Ẹtore 11:3 - IWE ỌNỊNỊ

³ Ohomorihi ka Ọnị vaa tụ́ ọnịsẹ anị ẹẹva, dị ẹ sị ịta arụwẹ kú ẹngụ, dị ẹ kà ịsẹ mẹ ẹkụhị akahị tụra ịrẹka ộ tụra ẹbẹẹta ẹnẹẹ (1,260).

Ẹtore 11:3 ပူးပေါင်းရင်းမြစ်များ

Oyinyima 37:34

Di Ijekọvụ za awuru anị dị ọ na a, dị ọ chire ịta orere, di o jị òrèrè Ijosẹẹhụ mẹ ẹkụhị ọrụrụ-ọrụrụ nị.

2 Ịsamụwẹrị 3:31

Di Idevidi kà a yi Ijowabi ọnịrị aza ọnị ọnịrịị jẹẹ dị ọ ka, “Na awuru awụ nịnị, dị wa si awuru orere chire nịnị, dị wa yà ọvịdị oku Abịna dị waa jị oreree na nịnị!” Idevidi ohinọyị ọnị ụvọta vị ana yà ịrẹma iposi dị aa dụ ọ ịrẹma.

1 Ohinọyị 21:27

Ahabị mẹ̀ maanị wụ́ ịrẹyị ẹnẹnị, dị ọ za ịta anị dị ọ nà a nị. Dị ọ sị ịta kú ẹngụ ọ́za oni oku sú avọọ, dị aa ba awẹ, dị ọ hụtụ tụ́ ịnị atịtọ nị. Di ahịka vị ọ kụkụ aa zi siisii nị.

2 Ohinọyị 19:1

Ịjị Ihezekaya maanị wụ́ ịrẹyị ọnọnị kẹnẹ, ộ zị ọ ẹngụ, dị ọ́ na awuru anị hi ẹngụ nị. Ộ và ịta ana aā sịị zị ẹngụ, ku ẹngụ, dị ọ nọ ịnị irehi Ẹnẹyịmavara nị.

1 Ịtọpa 21:16

Idevidi ô re anggẹẹrị ọnọọ ka ọ jẹẹ ịnị ahị. Ộ sị ụhwọ rị ụvọ enee ve sii vu Ijerusarẹmị ẹtẹ. Dị Idevidi ọnịrị azọkụ-azọkụ Anisirẹrị ana kụ́ ịta anaā sịị zị ẹngụ, dị ẹ ku ẹtẹ nị. Avaba ẹnịnị vị ana kụ́ ịta ana aa sịị̄ zị ẹngụ hi ẹngụ.

Inehemaya 9:1

Ịnị ẹkụhị ohurẹwụrẹna ịnị ụhwẹ ịhịmba ịrayị, Anisirẹrị nịnị ệ kụ ẹngụ gụ, dị ẹ za awẹ, dị ẹ kụ edudu ku ịrẹsụ ana sị zụ ka ayị ẹnịnị ô du agụvị ịvị ẹnẹ ẹ mẹ nị.

Ijoovu 16:15

Ijoovu ka ọnị ọ zị ẹngụ, dị ọnị chire awuru anaa sị zị ẹngụ, dị ọnị yaatẹ tụ ịnị edudu nị.

Ahẹ Ụgama 69:11

Ịjị mị sị ịta kú ẹngụ ana sị zụ̀ ka ayị amị ô du, aza vị anaaa sị mịị mẹ̀ isiya, di ohweche ẹnị aa jị mị ahẹ nị.

Ayịsaya 22:12

Ịhị ọnọọ Ẹnẹyịmavara Ananyị yị Ochẹtẹngụ Ộ hị́ wụ. Ọ kà wa jị òrèrè, dị wa kụ́ ịrẹsụ awụ, dị wa rẹ sị ịta arụwẹ kú ẹngụ.

Ijeremaya 1:10

Dị Ẹnẹyịmavara kà, hụrị ajịnị, ọnị ọ raa sị ụkata yị ọnị ka, ọnị ọ̀ nyị ẹbẹẹba avaba anẹkụra ọnịrị ohinọyị nịnị. Ọ kà, ọnị ọ̀ nee hu ịsaa hụrị ẹtẹ, dị ọnị oo wụ ẹnyị vàa hi ẹtẹ. Ọnị ọ̀ọ gara ịsa ẹnyị ha, dị ọnị ọ̀ọ chaka wa. Dị ọnị ọọ tenyi ịsa ẹnyị, dị ọnị ò re chire ịsa ẹnyị.

