Ẹtore 12:8 - IWE ỌNỊNỊ

⁸ Ama a sị uye odivi ọnọọ ọnịrị anggẹẹrị anị huna, ọza ọ yị kụkụ zẹẹ ka ẹ̀ yà ẹbẹẹba.

Ẹtore 12:8 ပူးပေါင်းရင်းမြစ်များ

Ahẹ Ụgama 37:10

Ọ yị jẹẹ dị áaza edivi ẹ̀ ta wèe kuku sì ọ pooro di we yi re e.

Ẹtore 12:11

Ẹwụ nịnị ẹyịnyara amị e reè huna a ini oze anya Ozi Atẹmẹ ọnọọ ọnịrị ịrẹyị Ohomorihi ẹnẹ ẹyaa dọ ivenuu tụ́. Ệ dọ ka ẹnị ẹ̀ hụ rẹ ẹhẹ ẹnịnị ụvọ dị eni è sú.

Ijeremaya 1:19

Ọ kà ẹnịnị vaa kụ ịrẹkụ tu ọnị ama ẹnịnị ẹ yị va zụụ za ọnị, agụvị ka ọnị ọ yà pe ọnị ọ yị dọ ọnị ha.

Ijudi 1:6

Rẹ tamayị anggẹẹrị nịnị ene è yi sị eyi pe udi ana a sị yị wa, ệ hụrẹ ịzị a sị wa tụ́. Ohomorihi ộ sị ẹba tụ́ wa ọnị ọza ọ̀ yị vaa ngwa pooro zịna-zịna, dị ọ sị wa tụ́ ịnị ịrahụ tụ ụvẹtẹ-ụvẹtẹ ka ẹ̀ yà ịzọọ pooro ne tù ẹkụhị ọbanyị ọnọọ oni Ohomorihi vaa mẹ̀ ọkarẹyị ẹhẹ nị.

Odeyi 1:25

ka ọ̀ dọ Ijudasi ịrẹsụ ịnị ụkọrọ odeyi ọnọnị oni Ijudasi sị hụụnị anị, dị ọ zị nọ ịzị ẹ vọrọ tụra a.”

Imatiwu 16:18

Dị ma rẹ kà a yị wụ ka ẹwa vị Ipita (ọnọọ vị ka ‘ịda’) ana yàa anka ịda nị. Ịrẹsụ ịda ọnọnị m maa dà ịragụ amịị tụ́ nị; isu ẹ yị vaa nyị ehuna anị.

Ijeremaya 5:22

Ẹnẹyịmavara kà, wẹ yị daba hí angwa anị nịnịị? Ayị anị ẹ yị daba hụrẹ ẹwụ nịnị ịnẹẹ? Ọnị ọ sị aarẹ tẹ ẹhwị ẹtẹ yị oku ka asị ọ zụ jịnẹẹ pooro nị. Enyi ini òkū ọ zụ jị ayị dị aa da gụgụrụgụ ama ẹ yị zụ jịnẹ ẹhwị ẹtẹ ọnọọ.

Ahẹ Ụgama 129:2

Ệ mẹ ehuna mi m mẹ̀ hụrẹ vi ozweyi, ama ẹnịnị e yi zụ hu mi ẹtẹ.

Ahẹ Ụgama 13:4

Wâ yẹ ka mèe su vị ọnịvị amị aa kà a ka ẹnị ẹ sị mị huna nị, Ẹnịnị vị ana aa jẹ màa sị hyẹdụ.

Ijoovu 20:9

Eyi ene vịdị re wa, é me vene re wa.

Ijoovu 8:18

Èe hu ọ, ẹ yị nyị ọza ana zụ yẹ ịzị aa tụ ọ hụrẹ.

Ijoovu 7:10

Ẹnịnị ẹ́ ma vana và vẹ eehi ẹnịnị, anda ẹnịnị é mè vene re wa.

Ẹtore 12:7

Ịrẹkụ ọ sị chị tụ́ ẹbẹẹba. Ịmayịkẹẹrị ọnịrị anggẹẹrị anị ee pe uye odivi ọnọọ kụ̀ ịrẹkụ. Di uye odivi ọnọọ ọnịrị anggẹẹrị anị ẹnị ree pe wa kụ̀ ịrẹkụ nị.

Ẹtore 12:9

Dị a dụ uye odivi ọbanyị ọnọọ jịnẹ tụ́ ẹhẹ nị. Ọnị ọ vị ẹwụ ịyẹẹyẹ ọnọọ ana aā hị́ Echu ọnịrị Isitani nị. Oni o vene avaba anẹhẹ nị. Dị a dụ ọọ jịnẹ va ngụ ẹhẹ, dị a rẹ dụ anggẹẹrị anị jịnẹ saasa a nị.

Ẹtore 20:11

Mée re aga ohinọyị ọnya aanị. Ọ́ọ banyị ẹtẹẹtẹrẹ, dị ọ vị ọvwọọvụ nị. Dị ọza ịnya yaayịtẹ ịnị anị nị. Dị ẹtẹ ọnịrị ẹbẹẹba ee zwee hụrẹ ọvịdị anị, dị ọza ò yi kuku re wa nị.