Ẹtore 1:18 - IWE ỌNỊNỊ

¹⁸ Ọza ana yára mị vị nị. Mê vịdị sú, ama re, booro aanị mị kụkụ yára pooro zịna-zịna nị. Ẹma nyị ọda isu ọnịrị ini eku nị.

Ẹtore 1:18 ပူးပေါင်းရင်းမြစ်များ

Ijoovu 19:25

Mâ yẹ ka ọdọzaha amị yàra, ọ vaa vẹ vaa kụ̀ ịrẹkụ yị mị ịnị ọdịrẹma ịrẹyị ọnọnị.

Ijoovu 38:17

Óó re oze ịda aneku ịzị aza ene su hi daa?

Ahẹ Ụgama 18:46

Ẹnẹyịmavara vị ana yara pooro Ọnị aa dọ mịị tụ́ nị, mâ kụ́ ọ avọ o! Ohomorihi aa dọ mịị tụ́ ọnị ọ nyị ụbanyị hu keekere nị.

Ahẹ Ụgama 68:20

Ohomorihi ayị vị Ẹnẹyịmavara, Ananyị yị ọ ka asị i sú nị.

Ayịsaya 22:22

Ọ kà ọnị vaa sị ọdaa chire e ụvọ ịjị anovwoovu Idevidi ọ̀ọ rị ohinọyị. Ịrẹyị ọnị ọnị ọ̀ọ ka ẹ yị nyị ọza ana va zụụ vara a.

Imatiwu 11:23

Ẹwụ nịnị Anikapanawumi, wéé ro ka a vaa kà wụ nịnịị hịrẹ naa ngụ ẹbẹẹba? Vụrụ-vụrụ! Vaa vaa sị wụ nịnị, di e ne wu nịnị ngụ ini ẹkụra nị! Àa yaanị mẹ̀ ụkọrọ ohyozirenu ẹkụra Isodọmị, a mẹ̀ mẹẹ ị́dị awụ nịnị, ọ yaanị yị yà ịzọọ pooro ve tù ajịnị.

Imatiwu 16:19

Mị vaa sị ụkọkọrọ ẹbẹẹba yị wụ. Ịsị ụ wàa sụ́ ịnị ẹhẹ, a rẹ vaa sụ́ ọ ẹ́bẹẹba; ịsị ụ wàa ngwa ẹ́hẹ, a rẹ vaa ngwaa ẹ́bẹẹba.”

Iruuku 24:5

Dị anyẹnẹẹ ẹnẹẹ ê hí angwa, dị ẹ kà eyi ngụ ẹtẹ nị. Dị aza ẹnị ẹyịva ẹnẹẹ ka, “Sị ẹ vẹ di u wee sì ọza ireyi-ireyi ịnị akakana oku nịnị?

Ịjọọnụ 11:25

Dị Ijeesu kà a yọ ka, “Ẹmị ọnọnị ọọ̄ ha ọzaa hụụnị isu, dị mị rẹ mẹ ka ọza ọ̀ yàra nị. Ọza ana àa sị ayị tụra mị, ọ̀ọ daka sú, ọ vị vaa yàra pooro zịna-zịna.

Ịjọọnụ 14:19

Òo nee kù chee, anẹhẹ e yi kuku vee re mi. Ẹwụ nịnị vee re mi. Mị yàra, ẹwụ nịnị rẹ vaa yàra bẹẹ.

Aniroomi 6:9

Yâ yẹ ka asị Ikirisiti kwẹẹtẹ hụụnị isu, o mē vene kuku sú paa. Isu ọ yị kụkụ nyị ụkata ịrẹsụ anị.

2 Anịkọrịntị 13:4

Ịzẹyịza ọ́ dọ ka ọnị vị ọkụmị dị à kanyị ọnị za ọchị apavahị; ama ini oze ụkata Ohomorihi ọ kụkụ yára nị. Ẹyị ọnị ọnịrịị sị vị ọnya rẹ vị ọkụmị ịzẹyịza, ama ịnị uze ọnị ẹyịrị ẹwụ nịnị aà mẹ, u vee re ka ẹyịrị Ikirisiti ộ yàra ini oze ụkata Ohomorihi.

Anigaratiya 2:20

Ama ma yị yàra, ẹ yị vị ẹmị ụvọta, Ikirisiti ọ yàra ịnị ịnẹ amị nị. Ọyịyàra ọnị mị yàra ịnị ẹhẹ booro aanị, mâ yàra agụvị ka mâ sị ayị tụra Ozi Ohomorihi ene sì ịrẹyị amị, dị ọ sị ẹngụ anị mẹ̀ ịsọvọ yị mị.

Anikorasi 3:3

Wê wusu nịnị. A raà sị ụhwẹ awụ nịnị tẹ ị́dị Ikirisiti ana yà ịdị Ohomorihi.

Anihiburu 1:3

Ini oze Ozi Ohomorihi ọnọọ ígirima Ohomorihi aa zịị zẹtẹ nị. Ọnị ọ vị uhwoto Ohomorihi gẹdẹ-gẹdẹ nị. Ịrẹyị anị ana nyị ụkata ọ sị za avaba ẹhẹ jẹẹ nị. Ộ nyịna aza hụụnị ịvị ẹnịnị ka ẹ̀ nyẹngụ nị. Dị ọ nọ ẹbẹẹba, dị ọ na yaayịtẹ éyi ụvọrị Ohomorihi ana nẹba hu kere-kere nị.

