Ẹtore 1:4 - IWE ỌNỊNỊ

⁴ Ẹmị Ịjọọnụ ọ chẹrẹ iwe ọnọnị nị. Maa chẹrẹ ẹ hi ịragụ Ohomorihi ịhịmba ene hi ẹkụra Esiya. Ohomorihi ọ mẹ ọyịza wụ nịnị, dị ọ̀ rẹ sị ẹngwọọrọ yị wụ nịnị. Ohomorihi vị ana yà ịzọọ hụrẹ ụmọrụmọ dị a va yẹ ka aa mẹ ẹhẹ ọnọnị. Ụhwẹ Ohomorihi ịhịmba ene hi ọvịdị ịzị Ohomorihi Ohinọyịị̄ yà, ọ̀ rẹ vayị awụ nịnị.

Ẹtore 1:4 ပူးပေါင်းရင်းမြစ်များ

Ahẹ Ụgama 90:2

Dị ụ va yẹ ka ụụ mẹ ataba nịnị ne beri eteesu ọnịrị ẹhẹ hụrẹ ụmọrụmọ ẹwụ vị vị Ohomorihi nị.

Ọyịkụra 3:14

Di Ohomorihi kà a yi Imosiisi dị ọ ka Ọnị ọ rị Ẹmị ana vị Ẹmị Di Ohomorihi rẹ kà a yọ dị ọ ka: Ọ̀ kà a yị Anisirẹrị ka Ẹma vị Ẹmị ọ tụ́ ọ vẹ nị.

Ayịsaya 11:2

Ẹnẹyịmavara vaa sị ụhwẹ anịị tụ́ ịnị ayị anị, dị ọ mẹ ka ọ̀ yẹ ịrẹyị ẹtẹẹtẹrẹ. Ọ rẹ vaa mẹ ka ọ yara pè ọza jiwe, dị ọ rẹ sị ụkata yọ. Ohinọyị ọnọọ vaa yẹ ịsa ọnị Ohomorihi sì,

Ayịsaya 41:4

Ẹnẹ maanị mẹ̀ ẹ? Ẹnẹ nyị ọda tụ ịrẹsụ avaba ịsa anaā mẹ̀ ịnị ẹhẹ? Ẹnẹyịmavara ka Ọnị ana ya ịzọọ hụụnị oyinyima, ana rẹ vaa ya ịzọọ pooro na ngụ ẹhị yọ nị.

Ayịsaya 57:15

Ẹma vị Ohomorihi ọnịnị ana nẹba nị. Ẹma yàra pooro zịna nị. Aha ana nẹba dị ọ vị ọnịnị mị ra nị. Ama mị rẹẹ raa pe aza ana ka ẹngụ ẹnịnị chi, di e ro ịnẹ varẹma. Ọ vaa mẹ ka ma mẹ ka ayị ẹnịnị ọ̀ vana nẹtẹ, dị ẹ rẹ nyị ọyịtureyi.

Imika 5:2

Ẹnẹyịmavara kà wéē re Ịbẹtịrẹhẹmị ana yà ini ẹtẹ Ehwirati avọọ Ọza ee re ka oni o weyi ini ovwoovu Anijuda. Ẹnẹyịmavara kà ọnị vaa sị ọza ịnya hụụ ịzọọ mẹ ohinọyị Anisirẹrị. Hụrẹ ụmọrụmọ ovwoovu ọza ọnọọ hụrẹ aa vẹ nị.

Ịzakaraya 3:9

Re, a reè tenyi ịrẹta tụ ọvịdị Ijosuwa. Ịrẹta ọnọọ ọ nyị eyi ịhịmba. Ẹnẹyịmavara Ochẹtẹẹngụ kà ọnị va chẹrẹ ịsa tụ́ ọ. Ịnị ẹkụhị ọnya ọnị vaa nyee ịvị ẹtẹ ọnọnị kwooze.

Ịzakaraya 4:10

Aza ana si eyi wụ̀ ịsị e nyima kiiki vaa jẹ ịjị ee re ka Izerubabẹrị aa da irehi ọnọọ na tụ́ ọvịdị. Anggẹẹrị kà ịhịmba ọnọọ vị eyi Ẹnẹyịmavara ene re avaba ịsa ene hi ini ẹhẹ.

