Ẹtore 12:4 - IWE ỌNỊNỊ

⁴ Omu anị ô tura achẹta ụzọmị ẹbẹẹba, dị ọ jị wa va nya eteesu nị. Di uye odivi ọnọọ jẹẹ ọvịdị ọnẹẹ ana aa vaa ma ozi aanị, ka ọnị ọ̀ za ozi anị rị, ọ̀ọ ma a kẹnẹ nị.

Ẹtore 12:4 ပူးပေါင်းရင်းမြစ်များ

Ọyịkụra 1:16

Di ohinọyị ka: ẹ̀ẹ yaa naa gụ anẹẹ Anihiburu ụvọ ẹ̀ẹ yaa ma ozi dị ẹ̀ si eyi pè wa. Ọ kà àa vị ozi ọnọrụ aa ma nị, dị ẹ̀ wụ̀ ọ. Ama àa vi ozi ọnẹẹ yọ nị, dị ẹ̀ naavọ.

Ayịsaya 27:1

Ịnị ụmẹ ọnọọ, Ẹnẹyịmavara vaa sị ụhwọ anị ana katẹngụ dị ọ sị sị ụya rị aza ọhịmị ẹnẹẹ ana sị mẹẹ anka ẹ́wụ́ odivi avọọ. Aza edivi ẹnẹẹ vị ana sị mẹẹ anka uye odivi ana aā hị́ Ireviyatani anaā jịị kara ẹngụ. Aza ẹnẹẹ ana sị mẹẹ anka ẹwụ odivi anaā yà ini enyi vị ẹnị Ẹnẹyịmavara vaa wụ̀. Ọ yị vaa vayị ẹnịnị vụrụ-vụrụ.

Ịjọọnụ 8:44

Ezi ada awụ nịnị ụ vị nịnị nị; ada awụ nịnị ọnọọ ọ vị Echu nị. Ịsa ana ada awụ nịnịị̄ sì kẹnẹ, ụ waa mẹ nịnị nị. Ọwọza ọ vị hụrẹ ụmọrụmọ nị. Ọ mā rẹ saasa ịzẹyịza, agụvị ka ẹ yị nyị ịzẹyịza ikonya ịnịnẹ anị. Èe cheeche, ebira anị aa mẹ avọọ nị, agụvị ka onireche ọ vị nị. Ọnị nyẹmba ọ vị ada ireche nị.

1Ipita 5:8

Sị ụvọ za ẹngụ awụ nịnị, dị ụ wa sị eyi pe ẹtẹ nịnị, agụvị ka Echu ana vị ọnịvị awụ nịnị, aa ngwọọ zịịzị anka idu ene ee nowuu zị avọọ, ee sì ọza ọnị ọọ wụụ rị.

Ẹtore 12:7

Ịrẹkụ ọ sị chị tụ́ ẹbẹẹba. Ịmayịkẹẹrị ọnịrị anggẹẹrị anị ee pe uye odivi ọnọọ kụ̀ ịrẹkụ. Di uye odivi ọnọọ ọnịrị anggẹẹrị anị ẹnị ree pe wa kụ̀ ịrẹkụ nị.

Ẹtore 12:9

Dị a dụ uye odivi ọbanyị ọnọọ jịnẹ tụ́ ẹhẹ nị. Ọnị ọ vị ẹwụ ịyẹẹyẹ ọnọọ ana aā hị́ Echu ọnịrị Isitani nị. Oni o vene avaba anẹhẹ nị. Dị a dụ ọọ jịnẹ va ngụ ẹhẹ, dị a rẹ dụ anggẹẹrị anị jịnẹ saasa a nị.

Ẹtore 13:2

Uye ịnị avị oni mi re aanị vị ana sị mẹẹ anka ẹzụ avọọ. Dị ọ nyị ụvọ vene ụvọ idu nị. Irenu anị vị ana rẹ sị mẹẹ irenu idu avọọ Di uye odivi ọnọọ sị avaba ụkata anịị yọ nị.

