Ẹtore 1:14 - IWE ỌNỊNỊ

¹⁴ Ẹyị ịrẹsụ anị ộ zẹtẹ sẹnẹ-sẹnẹ anka owu oyiche. Di eyi anị aa za nyanga-nyanga anka ịra avọọ nị.

Ẹtore 1:14 ပူးပေါင်းရင်းမြစ်များ

Ịdanịyẹrị 10:6

Ộ ka ọchẹngụ ọza ọnọnị vị ana sị mẹ anka uweyi ọkatarihi, dị ẹyịrẹsụ anị aa zẹtẹ ana ịnyanya avọọ nị. Onyeyi anị vana zẹtẹ anka ịra, dị ọchụvọ anị ọnịrị ahụ aa zẹtẹ anka enyusẹ ozoza ana a da ịsa sisi avọọ nị. Ọ mẹ kà ịrẹyị, ọngwẹ anị vana sị mẹ anka ọkọnị aza èe rere na owu avọọ.

Ịdanịyẹrị 7:9

Ịdanịyẹrị ka ọnị mee re ẹtẹ, dị ọnị re ka ê to aga ohinọyị nịnị hi ẹtẹ nị. Dị ọnị re ka ọza ana ya ịzọọ hụrị ụmọrụmọ ka ộ va yaatụ ịnị aga ẹnẹẹ ọnya nị. Ịta ọnị ọza ọnọnị kụ hi ẹngụ vị ọvwọọvụ sẹnẹ-sẹnẹ, dị ẹyịrẹsụ anị â vwẹtẹ anka owu oyiche avọọ nị

Imatiwu 28:3

Ọza èe re e, vị aa za anka ịnyanya avọọ nị; dị awuru anị aa vwẹtẹ sẹnẹ-sẹnẹ nị.

Ẹtore 19:12

Eyi anị vị ana sị mẹẹ anka ịrarẹ ịra avọọ. Ọkẹkẹrẹkụ ọrụrụ-ọrụrụ hi ịnị ịrẹsụ anị. Ộ nyị ịrẹha ọnya aanị ana a chẹrẹ tụ́ ọ ẹngụ. Ẹ yị nyị ọza ẹnẹsa ana yẹ ẹ, ẹ̀ yị rẹ vị ọnịnya kẹnẹ.

Ẹtore 2:18

Ọza oni mi re ka, “Chẹrẹ iwe tụ́ hi anggẹẹrị ana sị eyi pe ịragụ Ohomorihi ana yà Itiyatira ka: Ozi Ohomorihi oni eyi anị aa za nyanga-nyanga anka ịra, dị ahụ anị aa za nyoo-nyoo anka enyusẹ, ọ tụ́ ụtụ ọnọnị nị: