Ẹtore 1:16 - IWE ỌNỊNỊ

¹⁶ Dị ọ sị ụzọmị ịhịmba tụ́ ịnị ụvọrị anị nị. Dị ụhwọ onyeyẹva jịnẹ hụụnị irenu anị vẹ nị. Eyirẹsụ anị vị ana aa za anka ọyị ana aa há gaa-gaa ụmẹ ọọdụ avọọ.

Ẹtore 1:16 ပူးပေါင်းရင်းမြစ်များ

Ijoovu 38:7

Yere ụmẹ ọnị ụhwẹ azị ọnịrị anggẹẹrị nịnị sị jị ahẹ?

Ahẹ Ụgama 45:3

Ohinọyị ana nyị ụkata, sị ụhwọ awụ hara kẹnẹ, ka ụbanyị ọ sị vị awụ da.

Ahẹ Isoromọnị 6:10

Ẹnẹ vị ọnọnị anaa za hwẹẹhwẹ anka etumeyọnị avọọ aanị? Ó me zoza, avọọ ọ́ mẹ vwẹtẹ nị. Aa zẹtẹ anka ọyị à vị ụhwẹ avọọ. Óo zoza anka ọkọnị ụzọmị ene hi ẹbẹẹba.

Ayịsaya 11:4

Ịzẹyịza kẹnẹ ọnị vaa sị mẹ̀ ọkarẹyị nị. Ọ yị vaa rara ọkarẹyị ọza agụvị ka ộ mẹhị vi onosiye. Ịrẹyị ọnị ọ ka vi inori ana vaa sị ụyaa rị anẹhẹ. Irenu aa sịị tụ́ ụhwẹẹ kú aza edivi, di e sú va ha nị.

Ayịsaya 24:23

Ụhwẹ ọ yị kụkụ vaa zẹtẹ ịnị ụmẹ ọnọọ. Ọyị ọnị ọ yị rẹ kụkụ vaa ha. Ẹnẹyịmavara Ochẹtẹẹngụ ọ vaa vị ohinọyị nị. Ọ vaa yà ịnị ataba ini Ijerusarẹmị dị aa mẹ ịjọva. Ọdọvịdị aza nịnị vee re ụbanyị anị.

Ayịsaya 49:2

Ộ mẹ ka ịrarẹ amị ọ rẹ anka ụhwọ ọ́za, a vị ọpa. Ẹnẹyịmavara ộ sị mị tẹ tụ ịnị ivoku anị.

Ịdanịyẹrị 12:3

Aza ana yẹ ịrẹyị ẹnịrị aza ana mẹ ka aza ọrụrụ-ọrụrụ ẹ̀ mẹ̀ ịsa ana vọrọ vaa za ẹtẹ anka ụzọmị ene hi ẹbẹẹba avọọ pooro zịna-zịna.

Ịdanịyẹrị 8:10

Ộ mẹ ụkata pooro ne tu ka ọ̀ kụ́ ịrẹkụ ne tu aza Ohomorihi, ana vị ụzọmị ẹbẹẹba. Ộ gụ aza ẹnyị ẹnịnị hyẹdụ, dị ọ sị ahụ pịrị wa zẹtẹ nị.

Ịmarakayị 4:2

Ama ẹwụ nịnị ana dọ ịrẹyị amị wụ, mị va sị ụkata ọnị mịī sịị dọ ọza ha sị wụ nịnị kwẹẹtẹ, dị mị mẹ ụkụ awụ nịnị anka ọyị mẹ ha dị ọ mẹ ọza ụkụ avọọ. Ụ vaa jẹ ịrajẹ di u ku iriga anka ozi imaaru ana jịnẹ hụụnị ịga avọọ.

Imatiwu 17:2

Dị a vara Ijeesu ẹngụ éyi ẹnịnị nị. Dị eyi Ijeesu aa za nyanga-nyanga anka ọyị avọọ nị. Dị awuru anị aa vwẹtẹ sẹnẹ-sẹnẹ kẹnẹ nị.

Odeyi 26:13

Taarụ, m màa na óze ụmẹ ọọdụ, di mi re ẹtohweyi ana hụrẹ ẹbẹẹba vẹ nị. Ô hweyi huna ọyị. Dị ọ zẹtẹ kara mị ọnịrị aza ẹnẹ ẹmịrịị zị.

Anẹhwẹsọsị 6:17

Dọ ẹdọha oni Ohomorihiī sịị yị ọza nịnị! Ọnọọ vị ana rẹ sị mẹẹ anka amu enyusẹ-enyusẹ ene eē kú avọọ. Rẹ sị ịrẹyị Ohomorihi rị ụvọ. Ọnị vị ana rẹ sị mẹẹ anka ụhwọ ọnị. Ụhwẹ Ọnịnị sị wụ nịnị.

Anihiburu 4:12

Yáa yẹ ka ịrẹyị Ohomorihi vị ana yára. Ọ́ọ nyị ụkata, ọ́ọ rẹ́ huna ụhwọ onyeyi ẹẹva. Ọọ̄ yẹrẹ ịsaa hụrị oze, dị ọ na huuu na ịzị ayị ọnịrị ụhwẹ na gẹ. Dị ọ na ngụ ịzị ẹgẹ ẹngụ ọnịrị ụhị nịnị na gẹ. Avaba ịsị ọza èe ro ịnị ayị anị, dị ọ sị ọ tụ́ ẹhẹ.

