Ẹtore 13:16 - IWE ỌNỊNỊ

¹⁶ Dị uye ịnị avị ọhụva ọnọọ mẹ ka avaba aza, ezweyi ọnịrị azọkụ, ọnyẹkẹhị ọnịrị onosiye beri ọrịhị ọnịrị ezi ẹ̀ dọ apọtẹrẹwa tụ́ ịnị ụvọrị ẹnịnị, àa vị ini ibe ẹnịnị nị.

Ẹtore 13:16 ပူးပေါင်းရင်းမြစ်များ

2 Ịtọpa 15:13

Ẹ ka ọza tụra ọza ẹnẹ ẹ̀ yị hẹkẹ ẹ, ọ̀ọ vị ozweyi, ọ̀ọ vị ọzọkụ; ọ̀ọ vị ọnọrụ, ọ̀ọ vị ọnẹẹ, vị́ a vaa wụ̀ ọ nị.

Ijoovu 34:19

Ọ yị jẹẹ pe ọdọvịdị nịnị, a vị dị ọ̀ re opisa huu onosiye agụvị ka ọnị ọ tụ̀ avaba ẹnịnị vẹ ẹhẹ nị.

Ahẹ Ụgama 115:13

Avaba aza ene hí angwa Ẹnẹyịmavara, vị ọnị ọ vaa mẹ ka ò zee yi, ẹ̀ẹ vị aza eweyi, ẹ̀ẹ vị aza ẹbanyị.

Ọyịkụra 13:9

Ọ kà Eche ọnọnị vị ana vaa sị mẹ anka apọtẹrẹwa ọnị ọza dà tụ́ ụvọ, à vị ịsị aā sụụ za ibe anaā tama ọza ayị ịrẹyị agụvị dị asị ịrẹyị Ohomorihi hụụnị irenu ẹnịnị. Dị ọ rẹ ka ẹ yẹ ka ọnị Ẹnẹyịmavara ọ sị ụkata-ụkata tụ̀ wa hụrẹ Ijipiti nị.

Ezikẹẹrị 9:4

Ọ̀ ngụ avaba Ijerusarẹmị zịịzị, avaba aza enee du ayị agụvị ka aza aa mẹ ịsị aa nyị ọnị ịhyẹrẹ aanị ịnị ẹkụra, dị ọ̀ tọ̀ wa ịrẹwa ịnị ibe nị.

Ịzakaraya 13:6

Ọza ọ̀ọ họ̀ ọ use ka sị ẹ tọ ụnava ịnị ịrachị? Dị ọ tụ́ ohi ka ọta anị ệ vavọọ tọ ọnị ụnava ịnị eehi anị nị.

Odeyi 26:22

Ama Ohomorihi ộ mẹ̀ ọgụvọ mị pooro ve tù ajịnị, dị mị jẹẹ dị maa kà enube anịị yị onosiye ọnịrị azọbanyị nị. Mẹ yị kà ịrẹyị ọsa, ẹ̀ yị vị ịsị Imosiisi ọnịrị ọnịsẹ nịnị vịdị kà a ka ọ vaa mẹ.

1 Anịkọrịntị 12:13

Yàa vị Aniju, yẹ̀ yị vị Aniju, yàa vị ọrịhị, yàa vị ozi; avaba ayị ọ sị vị ẹngụ ọnya, a mẹ̀ sị Ụhwẹ Ohomorihi mẹ̀ ọyịhwọzenyi yị. Ụhwẹ Ohomorihi ọnọọ ọnyọọnya ọ yà ịnị ayị avaba ayị nị.

Anigaratiya 3:28

Agụvị avọọ, ẹ yị kụkụ nyị irenyi yị Aniju ọnịrị ọdọwụ ẹnẹ ẹ̀yị vị Aniju; àa vị ọrịhị, àa vị ozi; àa vị ọnọrụ, àa vị ọnẹẹ; agụvị ka ẹyịrị Ijeesu Ikirisiti kụkụ vị ọnya.

Anigaratiya 6:17

Hụrẹ ajịnị na, asa a nyị ọza ene kuku zigi mi, agụvị ka apịtahụ ene hi ịnị ẹngụ amị aanị, ẹ́ẹ sị zụ̀ ka Íjeesu mị vị nị.

Anẹhwẹsọsị 6:8

Wáa yẹ nịnị ka ịsa ozoza tụra ịsa ozoza ọnị ọza ọ̀ọ mẹ, avọọ Ánanyị yị mẹ̀ rẹ vaa sị ọgụ anịị yọ nị. Òo zee eyi, ọza ọnọọ ọ̀ vị ozi ahụ, òo zee eyi, ọ̀ vị ọga ẹngụ anị.

Iwe Ọhụhị Imosiisi ana aa hị́ Ọyịvatụrọda 11:18

Ẹ sị ọda ẹnẹnị tụ ịnị ayị ọnịrị ịnị ivehu ẹnịnị, ẹ́ chẹrẹ ẹ tụ ịnị iwe, dị ẹ sụ ọ za ụvọ ọnịrị ibe ẹnịnị agụvị ọ vị ịsa ana tama wa ayị ịrẹyị Ohomorihi.

Iwe Ọhụhị Imosiisi ana aa hị́ Ọyịvatụrọda 6:8

Chẹrẹ ẹ tịtẹ sụ́ ọ kara ụvọ, sị mẹ amu kú, agụvị dị oō tama wa ayị.

