Ẹtore 1:1 - IWE ỌNỊNỊ

¹ Iwe ọnọnị vị ịrẹyị ịsa oni Ijeesu sị zụ̀ ezi ahụ anị. Ohomorihi ộ sị ịsa ẹnẹnị yị Ijeesu Ohinọyị ọnị Ọ nyị ka ọ̀ dọ yị há, ka ọ̀ sị zụ̀ wa ịrẹyị ana ahịka o yi vee kù dị ẹ̀ mẹ. Di Ikirisiti tụ́ anggẹẹrị anị hi Ịjọọnụ ozi ahị anị ka ọ̀ na sị ịsa ẹnẹẹ zụ̀ ọọ nị.

Ẹtore 1:1 ပူးပေါင်းရင်းမြစ်များ

Ahẹ Ụgama 25:14

Ẹngụ aza ana sị ụbanyị yị Ẹnẹyịmavara Ẹnẹyịmavara ọnị rẹ vaa sị ịnẹẹ zụ̀ nị Ọ vaa kà a zụ̀ wa ịsa ọnị ọ ka ọnị vaa mẹẹ yị wa.

Ịdanịyẹrị 8:16

Ọ kà dị ọnị vana wụ́ ka ọza ịnyara yà ụtọ irehu Urayi dị ọ hị́ ọza ọnọnị ka: Igebirẹẹrị! Dị ọ kà a yọ ka ọ̀ mẹ ẹhahi ẹtẹ ọnị ọnị re aanị yị ọnị nị.

Ịdanịyẹrị 9:21

Ọnị mẹ vavọọ aa yị mẹ̀ aduwa, dị ọnị vene ré Igebirẹẹrị ọnị ọnị vịdị ré ịnị ẹtẹ ịpaapa ọnị ọnị ré nị. Dị o hira hẹẹ ve tu ọnị nị. Ụmẹ anaā sịị mẹ̀ ịsọvọ oruva ọ vavọọ sị vẹ nị.

Ịdanịyẹrị 9:23

Ộ ka Igebirẹẹrị ộ kà a yị ọnị ka, ọnị mẹ nyima aa mẹ̀ aduwa kẹnẹ Ohomorihi tụ ọnị ohi nị. Ọnị ộ vẹ ọ̀ọ yị va kà a yị ọnị, agụvị ka Ohomorihi o sị ịrẹyị anị ẹtẹẹtẹrẹ, agụvị avọọ ọnị ọ sị ụtọ pe ẹtẹ dị ọnị ọ mẹ ẹhahi ẹtẹ ọnị ọnị re aanị yị ọnị.

Emọsị 3:7

Ịzẹyịza Ananyị yi Ẹnẹyịmavara ọ mā mẹ̀ ịrẹyị dị asị ọ sị iruvo anị zụ ezi ahụ anị ana vị ọnụtụ anị.

Ịjọọnụ 12:49

Mẹ yị dà ịrẹyị ẹngụ amị kà, Ada amị ana tụ́ mị vẹ ẹhẹ aa kà a mị ịsa a vọrọ ka ma kà nị.

Ịjọọnụ 15:15

Hụrẹ ọyaanị na, mẹ yị kụkụ hị́ wụ ozi ahụ amị nịnị. Wâ yẹ ka ozi ahụ ọ mā yẹ ịsị ọga anị aa mẹ. Maa hị́ wụ nịnị ọta amị, agụvị ka avaba ịrẹyị ana Ada amị kà mị, mị sị zụ̀ wụ nịnị nị.

Ịjọọnụ 17:8

Ịrẹyị ọnị ụ kà yị mị, ma raà kà a yị wa. Ẹ sị ịrẹyị ọnọọ dọ, ẹ rẹ yẹ ka ịzẹyịza, ịdị awụ mị hụrẹ vẹ nị. Ẹ rẹ sị dọ wụ́ ka ẹwa tụ́ mị vẹ ẹhẹ nị.

Ịjọọnụ 3:32

Ịrẹyị ọnị ọza ọnọọ re, dị ọ rẹ wụ́, ọ va dọ ivenu tụ́ nị, ama ẹ yị nyị ọza ana va dọ ịrẹyị anị.

