Ẹtore 11:2 - IWE ỌNỊNỊ

² Ama asị ọnịngọ ẹtẹ ana kara irehi Ohomorihi avọọ; ma naavọ tịtẹ, agụvị ka anarịmadọwụ nịnị a sị yị nị. Ẹnịnị vaa kụ́ ahụụ hi ẹkụra Óhomorihi ọnọnịị mẹ̀ ụhwẹ ẹbẹẹva tụra ẹẹva (42).

Ẹtore 11:2 ပူးပေါင်းရင်းမြစ်များ

Ahẹ Ụgama 79:1

Ohomorihi, wéē re anẹkụra ẹhịmị ẹnẹnị ẹnị ẹ̀ yị yẹ wụ mẹ̀ vẹ dị ẹ kụ́ ịrẹkụ ve tụ́ aza ọnị ụ sị mẹ aza awụ. Ệ za irehi awụ, e si o du ẹngụ, dị ẹ za Ijerusarẹmị dị ẹ jị ọ eburu nị.

Ayịsaya 48:2

Di e yee wu ka ẹnị vị anẹkụra ọnịnị ene chi ayị za Ohomorihi Anisirẹrị ọnị ịrẹha vị Ẹnẹyịmavara Ochẹtẹẹngụ.

Ayịsaya 5:5

Wáá yẹ ịsị ọta amị vaa mẹ ụbazị ọnọọ nịnị? Ọ vaa za ụbazị ọnọọ dị o wu ịsa ana a sị họ̀ kara a dị ọ chaka ọvọ ana kara a ha. Dị ịsụpa nịnị ngụ ọ, dị ẹ rị ọ, di e du ịsa ịnị anị ha.

Ayịsaya 52:1

Ẹwụ nịnị Anijerusarẹmị kwẹẹtẹ, kwẹẹtẹ wa sị tụ ụkata nịnị. Ẹwụ ẹkụra ọnịnị Óhomorihi, waa mẹ ụbanyị anka ọza ọ̀ọ kụ́ ịta ozoza hi ẹngụ avọọ. Aza ẹnẹ ẹ̀ yị jị ụvẹvẹnẹ, ọnịrị aza ẹnẹ ẹ̀ yị nị, ẹ yị vaa zị oze ọbanyị awụụ paraahu.

Arụwẹ 1:10

Ọnịvị ẹnịnị ẹ raà kụ avaba ogu ẹnịnị. Ẹnịnị ê re ọnịvị ẹnịnị maa ngụ ịnị irehi Ohomorihi, ịzị Ẹnẹyịmavara kà ọọ vị aha eenyisi yị aza ẹnẹ yị vị Aniju ka ẹ̀ ngụ.

Ezikẹẹrị 4:6

Ọ kà ẹkụhị ọnọọ ọ̀ọ sị gụ, ọnị ọ̀ vara akaha dị ọnị ọ̀ sị eyi ụvọrị rẹ hụtẹtẹ. Ọnị rẹ vaa rị ụya Anijuda nịnịị mẹ ẹkụhị ẹbẹẹva. Ẹkụhị ikonyi-ikonya vaa jẹẹ ụya ịrayị ọnyara yị Anijuda nịnị.

Ezikẹẹrị 42:20

Ộ vavọọ mọ avaba ọvọ ana a tụra kara ịzọọ. Ụgọdọ anị eyi ẹnyị-eyi ọsa vị imita ịrẹka tụra ẹvarẹwụ. Ọvọ ẹnẹnị a sị há ịzị a sị tịtẹ yị Ohomorihi ọnịrị aha ana vọ hi nị.

Ịdanịyẹrị 12:7

Ịdanịyẹrị kà, dị ọnị re ka anggẹẹrị ana jẹẹ akẹbẹẹba irehu aanị ộ và ụvọ ẹyịva hịrẹ, dị ọ sị Ohomorihi ana yara pooro hị́ eku nị. Dị ọnị wụ́ ka ọ ka, ọ vaa mẹ ịrayị ẹẹta rị ẹjịjị nị, ọ ka ẹ̀ yị vị ịjị e reè vu avaba ịrazị ana kụ tu aza Ohomorihi nịnị ẹtẹ saka-saka, ụya ana a sịị rị aza Ohomorihi aanị ẹ yị vaa ta.

Ịdanịyẹrị 7:19

Ọ kà ọnị ô si ka ọnị ọ̀ yẹ ịnị ịpa uye ọhụna ana vị irenyi yị uye ana vọ aanị hu avọọ. Uye ọnọọ ene divi pooro ọnị igege anị ọnịrị anyị anị sị mẹẹ anka enyusẹ avọọ, dị ọ̀ọ za ịsa dị ọ nà a rị, dị ọ sị ahụ gara ana vọ ha.

Ịdanịyẹrị 7:25

Ohinọyị ọnọnị vaa kà kẹnẹ-kẹnẹ hi Ohomorihi ene hu keekere, dị ọọ raa sị ụyaa rị aza Ohomorihi. O vee si ka ọnị ọ̀ vara ọda ana aza Ohomorihi a sị mẹ ahẹkẹ ọnịrị eche ẹnẹ ẹ rị. Avọọ ọ mẹ̀ vaa mẹ ịjọvaa tụra wa ịrẹsụ pooro dị ọ mẹ ịrayị ẹẹta rị ẹjịjị nị.

Ịdanịyẹrị 8:10

Ộ mẹ ụkata pooro ne tu ka ọ̀ kụ́ ịrẹkụ ne tu aza Ohomorihi, ana vị ụzọmị ẹbẹẹba. Ộ gụ aza ẹnyị ẹnịnị hyẹdụ, dị ọ sị ahụ pịrị wa zẹtẹ nị.