Ịzakaraya 6:5

Dị anggẹẹrị tụ́ ohi, dị ọ ka, Ẹnị ẹyịna vị ụhwẹ ana hụrị ẹbẹẹba chi vẹ. Ẹnịnị vị ana aa jịnẹ tụ́ ẹhẹ ịrẹma ọnị ẹ raà jẹẹ ọvịdị Ẹnẹyịmavara ana nyị ẹhẹ ọnọnị.

Ịjọọnụ 1:1

Hụrẹ ụmọrụmọ, dị a va yẹ ka aa mẹ ẹhẹ, Ịrẹyị Ohomorihi hụrẹ yà ịzọọ nị. Ịrẹyị ọnọọ vị ana yà ịdị Ohomorihi, Ịrẹyị ọnọọ gẹdẹ-gẹdẹ vị Ohomorihi.

Odeyi 19:10

Ịpọọrụ ộ vavọọ mẹ̀ ẹ mẹ ịrayị ẹẹva. Dị avaba aza ana ra ịnị ẹtẹ Esiya, Aniju ọnịrị Anigiriki, wụ́ ịrẹyị Ananyị yị nị.

Odeyi 2:9

Ẹkụra ọnị ị hụrẹ vẹ yị: Ipatiya beri Imediya ọnịrị Erami beri Imesopotamiya ọnịrị Ijudiya beri Ikapadosiya; Ịpọntụsị ọnịrị Esiya,

Aniroomi 1:7

Mâ kụ́ avaba awụ nịnị ene hi Iroomi oni Ohomorihi sì ịrẹyị anị, dị ọ hị́ wụ nịnị ka wa vị aza anị. Ohomorihi Ada ayị ọnịrị Ijeesu Ananyị yị ọnị ọ nyị ka ọ̀ dọ yị há ẹ̀ mẹ ọyịza wụ nịnị, dị ẹ̀ rẹ sị ẹngwọọrọ yị wụ nịnị!

1 Anịkọrịntị 1:3

Ohomorihi Ada ayị ọnịrị Ijeesu Ikirisiti Ananyị yị ẹ̀ mẹ ọyịza wụ nịnị, dị ẹ̀ sị ẹngwọọrọ yị wụ nịnị!

2 Anịkọrịntị 1:2

Ohomorihi Ada ayị ọnịrị Ijeesu Ananyị yị oni Ohomorihi nyị mẹ ohinọyị ka ọ̀ dọ yị ha ẹ̀ mẹ̀ ọyịza ọnịrị ẹngwọọrọ yị wụ nịnị!

Anihiburu 13:8

Ijeesu Ikirisiti yị vị ọnyọọnya ẹẹrị ọnịrị ajịnị ne beri pooro zịna-zịna.

Ijemiisi 1:17

Avaba ẹyịza ene zoza ana gụ vanaā hụụ ịdị Ohomorihii vẹ. Ịdị Ada ayị ana mẹ ẹtohweyi hi ini ihinẹba ẹẹ̄ hụrẹẹ vẹ nị. Ohomorihi ọ mā vara, o mē re jesi dị ọ̀ navọ yị tụ́ ịnị ịrahụ.

Ẹtore 1:1

Iwe ọnọnị vị ịrẹyị ịsa oni Ijeesu sị zụ̀ ezi ahụ anị. Ohomorihi ộ sị ịsa ẹnẹnị yị Ijeesu Ohinọyị ọnị Ọ nyị ka ọ̀ dọ yị há, ka ọ̀ sị zụ̀ wa ịrẹyị ana ahịka o yi vee kù dị ẹ̀ mẹ. Di Ikirisiti tụ́ anggẹẹrị anị hi Ịjọọnụ ozi ahị anị ka ọ̀ na sị ịsa ẹnẹẹ zụ̀ ọọ nị.

Ẹtore 1:11

Dị ọ ka, “Chẹrẹ ịsị u wèe re tụ́ ini iwe, dị ụ wa sị tụ́ nọ ịnị ịragụ Ohomorihi ịhịmba ene hi ịnị ẹtẹ Esiya: Ẹhwẹsọsị, Ịsịmụna, Ipagamụmị, Itiyatira, Isaadisi, Ihwiradehwiya ọnịrị Irayodesiya.”