Anihiburu 12:2

À vẹ ya sị eyi pe Ijeesu! Ọnị ọ mẹ ka ye nyima ẹdọwụ, dị ọ rẹ mẹ ka ẹdọwụ ayị ọnọọ ọ̀ gụ nị. Ộ dọ ka oni ò sú isu ụhị ị́rẹsụ ọchị apavahị. Ọ yị za ụhị ọnọọ ịrịka tụ́ ịnị ịsọnyị-ịsọnyị agụvị ịrajẹ ọyịjẹ oni Ohomorihi sị tịtẹ ee zí ọọ. Ọ yaayịtẹ éyi ụvọrị ịnị aga Ohomorihi ohinọyị booro aanị.

Anihiburu 7:16

Ẹ yị vị oze ọda Ovwoovu ọ sị vị ohirẹsụ irehi Ohomorihi. Ịsị ọ sị vị ohirẹsụ irehi Ohomorihi vị ana jẹẹ ịrẹsụ ụkata ọyịyara pooro zịna-zịna.

Anihiburu 7:25

Ọza ana àa zị oze ịnị ụvọ anị vẹ ịdị Ohomorihi, ọ zụ dọ wa há ịnị ụmẹ tụra ụmẹ, agụvị ka ọ́ọ yàra pooro zịna-zịna ka ọnị ọ̀ọ da ịpẹẹ yị Ohomorihi agụvị ẹnịnị.

Ẹtore 10:6

Ộ sị Ohomorihi ana yára pooro zịna-zịna, ana mẹ ẹbẹẹba ọnịrị avaba ịsị e hi ịnị anị, dị ọ rẹ mẹ ẹhẹ ọnịrị avaba ịsị e hi ịnị anị, dị ọ rẹ mẹ oku ọnịrị avaba ịsị e hi ịnị anị hị́ eku ka ọza ọ yị kụkụ vaa za a kù nị.

Ẹtore 15:7

Dị ọnya ịnị ịsa ẹẹna ẹnẹẹ ana nyị ụhwẹ aanị sị ịchacha igooru ịhịmba, dị ọ sị yị anggẹẹrị ẹnẹẹ nị. Ịchacha ẹnẹẹ vị ohihi ọyịkụ Ohomorihi ana yára pooro zịna-zịna.

Ẹtore 2:8

Ọza oni mi re ka, “Chẹrẹ iwe tụ́ hi anggẹẹrị ana sị eyi pe ịragụ Ohomorihi ana yà Ịsịmụna ka: Ọza ana vị ọnịpaapa ọnịrị ọdịrẹma, ene sú dị ọ rẹ varẹma yàra, ọ tụ́ ụtụ ọnọnị nị.

Ẹtore 20:13

Dị òkū kụ́ oku ene sú hi ịnị anị vẹ nị. Di iswọọza ọnịrị eku ẹnị rẹ hụrẹ oku ẹnịnị ụvọ nị. Dị a mẹ̀ ọkarẹyị yị ọzọza anka ịsa ọnị ọ mẹ nị.

Ẹtore 20:14

Dị a za iswọọza ọnịrị eku, di e ne wa ngụ ini adagu ịra ọnọọ nị. Ọnọọ ọ vị isu ụpẹ ọhụva nị.

Ẹtore 3:7

Ọza oni mi re rẹ ka: Chẹrẹ iwe tụ́ hi anggẹẹrị ana sị eyi pe ịragụ Ohomorihi ana yà Ihwiradehwiya ka: Ọza ana vị ọnịnị ọnịrị ọnịzẹyịza, ana rẹ nyị ụkọkọrọ Idevidi; ọnị ọọ̄ na oze, dị ẹ yị nyị ọza ene zụ gu ọọ nị; oni o reē gu oze, dị ẹ yị nyị ọza ana zụ naa nị; ọnị ọnọọ ọ tụ́ ụtụ ọnọnị nị:

Ẹtore 4:9

Ụmẹ tụra ụmẹ ọnị ịsa ẹẹna ana nyị ụhwẹ aanị ẹ̀ẹ yaa sị igirima ọnịrị ụbanyị beri avọọ yị ọza ana yara pooro zịna-zịna ana yaayịtẹ ịnị aga ohinọyị ọnọọ,

Ẹtore 5:14

Dị ịsa ẹẹna ana nyị ụhwẹ avọọ ka Aamị nị. Dị azọkụ ohurẹẹna ẹnẹẹ tana tụra ẹtẹ, dị ẹ hẹkẹ ọza ọnọọ ana yára pooro zịna-zịna nị.

Ẹtore 6:8

Dị mị kana eyi, di mi re umaata ọnya ana achẹrẹ anị sị mẹẹ anka areyi avọọ nị. Ịrẹha ọza ana tụra a ọ rị Iswọọza nị. Di ẹkụra aa dụ ọ ịrẹma nị. Â sị ọda yị wa tụ́ ịrẹsụ achena anẹhẹ ka ẹ̀ sị ịrẹkụ ọnịrị ụngwẹ beri ụkụ ọnịrị uye edivi ene hi ẹhẹ, dị ẹ̀ sị wụ̀ wa nị.

Ẹtore 9:1

Anggẹẹrị ọhụhị ô hú ọpanyị anị. Di mi re ka ụzọmị ọnya ộ jị hụrẹ ẹbẹẹba va nya ẹtẹ ẹhẹ nị. Dị a sị ụkọkọrọ ọbọbọọ yọ nị.

1 Ịsamụwẹrị 2:6

Ẹnẹyịmavara ọ zụ mẹ ka ọza ò sú, dị ọ rẹ zụ mẹ ka ọza ọ̀ yàra nị. Ọ zụ mẹ ka ọza ọ̀ nọ ini ikuta, dị ọ rẹ zụ mẹ ka ọza ọ̀ ha hụụnị ikuta jịnẹ vẹ nị.