Ịjọọnụ 8:26

 nyị ịsa ọrụrụ-ọrụrụ ọnị mị zụ kà, dị ma rẹ sị jị ịvị wụ nịnị. Ama Ọza ana tụ́ mị vẹ ẹhẹ vị ọnịzẹyịza. Ịrẹyị anị ọnị mị wụ́, m maa kà a yị anẹhẹ nị.”

Aniroomi 16:25

Ohomorihi ọ zụ ka wa jẹẹ geri-geri nịnị anka enube ọyịza ọnị maa kà. Enube ọnọọ vị ịrẹyị Ijeesu Ikirisiti. Enube ọnọọ ọ rẹ kà ịrẹyị ịsa oni iruvo anị nyịnẹ anaa sị zụ̀. Ama ọza ẹ yị vịdị yẹ hụrẹ ụmọrụmọ ịnị ịyẹẹyẹ vẹ.

Anigaratiya 1:12

Mẹ yị dọ ọ hụụnị ụvọ ọza ọnyọọnyị, ẹ yị rẹ vị ọza ọ sị zụ̀ mị. Ijeesu ọnị ụvọta ọ sị zụ̀ mị nị.

Anẹhwẹsọsị 3:3

Ịsa oni Ohomorihi mẹ eto anị tịtẹ ene eyi ọza ọ̀ yị vịdị há tù, ọ raà sị zụ̀ mị saka-saka. Mâ vịdị raà chẹrẹ ịsa chee ini oze ịsa ẹnẹẹ.

Ịtayịtọsị 1:1

Ẹma vị Ịpọọrụ ana vị ozi ahụ Ohomorihi, dị mị rẹ vị odeyi Ijeesu Ikirisiti nị. Ohomorihi ộ tụ́ mị ka ma na gụ aza ọnị ọ́ sị nyị ụvọ ka ẹ̀ zụ sị ayị tụra a: dị ma rẹ sị zụ̀ wa, dị ẹ̀ zụ yẹ ịzẹyịza anaā sịị oze zụ̀ aza ka ẹ̀ zụụ mẹ̀ ebira ene ze Ohomorihi eyi.

Ẹtore 1:19

Chẹrẹ ịsa oni u re aanị, ọ mẹ̀ yà booro aanị ọnịrị ịsa ana aa vẹ ịrẹma ụhwọọ!

Ẹtore 1:9

Ẹma vị Ịjọọnụ ọyịnyara awụ nịnị nị. Ẹmịrị Ikirisiti ọ sị vị ọnya anka ẹwụ nịnị: vi i dudu aa rị ụya nị. Yâ nyị tụ́ ịnị ịjọva Ikirisiti, dị ị raa sị ẹngụụ dọ ụya anị nị. Â za mị na tụ́ ịnị ẹtẹ ana yà ịnị akakana òkū ana aā hị́ Ịpatịmọsị, agụvị ka maa kà ịrẹyị Ohomorihi oni Ijeesu dọ ivenu tụ́.

Ẹtore 17:1

Ọnya ịnị anggẹẹrị ịhịmba ana nyị ịchacha ịhịmba ẹnẹẹ, o ve tù mi, dị ọ ka, “Vẹ ịzẹnị, ka maa sịị zụ̀ wụ, a mẹmẹ vaa sị ụyaa rị ọsẹrẹka ọbanyị ọnọọ ana yà ịrẹsụ okuha ọrụrụ-ọrụrụ.

Ẹtore 19:10

Dị mị và ku ẹtẹ ọvịdị anị ka ma hẹkẹ ẹ nị. Ama dị ọ kà a mị asị mị vavọọ mẹ nị. Ọ kà, Ọnịrị ẹyị dudu vị ezi ahụ beri anda ayị nịnị ana dọ ịrẹyị Ijeesu wụ́. Ohomorihi a vọrọ ka yaa hẹkẹ nị. Ịrẹyị ọnị Ijeesu sị zụ̀ ọ mẹ ka ọnịsẹ nịnị ẹ̀ zụ kà ịsẹ nị.