Ẹtore 13:4

Dị ẹyaa hẹkẹ uye odivi ana sị ụkata yị uye ọnọọ nị. Dị ẹ rẹ yaa hẹkẹ uye ịnị avị ọnọọ, dị ẹ ka, “Ẹnẹ yà anka uye ọnọnị? Ene zụ pee kụ̀ ịrẹkụ?”

Ẹtore 16:13

Di mi re ụhwẹ echu ẹẹta anka uruvu avọọ ka ẹ́ẹ jịnẹ hụụnị irenu uye odivi ọnọọ ọnịrị ini irenu uye ịnị avị ọnọọ beri irenu ọnịsẹ ireche ọnọọ vẹ nị.

Ẹtore 17:18

Ọnẹẹ oni u re avọọ, ọ vị ana jẹẹ yị ẹkụra ọbanyị ọnọọ ana aa mẹ ịjọvaa tụra ohinọyị anẹhẹ nịnị.

Ẹtore 20:2

Dị ọ za uye odivi, ana vị ẹwụ ịyẹẹyẹ ọnọọ ana vị Echu ọnịrị Isitani, dị ọ za a, dị ọ sụ́ ọọ tịtẹ mẹ ịrayị akahị (1,000) nị.

Ẹtore 8:10

Dị anggẹẹrị ọhụta oni re hú ọpanyị anị nị. Dị ụzọmị ọbanyị ọnya ana aa za giri-giri anka ịra avọọ jị hụrẹ ẹbẹẹba, di o ne ngụ achẹta irehu nịnị ọnịrị enyi ẹtẹ nịnị nị.

Ẹtore 8:11

Ịrẹha ụzọmị ọnọọ ọ rị ẹchịpa nị. Dị achẹta enyi ẹnẹẹ kụkụ aa nyịrẹyị, dị aza ọrụrụ-ọrụrụ ene hú enyi ọnọọ sú, agụvị ka aa nyịrẹyị nị.

Ẹtore 8:12

Dị anggẹẹrị ọhụna oni re hú ọpanyị anị nị, dị a sị ịsa nya achẹta ọyị ọnịrị achẹta ụhwẹ ne beri achẹta ụzọmị nịnị, dị achẹta ẹtohweyi ẹnịnị sị hozi nị. Achẹta ụmẹ ọọdụ ọnịrị achẹta ịrahụ ẹnị ẹ yị rẹ kụkụ nyị ẹtohweyi.

Ẹtore 8:7

Anggẹẹrị ịpaapa ô hú ọpanyị anị. Dị ata ihinẹba ọnịrị ịra và hura anya aa zụ̀ụ hi ịnị ẹhẹ nị. Dị achẹta ẹhẹ rị ịra, dị achẹta avaba ọchị rị ịra, dị avaba ohwoohu rẹ rị ịra nị.

Ẹtore 8:8

Dị anggẹẹrị ọhụva oni re hú ọpanyị anị nị. Dị a sị ịsa ọnya aanị ana sị mẹẹ anka ataba ọbanyị ana aa rị ịra, di e ne e ngụ ini òkū nị. Dị achẹta oku vara anya tịtẹ nị.

Ẹtore 8:9

Dị achẹta avaba ịsa ana ra hi ini òkū sú nị; dị achẹta ẹpa nịnị du va ha nị.

Ẹtore 9:10

Ệ nyị omu véné omu iku, dị ẹ nyị ịsị e siī che ọzaa tụ́ ịnị anị nị. Â sị ụkata yị wa ka èe che ọza, ọ̀ zị ọọ mẹ ụhwẹ ẹẹhị.

Ẹtore 9:19

Ụkata umaata ẹnẹẹ vị ana yà ịnị irenu ẹnịnị ọnịrị omu ẹnịnị. Omu ẹnịnị vị ana yà anka ẹwụ ana nyị ịrẹsụ avọọ. Ẹnị éyee sii che ọza nị.