Arụwẹ 2:10

Azọkụ-azọkụ Ijerusarẹmị vana chaka chire eteesu hẹẹ-hẹẹ, dị ẹ kụ edudu kụ ịrẹsụ nị. Ịta kẹnẹ-kẹnẹ ẹ rẹ và ku ẹngụ nị. Ezwoorihi ẹnịnị vana kụkụ ka ịrẹsụ hi kọhọ̀-kọhọ̀ hi ẹtẹ.

Ezikẹẹrị 4:6

Ọ kà ẹkụhị ọnọọ ọ̀ọ sị gụ, ọnị ọ̀ vara akaha dị ọnị ọ̀ sị eyi ụvọrị rẹ hụtẹtẹ. Ọnị rẹ vaa rị ụya Anijuda nịnịị mẹ ẹkụhị ẹbẹẹva. Ẹkụhị ikonyi-ikonya vaa jẹẹ ụya ịrayị ọnyara yị Anijuda nịnị.

Ịdanịyẹrị 12:7

Ịdanịyẹrị kà, dị ọnị re ka anggẹẹrị ana jẹẹ akẹbẹẹba irehu aanị ộ và ụvọ ẹyịva hịrẹ, dị ọ sị Ohomorihi ana yara pooro hị́ eku nị. Dị ọnị wụ́ ka ọ ka, ọ vaa mẹ ịrayị ẹẹta rị ẹjịjị nị, ọ ka ẹ̀ yị vị ịjị e reè vu avaba ịrazị ana kụ tu aza Ohomorihi nịnị ẹtẹ saka-saka, ụya ana a sịị rị aza Ohomorihi aanị ẹ yị vaa ta.

Ịdanịyẹrị 7:25

Ohinọyị ọnọnị vaa kà kẹnẹ-kẹnẹ hi Ohomorihi ene hu keekere, dị ọọ raa sị ụyaa rị aza Ohomorihi. O vee si ka ọnị ọ̀ vara ọda ana aza Ohomorihi a sị mẹ ahẹkẹ ọnịrị eche ẹnẹ ẹ rị. Avọọ ọ mẹ̀ vaa mẹ ịjọvaa tụra wa ịrẹsụ pooro dị ọ mẹ ịrayị ẹẹta rị ẹjịjị nị.

Ịdanịyẹrị 8:14

Ọ kà dị ọnị wụ anggẹẹrị ọsa mè tú ohi ka, avọọ ọ mẹ vaa yà dị ọ mẹ ẹkụhị akawụ beri ịrẹkẹẹchẹhị nị (2,300). Ịrẹma ọnọọ dị e ve tenyi irehi Ohomorihi anka ọ mẹ̀ vịdị yà nị.

Ijowẹrị 1:13

Ẹwụ nịnị ohirẹsụ irehi Ohomorihi anaā mẹ̀ ịsọvọ ịrẹsụ ụta anị, kụ ẹnya arụwẹ, dị waa jị òrèrè nịnị! Sị avaba ịrahụ ọyịvụrụ zị ẹngụ ịnị irehi Ohomorihi agụvị ka ẹ yị nyị akụ ọnịrị eche ọyị mẹ̀ ịsọvọ ịnị irehi anị.

Ijona 3:5

Ịjị Anininivẹ nini wụ́ enube ọnọnị, dị ẹ dọ Ohomorihi wụ́, dị ẹ̀ nọ̀ ọ ka ọzọza ọ za awẹ agụvị avọọ nị. Dị ọzọkụ hi ozweyi ẹnịnị kụ ẹnya anaā sịị zụ ka ẹ yaa zị ẹngụ nị.

Ijona 3:8

Dị aza ọnịrị ịsụpa ẹẹ kụ ẹnya ana aā sịị zị ẹngụ. Dị ọzọza oo sụ ùnè hì Ohomorihi ẹngụ. Dị ọzọza ọ vaa hụụnị ebira odivi ọnị ọ vịdị aa mẹ̀ nị.

Ịrịka 11:26

 nyị anọrụ ẹẹva ịnị ọdọvịdị ẹnẹẹ ẹnẹ ẹ yaa ịzọọ ịnị ụmẹ ọnọọ. Ama ụkata ọnọọ o tu wa ịzị ẹ yaa, dị ẹnị re na owu booro-booro anka ọnịsẹ nịnị avọọ nị. Ịrẹha ẹnịnị ẹ rị Eridadi ọnịrị Imedadi nị.

Imatiwu 11:21

“Wa sị dà nịnị, ẹwụ nịnị Anikorasini. Wa rẹ sị dà nịnị, ẹwụ nịnị Anịbẹtịsayịda. Àa yaanị maanị mẹ̀ ụkọrọ ohyozirenu ịnị ẹkụra Ịtaya ọnịrị Ịsịdọnị, ẹ yaanị sị ịnẹ ro varẹma hụrẹ ụmọrụmọ, dị ẹ sị ịta arụwẹ kú ẹngụ, dị e kú ẹngụ ẹnịnị atịtọ.

