Ẹtore 11:8 - IWE ỌNỊNỊ

⁸ Oku ẹnịnị vaa yà ini oze ẹkụra ọbanyị, ịzị a vịdị kanyị Ananyị yị za ọchị apavahị. Ịrẹha ẹkụra ọnọọ ana ahịka vị e si juwe ịsa nị, aā hị́ Isodọmị, à vị Ijipiti nị.

Ẹtore 11:8 ပူးပေါင်းရင်းမြစ်များ

Oyinyima 13:13

Ama Anisodọmị vị aza edivi hangụ-hangụ, dị ẹ nyayịnẹ aa mẹ̀ ebira odivii ene du Ẹnẹyịmavara ayị nị.

Oyinyima 19:24

Dị Ẹnẹyịmavara zụ̀ ịra ana a sị ohuru tụ́ hi ịnị ẹkụra Isodọmị ọnịrị Igomora nị. Ẹbẹẹba Ẹnẹyịmavara zụ̀ ọ hụrẹ vẹ nị.

Ọyịkụra 20:2

“Ẹma vị Ẹnẹyịmavara ana vi Ohomorihi awụ nị. Ẹma tụ̀ wụ hụrẹ Ijipiti ịzị ụ vịdị vị ọrịhị tụ́ nị.

Ọyịkụra 3:7

Di Ẹnẹyịmavara va kà a yi Imosiisi dị ọ ka: Ọnị o re a màa chamayịị yị aza anị ene hi Ijipiti. Ọ kà a màa za waa mẹ̀ ụkọrọ, di e yee nowu, ọnị ộ wụ́. Dị ọnị rẹ yẹ avaba ụya ẹnị ẹ yaa rị nị.

Ayịsaya 3:9

Ẹ́ mẹmẹ ee re ẹtẹ ộ hyakụ sị zụ̀ ka ẹngụ ebira ẹnị ẹ yaa mẹ ọ vị ọnọọ nị. Ebira odivi ẹnị ẹ yaa mẹ ọ vị ọnọọ nị. Ebira odivi ẹnịnị vị ẹnị ẹ kụ́ tụra eyi anka Anisodọmị avọọ, ẹnịnị ẹ yị sị tẹ vụrụ-vụrụ. Ẹ sị dà ẹnị ụvọta ẹ sị ụvọ tura ụya ve kú ẹngụ ẹnịnị nị.

Ijeremaya 23:14

Ama ọnị o ve re ka ịsị ọnị ọnịsẹ ene hi Ijerusarẹmị aa mẹ e divi hu nị. Ọsẹrẹka vị nị, dị eyee cheeche nị. Ẹnịnị aa gụ aza ụvọ ka ẹẹ mẹ̀ ịsa ẹnẹ ẹ yị vọrọ nị, agụvị avọọ, ẹ yị nyị ọza ana dọ ka ọnị ọ̀ hụụnị ebira odivi ọ̀ yị mẹ. Ẹnẹyịmavara kà ịnị eyi anị, avaba ẹnịnị vị ene divi anka Anisodọmị ọnị Igomora.

Ijeremaya 26:23

Ẹnịnị ệ sị ọ ve tu ohinọyị Ijehoyakimi, dị ọ ka à wụ ọ dị è ne oku anị tụ ịzị ee ne avaba azaa hi nị.

Ezikẹẹrị 16:46

Ẹtẹ Isamariya beri ẹkụra oweyi-oweyi ene hi ịnị anị ọ vị onyeyiza awụ ana vị ọzọkụ nị. Eyi ẹbẹẹba awụ ọ́ ya nị. Isodọmị ọnịrị ẹkụra oweyi-oweyi ene hi ịnị anị ọ vị ọhụva awụ ana vị ozweyi nị. Eyi ụvẹtẹ awụ ọnị yà nị.

Ezikẹẹrị 16:49

Ẹnẹyịmavara kà, ịvị ọnị Isodọmị rị yị: Ẹnịrị ezi ẹnịnị ẹẹ sị ẹngụụ tụ ẹba agụvị ka ẹnịnị ệ nyị ịsọyịrị gwẹtẹ ẹnẹ ẹyaa rị, ọnịrị ka ẹhẹ ộ rọ̀ wa ẹngụ, ẹnịnị ẹ yị nyị ẹngụkata. Ama ẹnịnị ẹ́ yị gụ onosiye nịnị ọnịrị aza ẹnẹ ẹhẹ ẹ̀ yị mẹ yị ụvọ.

