Ẹtore 1:2 - IWE ỌNỊNỊ

² Ịjọọnụ ộ chẹrẹ ịrẹyị oni Ohomorihi kà, di Ijeesu Ikirisiti dọ ivenu tụ́ ọọ tịtẹ, ọnịrị avaba ịsa oni o re.

Ẹtore 1:2 ပူးပေါင်းရင်းမြစ်များ

Ịjọọnụ 1:32

Ịjọọnụ ộ dọ ivenu tụ́ ọọ ka, “Mê re ka Ụhwẹ Ọnịnị ee chíi hụrẹ ẹbẹẹba vẹ anka arivadi avọọ, dị ọ va yà a ịrẹsụ nị.

Ịjọọnụ 12:17

Aza ana yà pe Ijeesu, ọ mẹ̀ hị́ Ịrasarụsị jịnẹ hụụnị ikuta dị ọ ha a hụụnị isu, ệ kà a zụ̀ aza ana vọ.

Ịjọọnụ 19:35

Ọza ene re ka ộ vavọọ mẹ, ọ́ kà a, agụvị dị ẹwụ nịnị ọ̀ rẹ zụ dọ wụ́. Ịrẹyị ọnọọ kà vị ịzẹyịza; ọ rẹ yẹ ka ịzẹyịza ọ́nị aa kà nị.

Ịjọọnụ 21:24

Ozirẹma ọnọọ ọ kà ịrẹyị ọnọnị, dị ọ rẹ chẹrẹ iwe ọnọnị tịtẹ nị. Yâ yẹ ka ịrẹyị ọnọọ kà vị ịzẹyịza

Ịjọọnụ 3:11

Dị ma kà ịzẹyịza wụ, ịsa ọnị ị yẹ, ị yaa kà nị, dị ị raa dọ ivenu tụ́ ịnị ịsa oni i si re nị. Ama we yi sì ka wa dọ ịrẹyị ayị nịnị.

Odeyi 22:15

Ẹwa vaa vị onivenu anịị yị avaba aza ini oze isu u re ọnịrị ịsụ ụ wụ́ nị.

Odeyi 26:16

Ama kwẹẹtẹ jẹẹ! Mâ sị ẹngụ zụ̀ wụ ka ma nyị wụ mẹ ozi ahụ amị. Ụ rẹ vaa vị onivenu ịsa oni u re ajịnị aanị ọnịrị ọnị mị vaa sịị zụ̀ wụ.

Odeyi 4:20

Agụvị ka ẹyị e yi zụ kú irenu, dị asị ị kà ịrẹyị ẹnẹ ẹyị ụvọta si re, dị ị rẹ sị ọọ wụ́.”

1 Anịkọrịntị 1:6

Ịrẹyị Ijeesu Ikirisiti (ọnị ụ vịdị wụ́ nịnị) ọ raà ha ẹpa tụ́ ịnị ayị awụ nịnị;

1 Anịkọrịntị 2:1

Ẹwụ nịnị ẹyịnyara amị, m mẹ̀ vẹ ịda awụ nịnị ka ma va kà a wụ nịnị ịrẹyị Ohomorihi ana vị ịzẹyịza, mẹyị va kụ́ irenu hwere-hwere, à vị ka dị maa sị irenu ọyẹrẹyịị kà ịrẹyị.

1 Ịjọọnụ 1:1

Yaa chẹrẹ iwee tụ́ụ hi wu nịnị ịnị oze ịrẹyị ana yà ịzọọ hụrị ụmọrụmọ, dị a va yẹ ka aa mẹ ẹhẹ. Ẹyị ụvọta ộ wụ́ Ịrẹyị ọnọọ, yáa sị eyi ré e, ya raà jị eyi ngụ ọ, dị ị raà sị ụvọ kanyị ọ nị. Ọnị ọ vị ịrẹyị anaā sịị ụhwẹ yị aza nị.

1 Ịjọọnụ 4:14

Ẹyị nyẹmba ô sị eyi ayị ree, ya rẹ dọ ivenu tụ́ ọ ka Ohomorihi Ada ayị ộ tụ́ Ozi anị vẹ ẹhẹ ka ọ̀ va dọ anẹhẹ há hụụnị ịvị ẹnịnị.

