Ẹtore 11:9 - IWE ỌNỊNỊ

⁹ Avaba anẹkụra, aza ana aa kà ẹkụra irenyi-irenyi avaba ẹhẹ, vee re oku ẹnẹẹ mẹ ẹkụhị ẹẹta rị ẹjịjị, ama dị ẹ́ yị zẹẹ ka è ne wa.

Ẹtore 11:9 ပူးပေါင်းရင်းမြစ်များ

1 Ohinọyị 13:22

Ọ kà ịzị ọnị ka asị ẹwụ nọ na rị ịsa dị asị u re hú enyi, wa zi nọ ịzọọ wa sị́ ịsa rị, we re si enyi hú. Ọ kà agụvị avọọ ọza o yi vee ne oku awụ tụ́ ini ikuta ohiku awụ nịnị.”

Ịrẹyị Ọzwọzịsa 6:3

Ọza ọ zụ ma ozi ẹchẹẹhị dị ọ ku orubo ẹtẹẹtẹrẹ, ama ẹ yị rẹ va nyẹngụ sị ogu ọnị ọ nyị mẹ ayohine ịnị ẹhẹ, ozi ene su tụ ịnị ịnẹ ọnyị anị dị a vaa ma a ọ dahi hu ọza ọnọọ nị.

Ayịsaya 33:1

Wa sị dà, ẹwụ nịnị ana maanị aa wụ̀ aza, dị à yị nyị ọza ana aa wụ nịnị. Mị ka wa sị da, ẹwụ nịnị onireche ene ee vene ọza dị ọza ò yi vene ẹwụ nịnị. Ụ màa wụ̀ ọza nịnị aanị, ịjị ụmẹ awụ nịnị ọ̀ọ ta, a rẹ vaa wụ̀ ẹwụ nịnị. Ịjị wè yi rè kuku vene ọza nịnị, ụmẹ ọnọọ e vee vene wu nịnị nị.

Ijeremaya 7:33

Ọ kà, inomi nịnị ẹnịrị uye ịnị avị nịnị ẹ vanaa rị oku ẹnịnị nị. Ẹ yị vaa nyị ọza ana aa dụ wa kwooze.

Imatiwu 7:2

Ẹngụ ọkarẹyị ọnị ụ wàa mẹ yị aza, Ohomorihi rẹ vaa mẹẹ yị ẹwụ nị. Ịsị ụ wàa sị mọ ịsa yị ọza, a rẹ vaa sị mọọ yị wụ nịnị nị.

Ẹtore 10:11

Dị ọ ka, â nyị ka ma rẹẹ kà ịsẹẹ yị aza ọrụrụ-ọrụrụ ọnịrị anẹkụra ọrụrụ-ọrụrụ ana aa kà ẹkụra irenyi-irenyi, beri ohinọyị nịnị nị.

Ẹtore 11:11

Ịjị ẹkụhị ẹẹta rị ẹjịjị sị mẹ kwooze, dị Ohomorihi tụ́ ụhwẹ ana aa mẹ ka ọza ọ̀ yàra, ngụ ịnịnẹ oku ẹnẹẹ nị. Dị ẹ sị ahụ ẹnịnị kwẹẹtẹ jẹẹ nị. Angwa ô hi aza ene re e ẹtẹẹtẹrẹ.

Ẹtore 13:7

Áa zẹẹ ka ò pe aza Ohomorihi kụ̀ ịrẹkụ, di ò huna wa. A vavọọ sị ụkata yọ ịrẹsụ avaba anẹkụra, aza ana aa kà ẹkụra irenyi-irenyi avaba ẹhẹ.

Ẹtore 17:15

Dị anggẹẹrị ọnọọ rẹ kà a mị ka okuha oni mi re avọọ ọnị ọsẹrẹka ọnọọ yaayịtẹ ịrẹsụ anị vị ana jẹẹ yị ẹkụra nịnị ọnịrị aza nịnị ne beri aza irenyi-irenyi ana aa kà ẹkụra irenyi-renyi.

Ẹtore 5:8

Ịjị ọ raà sị iwe ọnọọ, dị ịsa ẹẹna ẹnẹẹ ana nyị ụhwẹ, beri azọkụ ohurẹẹna ẹnẹẹ tana tụra ẹtẹ ọ́vịdị Ozi atẹmẹ ọnọọ nị. Avaba ẹnịnị ệ sị ịsa a sịị̄ jị ahẹ ene véné igita rị ụvọ, dị ẹ rẹ nyị ịchacha ọgana ana a sị igooru mẹ ene eturare ozoza yà ịnị anị nị. Eturare ọnọọ vị aduwa aza Ohomorihi.

Ẹtore 5:9

Dị ẹ jị ahẹ ọwọọwa dị ẹ ka: Ẹwa hụ ọọ sị iwe ọnọọ nị, dị ụ wa hụ̀ ịsa ana sị vá a, agụvị ka â vịdị wụ wụ. A mẹ̀ wụ wụ, wa raà sị anya awụ hị́ aza varẹma va yị Ohomorihi, avaba anẹkụra, aza ana aa kà ẹkụra irenyi-irenyi avaba ẹhẹ.