ mị hụụnị ụvọ ọnịvị amị ene ee sì ka ẹnị ẹ̀ na mị rị anka idu avọọ Ẹnịnị vị ana rẹ sị mẹẹ anka imaaru ene nyị ọpanyị hi ịrẹsụ asị ụ navọ ka è re mi za.

Ụhịrẹyị 17:12

Ọ vana dahi ka ọza ọ na gẹrị ọdụmị ana za ezi anị hu ka ọ na va eyi ka anayọkatẹngụ ọnụra.

Ụhịrẹyị 28:15

Ọdọvịdị odivi vị eneē chire onosiye nịnị angwa anka idu à vị ọdụmị anaa tụra ka uye naa avọọ.

Ayịsaya 5:29

Ezirẹkụ ẹnịnị èe nowu, vị ọ sị mẹẹ anka idu avọọ nị. Vi eē nowu anka ezi idu mẹ̀ẹ ẹ̀ẹ si uye za avọọ nị. Ịsị ẹ̀ẹ za dị ẹ sị ọ aa na, ẹ yị nyị ọza ana zụ dọ wa.

Ijeremaya 13:23

Anetiyopiya nịnị ẹ́ẹ́ zụ vara ụpẹngụ ẹnịnị àvị ẹzụ ọ zụ vara achẹrẹ anị nị? Ẹnịnị ẹẹ zụ vara a, ẹẹhẹ, ẹwụ nịnị ana ahịka udivi kẹnẹ ụụ mẹ nịnị aanị nị, ẹwụ nịnị rẹ va zụụ kọsẹ ọyịza ọyị mẹ kẹ.

Ijeremaya 5:6

Ịsị idu nịnị vaa sị hụụnị iruku vaa wụ̀ wa ha ọ vị ọnọọ nị; dị akatapooro nịnị hụụnị ụnọmị va gara wa ha chẹkẹ-chẹkẹ. Dị ẹzụ e be wa ịnị ẹkụra, ọza anaa jịnẹ tụ ẹhẹ dị ọ na a ha agụvị ka ebira odivi ẹnịnị ọ sị dẹngụ baaba. Ụmẹ tụra ụmẹ ẹnịnị sịị ha hụrị oze Ohomorihi nị.

Ihoseya 11:10

Ẹnẹyịmavara kà a aza anị vaa saasa ọnị ịjị ọnị òo na owu anka idu avọọ hi ọnịvị ẹnịnị. Eyiha-eyiha ẹnịnị vaa sị zwe hụrẹ eyi ịzị ọyịị̄ zịị na ngụ ẹtẹ.

Emọsị 3:12

Ẹnẹyịmavara kà anka oseratẹmẹ mẹẹ̄ sịị vụrị dọ ẹpẹẹpẹrẹ uye ahụ ọnịrị ụtọ atẹmẹ ana vọ hụụnị irenu idu avọọ, avọọ ọnị mẹ vaa dọ Anisirẹrị nịnị chee ene hi Ịsamarịya ha hụụnị ụvọ ọnịvị ẹnịnị nị. Dị a tụ̀ wa avosusu, dị ahịka ọkansẹsẹ ụvẹnẹ ẹnịnị ọnịrị operẹsụ ana ku hẹ̀ kẹnẹ ọ vọ tụ wa ụvọ nị.

Emọsị 5:19

Ịhị ọnọọ vaa sị mẹẹ anka ọza òo zwe yi idu na gẹrẹ ọdụmị avọọ nị. Ô zwe na tẹ̀ ịnị eehi, dị ọ sị ụvọ tụra ugene, dị ẹ́wụ́ jị ọ ịrẹrụ nị.

Ihabaku 1:8

Umaata ịrẹkụ ẹnịnị ẹ rẹ hụụnị ẹzụ, dị ọkụrẹkụ ana tụra wa nyẹngụrẹyị hụụnị ẹzụ ene zi ube ịrahụ. Ẹnịnị vị anaa hụrẹ aha ẹnẹẹnẹ vee pe ọnịvị ẹnịnị kụ́ ịrẹkụ. Ẹ rẹ anka ọkasịmẹ ọnị ụngwẹ aa kụ̀ ana vẹ ẹtẹ vee che ịsa avọọ nị.

2 Itimoti 4:17

Ama Ananyị yị ộ jẹẹ pe mi, dị ọ sị ụkata mị ka ma zụ kà enube ọyịza ẹtẹẹtẹrẹ, dị avaba aza ẹnẹ ẹ̀ yị vị Aniju ẹ̀ zụ wụ́ nị. Ohomorihi ộ dọ mị hụrị irenu idu.

