Ẹtore 1:6 - IWE ỌNỊNỊ

⁶ Ọ raà nyị yị ka ya nyị tụ́ ịnị ịjọva anị, dị ya rẹ yà anka ohirẹsụ irehi Ohomorihi, dị yaa hẹkẹ Ohomorihi Ada anị. Ọnị ọ vaa nyị igirima ọnịrị ụkata pooro zịna-zịna nị. Aamị.

Ẹtore 1:6 ပူးပေါင်းရင်းမြစ်များ

Ọyịkụra 19:6

ama ẹnị mị vaa sị mẹ ohirẹsụ irehi Ohomorihi amị nị di ẹ vị anẹkụra amị. Maanị kà a yị Anisirẹrị nịnị.”

Ayịsaya 61:6

Aza vaa yẹ wa ka ohirẹsụ irehi Ẹnẹyịmavara ẹ vị nị. Ezi ahụ Ohomorihi ayị. Ẹnịnị ẹ vaa sị ogu anẹkụra nịnị mẹ ẹhẹ nị. Ee mè eyi ka ẹnị ẹ nyị nị.

Ịdanịyẹrị 4:34

Inebukadineza ka, ịjị ịrayị ịhịmba sị mẹ dị ọnị kana eyi ihinẹba, dị ịrẹsụ anị vavẹ eehi nị. Ọnị ộ sị ụga ọnịrị ụbanyị beri igirima yị Ohomorihi ana yara pooro zịna-zịna. Ohomorihi aa mẹ ịjọva avaba ẹhẹ pooro nị. Ịjọva anị ẹ yị vaa nyị ẹzẹtẹ.

Ịdanịyẹrị 7:14

Ọ kà, â sị ụkata ọnịrị ụbanyị ohinọyịị yọ, agụvị dị avaba anẹhẹ ẹẹ hẹkẹ ẹ. Ụkata anị ọnịrị ịjọva ọnị ọ vaa mẹ̀ ẹ yị vaa nyị ẹzẹtẹ.

Imatiwu 6:13

Asị ụ sị yị tụ ịnị ọyịzamare, ama dọ yị ha hụụnị ụvọ Echu. (Agụvị ka ẹwa vị Ohinọyị, dị ụ nyị avaba ụkata ọnịrị igirima pooro zịna-zịna Aamị!)

Ịjọọnụ 5:23

agụvị avaba aza ẹ̀ zụ sị ụbanyị yị ẹmị Ozi anị, anka ẹ mẹ̀ẹ̄ sị ụbanyị yị Ada amị. Ọza ẹnẹ ẹ̀ yị sị ụbanyị yị ẹmị Ozi anị, ọ yị rẹ sị ụbanyị yị Ada amị, ana tụ́ mị vẹ ẹhẹ.

Aniroomi 11:36

Ọnị ọ tụ́ avaba ịsa nị. Ọnị ọ za avaba ịsa jẹẹ nị. Ọnị avaba ịsa rẹ yà yị nị. Ohomorihi aza vaa sị ụbanyịị yị pooro zịna-zịna nị. Aamị.

Aniroomi 15:6

Ọnọọ vaa mẹ ka avaba awụ nịnị ọ̀ zụ nyị ayị ọnya, dụ wa sị irenu tọ̀ ọnya, dụ wa zụụ sị ụgaa yị Ohomorihi, ana vị Ada Ijeesu Ikirisiti Ananyị yị. Aa kà enube ọyịza yị Anigiriki.

Anihwiripi 2:11

Avaba ẹnịnị rẹ vaa sị irenu ẹnịnịị kà a ka Ijeesu Ikirisiti ọ vị Ananyị yị nị. Ọnọọ rẹ vaa sị igirima yị Ohomorihi ana vị Ada anị.

1 Itimoti 6:16

Ọnị ịnyara chọchọchọ o reè yi mē sú nị. Ini ẹtohweyi ọnị ọ yà, ẹ yị nyị ọza ana zụ kà pee. Ẹ yị nyị ọza ene ree da, ayị rẹ nyị ọza ene zụ ree. Ọnị ọ nyị ụbanyị ọnịrị ụkata pooro zịna-zịna nị. Aamị.