Ezikẹẹrị 23:19

Ama vị Ohoriba yị dụ ụvọ tụ ịnị ụvọ ịnị ịrẹkọyịsẹ hu avọọ nị. Ịrẹka ọyịsẹ anaa sẹ̀ ọ́ mẹ hụrẹ vị ozweyi ịnị ẹtẹ Ijipiti aa yịị sẹ̀ nị.

Ezikẹẹrị 23:27

Avọọ ọnị mẹ vaa dụ wụ nịnị hụụnị ịrẹkọyịsẹ ọnị ụ nyima anị hụrị Ijipiti nịnị nị. Wẹ́ yị ma vana si eyi nọ ịnị ịrẹyị ori nịnị à vị ka we kuku ro ịrẹyị Ijipiti nịnị.

Ezikẹẹrị 23:3

Ụmẹ ẹnị ẹ ra ẹtẹ Ijipiti, ozweyi ẹ́ vị dị a sị wa hụ nị; dị ẹnịnị kụkụ aa sẹ̀ ịrẹka nị.

Ezikẹẹrị 23:8

Ẹ́ yị hụụnị ịrẹkọyịsẹ ọnị o nyima anị Ijipiti. Ọ mẹ hụrẹ vị ozweyi ọnịrị ọnọrụ nịnị â sụ̀, dị ẹyaa kụ ụvọ sìsi ọ ẹngụ anka ọsẹrẹka avọọ nị.

Ezikẹẹrị 37:11

Ezikẹẹrị ka Ohomorihi ộ kà a yị ọnị ka, ozi-ọza, Anisirẹrị nịnị vị ana sị mẹẹ anka ẹchụkụ ẹnẹnị. Ẹnịnị ka ẹnị ẹ sị wụ, ẹnị ẹ́ yị kụkụ nyị ọyịtureyi ụhwọọ.

Emọsị 4:11

Dị ọ ka ọnị e vu wa ẹtẹ anka ọnị mẹ mẹ̀ Anisodọmị ọnịrị Anigomora avọọ. Aza anaa ha hụụnị anị vi ana vaa sị mẹẹ anka ẹjịjị ọkụ ịra ana tụ́ tịtẹ avọọ nị. Ama ẹnịnị ẹ yị hụvị avọọ va ka Ẹnẹyịmavara vẹ.

Imatiwu 10:15

Ịzẹyịza, dị ma kà a wụ nịnị ka ịnị ẹkụhị ọkarẹyị, ọ vaa daahi yị anẹkụra Isodọmị ọnịrị Igomora hu anẹkụra ọnọọ.”

Odeyi 9:4

Dị ọ hyẹdụ nya ẹtẹ, dị ọ wụ́ ọngwẹ ana kà a yọ ka, “Ịsọọrụ, Ịsọọrụ, sị ẹ vẹ dị ụ waa sị ụyaa rị mị?”

Anihiburu 13:12

Agụvị avọọ Ijeesu oni o re sú ị́rẹma ẹkụra, agụvị dị ọ̀ sị anya anị nyịna aza, dị ẹ̀ nị hụụnị ịvị ẹnịnị.

Anihiburu 6:6

Ẹngụ aza ẹnẹẹ ẹ̀ ẹ na hụrị oze Ohomorihi, ẹnịnị vị anaa sị ụvọ ẹnịnị tenyi Ozi Ohomorihii kanyịị za apavahị. Dị ẹ rẹẹ yaa mẹ ụhịị nyị ọ eyi avaba aza.

2Ipita 2:6

Ohomorihi ọ rẹ jị ịvị yị anẹkụra Isodọmị ọnịrị Igomora, dị ọ sị ịra wụ̀ wa vá ha nị. Ộ vavọọ mẹẹ, agụvị aza ana ka ẹnị ẹ mā wụ́ ịrẹyị Ohomorihi ẹ̀ kọ ịrẹyọyẹ hụụnị anị.

Ijudi 1:7

Rẹ tamayị ịrẹyị anẹkụra Isodọmị ọnịrị Igomora ne beri ẹkụra ana kara wa avọọ, ẹ́nị mẹ̀ raa mẹ ụnọ, dị ẹ rẹ yaa sẹ̀ ịrẹka irenyi-irenyi nị. E hi ịnị ịra, ẹyaa rị ụya pooro zịna-zịna, agụvị ọzọza ọ̀ kọ ịrẹyọyẹ hụụnị ịrẹyị ẹnịnị

Ẹtore 11:13

Ụmẹ ọnọọ gẹdẹ-gẹdẹ, dị ẹtẹ henyi jigi-jigi, dị agẹẹwụ ẹkụra ọnọọ gara va ha, dị aza ẹnị akahị-akahị oze ịhịmba (7,000) sú ịnị ẹtẹ ana vavọọ henyi avọọ nị. Angwa ô hí ẹnị ana vọ, dị ẹyaa sị ụbanyịị yị Ohomorihi ana yà ẹbẹẹba nị.