Ẹtore 1:20

Ụzọmị ịhịmba ẹnẹẹ oni u re ịnị ụvọrị amị ọnịrị ịzị aā sị ozotupaa tụ́ ịhịmba ana a sị igooru mẹ avọọ, ịsị ẹ jẹẹ yị ana ahịka ọza ọyị yẹ, yị: Ụzọmị ịhịmba ẹnẹẹ ệ jẹẹ yị anggẹẹrị ịhịmba ana sị eyi pe ịragụ Ohomorihi ịhịmba ẹnẹẹ. Ịzị aā sị ozotupaa tụ́ ịhịmba ẹnẹẹ vị ana rẹ jẹẹ yị ịragụ Ohomorihi ịhịmba ẹnẹẹ.”

Ẹtore 10:1

Me re re anggẹẹrị ọbanyị ọsa ene ee chii hụrẹ ẹbẹẹba vẹ. Eguhi o si kú ẹngụ, dị ọgaazị jị karaa ịrẹsụ nị. Eyirẹsụ anị vị ana a sị mẹẹ anka ọyị avọọ, dị ahụ anị yà anka ịra nị.

Ẹtore 12:1

 nyị apọtẹrẹwa ọbanyị ọnya ana jịnẹ tụ́ ẹhẹ ẹ́bẹẹba; apọtẹrẹwa ọnọọ yị:  nyị ọnẹẹ ọnya aanị ana sị ọyị mẹ ịta kú ẹngụ, dị ụhwẹ yà iruvo ahụ anị nị. Ô kú ọkẹkẹrẹkụ ọnya ana nyị ụzọmị ẹwụrẹva.

Ẹtore 19:15

Dị ụhwọ ọnya aanị ana rẹ ẹtẹẹtẹrẹ hụụnị irenu anị vẹ nị. Ọnị ọ vaa sị nyị ehuna anẹhẹ nịnị nị. Okutẹ enyusẹ-enyusẹ ọ vaa sị mẹ ịjọvaa tụra wa nị. Ọ vaa sị ahụụ kwọrọ aza ẹhịmịị há anka a mẹ̀ẹ kwọrọ asẹ ịnị ụkọ avọọ. Ọnọọ vị ana jẹẹ yị ọyịkụ Ohomorihi Ochẹtẹngụ.

Ẹtore 19:21

Dị ọza ana tụra umaata sị ụhwọ ana hụụnị irenu anị vẹ, dị ọ sị wụ̀ isoja nịnị ẹnịnị ana vọ nị. Dị inomi nịnị rị uye ẹnịnị, anka ẹ mẹ̀ zụ rị kẹnẹ nị.

Ẹtore 2:1

(Ọza oni mi re ka): Chẹrẹ iwe tụ́ hi anggẹẹrị ana sị eyi pe ịragụ Ohomorihi ana yà Ẹhwẹsọsị ka: Ọza ana kụ́ ụzọmị ịhịmba tụ́ ịnị ụvọ anị dị aa zị ụsẹ ịnị akakana ịzị aā sị ozotupaa tụ́ ịhịmba ana a sị igooru mẹ avọọ, ọ tụ́ mị ụtụ ọnọnị nị:

Ẹtore 2:12

Ọza oni mi re ka, Chẹrẹ iwe tụ́ hi anggẹẹrị ana sị eyi pe ịragụ Ohomorihi ana yà Ipagamụmị ka: Ọza ana sị ụhwọ onyeyẹva ana rẹ rị ụvọ, ọ tụ́ ụtụ ọnọnị nị:

Ẹtore 2:16

Ro ịnẹ varẹma nịnị, ka à yị vị avọọ, ọ yị jẹẹ dị ma vẹ ịdị awụ nịnị, dị ma sị ụhwọ ana yà amị irenu beri aza ẹnẹẹ kụ́ ịrẹkụ.

Ẹtore 3:1

Ọza oni mi re ka, “Chẹrẹ iwe tụ́ hi anggẹẹrị ana sị eyi pe ịragụ Ohomorihi ana yà Isaadisi ka: Ọza ana nyị Ụhwẹ Ohomorihi ịhịmba ọnịrị ụzọmị ịhịmba ọ tụ́ ụtụ ọnọnị nị: Ọ kà Ọnị ộ yẹ ịsị ụ mẹ; aza aa kà a ka wâ yàra nịnị, ama oku oyisú ụ vị nịnị nị.”

Ọdọvịdị 3:16

Ehudi ô tu ụhwọ ana gọdọ ahụ ọnya rị ẹjịjị. Dị ọ sị ọ chire achị eyi ụvọrị.

Ọdọvịdị 5:31

Ẹnẹyịmavara ọ navọ ọ wụ̀ avaba ọnịvị anị nini ha, dị ọta awụ nịnị ẹ zẹtẹ anka ọyị òo nyima aa ha avọọ. Ẹtẹ ô vene hi ahị ịrayị ẹbẹẹva.