Anikorasi 3:11

Agụvị avọọ ẹ yị kụkụ nyị ka ọsọnị ọ vị Anigiriki, dị ẹsẹnị vị Aniju nị. Ẹ yị rẹ nyị ịrẹyị ka aza ẹnyị ẹ́ẹ jị ụvẹvẹnẹ, ọsa ẹ yị jị. Ẹ yị nyị ka aza ẹnyị ẹ yị nyị eyohweyi; ẹ yị nyị ịrẹyị ọrịhị, àa vị ozi. Ịsị ẹ vị ịrẹyị obooro ọ vị Ikirisiti nị. Ọnị ọ vị avaba ịsa nị.

2 Itimoti 3:8

Ịyẹẹyẹ, Ijanesi ọnịrị Ijambire ệ kụ̀ hịrẹ Imosiisi; avọọ gẹdẹ-gẹdẹ aza ẹnẹnị mẹ̀ẹ̄ kụ̀ụ hịrẹ ịzẹyịza nị. Ayị ẹnịnị eyi kuku zoza; Ohomorihi ọ sị wa yi tịtẹ, agụvị ka ẹyị nyị ịzẹyịza.

Ẹtore 11:18

Ayị anẹkụra nịnị aa dà ọva, ọyịkụ awụ ộ vẹ. O si tù ka à mẹ̀ ọkarẹyị yị oku nịnị, dị ụ wa sị ọgụ yị ezi ahụ awụ ọnịsẹ nịnị ọnịrị aza awụ beri aza ana nyị angwahi awụ, ẹ̀ẹ vị ozweyi, ẹ̀ẹ vị ọzọkụ. Ama aza ene vịdị ee du ẹhẹẹ ha, di u vu wa ẹtẹ.

Ẹtore 15:2

Mê re ịsa ẹnyị aanị anka enyi ana sị mẹẹ anka ore avọọ, dị a sị ịra vá hura a nị. Me re re aza ana sị uye ịnị avị ọnọọ ọnịrị ori anị huna beri ịnọmba ịrẹha anị. Ẹnịnị jẹẹ ụtọ oku ene enyi anị sị mẹẹ anka ore avọọ, dị ẹ sị igita oni Ohomorihi sị yị wa rị ụvọ nị.

Ẹtore 19:18

Ọ kà ẹ̀ va rị uye ohinọyị nịnị ọnịrị ọga ịrẹkụ beri uye ọnụkata ọnịrị uye umaata ọnịrị aza ana tụra wa! Ẹ̀ va rị uye avaba aza nịnị, ẹ̀ẹ vị ọrịhị, ẹ̀ẹ vị ozi, ezweyi ọnịrị azọkụ!

Ẹtore 19:20

Dị a za uye ịnị avị ọnọọ ọnịrị ọnịsẹ ireche anị ana vịdị aa mẹ̀ ụkọrọ ohyozirenu éyi anị nị. Ụkọrọ ohyozirenu ọnọọ ọ sị vene aza ana nyị apọtẹrẹwa uye ịnị avị ọnọọ, dị ẹ rẹ hẹkẹ ori anị nị. Dị a za uye ịnị avị ọnọọ ọnịrị ọnịsẹ ireche ọnọọ, dị a kụ́ wa va hi ịnị adagu ịra ana a sị ohuru tụ́ ịnị anị nị.

Ẹtore 19:5

Dị ọngwẹ ọnya hụụnị aga ohinọyị ọnọọ vẹ, dị ọ ka: Sị ụga yị Ohomorihi ayị nịnị, avaba ẹwụ nịnị ezi ahụ anị, ọnịrị aza ana nyị angwahi anị, wàa vị ozweyi, wàa vị ọzọkụ!

Ẹtore 20:12

Di mi re oku nịnị nị, ezweyi ọnịrị azọkụ, dị ẹ jẹẹ ọvịdị Ohomorihi nị. Áa hụ̀ iwe ẹnyị, dị a rẹ hụ̀ iwe ọsa nị, ana vị iwe aza ana yàra pooro zịna-zịna. Dị a hị́ ka ịsa anaa chẹrẹ tụ́ ini iwe ọnọọ, aa sịị mẹ̀ ọkarẹyị oku nịnị nị anka ịsa ọnị ọzọza mẹ.

Ẹtore 20:4

Di mi re aga ohinọyị ẹnyị ọnịrị aza ana yaayịtẹ ịnị anị nị. Â sị ọda yị wa ka ẹ̀ mẹ̀ ọkarẹyị. Me re re ụhwẹ aza ana vịdị jị ịrẹsụ agụvị ka ệ kà ịrẹyị ịzẹyịza oni Ijeesu sị zụ̀ ọnịrị agụvị ịrẹyị Ohomorihi. Ẹnịnị ẹ́ yị rẹ hẹkẹ uye ịnị avị ọnọọ ọnịrị ori anị; ẹnịnị ẹ́ yị rẹ dọ apọtẹrẹwa tụ́ ini ibe ẹnịnị, à vị ịnị ụvọ ẹnịnị. Ẹnịnị ẹ́ sị yára booro aanị, dị ẹnịrị ohinọyị oni Ohomorihi nyị ka ọ̀ dọ yị há dudu mẹ ohinọyị mẹ ịrayị akahị nị.

Ẹtore 6:15

Di ohinọyị nịnị ẹnịrị azẹbanyị beri ọnyẹkẹhị nịnị ẹnịrị ọga ịrẹkụ nịnị beri aza ana nyị ụkata, beri avaba ọrịhị ẹnịrị ezi kụ́ ẹngụ ẹnịnị na tẹ̀ ịnị ụtẹha ọnịrị ịnị anaha ịrẹta ene hi ịnị ataba nị.

Ẹtore 7:3

Dị ọ ka: Asị e du ẹhẹ ọnịrị oku beri ọchị nịnị ha pooro dị ẹnị ẹ̀ mẹ apọtẹrẹwa tụ́ ini ibe ezi ahụ Ohomorihi ẹnịnị.