Ẹtore 1:12 - IWE ỌNỊNỊ

¹² Mâ kana eyi ka me re ọza ana aa kà ịrẹyịị mị. M mẹ̀ kana eyi, di mi re ịzị aā sị ozotupaa tụ́ ịhịmba ana a sị igooru mẹ nị.

Ẹtore 1:12 ပူးပေါင်းရင်းမြစ်များ

Ọyịkụra 25:37

Dị ụ va mẹ ozotupa ịhịmba anị tụ́ ọ di u hu ịra tụ́ ọ dị ẹ̀ẹ zẹtẹẹ nọ ọvịdị.

Ọyịkụra 37:23

Dị ọ mẹ ozotupa ịhịmba anị tụ́ ọ nị. Dị ẹ rẹ mẹ ịsị a sịị sị owu anị tụ́ ọ ọnịrị ịchacha oni owu anị vaa sụ atịtọọ hi. Igooru ọ sị mẹ avaba anị nị.

Imika 6:9

Ẹnẹyịmavara ee nowuu hị́ anẹkụra Ọza ana àa yẹ ịrẹyị ọ sị ụbanyị yị Ẹnẹyịmavara Ụya awụ nịnị aa vẹ. Ẹnẹyịmavara aa tụ́ ọ hi wu nini.

Ịzakaraya 4:2

Dị ọ họ̀ ọnị ka sị ọnị ee re aanị? Dị ọnị tụ ọ ohi ka ọnị ee re ọchị ozotupa igooru ọnịrị ẹnya angwẹ ana ya ịrẹsụ anị beri ozi ịrakotupa ịhịmba ene hi ịrẹsụ anị ịzị ịra aa za hụrẹ.

Ẹtore 1:13

Ịnị akakana ẹnịnị, dị ịsa ọnya aanị ana sị mẹẹ anka ọza avọọ jẹẹ nị. Ô chire awuru ana na kà a ahẹtẹ, dị ọ sị ịbanụ igooru dị ọ sị za ịrachị anị nị.

Ẹtore 1:19

Chẹrẹ ịsa oni u re aanị, ọ mẹ̀ yà booro aanị ọnịrị ịsa ana aa vẹ ịrẹma ụhwọọ!

Ẹtore 1:20

Ụzọmị ịhịmba ẹnẹẹ oni u re ịnị ụvọrị amị ọnịrị ịzị aā sị ozotupaa tụ́ ịhịmba ana a sị igooru mẹ avọọ, ịsị ẹ jẹẹ yị ana ahịka ọza ọyị yẹ, yị: Ụzọmị ịhịmba ẹnẹẹ ệ jẹẹ yị anggẹẹrị ịhịmba ana sị eyi pe ịragụ Ohomorihi ịhịmba ẹnẹẹ. Ịzị aā sị ozotupaa tụ́ ịhịmba ẹnẹẹ vị ana rẹ jẹẹ yị ịragụ Ohomorihi ịhịmba ẹnẹẹ.”

Ẹtore 2:1

(Ọza oni mi re ka): Chẹrẹ iwe tụ́ hi anggẹẹrị ana sị eyi pe ịragụ Ohomorihi ana yà Ẹhwẹsọsị ka: Ọza ana kụ́ ụzọmị ịhịmba tụ́ ịnị ụvọ anị dị aa zị ụsẹ ịnị akakana ịzị aā sị ozotupaa tụ́ ịhịmba ana a sị igooru mẹ avọọ, ọ tụ́ mị ụtụ ọnọnị nị:

Ẹtore 4:1

Ịjị ẹnẹẹ ta, dị mị rẹ kana eyi nị. Di mi re oze ana a na hi ẹtẹ ẹ́bẹẹba nị. Dị ọngwẹ ana sụ́ ịrẹyị anka ọpanyị avọọ, ana vịdị kà ịrẹyịị mị ịpaapa, raa kà ịrẹyịị mị nị. Dị ọ ka: Hịrẹ vẹ ịzẹnị, dị ma sị zụ̀ wụ ịsị a hị́ ka ịzẹyịza, ẹ vaa mẹ ị́rẹma ụhwọọ!