Ẹtore 1:17

Ịjị mi re e, dị mị hyẹdụ nya ẹtẹ ọ́vịdị anị anka oku avọọ nị. Dị ọ sị ụvọrị anị tụra mị, dị ọ ka, “Asị ụ hí angwa; ẹma vị ọnịpaapa ọnịrị ọdịrẹma nị.

Ẹtore 1:20

Ụzọmị ịhịmba ẹnẹẹ oni u re ịnị ụvọrị amị ọnịrị ịzị aā sị ozotupaa tụ́ ịhịmba ana a sị igooru mẹ avọọ, ịsị ẹ jẹẹ yị ana ahịka ọza ọyị yẹ, yị: Ụzọmị ịhịmba ẹnẹẹ ệ jẹẹ yị anggẹẹrị ịhịmba ana sị eyi pe ịragụ Ohomorihi ịhịmba ẹnẹẹ. Ịzị aā sị ozotupaa tụ́ ịhịmba ẹnẹẹ vị ana rẹ jẹẹ yị ịragụ Ohomorihi ịhịmba ẹnẹẹ.”

Ẹtore 1:8

Ohomorihi Ananyị yị Ochẹtẹngụ, ọnị ọ yà ịzọọ hụrẹ ụmọrụmọ dị a va yẹ aa mẹ ẹhẹ nị. Ọnị ọ yị yà ịzọọ booro aanị nị, ọ rẹ vaa vaa vẹ ịnị ẹhẹ ọnọnị. Ọ kà, Ọnị ọ vị ọnịpaapa ọnịrị ọdịrẹma nị.

Ẹtore 1:9

Ẹma vị Ịjọọnụ ọyịnyara awụ nịnị nị. Ẹmịrị Ikirisiti ọ sị vị ọnya anka ẹwụ nịnị: vi i dudu aa rị ụya nị. Yâ nyị tụ́ ịnị ịjọva Ikirisiti, dị ị raa sị ẹngụụ dọ ụya anị nị. Â za mị na tụ́ ịnị ẹtẹ ana yà ịnị akakana òkū ana aā hị́ Ịpatịmọsị, agụvị ka maa kà ịrẹyị Ohomorihi oni Ijeesu dọ ivenu tụ́.

Ẹtore 16:5

Dị mị wụ́ anggẹẹrị ana sị eyi pe enyi, dị ọ ka: Ẹwụ Ohomorihi ẹnẹ ẹ̀ yị nyị ẹngụ anị, ịzẹyịza ụ sị mẹ̀ ọkarẹyị ẹnẹnị nị. Ẹwa yà ịzọọ booro aanị nị, ẹwa rẹ yà ịzọọ hụrị ụmọrụmọ nị.

Ẹtore 2:12

Ọza oni mi re ka, Chẹrẹ iwe tụ́ hi anggẹẹrị ana sị eyi pe ịragụ Ohomorihi ana yà Ipagamụmị ka: Ọza ana sị ụhwọ onyeyẹva ana rẹ rị ụvọ, ọ tụ́ ụtụ ọnọnị nị:

Ẹtore 2:18

Ọza oni mi re ka, “Chẹrẹ iwe tụ́ hi anggẹẹrị ana sị eyi pe ịragụ Ohomorihi ana yà Itiyatira ka: Ozi Ohomorihi oni eyi anị aa za nyanga-nyanga anka ịra, dị ahụ anị aa za nyoo-nyoo anka enyusẹ, ọ tụ́ ụtụ ọnọnị nị:

Ẹtore 2:8

Ọza oni mi re ka, “Chẹrẹ iwe tụ́ hi anggẹẹrị ana sị eyi pe ịragụ Ohomorihi ana yà Ịsịmụna ka: Ọza ana vị ọnịpaapa ọnịrị ọdịrẹma, ene sú dị ọ rẹ varẹma yàra, ọ tụ́ ụtụ ọnọnị nị.

Ẹtore 22:16

Ọ kà, Ọnị Ijeesu ọ tụ́ anggẹẹrị anị ka ọ̀ kà ịsa ẹnẹnịị wụ nịnị ịnị ịragụ Ohomorihi nị. Ọnị ọ chị hụụnị ovwoovu Idevidi vẹ nị. Ọnị ọ vị ụzọmị ana aa zẹtẹ ẹnẹnẹ nị.

