Ẹsịta 8:9 - IWE ỌNỊNỊ

⁹ Obooboro ọnọọ a hị́ ọchẹrịsa ohinọyị nịnị, dị ẹ chẹrẹ ịsị Imodekaya kà yị wa nị. Iwe ọda ọnọnị vị ana a sị ẹkụra ọzọza chẹrẹ. A rẹ chẹrẹ tụ́ hí Aniju nịnị anka ẹnị mẹ̀ rẹẹ̀ chẹrẹ ẹkụra ẹnịnị. Dị a kụ́ iwe ọnọọ tụ́ hí ọdọvịdị ẹkụra nịnị, Ịgọvọnọ nịnị, ọnịrị aza ọkọọka ene hi ịnị ẹtẹ ọnọọ hụrẹ Indiya na ngụ Etiyopiya nị. Ẹkụra ẹnẹẹ vi oze ẹchịhịnọnyị tụra ịhịmba. Ịsa ọnọnị vị ana na mẹ ịnị ẹkụhị ohurẹẹta ịnị ụhwẹ ọhụta ana aā hị́ Isivanị.

Ẹsịta 8:9 ပူးပေါင်းရင်းမြစ်များ

2 Ohinọyị 18:26

Dị Eriyakimi, Ịsẹbina, ọnịrị Ijowa va kà a yị ọdọvịdị Anisiriya nịnị ẹnẹnị ka, ẹẹ kà ẹkụra Anaaramuu yị ka ẹnị ẹẹ wụ. Asị ẹ kà ẹkụra Ihiburu, agụvị ka aza ene hi ịrẹsụ ọvọ ee be atọ.

2 Ịtọpa 15:10

Ịnị ụhwẹ ọhụta ị́rayị ẹwụrẹhị ọnị Asa rị ohinọyị, ẹnịnị ệ wara gụ Ijerusarẹmị.

Ẹsịta 1:1

 nyị ụmẹ ọnya aanị ọnị ọnụra ana aā hị́ Ahasẹrọsị sị vị ohinọyị ẹtẹ Indiya huu na ngụ ẹtẹ Etiyopiya ana aa rẹ hị́ Ikusi. Ịrayị ẹchẹhịnọnyị tụra ịhịmba ọ mẹ ịjọva tụra ẹkụra ẹnịnị ịrẹsụ nị.

Ẹsịta 1:22

Dị ohinọyị si iwe ọda ọnọọ tụ́ hi ẹkụra-ẹkụra ene hi ịnị ẹtẹ anị nị. Ọda ọnọọ vi ana a chẹrẹ ịnị ẹkụra irenyi-irenyi ọnị ọzọza aa kà. Dị ọ mẹ ọda ka ọnọrụ ọzọza ọ̀ọ mẹ ọda tụra irehi anị dị ọzọza ọ̀ nyị aza anị.

Ẹsịta 10:1

Ahasẹrọsị ohinọyị ộ dà ẹkẹhi irehi yị avaba aza ene hi ẹtẹ anị, beri anẹkụra nịnị ene hi utenyi.

Ịdanịyẹrị 4:1

Ẹkụhị ọnya, dị Ohinọyị Inebukadineza maanị tụ́ ụtụ ọnọnị hi avaba anẹhẹ nị. Ẹkụra ọzọza ọ sị tụ ụtụ hi wa nị.

Ịdanịyẹrị 6:1

Ẹkụhị ọnya, ohinọyị Ịdarịyọsị ộ nyị aza ẹnị ẹchẹhị tụra oohu ka ẹ̀ vị Ịgọvọnọ ene vee pe ọnị sị eyi pe avaba ẹtẹ ọnị ọnị aa mẹ ịjọva anị.

Ịdanịyẹrị 6:25

Ohinọyị ộ chẹrẹ iwe tu hi avaba Anịrẹsụ ẹtẹ nị. Dị ọ kụ wa nị.