Imatiwu 18:16

Ama ọ̀ yị wụ́ ịrẹyị awụ, dị ụ sị ọza ịnya, àa vị aza ẹnị ẹẹva tụra ẹngụ; agụvị ka ịrẹyị onivenu ẹẹva, à vị ẹẹta a sịị̄ sị ahụ ịrẹyịị hi ẹtẹ nị.

Iruuku 10:13

Di Ijeesu ka, “Wa sị dà nịnị, ẹwụ nịnị Anikorasini. Wa rẹ sị dà nịnị, ẹwụ nịnị Anịbẹtịsayịda. Àa yaanị maanị mẹ̀ ụkọrọ ohyozirenu ịnị ẹkụra Ịtaya ọnịrị Ịsịdọnị, ẹ yaanị sị ịnẹ ro varẹma hụrẹ ụmọrụmọ, dị ẹ sị ịta arụwẹ kú ẹngụ, dị ẹ yaayịtẹ ịnị atịtọ.

Iruuku 24:48

Ẹwụ nịnị ọ vị onivenu ịrẹyị ọnọnị nị.

Ịjọọnụ 15:27

Ẹwụ nịnị rẹ vaa dọ ivenu tụ́ ịnị ịrẹyị amị bẹẹ, agụvị ka ịdị amị ụ yà nịnị hụrẹ ụmọrụmọ nị.

Ịjọọnụ 3:27

Dị Ịjọọnụ tụ́ wa ohi, dị ọ ka, “Ẹ yị nyị ịsị ọza nyẹngụ nyị, ẹ̀ yị vị Ohomorihi ọ̀ọ sị yọ.

Odeyi 1:8

Ịjị Ụhwẹ Ọnịnị ọ̀ọ ká wụ nịnị vẹ, ụ vaa dọ ụkata nịnị, dị ụ waa kà ịrẹyị amị nịnị Íjerusarẹmị ọnịrị ịnị avaba Ijudiya ne beri Ịsamarịya ọnịrị ịzị ẹhẹ na ta ịrẹsụ hi.”

Odeyi 13:31

Ijeesu ộ sị ẹngụ zụ̀ aza ọnị ọnịrịị̄ zịị hụrẹ Igariri nọ Ijerusarẹmị mẹ ẹkụhị ọrụrụ-ọrụrụ. Aza ẹnẹẹ aa dọ ivenu ịrẹyị anịị yị aza booro aanị.

Odeyi 2:32

Ijeesu ọnọọ Óhomorihi sị ha hụụnị isu, dị avaba ayị aa dọ ivenuu tụ́ ịnị anị aanị nị.

Odeyi 3:15

Ijeesu ọ nyị ụkata ụhwẹ nị; wâ za a, dị ụ wụ ọ nịnị nị. Ama Ohomorihi ọ sị ọ ha hụụnị isu, eyi ayị ọ vị nị.

1 Anịkọrịntị 12:28

Ohomorihi ọ raà sị ọzọza tụ́ udi anị ịnị ịragụ anị. Udi ịpaapa, áa nyị Ezirẹma Ijeesu nịnị; udi ụpọhụva, áa nyị ọnịsẹ nịnị. Udi ụpọhụta, dị a rẹ nyị ọzwọzịsa nịnị nị. Dị a kụkụ va nyị aza ana aa mẹ̀ ụkọrọ ohyozirenu nị, dị a rẹ nyị aza anaa sị ụkata yị ka ẹ̀ẹ mẹ aza ụkụ, dị ẹ̀ẹ gụ aza ụvọ nị. Dị aza ẹnyị ẹnị aa sị oze zụ̀ aza; dị aza ẹnyị raa sị ẹkụra ọsaa kà ịrẹyị nị.

2 Anịkọrịntị 13:1

Ụpẹ ọhụta oni mee vee hee wu nịnị yị. Dị ịrẹyị ọ̀ va nyị ahụ jẹẹ, â nyị ka aza ẹnị ẹẹva, à vị ẹẹta ẹ̀ dọ ivenu tụ́ ọọ.

Anẹhwẹsọsị 4:11

Ọnị ọ sị ụkata yị aza ẹnyị ka ẹ̀ vị odeyi, dị aza ẹnyị ẹ̀ vị ọnịsẹ, dị aza ẹnyị ẹ̀ rẹ vị enenubọyịza nị. Ọ rẹ sị ụkata yị aza ẹnyị ka ẹ̀ vị aza ana sị eyi pe aza Ohomorihi, dị aza ẹnyị ẹ̀ẹ zụ̀ aza ịsa nị.

