Ẹtore 11:12 - IWE ỌNỊNỊ

¹² Dị ọnịsẹ ẹnẹẹ wụ́ ọngwẹ ọbanyị ọnya aanị hụrẹ ẹbẹẹba vẹ, dị ọ kà a yị wa ka: Hịrẹ vẹ ịzẹnị nịnị! Ọnịvị ẹnịnị vị enee yii re wa, dị ẹnịnị yà ini eguhi, dị ẹ hịrẹ na ngụ ẹbẹẹba nị.

Ẹtore 11:12 ပူးပေါင်းရင်းမြစ်များ

2 Ohinọyị 2:1

 nyị ụmẹ ọnya oni o si tu ka Ẹnẹyịmavara aà vaa sị opomii sị Erijaa nọ ẹbẹẹba. Erija ọnịrị Erisa ệ hụrẹ ẹtẹ Igirigari aa jịnẹ.

2 Ohinọyị 2:11

Ẹnịnị maa zị ụsẹẹ na, dị ẹyaa kà ịrẹyị nị; kẹnẹ, dị ịra vẹ anka ụkẹkẹ ịrẹkụ ọnịrị umaata avọọ va ngụ wa akakana nị. Di opomi si Erija aa nọ ẹbẹẹba nị.

2 Ohinọyị 2:5

 rẹ nyị ẹnị ọnịsẹ ana ra ịzọọ. Ẹnịnị ệ ne tu Erisa, dị ẹ họ̀ ọ ka: ọ́ọ́ yẹ ka Ẹnẹyịmavara aa sị ọga anịị hụrẹ ẹngụ ajịnị? Dị Erisa kà a yị wa ka hịịn, ọnị ộ yẹ. Ama ẹnịnị ẹ̀ sị irenu ẹnịnị kwoku.

2 Ohinọyị 2:7

Ẹnị ọnịsẹ ẹvarẹwụ ệ saasa wa na ngụ Ijodani, Erija ọnịrị Erisa ệ jẹẹ ụtọ okuha, dị ọnịsẹ ẹvarẹwụ ẹnẹẹ jẹẹ ẹnẹẹnẹ nị.

Ahẹ Ụgama 112:10

Aza edivi vavọọ vee re e, dị ayị anị pooro, di e du ẹngụ ẹnịnị ha nị. Avaba ịsa ana aza edivi aa tụra eyi anị vị ana vaa tụ́ osusu.

Ahẹ Ụgama 15:1

Ẹnẹyịmavara, ye re ẹngụ ọza ana nyẹngụ yà ini eehi awụ kẹ? Ye re ẹngụ ọza ana zụ ra ịnị ataba ọnịnị awụ?

Ahẹ Ụgama 24:3

Ẹ̀nị ẹ nyẹngụ hịrẹ nọ ịnị ataba Ẹnẹyịmavara mị ka ẹnẹ nyẹngụ na jẹẹ ini Irehi Ọnịnị anị?

Ahẹ Ụgama 86:17

Navọ wa sị apẹrẹ mị ana sị zụ̀ ka waa mẹ̀ ịsa ozozaa mị. Ọnịvị amị ẹ̀ẹ vavọọ re e, dị ụhị aa nyị wa. Ẹnẹyịmavara, ẹwaa gụ mị ụvọ, dị waa sị ayị amịị hunẹnẹ nị.

Ọyịkụra 14:25

Dị ọ mẹ ka ahụ ịkẹkẹ ẹnịnị ẹ̀ tụ̀ nị. Ịkẹkẹ ẹnẹẹ ẹ yị kụkụ zẹẹ ka ẹnị ẹ̀ zị ụsẹ. Di Anijipiti nịnị ka, “Vẹ ye zwe kwooze yị Anisirẹrị nịnị! Ẹnẹyịmavara ọ jẹẹ pè wa di eè pè yịị vụ̀ ịrẹvụ nọ.”

Ayịsaya 14:13

Waa kà a ịnị ayị awụ ka waa kà udi awụụ hịrẹ anka ohinọyị. Wụ ka wee sì ka wa nyị ụbanyị huna Ohomorihi. Wụ ka wee sì ka ẹwụrị arijenu nịnị è duduu yaayịtẹẹ vaa bẹ ịrẹsụ ataba Isihọnị.

Ayịsaya 40:31

Ama aza ana sị ayị tụra Ẹnẹyịmavara vị ọnị ụkata ẹnịnị vaa hịrẹ ụna hu avọọ. E ve hira nọ ẹba anka ọkasịmẹ avọọ nị. Ẹnịnị èe zwe echi, ọ yị vaa ha wa; Ẹ vaa zị ụsẹ, ẹ yị vaa tụ wa.

Ayịsaya 60:8

Sị ẹ vị ẹsẹnị enee hira anka eguhi avọọ? Ẹ sị mẹẹ anka arivadi aa vavẹ ịnị eehi ani avọọ nị.

Ịmarakayị 3:18

Ịjọnọọ aza re ve re irenyi ana ya ịnị akakana ọnịzẹyịza ọnịrị aza edivi, aza ana aa hẹkẹ ẹ ọnịrị aza ẹnẹ yị ẹẹ hẹkẹ ẹ nị.

Iruuku 16:23

E mè ne e, ộ na yà ini ẹkụra, dị aa rị ụya nị. Dị ọ kụ̀rà eyi tụ́ ẹba, di ee re Abụrahamị ẹ́nẹẹnẹ nị. Di o ree re Ịrasarụsị ị́dị anị nị.

Odeyi 1:9

Ịjị ọ maanị sị ịrẹyị kà yị wa, dị Ohomorihi sị ọọ nọ ẹbẹẹba nị. Ẹ́nịnị mèe yii re e, di eguhi vú ọọ hi wa eyi nị.

1 Anịtẹsaronika 4:17

Dị aa kụ́ ẹyị ana vọ ana yàra ịnị ụmẹ ọnọọ beri wa, dị ị dudu tụra eguhi na gẹrị Ananyị yị ẹ́bẹẹba. Dị ị kụkụ yà ịdị Ananyị yị pooro zịna-zịna.

Ẹtore 12:5

Dị ọnẹẹ ọnọọ ma ozi ọnọrụ ọnya, ana vaa sị okutẹ enyusẹ-enyusẹ mẹ ịjọvaa tụra avaba ẹhẹ ịrẹsụ nị. Dị a wụsẹ sị ozi ọnọọ, dị a sị ọọ nọ ịdị Ohomorihi ịzị aga ohinọyị anị yà nị.

Ẹtore 3:21

Ọza ana àa nyị ehuna, mị vaa sị oze yọ ka ọ̀ yaayịtẹ pe mi ịnị aga ohinọyị amị, anka ẹ́mị mẹ̀ rẹ nyị ehuna, dị mị yaayịtẹ pe Ada amị ịnị aga ohinọyị anị.

Ẹtore 4:1

Ịjị ẹnẹẹ ta, dị mị rẹ kana eyi nị. Di mi re oze ana a na hi ẹtẹ ẹ́bẹẹba nị. Dị ọngwẹ ana sụ́ ịrẹyị anka ọpanyị avọọ, ana vịdị kà ịrẹyịị mị ịpaapa, raa kà ịrẹyịị mị nị. Dị ọ ka: Hịrẹ vẹ ịzẹnị, dị ma sị zụ̀ wụ ịsị a hị́ ka ịzẹyịza, ẹ vaa mẹ ị́rẹma ụhwọọ!