Ẹtore 19:9

Dị anggẹẹrị rẹ kà a mị ka: Chẹrẹ ọsọnị: Aza ana àa hị́ ka ẹ̀ vẹ ịnị eche Ozi Atẹmẹ ọnọọ vaa dàa jẹ. Dị ọ kà a mị ka ịzẹyịza, ịrẹyị Ohomorihi obooro ịrẹyị ẹnẹnị vị nị.

Ẹtore 21:2

Ẹmị Ịjọọnụ, mée re ẹkụra ọnịnị ọnọọ ana vị Ijerusarẹmị ka ee chíi hụrẹ ẹbẹẹba ịda Ohomorihii vẹ. Di e tenyi ọọ ẹngụ anka ọnẹẹ anaa mẹ ọvị yị ọva anị avọọ nị.

Ẹtore 21:9

Ọnya ịnị anggẹẹrị ịhịmba ẹnẹẹ ana nyị ịchacha ịhịmba ana vị ohihi ụyọrị ọdịrẹma ịhịmba, o ve tù mi, dị ọ ka, “Vẹ dị ma sị ọnẹẹ ana vị ose Ozi Atẹmẹ ọnọọ zụ̀ wụ!”

Ẹtore 22:1

Anggẹẹrị ọnọọ mẹ raà sị ẹkụra ọwọọwa ọnọọ zụ mị, ộ sị irehu ene enyi anịị mẹ ka ọza ọ̀ yàra zịna-zịna, zụ̀ mị; ô nyeeyi, aa noko-noko aanị. Di ee sìi hụụnị aga Ohomorihi ohinọyị ọnịrị aga Ozi Atẹmẹ nị.

Ẹtore 22:16

Ọ kà, Ọnị Ijeesu ọ tụ́ anggẹẹrị anị ka ọ̀ kà ịsa ẹnẹnịị wụ nịnị ịnị ịragụ Ohomorihi nị. Ọnị ọ chị hụụnị ovwoovu Idevidi vẹ nị. Ọnị ọ vị ụzọmị ana aa zẹtẹ ẹnẹnẹ nị.

Ẹtore 22:6

Dị anggẹẹrị ọnọọ kà a mị ka, “Ịrẹyị ẹnẹnị vị ịzẹyịza, ẹ yị nyị ireche ịnị anị. Ohomorihi Ananyị yị ana sị Ụhwẹ Ọnịnị anị yị ọnịsẹ nịnị ọ tụ́ anggẹẹrị anị ka ọ̀ sị va zụ̀ ezi ahụ anị ịsa ana aa vaa mẹ aanị nị.”

Ẹtore 22:8

Ẹmị Ịjọọnụ, mê re ịrẹyị ẹnẹnị, dị mị rẹ wụ́ ọọ nị. Ịjị mi re e, dị mị rẹ wụ́ ọọ, mâ và ku ẹtẹ ọvịdị anggẹẹrị ana sị ịsa ẹnẹnị zụ̀ mị ka ma hẹkẹ ẹ.

Ẹtore 22:9

Ama dị ọ kà a yị mị ka asị mị vavọọ mẹ nị. Ọ kà, “Ẹmị rẹ vị ozi ahụ anka ẹwụ, ne beri ọnịsẹ nịnị ọnịrị avaba aza anaa saasa ịsa ana a kà tụ́ ini iwe ọnọnị. Ohomorihi kẹnẹ a vọrọ ka ya hẹkẹ nị.”

Ẹtore 4:1

Ịjị ẹnẹẹ ta, dị mị rẹ kana eyi nị. Di mi re oze ana a na hi ẹtẹ ẹ́bẹẹba nị. Dị ọngwẹ ana sụ́ ịrẹyị anka ọpanyị avọọ, ana vịdị kà ịrẹyịị mị ịpaapa, raa kà ịrẹyịị mị nị. Dị ọ ka: Hịrẹ vẹ ịzẹnị, dị ma sị zụ̀ wụ ịsị a hị́ ka ịzẹyịza, ẹ vaa mẹ ị́rẹma ụhwọọ!

Ẹtore 5:7

Dị ọ vẹ, dị ọ va sị iwe ọnọọ hụụnị ụvọrị ọza ana yaayịtẹ ịnị aga ohinọyị ọnọọ nị.