Ẹtore 12:1 - IWE ỌNỊNỊ

¹ Â nyị apọtẹrẹwa ọbanyị ọnya ana jịnẹ tụ́ ẹhẹ ẹ́bẹẹba; apọtẹrẹwa ọnọọ yị: Â nyị ọnẹẹ ọnya aanị ana sị ọyị mẹ ịta kú ẹngụ, dị ụhwẹ yà iruvo ahụ anị nị. Ô kú ọkẹkẹrẹkụ ọnya ana nyị ụzọmị ẹwụrẹva.

Ẹtore 12:1 ပူးပေါင်းရင်းမြစ်များ

2 Ịtọpa 32:31

Ụmẹ ọnị ohinọyị Ịbabịrọnị sị tụ́ va họ̀ Ihezekaya use ịrẹyị ịvọpa ana mẹ̀ ịnị ẹtẹ anị. Ohomorihi ộ navọ ka Ihezekaya ộ zama ebira anị re dị ộ yẹ ayị anị.

Ahẹ Ụgama 104:2

Wâ sị ẹtohweyi dị ụ sị mẹ awuru chire nị, dị ụ maanị gana ẹhẹ jẹẹ anka ọza òó rere jị ajẹngụ avọọ nị.

Ahẹ Ụgama 84:11

Ẹnẹyịmavara ana vị Ohomorihi ọ vị ohinọyị ayị nị, ọnị aa dọ yịị tụ́ nị. Ẹnẹyịmavara ọọ̄ vayị ọza dị ộ sị ụbanyị yọ nị. Ịsa ozoza-ozoza Ohomorihii mẹẹ yị aza ẹnẹ ẹ̀ yị mā zị ụsẹ akụvị nị.

Ahẹ Isoromọnị 6:10

Ẹnẹ vị ọnọnị anaa za hwẹẹhwẹ anka etumeyọnị avọọ aanị? Ó me zoza, avọọ ọ́ mẹ vwẹtẹ nị. Aa zẹtẹ anka ọyị à vị ụhwẹ avọọ. Óo zoza anka ọkọnị ụzọmị ene hi ẹbẹẹba.

Ayịsaya 61:10

Ayị amị vị ana nyayịnẹ hine ịnị Ẹnẹyịmavara Ohomorihi amị. Ọ raà sị ẹdọha yị mị anka a mẹẹ kụ ẹnya hi ọza ẹngụ avọọ. Awuru ịzẹyịza ene e chire mi vị ana hụ mị enyi Mị sị mẹẹ anka ọnọrụ ene chi awuuru ana nyị ọnẹẹ avọọ nị. Mị sị mẹẹ anka ọnẹẹ ana a za oze ana kụ ọmọ hi ẹngụ avọọ nị.

Ayịsaya 62:3

Ụ vaa sị mẹ anka amu ohinọyị yị Ẹnẹyịmavara nị.

Ịzakaraya 9:16

Ịhị ẹkụhị ọnọọ òo si tu, Ẹnẹyịmavara vaa dọ aza anị ha anka oseratẹmẹ mẹẹ dọ ịsụpa anị tụ hụụnị ụvọ uswọọza avọọ. Ẹnịnị vaa zẹtẹ ịnị ẹkụra anị anka ọmọ ohinọyị avọọ.

Ịmarakayị 4:2

Ama ẹwụ nịnị ana dọ ịrẹyị amị wụ, mị va sị ụkata ọnị mịī sịị dọ ọza ha sị wụ nịnị kwẹẹtẹ, dị mị mẹ ụkụ awụ nịnị anka ọyị mẹ ha dị ọ mẹ ọza ụkụ avọọ. Ụ vaa jẹ ịrajẹ di u ku iriga anka ozi imaaru ana jịnẹ hụụnị ịga avọọ.

Imatiwu 12:38

Ịjọnọọ dị ọzwọzọda ẹnyị ọnịrị Anihwarisi nịnị ka, “Ọga, yee sì ka wa sị apọtẹrẹwa zụ̀ yị.”

Imatiwu 24:30

Ịjọnọọ, dị a nyị apọtẹrẹwa ẹmị Ozi ọza onigirima ẹ́bẹẹba. Dị avaba anẹhẹ aa jị òrèrè, di e re ka ẹmị Ozi ọza onigirima aa vẹ ini eguhi ẹbẹẹba beri ụkata ọnịrị igirima.

Ịmaakị 13:25

dị ụzọmị nịnị jị hụụnị ihinẹba, dị ụkata ẹbẹẹba re henyi.

Iruuku 21:11

Ẹtẹ vee henyi jigi-jigi aha ọrụrụ-ọrụrụ, ụngwẹ vaa kụ̀, ụkụ vee hi ẹtẹ. Apọtẹrẹwa irenyi-irenyi anaā sịị angwaa hí ọza, vaa jịnẹẹ hi ẹbẹẹba.

Iruuku 21:25

Dị Ijeesu ka, “A vaa nyị apọtẹrẹwa ịnị ọyị ọnịrị ịnị ụhwẹ beri ụzọmị nịnị. Anẹhẹ nịnị vaa rị ụya ẹtẹẹtẹrẹ, dị ayị ẹnịnị kụ́ vazi agụvị òkū ana aa dà, dị aa sụ́ ịrẹyị.

Ịjọọnụ 3:29

Ọza ana aa nyị ọnẹẹ, ọ nyị ose anị nị. Ọta anị ana jẹẹ pe e dị aa wụ́ ọngwẹ anị, ọọ̄ jẹ ẹtẹẹtẹrẹ, ọ̀ọ wụ́ ọngwẹ ọva ọnẹẹ. Avọọ m mẹ̀ yà nị, ayị amị o si hine saka-saka.