Anihiburu 13:21

Ohomorihi ọnọọ ọ̀ sị avaba ịsa ozoza yị wụ nịnị, dị ụ wa zụ mẹ̀ ịsa oni o sì ka wa mẹ nịnị! Ohomorihi ọ̀ rẹ mẹ yị ini oze Ijeesu Ikirisiti, dị ya zụ vị ịsị o sì ka ya vị. Ijeesu Ikirisiti ọnọọ ọ vaa nyị ụbanyị pooro zịna-zịna nị. Aamị.

1Ipita 4:11

Ọza ana àa kà ịrẹyị, ọ̀ọ kà a dị aza ẹ̀ yẹ ka Ohomorihi ọ sị ịrẹyị ọnọọ yọ nị. Ọza ana àaa mẹ ọgụvọọ yị ọza, ọ̀ọ sị avaba ụkata ọnị Ohomorihi sị yọọ mẹẹ. Wa vavọọ mẹ nịnị, agụvị dị aza ẹ̀ẹ sị ụgaa yị Ohomorihi ịnị avaba ịsavị-ịsavị agụvị Ijeesu Ikirisiti. Ohomorihi ọ nyị igirima ọnịrị ụkata nị, avọọ ọ mẹ vaa yà pooro zịna-zịna nị. Aamị.

1Ipita 5:11

Ọnị ọ nyị ụkata pooro zịna-zịna nị. Aamị.

2Ipita 3:18

Waa vịra nịnị ini oze Ijeesu Ikirisiti Ananyị yị ọnịrị Ọdọzaha ayị, agụvị dị ọ̀ọ mẹ ọyịzaa yị wụ nịnị hu avọọ, dị ụ wa rẹẹ yẹẹ hu avọọ nịnị! Ụbanyị ọ̀ vị áanị booro aanị ọnịrị pooro zịna-zịna, Aamị.

Ijudi 1:25

Yáa kụ́ Ohomorihi avọ; ọnya ọ́ vị nị. Ọnị ọ dọ yị há ini oze Ijeesu Ikirisiti Ananyị yị, ọnị ọ nyị igirima nị, dị ọ nyị ụbanyị nị, ọnị ọ rẹ vị ohinọyị nị, dị ọ rẹ nyị ụkata nị. Avọọ ọ mẹ̀ yị yà hụrẹ ụmọrụmọ dị a va mẹ ẹhẹ nị. Avọọ ọ mẹ yị yà nị. Avọọ ọ mẹ̀ rẹ vaa yà pooro zịna-zịna nị. Aamị.

Ẹtore 1:9

Ẹma vị Ịjọọnụ ọyịnyara awụ nịnị nị. Ẹmịrị Ikirisiti ọ sị vị ọnya anka ẹwụ nịnị: vi i dudu aa rị ụya nị. Yâ nyị tụ́ ịnị ịjọva Ikirisiti, dị ị raa sị ẹngụụ dọ ụya anị nị. Â za mị na tụ́ ịnị ẹtẹ ana yà ịnị akakana òkū ana aā hị́ Ịpatịmọsị, agụvị ka maa kà ịrẹyị Ohomorihi oni Ijeesu dọ ivenu tụ́.

Ẹtore 20:6

Ọnịpaapa ẹnẹẹ ana a vịdị vavọọ ha hụụnị isu vị Óhomorihi, ẹ rẹ vaa dàa jẹ. Ẹngụ aza ẹnẹẹ e mè vene kuku sú ụpẹ ọhụva. Ohirẹsụ irehi Ohomorihi ẹ vaa vịị yị Ohomorihi ọnịrị ohinọyị ọnị ọ ka ọ̀ dọ yị há nị. Dị ẹnịrị ọọ dudu mẹ ohinọyị mẹ ịrayị akahị.

Ẹtore 4:11

Ananyị yị, ẹwa vị Ohomorihi ayị nị. Ẹwa nyị ụkata nị. Ẹwụ a vọrọ ka avaba aza ẹ̀ẹ sị igirima ọnịrị ụbanyịị yị nị. Ẹwa tụ́ avaba ịsa nị. Agụvị ka wâ vavọọ sì ọ, ụ tụ́ wa, dị ẹ yà ịzọọ nị.

Ẹtore 5:10

Wa raà nyị wa ka ẹ̀nyị tụ́ ịnị ịjọva Ohomorihi. Dị ẹ̀ rẹ yà anka ohirẹsụ irehi Ohomorihi, dị ẹ̀ẹ hẹkẹ Ohomorihi ayị, ẹnịnị rẹ vaa rị ohinọyị ịnị ẹhẹ.