Ẹtore 11:9

Avaba anẹkụra, aza ana aa kà ẹkụra irenyi-irenyi avaba ẹhẹ, vee re oku ẹnẹẹ mẹ ẹkụhị ẹẹta rị ẹjịjị, ama dị ẹ́ yị zẹẹ ka è ne wa.

Ẹtore 14:20

Dị a kwọrọ ẹtụtụ ẹnẹẹ ị́rẹma ẹkụra nị. Dị anya ee sìi hụụnị ụkọ ọnọọ ẹtẹẹtẹrẹ nị. Óo sì gọdọ gụ ahụ akahịnta (1,600). Ọ́ọ nẹba tù irenu umaata.

Ẹtore 14:8

Dị anggẹẹrị ọsa aa saasa anggẹẹrị ịpaapa, dị aa hị́: “Ịbabịrọnị ọ sị hyẹdụ, ẹkụra ọbanyị ọnọọ ọ sị hyẹdụ; ọ sị ọyịkụ Ohomorihi yẹ, agụvị ka ọ raà kụ́ anẹhẹ ka ẹ̀ẹ sẹ̀ ịrẹka.”

Ẹtore 16:19

Dị ẹkụra ọbanyị ọnọọ che hi oze ẹẹta nị. Dị ẹkụra avaba ẹhẹ hyẹdụ va hi ẹtẹ nị. Ohomorihi ọ́ọ tamayị ẹkụra ọbanyị Ịbabịrọnị ọnọọ, dị ọ ká ọyịkụ ọbanyị anị tụ́ ini ako yọ ka ò hú ọọ nị.

Ẹtore 17:1

Ọnya ịnị anggẹẹrị ịhịmba ana nyị ịchacha ịhịmba ẹnẹẹ, o ve tù mi, dị ọ ka, “Vẹ ịzẹnị, ka maa sịị zụ̀ wụ, a mẹmẹ vaa sị ụyaa rị ọsẹrẹka ọbanyị ọnọọ ana yà ịrẹsụ okuha ọrụrụ-ọrụrụ.

Ẹtore 17:18

Ọnẹẹ oni u re avọọ, ọ vị ana jẹẹ yị ẹkụra ọbanyị ọnọọ ana aa mẹ ịjọvaa tụra ohinọyị anẹhẹ nịnị.

Ẹtore 17:5

Dị a chẹrẹ ịrẹha ọnya tụ́ ini ibe anị oni iruvo anị nyịnẹ ka, “Ịbabịrọnị ọbanyị, ọnyị ọsẹrẹka nịnị ọnịrị ohiku aza ene ee du ẹhẹ.”

Ẹtore 18:10

Ẹnịnị vaa jẹẹ ẹnẹẹnẹ, agụvị ka angwa ụya ana aa rị ọ ee hi wa. Dị ẹ ka: Kwaa-kwaa! Ho! Ịbabịrọnị ẹkụra ọbanyị ana maanị nyị ụkataa? Ịnị ụmẹ chee kẹnẹ ọ́karẹyị awụ tù aanị nịị?

Ẹtore 18:18

E mè re, areyi anị màa dà, ọ màa rị ịra, dị ẹ ka: Ẹ yị nyị ẹkụra ene tù ẹngụ ẹkụra ọbanyị ọnọnị.

Ẹtore 18:2

Dị ụkata-ụkata nowu tụ́ ẹba ka: Ịbabịrọnị ọ sị hyẹdụ. Echu ọnịrị ụhwẹ echu irenyi-irenyi e kuku hi ịnị anị nị. Inomi edivi irenyi-irenyi kẹnẹ e kuku hi ịzọọ nị.

Ẹtore 18:21

Dị anggẹẹrị ọnya aanị ana nyị ụkata sị ịrẹta ọnya anka ịrẹtọkwayị ọbanyị avọọ, dị o ne e ngụ oku, dị ọ ka: Aanị a mẹ̀ vaa sị ụkata-ụkataa ne Ịbabịrọnị ẹkụra ana maanị banyịị nya ẹtẹ nị. Dị ọza e me vene kuku re e nị.

Ẹtore 18:24

Anya ọnịsẹ nịnị ọnịrị anya aza Ohomorihi ana a wụ beri anya avaba aza ana a wụ ịnị ẹhẹ, yà ịrẹsụ Ịbabịrọnị.