3 Ịjọọnụ 1:12

Àa vị Idemetiriyọsị yọ, ọzọza vị anaa kà ọyịza anị. Ebira ozoza anị ộ hyakụ sị zụ̀ ka aa saasa ịzẹyịza Ohomorihi. Ẹya rẹ dọ ivenu tụ́ ọ bẹẹ; wáa yẹ ka ye me cheeche.

Ẹtore 1:11

Dị ọ ka, “Chẹrẹ ịsị u wèe re tụ́ ini iwe, dị ụ wa sị tụ́ nọ ịnị ịragụ Ohomorihi ịhịmba ene hi ịnị ẹtẹ Esiya: Ẹhwẹsọsị, Ịsịmụna, Ipagamụmị, Itiyatira, Isaadisi, Ihwiradehwiya ọnịrị Irayodesiya.”

Ẹtore 1:19

Chẹrẹ ịsa oni u re aanị, ọ mẹ̀ yà booro aanị ọnịrị ịsa ana aa vẹ ịrẹma ụhwọọ!

Ẹtore 1:9

Ẹma vị Ịjọọnụ ọyịnyara awụ nịnị nị. Ẹmịrị Ikirisiti ọ sị vị ọnya anka ẹwụ nịnị: vi i dudu aa rị ụya nị. Yâ nyị tụ́ ịnị ịjọva Ikirisiti, dị ị raa sị ẹngụụ dọ ụya anị nị. Â za mị na tụ́ ịnị ẹtẹ ana yà ịnị akakana òkū ana aā hị́ Ịpatịmọsị, agụvị ka maa kà ịrẹyị Ohomorihi oni Ijeesu dọ ivenu tụ́.

Ẹtore 12:11

Ẹwụ nịnị ẹyịnyara amị e reè huna a ini oze anya Ozi Atẹmẹ ọnọọ ọnịrị ịrẹyị Ohomorihi ẹnẹ ẹyaa dọ ivenuu tụ́. Ệ dọ ka ẹnị ẹ̀ hụ rẹ ẹhẹ ẹnịnị ụvọ dị eni è sú.

Ẹtore 12:17

Dị ayị uye odivi ọnọọ aa dà ọva agụvị ọnẹẹ ọnọọ, dị ọ varẹma ka oni ee nee pe ezi ọnẹẹ ọnọọ kụ̀ ịrẹkụ nị, avaba ezi anị anaa saasa ọda Ohomorihi, dị ẹ rẹ sị ụvọ za ịrẹyị ịzẹyịza oni Ijeesu sị zụ wa.

Ẹtore 20:4

Di mi re aga ohinọyị ẹnyị ọnịrị aza ana yaayịtẹ ịnị anị nị. Â sị ọda yị wa ka ẹ̀ mẹ̀ ọkarẹyị. Me re re ụhwẹ aza ana vịdị jị ịrẹsụ agụvị ka ệ kà ịrẹyị ịzẹyịza oni Ijeesu sị zụ̀ ọnịrị agụvị ịrẹyị Ohomorihi. Ẹnịnị ẹ́ yị rẹ hẹkẹ uye ịnị avị ọnọọ ọnịrị ori anị; ẹnịnị ẹ́ yị rẹ dọ apọtẹrẹwa tụ́ ini ibe ẹnịnị, à vị ịnị ụvọ ẹnịnị. Ẹnịnị ẹ́ sị yára booro aanị, dị ẹnịrị ohinọyị oni Ohomorihi nyị ka ọ̀ dọ yị há dudu mẹ ohinọyị mẹ ịrayị akahị nị.

Ẹtore 22:21

Ijeesu Ananyị yị ọ̀ mẹ ọyịza yị avaba awụ nịnị!

Ẹtore 6:9

Ọ mẹ̀ rẹ hụ̀ ịsa ọhụhị ana a sị vá iwe ọnọọ, di mi re ụhwẹ aza ana vịdị sị wụ agụvị ịrẹyị Ohomorihi ẹnẹ ẹ dọ wụ dị ẹ rẹ yaa kà a e mè hi iruvo ụta nị.