Ẹsịta 9:2 - IWE ỌNỊNỊ

² Ẹkụhị ọnọọ mè tù, dị Aniju nịnị kú ẹngụ gụ ịnị okokooro ene hi ịnị ẹkụra irenyi-irenyi ịnị ẹtẹ ohinọyị Ahasẹrọsị nị. Di ẹnịnị tenyi ẹngụ tù aza ana ka ẹnị aa và eyi ịrazịị kà wa nị. Ama a yi va nyị ọza ana nyayịnẹ và eyi ịrazị kà wa agụvị ka eyee hí angwa Aniju ẹtẹẹtẹrẹ.

Ẹsịta 9:2 ပူးပေါင်းရင်းမြစ်များ

Oyinyima 35:5

Ijekọvụ nịnị màa na, Ohomorihi ộ mẹ̀ ka ivóvō ọ̀ ngụ avaba anẹkụra ana kara wa ẹngụ. Ẹnịnị ẹ yị nyayịnẹ dụ wa.

Ẹsịta 8:11

Iwe ọda ọnọọ ộ sị ụkata yị Aniju nịnị ka ẹ̀ kụ́ ẹngụ gụ, di è tenyi ẹngụ ẹnịnị dị ẹ̀ dọ ẹngụ ẹnịnị ha hụụnị ụvọ ọnịvị ẹnịnị. Dị ẹ̀ va eyi kà aza ana àa kú ẹnya ịrẹkụ vẹ ini egidi ẹnịnị ịnị ẹtẹ ọnọọ. Ọda ộ sị oze yị wa ka ẹ̀ wụ́ ose ọnịrị ezi ọnịvị ẹnịnị. Dị ẹ̀ rẹ kụ́ ogu aza ẹnẹẹ.

Ẹsịta 8:17

Dị avaba Aniju ene hi ịzị ọda ọnọọ tù ịnị ẹtẹ ọnọọ aa rị eche anị. Dị aahẹ aa sụ́ ịrẹyị kuu ịnị avaba ẹtẹ ọnọọ nị. Dị angwahi sị ngụ aza ana vọ ẹngụ nị. Dị aza ọrụrụ-ọrụrụ anẹkụra irenyi-irenyi kụkụ aa hí ẹngụ ẹnịnị Aniju nị.

Ẹsịta 9:10

ọnịrị ezi Ịhamanị ẹẹwụ. Ịhamanị ọnọọ vị ozi Ihamedata ana vị ọnịvị Aniju nịnị nị. Ama Aniju nịnị ẹ yị sị ụvọ kanyị ogu aza ẹnị ẹ wụ.

Ahẹ Ụgama 71:13

Ohomorihi, navọ aza ana aa dụ mị aanị è ve vú ẹtẹ dị ụhị ọ̀ nyị wa. Navọ ahịka ụhị ọ va nyị aza ene ee sì ka ẹnị ẹ̀ mẹ mị ọnya nị.

Ahẹ Ụgama 71:24

Eyinị-eyinị mi va sị kà ịrẹyị ịsa ẹbanyị ọnị ụ mẹ nị, agụvị ka ọza ana ka ẹnị aa mẹ mị ịrẹyị wa raà mẹ ụhị́ nyị wa. Ẹnịnị ẹ yị kụkụ re aha sị eyi tụ́.

Ọyịkụra 23:27

Avaba anẹkụra oni u ve nee tù nịnị, mị vaa dọ ọvịdị awụ nịnị dị mị na kụ́ angwahi hi wa ẹngụ, dị ayị ẹnịnị vazi agụvị awụ nịnị. Ọnịvị awụ nịnị vi ene vee zwee wụ nịnị.

Ayịsaya 8:9

Ẹwụ nịnị anẹkụra, wàa zụ wa kụ́ vabẹ nịnị, vị a vaa gara wụ nịnịị ha nị. Batọ nịnị, o ẹwụ nịnị ana hụrẹ ụtọ ẹhẹ vẹ. Gù ịrẹkụ awụ nịnị ẹtẹẹtẹrẹ, mị ka vị aa gara wụ nịnịị ha nị.

Iwe Ọhụhị Imosiisi ana aa hị́ Ọyịvatụrọda 2:30

Ama, Isihoni ẹ yị zẹ ka ẹ parahu. Ẹnẹyịmavara ô mẹ̀ ayị katẹngụ agụvị ẹnị ẹ zụ nyị ẹbẹẹba anị, dị ẹnị ẹ dọ ọ ẹtẹ anị.

Ijosuwa 11:20

Ẹnẹyịmavara ụvọta ọ mẹ ayị anẹkụra ana vọ katẹngụ ka ẹ gẹ ịrẹkụ tu Anisirẹrị agụvị a wụ̀ wa ha bemi-bemi, dị asị Ẹnẹyịmavara vayị ẹnịnị anka ọ̀ mẹ vịdị raà mẹ ọda yị Imosiisi.

Ijosuwa 2:9

Dị ọ ka yị wa ka ọnị ọ yẹ ka Ẹnẹyịmavara ọ̀ raa sị ẹtẹ ọnọọ yị wa. Avaba ẹnịnị vị ene hí angwa, dị ivoovo sị ẹnị za.