1Ipita 5:8

Sị ụvọ za ẹngụ awụ nịnị, dị ụ wa sị eyi pe ẹtẹ nịnị, agụvị ka Echu ana vị ọnịvị awụ nịnị, aa ngwọọ zịịzị anka idu ene ee nowuu zị avọọ, ee sì ọza ọnị ọọ wụụ rị.

Ẹtore 12:13

Úye odivi ọnọọ mè re ka a sị ọnị dụ va ngụ ẹhẹ, dị ọ kụkụ aa dụ ọnẹẹ ọnọọ ana ma ozi ọnọrụ ọnọọ nị.

Ẹtore 12:15

Dị ẹwụ ọnọọ ká enyi jịnẹ hụụnị irenu anị anka ọhaara avọọ ka ọ̀ sị ọnẹẹ ọnọnị nị.

Ẹtore 12:9

Dị a dụ uye odivi ọbanyị ọnọọ jịnẹ tụ́ ẹhẹ nị. Ọnị ọ vị ẹwụ ịyẹẹyẹ ọnọọ ana aā hị́ Echu ọnịrị Isitani nị. Oni o vene avaba anẹhẹ nị. Dị a dụ ọọ jịnẹ va ngụ ẹhẹ, dị a rẹ dụ anggẹẹrị anị jịnẹ saasa a nị.

Ẹtore 13:12

Dị ọ mẹ avaba ụkata ọbanyị uye ịpaapa ịjọọ éyi anị nị. Dị ọ sị ụkata za ẹhẹ ọnịrị avaba aza ene hi ịnị anị ka ẹ̀ẹ hẹkẹ uye ịpaapa ịjọọ ọnị ụnava odivi anị sị vị́ nị.

Ẹtore 13:4

Dị ẹyaa hẹkẹ uye odivi ana sị ụkata yị uye ọnọọ nị. Dị ẹ rẹ yaa hẹkẹ uye ịnị avị ọnọọ, dị ẹ ka, “Ẹnẹ yà anka uye ọnọnị? Ene zụ pee kụ̀ ịrẹkụ?”

Ẹtore 16:10

Dị anggẹẹrị ọhụhị và ene hi ịnị ịchacha anị hi ịnị aga uye ịnị avị ọnọọ nị. Dị ịzị ọ yà aa mẹ ịjọva kụkụ vị ịrahụ-ịrahụ nị. Dị ẹyaa dà ịrarẹ ẹnịnị rị, ịsa màa zị wa nị.

Ẹtore 17:12

“Ọpanyị ẹẹwụ oni u re avọọ vị ana jẹẹ yị ohinọyị ẹẹwụ, ana ahịka eè yi nyima ịjọva. Ama a vaa sị ọdaa yị wa ka è pe uye ọnọọ mẹ ịjọva mẹ agogo ọnya kẹnẹ.

Ẹtore 19:20

Dị a za uye ịnị avị ọnọọ ọnịrị ọnịsẹ ireche anị ana vịdị aa mẹ̀ ụkọrọ ohyozirenu éyi anị nị. Ụkọrọ ohyozirenu ọnọọ ọ sị vene aza ana nyị apọtẹrẹwa uye ịnị avị ọnọọ, dị ẹ rẹ hẹkẹ ori anị nị. Dị a za uye ịnị avị ọnọọ ọnịrị ọnịsẹ ireche ọnọọ, dị a kụ́ wa va hi ịnị adagu ịra ana a sị ohuru tụ́ ịnị anị nị.

Ẹtore 2:13

Ọnị ộ yẹ ịzị ụ ra nịnị, ịzọọ Échu sị aga ohinọyị anị yàatụ nị. Wâ nyị ịzẹyịza hi ọnị nịnị; wẹ yị kà ka wẹ yị kụkụ sị ayị tụra ọnị nịnị ịnị ụmẹ ana a daka sị wụ ọnọrụ ana aā hị́ Antipasi, ana a wụ agụvị ka ọ́ nyị ịzẹyịza hi ọnị. Ịzị Echu sị mẹ eehi anị ịdị awụ nịnị a yà wụ ọọ nị.

Ẹtore 20:2

Dị ọ za uye odivi, ana vị ẹwụ ịyẹẹyẹ ọnọọ ana vị Echu ọnịrị Isitani, dị ọ za a, dị ọ sụ́ ọọ tịtẹ mẹ ịrayị akahị (1,000) nị.