Ịdanịyẹrị 8:13

Ịdanịyẹrị ka, ọnị ộ vana wụ ka anggẹẹrị ọnya ộ họ̀ ọsa use ka, ịzị avaba ịsa ọnị ọnị maanị vaa yà nee tu? Ịzị aza vaa maanị mẹ ịvị naa za, dị aza ẹ yị kụkụ mẹ̀ ịsọvọ hi Ohomorihi? Aanị áa mẹ yị vaa kụ́ ahụụ hị́ aza Ohomorihi di ee du irehi anị vaa hi ẹtẹ nị?

Ịdanịyẹrị 8:14

Ọ kà dị ọnị wụ anggẹẹrị ọsa mè tú ohi ka, avọọ ọ mẹ vaa yà dị ọ mẹ ẹkụhị akawụ beri ịrẹkẹẹchẹhị nị (2,300). Ịrẹma ọnọọ dị e ve tenyi irehi Ohomorihi anka ọ mẹ̀ vịdị yà nị.

Ịrịka 14:34

Anka ẹkụhị ẹbẹẹva ọnị e si ne re ẹtẹ, avọọ ẹkụhị ọnyọọnya mẹ va jẹẹ yị ịrayị nị. Ịrayị ẹbẹẹva

Imatiwu 27:53

dị ẹ hụụnị ikuta jịnẹ vẹ, Ịjị Ijeesu sị ha kwẹẹtẹ; dị ẹnịnị nọ ịnị ẹkụra ọnịnị, dị aza ọrụrụ-ọrụrụ re wa nị.

Imatiwu 4:5

Dị Echu rẹ sị ọọ hịrẹ nọ Ijerusarẹmị ana vị ẹkụra ọnịnị, dị ọ sị ọọ na tụ́ oregerege ini irehi Ohomorihi nị.

Imatiwu 5:13

“Ẹwụ nịnị ọ vị anọ yị anẹhẹ nị. Ama anọ ọ̀ọ sị uhine anị ne ta, sị a kụkụ aa sịị vara a ka ò hine? Ẹ yị kụkụ nyị ịsị ọ rụra mẹ, à yị vị ka è ne e ta, dị aza ẹ̀ẹ kụ́ ahụụ hi ọọ.

Iruuku 21:24

A vaa sị ụhwọọ wụ̀ aza ẹnyị, dị a rẹ za aza ẹnyị ọrịhị ne hi ẹkụra irenyi-renyi. Dị anarịmadọwụ nịnị du Ijerusarẹmị ha saka-saka, pooro dị ụmẹ ẹnịnị ọ̀ va ta.”

Anihiburu 10:29

Ọ̀ọ vavọọ yà, zama a dị a re ẹngụ ụya ene vee tù aza ana àa sị eyi wụ Ozi Ohomorihi, agụvị ka anya oni Ijeesu sị hị́ eku, dị ọ sị vara ọza anị ọnịnị, ee ree ịsa ịyẹyẹ. Ọ rẹ sị eyi wụ Ụhwẹ Ọnịnị anaā mẹ ọyịzaa yị ọza.

Ẹtore 11:11

Ịjị ẹkụhị ẹẹta rị ẹjịjị sị mẹ kwooze, dị Ohomorihi tụ́ ụhwẹ ana aa mẹ ka ọza ọ̀ yàra, ngụ ịnịnẹ oku ẹnẹẹ nị. Dị ẹ sị ahụ ẹnịnị kwẹẹtẹ jẹẹ nị. Angwa ô hi aza ene re e ẹtẹẹtẹrẹ.

Ẹtore 11:3

Ohomorihi ka Ọnị vaa tụ́ ọnịsẹ anị ẹẹva, dị ẹ sị ịta arụwẹ kú ẹngụ, dị ẹ kà ịsẹ mẹ ẹkụhị akahị tụra ịrẹka ộ tụra ẹbẹẹta ẹnẹẹ (1,260).

Ẹtore 12:6

Dị ọnẹẹ ọnọọ zwe na ngụ ịnị ụnọmị, ịzị Ohomorihi tenyi tịtẹ yọ ka à yà pá a pooro dị ọ̀ mẹ ẹkụhị akahị tụra ịrẹka ộ tụra ẹbẹẹta nị (1,260).

Ẹtore 21:10

Dị Ụhwẹ Ọnịnị dọ avaba ayị amị, dị anggẹẹrị ọnọọ sị mị nọ ịrẹsụ ataba ọnya aanị ana nẹba ẹtẹẹtẹrẹ nị. Dị ọ sị ẹkụra ọnịnị ọnọọ zụ̀ mị, ana vị Ijerusarẹmị nị, o mèe chíi hụrẹ ẹbẹẹba ịda Ohomorihi vẹ.

Ẹtore 21:2

Ẹmị Ịjọọnụ, mée re ẹkụra ọnịnị ọnọọ ana vị Ijerusarẹmị ka ee chíi hụrẹ ẹbẹẹba ịda Ohomorihii vẹ. Di e tenyi ọọ ẹngụ anka ọnẹẹ anaa mẹ ọvị yị ọva anị avọọ nị.

Ẹtore 22:19

Ọza ana àa sị hụụnị ịrẹyị ịsẹ ana a chẹrẹ tụ́ ini iwe ọnọnị, Ohomorihi vaa sị áanịị kwooze hụụnị ịnị ọchị anaā mẹ ka ọza ọ̀ yàra pooro zịna-zịna, dị ọ rẹ sị áanị kwooze hụụnị ẹkụra Ohomorihi ọnọọ ana a chẹrẹ tụ́ ini iwe ọnọnị.