Odeyi 2:19

Ọnị vaa mẹ̀ ụkọrọ ohyozirenu ini eguhi ẹbẹẹba, dị ọnị rẹ sị apọtẹrẹwa zụ̀ ini eteesu: A vaa nyị anya ọnịrị ịra beri areyi ọbanyị.

Aniroomi 13:14

Ama sị ebira Ijeesu Ikirisiti Ananyị yị mẹ awuru chire nịnị, asa ahịka ebira odivi ọnị ọchẹngụ awụ nịnịị̄ sì kẹnẹ, ụ waa mẹ nịnị nị!

Aniroomi 3:22

Aza ana sị ayị tụra Ijeesu, Óhomorihiī vara ọnịrẹyịzẹyịza nị. Avaba aza ana sị ayị tụra Ijeesu Ikirisiti kẹnẹ, Óhomorihiī vavọọ mẹ nị. Oze ọnya ọ vị yị avaba aza nị,

2 Anịkọrịntị 11:2

Maa kụ̀ ụhị ịrẹsụ awụ nịnị anka Ohomorihi avọọ. Vị ụ sị mẹẹ nịnị anka ozwoorihi ẹnẹ ẹ̀ẹẹ̀ yị yẹ ọnọrụ ọnị mị raà kà a ka maa sịị gà ọza ịnyara kẹnẹ avọọ nị. Ọza ịnyara ọnọọ ọ vị Ikirisiti nị. Mee sì ka ma sị wụ nịnị naa yọ.

Anigaratiya 3:27

Avaba ọza ọnị ọnịrị Ijeesu ọ̀ọ vị ọnya ini oze ọyịhwenyi, ẹ raà sị ebira Ikirisiti mẹ awuru chire.

Anigaratiya 4:26

Ama ọnẹẹ ọsa vị ana jẹẹ yị ẹkụra Ijerusarẹmị ẹ́bẹẹba, ẹ yị nyị ịsị ọ vị ọrịhị anị: ọnị ọ vị ọnyị ayị nị

Anigaratiya 6:14

Àa vị ẹmịị yọ, ẹ yị nyị ịsị mị zụ sị mẹ eyi, àyị vị isu oni Ijeesu Ikirisiti Ananyị yị sú ị́rẹsụ apavahị. Agụvị isu anị ọnọọ, ịsa ẹhẹ ọnọnị kụkụ vị kẹnẹ-kẹnẹ yị mị, ma sị vara oku yị ẹhẹ.

Anẹhwẹsọsị 5:32

Iruvo ireyi ọnọọ ọ́ọ nyịnẹ ẹtẹẹtẹrẹ, mee ro ka ịrẹyị Ikirisiti ọnịrị ịragụ anị aa kà nị.

Ẹtore 1:20

Ụzọmị ịhịmba ẹnẹẹ oni u re ịnị ụvọrị amị ọnịrị ịzị aā sị ozotupaa tụ́ ịhịmba ana a sị igooru mẹ avọọ, ịsị ẹ jẹẹ yị ana ahịka ọza ọyị yẹ, yị: Ụzọmị ịhịmba ẹnẹẹ ệ jẹẹ yị anggẹẹrị ịhịmba ana sị eyi pe ịragụ Ohomorihi ịhịmba ẹnẹẹ. Ịzị aā sị ozotupaa tụ́ ịhịmba ẹnẹẹ vị ana rẹ jẹẹ yị ịragụ Ohomorihi ịhịmba ẹnẹẹ.”

Ẹtore 11:19

 na irehi Ohomorihi ana yà ẹbẹẹba. Ini irehi ọnọọ, ê re apoti ana aā hị́ apoti oto. Dị ịnyanya aa rị vee-vee, dị ịsa aa sụ́ ịrẹyị, dị apaana ihinẹba aa sụ́ wara-wara nị. Ẹtẹ ee henyi jigi-jigi, dị ata ihinẹba aa sụ̀ nị.

Ẹtore 12:3

Apọtẹrẹwa ọsa ọ rẹ jịnẹ tụ́ ẹhẹ ẹ́bẹẹba: Â nyị uye odivi ọnya aanị. Ọ́ nyị ịrẹsụ ịhịmba, dị ọ nyị ọpanyị ẹẹwụ, dị ọkẹkẹrẹkụ yà ịnị ịrẹsụ anị ọnya-ọnya nị.

Ẹtore 15:1

Me re re apọtẹrẹwa ọsa ẹbẹẹba, ộ banyị dị o re hí ọza irenu nị. Â nyị Anggẹẹrị ịhịmba ana vaa sị ụyọrị ịhịmba ọdịrẹmaa rị anẹhẹ. Ohomorihi ọ̀ọ maanị raà sị ụyọrị ịhịmba ẹnẹnị rị anẹhẹ, ayị anị vee hunẹnẹ.

Ẹtore 21:14

Ọvọ ẹkụra ọnọọ vị ana a dà tụ́ ịrẹta ẹwụrẹva. Dị a chẹrẹ ịrẹha ezirẹma Ozi Atẹmẹ ọnọọ tụ́ ọnị.

Ẹtore 21:23

Ẹ yị nyị ịsị ẹkụra ọnọọ aa sị ọyịị̄ mẹ, à vị ụhwẹ, ka ọ̀ọ zẹtẹ ịzọọ, agụvị ka igirima Ohomorihi aa sị ẹtohweyi yị ịzọọ nị. Ozi Atẹmẹ ọ rẹ vị ẹtohweyi anị nị.