Iwe Ọhụhị Imosiisi ana aa hị́ Ọyịvatụrọda 17:6

Di o vee tu ka a wụ̀ ọza ọnyọọnyị, a nyị ka a nyị onivenu ẹẹva, a vị aza ẹnị ẹẹta ana vaa dọ ivenu. Àa vị ọza ịnya kẹnẹ ọ dọ ivenu, ọza ẹ yị nyayịnẹ wụ̀ ọ.

Iwe Ọhụhị Imosiisi ana aa hị́ Ọyịvatụrọda 19:15

Onivenu ikonya ẹ yị hụ jị ịvị ebira odivi yị ọza. A nyị ka a nyị onivenu ẹẹva ana sị zụ ka ọ rị ịvị.

Ẹtore 1:5

Ijeesu Ikirisiti, ana a zụ sị ayị tụra, ọ̀ rẹ mẹ ọyịza wụ nịnị. Ọnị ọ vị ọnịpaapa ana ha hụụnị isu nị, ọnị ọ rẹ vị ohirẹsụ ohinọyị anẹhẹ nị. Ô sì ịrẹyị ayị. Ini oze anya oni o che sẹ́ ẹtẹ o mè sú, ộ nyịna ịvị ayị kwooze.

Ẹtore 11:2

Ama asị ọnịngọ ẹtẹ ana kara irehi Ohomorihi avọọ; ma naavọ tịtẹ, agụvị ka anarịmadọwụ nịnị a sị yị nị. Ẹnịnị vaa kụ́ ahụụ hi ẹkụra Óhomorihi ọnọnịị mẹ̀ ụhwẹ ẹbẹẹva tụra ẹẹva (42).

Ẹtore 11:6

Ệ nyị ụkata ẹnẹ zụ sị za orihi jẹẹ ka asị ọ zụ̀ ịnị ụmẹ ẹnẹ ẹyaa kà ịsẹ. Ẹ rẹ nyị ụkata ẹnẹ zụ sị vara enyi nịnị anya. Ẹ rẹ zụ kụ́ ụkụ irenyi-irenyi vẹ ịnị ẹhẹ, ụpẹ ịrịka yà ene èe sì kẹnẹ.

Ẹtore 12:6

Dị ọnẹẹ ọnọọ zwe na ngụ ịnị ụnọmị, ịzị Ohomorihi tenyi tịtẹ yọ ka à yà pá a pooro dị ọ̀ mẹ ẹkụhị akahị tụra ịrẹka ộ tụra ẹbẹẹta nị (1,260).

Ẹtore 13:5

Dị a sị irenu yị uye ịnị avị ọnọọ ka ọ̀ọ kà ịrẹyị ẹbanyị-ẹbanyị, dị ọ̀ rẹẹ kà ịrẹyị edivi nị. Áa sị ụkata yọ ka ọ̀ vavọọ mẹ pooro mẹ ụhwẹ ẹbẹẹva tụra ẹẹva.

Ẹtore 19:10

Dị mị và ku ẹtẹ ọvịdị anị ka ma hẹkẹ ẹ nị. Ama dị ọ kà a mị asị mị vavọọ mẹ nị. Ọ kà, Ọnịrị ẹyị dudu vị ezi ahụ beri anda ayị nịnị ana dọ ịrẹyị Ijeesu wụ́. Ohomorihi a vọrọ ka yaa hẹkẹ nị. Ịrẹyị ọnị Ijeesu sị zụ̀ ọ mẹ ka ọnịsẹ nịnị ẹ̀ zụ kà ịsẹ nị.

Ẹtore 20:4

Di mi re aga ohinọyị ẹnyị ọnịrị aza ana yaayịtẹ ịnị anị nị. Â sị ọda yị wa ka ẹ̀ mẹ̀ ọkarẹyị. Me re re ụhwẹ aza ana vịdị jị ịrẹsụ agụvị ka ệ kà ịrẹyị ịzẹyịza oni Ijeesu sị zụ̀ ọnịrị agụvị ịrẹyị Ohomorihi. Ẹnịnị ẹ́ yị rẹ hẹkẹ uye ịnị avị ọnọọ ọnịrị ori anị; ẹnịnị ẹ́ yị rẹ dọ apọtẹrẹwa tụ́ ini ibe ẹnịnị, à vị ịnị ụvọ ẹnịnị. Ẹnịnị ẹ́ sị yára booro aanị, dị ẹnịrị ohinọyị oni Ohomorihi nyị ka ọ̀ dọ yị há dudu mẹ ohinọyị mẹ ịrayị akahị nị.