Ẹtore 22:8

Ẹmị Ịjọọnụ, mê re ịrẹyị ẹnẹnị, dị mị rẹ wụ́ ọọ nị. Ịjị mi re e, dị mị rẹ wụ́ ọọ, mâ và ku ẹtẹ ọvịdị anggẹẹrị ana sị ịsa ẹnẹnị zụ̀ mị ka ma hẹkẹ ẹ.

Ẹtore 3:1

Ọza oni mi re ka, “Chẹrẹ iwe tụ́ hi anggẹẹrị ana sị eyi pe ịragụ Ohomorihi ana yà Isaadisi ka: Ọza ana nyị Ụhwẹ Ohomorihi ịhịmba ọnịrị ụzọmị ịhịmba ọ tụ́ ụtụ ọnọnị nị: Ọ kà Ọnị ộ yẹ ịsị ụ mẹ; aza aa kà a ka wâ yàra nịnị, ama oku oyisú ụ vị nịnị nị.”

Ẹtore 3:14

Ọza oni mi re rẹ ka: Chẹrẹ iwe tụ́ hi anggẹẹrị ana sị eyi pe ịragụ Ohomorihi ana yà Irayodesiya ka: Ọza ana rị Aamị, anaā kà ịzẹyịza, dị a zụ sị ayị tụraa, ọ tụ́ ụtụ ọnọnị nị; avaba ịsa oni Ohomorihi tụ́ vị ana rẹ hụụnị ụvọ anị vẹ:

Ẹtore 3:7

Ọza oni mi re rẹ ka: Chẹrẹ iwe tụ́ hi anggẹẹrị ana sị eyi pe ịragụ Ohomorihi ana yà Ihwiradehwiya ka: Ọza ana vị ọnịnị ọnịrị ọnịzẹyịza, ana rẹ nyị ụkọkọrọ Idevidi; ọnị ọọ̄ na oze, dị ẹ yị nyị ọza ene zụ gu ọọ nị; oni o reē gu oze, dị ẹ yị nyị ọza ana zụ naa nị; ọnị ọnọọ ọ tụ́ ụtụ ọnọnị nị:

Ẹtore 4:5

Dị ịnyanya aa rị vee-vee, dị ịsa aa sụ́ ịrẹyị, dị apaana ihinẹba aa háa hụụnị aga ohinọyị ọnọọ vẹ nị. Dị ozotupa ịhịmba aa zẹtẹ ọvịdị aga ohinọyị nị. Ozotupa ịhịmba ẹnẹẹ vị Ụhwẹ Ohomorihi ịhịmba.

Ẹtore 4:8

Ịsa ẹẹna ana nyị ụhwẹ ẹnẹẹ, ọnya-ọnya ộ nyị avaka ịhịnọnyị. Dị ẹhẹẹhẹ ẹnịnị ọnịrị ịnịnẹ ẹnịnị vị eyi-eyi nị. Ọọdụ ọnịrị ịrahụ, ẹnịnị e yị tụ́ ụhwọ́, dị ẹyaa jị ahẹ ka Ọnịnị, Ọnịnị, Ọnịnị, Ananyịwa Ohomorihi Ochẹtẹngụ vị nị. Ẹ yị nyị ẹngụ awụ, Ọnị ọ yà ịzọọ hụrị ụmọrụmọ dị a va yẹ ka aa mẹ ẹhẹ nị; ọnị ọ yà ịzọọ booro aanị nị, ọ rẹ vaa vaa vẹ ịnị ẹhẹ ọnọnị.

Ẹtore 5:6

Di mi re Ozi atẹmẹ ọnya ka ọ jẹẹ ọ́vịdị aga ohinọyị ọnọọ nị. Dị ịsa ẹẹna ana nyị ụhwẹ, beri azọkụ ẹnẹẹ jẹẹ jesi kara a nị. Vị ọ sị mẹẹ ka vị a vịdị wụ Ozi atẹmẹ ọnọọ nị. Ộ nyị ọpanyị ịhịmba ọnịrị eyi ịhịmba ana vị Ụhwẹ Ohomorihi ịhịmba ana a raà tụ́ nọ avaba ẹhẹ.

Ẹtore 8:2

Di mi re anggẹẹrị ịhịmba ana jẹẹ ọvịdị Ohomorihi, dị a sị ọpanyị ịhịmba yị wa nị.