Ẹtore 10:3 - IWE ỌNỊNỊ

³ Di o nowu zẹtẹ anka idu òo rere ee nowu avọọ nị. Ịjị o si owu na, dị apaana ihinẹba sụ́ ịrẹyị ụpẹ ịhịmba tụ́ ọọ ohi nị.

Ẹtore 10:3 ပူးပေါင်းရင်းမြစ်များ

Ahẹ Ụgama 29:3

Ẹnẹyịmavara mè kà ịrẹyị dị enyi dọ ọngwẹ dị apaana ihinẹba aa ha kẹnẹ nị Ohomorihi ana nyị ụbanyị ộ mẹ̀ ka apaana ihinẹba ọ̀ há, di enyi ẹbanyị-ẹbanyị aa sụ́ wụụrụ kẹnẹ nị

Ụhịrẹyị 19:12

Ọyịkụ ohinọyị vị eneē chire ẹtẹ angwa, ama ebira ọyịza anị vị anaa sị ẹtẹ rọ̀.

Ayịsaya 31:4

Ẹnẹyịmavara ộ kà a nị ka, “Ohi idu ọ̀ọ si uye za, di ee nowu kara a. Òo zee e eyi aza ene ee sere atẹmẹ ẹ̀ kụ́ gụ di èe nowu ka ẹnị ẹ̀ dụ ọ, e yi yèe hí angwa owu ẹnịnị. Ẹ̀ẹ daka nowu pooro, ẹ yị nyị ịzị aa gẹ idu. Avọọ Ẹnẹyịmavara Ochẹtẹẹngụ mè vee tenyi ẹngụ ịrẹkụ vee tù aza ene hi ịrẹsụ ataba nị.

Ayịsaya 42:13

Ẹnẹyịmavara ộ jịnẹ tụ ẹhẹ na kụ̀ ịrẹkụ anka isoja avọọ; O tenyi ẹngụ tenyi, dị ee zí ịrẹkụ nị. Ô họ̀ ogeeke, dị ịrekụ sụ ịrẹyị wanyị nị. Ộ sị ụkata anị zụ̀ ọnịvị anị nịnị.

Ayịsaya 5:29

Ezirẹkụ ẹnịnị èe nowu, vị ọ sị mẹẹ anka idu avọọ nị. Vi eē nowu anka ezi idu mẹ̀ẹ ẹ̀ẹ si uye za avọọ nị. Ịsị ẹ̀ẹ za dị ẹ sị ọ aa na, ẹ yị nyị ọza ana zụ dọ wa.

Ijeremaya 25:30

Ẹnẹyịmavara kà asị a nyị ka Ijeremaya ẹ́ yị kà avaba ịrẹyị ọnị ọnị kà yọ o. Ọ kà ọ̀ kà a yị avaba aza ẹnẹnị ka, Ẹnẹyịmavara vaa ya ẹbẹẹba dị ọ nowu dị ọ rị ịnyanya hụrị ẹbẹẹba kere-kere, o vee nowu ku aza, dị ọ nowu anka ọza anaa dụ uye avọọ. Avaba ọza vaa wụ̀ ọ ọngwẹ.

Ezikẹẹrị 10:5

Aza ene hi ịnị ohweje ana á dà tụ ẹhẹ ệ wụ avaka ikerubi ẹnẹnị maa sụ́ ịrẹyị. Vị ịsị anaa sụ́ ịrẹyị sị mẹẹ anka Ohomorihi àa kà ịrẹyị avọọ nị.

Ihoseya 11:10

Ẹnẹyịmavara kà a aza anị vaa saasa ọnị ịjị ọnị òo na owu anka idu avọọ hi ọnịvị ẹnịnị. Eyiha-eyiha ẹnịnị vaa sị zwe hụrẹ eyi ịzị ọyịị̄ zịị na ngụ ẹtẹ.

Ijowẹrị 3:16

Ẹnẹyịmavara vee nowu hụrẹ Ịzayọnị, dị ọ ka irutu hụrẹ Ijerusarẹmị, dị ẹbẹẹba ọnịrị ẹtẹ ee ziizi. Ama ọnị vaa dọ aza anị ha, dị ọnị vị ụkata ẹnịnị.

Emọsị 1:2

Ọ kà: “Ẹnẹyịmavara ộ na owu hụrị ataba Ịzayọnị; ọngwẹ anị ọ katuru hụrẹ Ijerusarẹmị. Dị avị ọnị ịsụpaā rị wara za ẹtẹ, dị avị ene hi ịrẹsụ ataba Ịkamẹrị ee vi nị.”

Emọsị 3:8

Idu òo na owu, ene éé yi vee hí angwa? Ẹnẹyịmavara Ohomorihi ọ̀ọ kà ịrẹyị, ẹnẹ zụ za ka ọnị ẹ yị ka ụtụ ọnọọ?

Ẹtore 14:2

Dị mị wụ́ ọngwẹ ọnya hụrẹ ẹbẹẹba vẹ anka enyi ene ee sì vụụ-vụụ avọọ ọnịrị anka apaana ihinẹba ọbanyị nị. Dị mị rẹ wụ́ ịsa, ọ màa sụ́ ịrẹyịị véné ịsa anaa sịị̄ jị ahẹ ene véné igita avọọ nị.

Ẹtore 15:1

Me re re apọtẹrẹwa ọsa ẹbẹẹba, ộ banyị dị o re hí ọza irenu nị. Â nyị Anggẹẹrị ịhịmba ana vaa sị ụyọrị ịhịmba ọdịrẹmaa rị anẹhẹ. Ohomorihi ọ̀ọ maanị raà sị ụyọrị ịhịmba ẹnẹnị rị anẹhẹ, ayị anị vee hunẹnẹ.

Ẹtore 15:7

Dị ọnya ịnị ịsa ẹẹna ẹnẹẹ ana nyị ụhwẹ aanị sị ịchacha igooru ịhịmba, dị ọ sị yị anggẹẹrị ẹnẹẹ nị. Ịchacha ẹnẹẹ vị ohihi ọyịkụ Ohomorihi ana yára pooro zịna-zịna.

Ẹtore 4:5

Dị ịnyanya aa rị vee-vee, dị ịsa aa sụ́ ịrẹyị, dị apaana ihinẹba aa háa hụụnị aga ohinọyị ọnọọ vẹ nị. Dị ozotupa ịhịmba aa zẹtẹ ọvịdị aga ohinọyị nị. Ozotupa ịhịmba ẹnẹẹ vị Ụhwẹ Ohomorihi ịhịmba.

Ẹtore 8:5

Dị anggẹẹrị ọnọọ nyị ịra hụụ ịrẹsụ ụta ọnọọ tụ́ ịnị ẹnya eturare ọnọọ ohihi, dị o ne e na ngụ ẹhẹ nị, Dị apaana ihinẹba aa sụ́ wara-wara, dị ịrẹka aa sụ́, dị ịnyanya aa rị vee-vee, dị ẹtẹ ee henyi jigi-jigi nị.